<<خطيبي فشلني وطلب مني العنايه بنفسي >>

[Mo9a7iya]

اب اب

 

[(كويتيه عسل)]

صج ماتستحي على هالحجي

 

[ام دونه]

اب لعيونج
البنات ماقصرو

 

[غنج اهلها]

يا حبيبتي أسألي عن أفضل دكتوره وروحي عندها خوذي جلساااات تنضيف تقشير وعنايه وخليها تعطيك كريمات واستمري معها لين ماتشوفي نتيجه والله يوفقك حبيبتي

انامعاها اذا تبين نتيجه سريعه

مع انها موحيل سريعه لانها تعتمد علي جلسات باسابيع وشهورهالعيادات

بس تعتبر اسرررع من الطبيعي بوووووايد

الطبيعي ببدايه الاستخدام يبين نظافه اكثر من النتيجه اللي بخاطرج توصلين لها

من بياض وتوحيد وهالشغلات كلها

وربي يوفقج حبيبتي

 

[>الحنان كله<]

تبين الصراحه اهله قليلين ذووووووق
الله يعينج عليهم من الحين

 

[ملكة الغيد]

اللي هذا اوله ينعاف تاليه ​

 

[LoLaTi]

شوفي اذا انتي كنتي سمره مستحيل فيه خلطات تخليج تصيرين ثلجه راح يتوحد لونج ويفتج اي اما تصيرين ثلجه لا لحد يقص عليج الا اذا كنتي بيضه وبقولج شنو الي راح يفيدج ولازم تستمرين عليه :
1- اول شي سويلج حمام مغربي مرة بالاسبوع يا انج تسوينه بالصالون او تييبين لج وحده تسويه لج بالبيت بس المهم انه لازم يكون كل اسبوع .
2- سوي تنظيف بشره بعياده
3- بعد الشور حطي مرطب على كامل جسمج حطي فازلين زبدة الككاو عجييييييييييب او اللي لونه ابيض بدون عطر هذا وايد زين بعد الحمام المغربي مايحسس الجسم او اي لوشن يعجبج بس هذولي انا مجربتهم وايد زينين
4- بالنسبه حق شعرج اذا كان تعبان قصي منه واهتمي فيه حطي له زيت جوز الهند او زيت اللوز حلو وخفيف على الشعر
5- كل ما شفتي روحج فاضيه حطي على جسمج زيت جلسرين وزيت اللوز خلطيهم مع بعض وحطي قبل الشور ساعه او ساعتين المده اللي تعجبج يعني
وبس هذا اللي عندي سوي هالجم خطوة الي كتبتهم لج وبتشوفين نتيجه تسرج انشالله بس اهم شي انج تستمرين ويااااااااااااارب تطلعين احلى وحده بالعرس وتصكين على البنات كلهم :eh_s(17):

 

[hah-129]

روحي الجلدية قوليلهوم اب كريم ترطيب حق البشرة راح يعطونج صغير قوليلهوم ابي الكبير

 

[مس روووج]

ماعليك منهم اهم شي ثقتك بنفسك

اذا ماحصل هو يجيك الي افضل منه

خلقت الله مافي احلا منها

 

[شـاهـه]

عندج خلطه صابونيه من مزيونه وشقره للجسم بياض ونعومه وتوحيد لون وهذا رقمها 99835373

واذا خلصتي من الشاور عندج من العطار لوشن فيتامين c حطي على جسمج كله

الصبح اذا رحتي الدوام حطي حمايه من الشمس

واذا رجعتي من الدوام سوي سنفره للوجه عادي استخدمي اي سنفره

 

[أورااااااد]

الله يعينج عليهم
بس يبيلج عناية ابتديها من اليوم
واهم شي مثل ماقالوا الخوات ثقتج بنفسج
الثقة مهمة لان اذا انتي ما تقتنعين باللي عندج عمرج ما تقنعين الناس باللي يشوفونه
عشان جذي خلي جمالج خارجي بالعناية المكثفة .. والجمال الداخلي بالثقة والنفس الحلوة والمرح
راح ينعكس على الخارج وراح تغيريون نظرات الناس لج بشكل كبير

الله يوفقج

 

[الفنانة]

الله يوفقج يارب ويرزق كل وحده الي تبيه

 

[بنت خير]

انا بقترح عليج تعديل بس من نوع ثاني هاااااا لاتزعلين
الاخ خطيبج واهله يبون وحدة يكشخووون فبها مو بنت اجاويد وام لعيالهم
عشان جذيه اسمعيني يااختي اهتمي بنفسج لج مو لاحد يعني غيري شخصيتج لانها مهزوزة واعتقد ان هالناس مايناسبونج اذا في وقت ابعدي عنه والله يرزقج بواحد ابرك منه راح يتعبج بعد الزواج حييييييييييييييل صدقيني
الله يكتب لج اللي فيه الخير

 

[سلطة]

والله إذا مو مقتنع فيج خل يولي الله يعوضج بأحسن منه

 

[مرآسيـــم]

حبيبتي اهم شي التغذية التغذية

الفواكه والخضار اهم شي عصير البرتقال بالصبح يوميا

وشرب الماي والتمر وتخلصي السموم من جسمج

عقب ابتدي بالخلطات والماسكات عشان الجسم يتقبله ويبين نتيجته علطووول وبشكل سريع​

 

[شذونه]

اول شي ضغطي ارتفع الحين هاذا كلام ينقال خلها تعتني بنفسهاا؟؟
اقول واضح من خواته واومه انهم عوب الله لايبلاناا واستخيررري واهتمي بنفسك لنفسسك
مالت عليييه وعلى خواته فوقه>>> انقهررت

 

[شقاوة هداوي]

ياختي ور بي مثلك ويمكن زود بالافخااااذ السود والكب
بس الحمدلله على كل حال وربي من همها منظري ساار شاااحب واسود كله من التفكير
اسال الله العظيم رب العرش العظيم ان يوحد المناطق عندي وعندك وعند البنات
امنوووووووووووووووووووو يابنات اميييييييييييييييييييييييييييين

 

[ميني كويتيه]

يا بعد قلبي انتي ليش انهزاميه جذي وراضيه يهزؤن فيج ؟
عموما انتي دشي القسم هني مال العنايه بالبشره والشعر واختاريلج نظام ولا دشي حمله
واعتني بنفسج ..
وااي اصلا احلا شي انج تهتمين بنفسج وتحسين انج صججج انثى
,
والبنات ماقصرو يلا عاد سمعي كلامهم وطبقي
واهم شي العنايه الداخليه اهتمي باكلج واكلي اكل صحي
وو بس
بالتوفييييق حبيبتي

 

[مفعمه بالحيويه]

بس شنهي مشاااكلج بالظبط ؟؟

ما نعرف شننهي مشاكلج .. عشاان نفيدج حبيبتي


والله يجملك بعيون زوجج يارب وتكونين قداامه ملكة جمااال فعيونه

......... والباقي طز فيهم صراحه ارفعو ضعطي