جاوبوني تكفون ياالسعودياات

[الحلوة69]

ابي اسالكم جم راتب المدرسه السعوديه وجم صار بعد الزياده الله يوفق اللي ترد علي

 

[الحلوة69]

افا ولا وحده ردت ليش الله يسمحكم ماهقيتها منكم

 

[الحلوة69]

مو لهدرجه عاد اي وحده ترد طيب جبر خاطر حتى لو ترفع الموضوع سؤالي مولهدرجه صعب ولا محرج سؤااااااااااااال عااااااااااااااااااااااااااااااااااااادي جدا

 

[كل شيء عادي]

550 + 10 كل سنه

 

[هوى روحي]

أولا السلام عليكم ورحمة الله وبركاته
الجواب قالته اختي اللي فوقي: كل شي عادي 550 + 10 كل سنه
بس بالنسبة للزيادة مو للسعوديات ولا لهم شغل فيها
هذي لخواتنا الكويتيات وعسى ربي يزيد خيرهم
بس ودي اقول شغله بدون زعل يا صاحبة الموضوع والحكي مو شرط لج بس لأي وحده توظفت من الخليجيات او حتى خواتنا العربيات
لازم الواحد يتحمد الله على النعم اللي عايشها
واهمها نعمة الصحة
ونعمة المحبة
ثم نعمة الرزق الحلال

 

[الحلوة69]

طيب يااخت هوى روحي انا وش قلت وانا حامده ربي وشاكرته وترى كله سؤال والكويتيات الله يهنيهم ويرزقهم محد قايل شي بس شكلك قاريه موضوع ثاني ومتاثره فيه الله يهديك بس

 

[ريشة العازف]

ع حسب فديتك ..في مدرسات ابتدائي راتبها 15 الف ومديرة ثانوي 12 الف ع حسب متى تعينت .....بس الان والله مالي علم لان انا طالبه ومالي احد بالسلك التعليمي ....

سبحان وبحمده سبحان الله العظيم

 

[ميشووو]

اب اب اب لعيونك

 

[جالكسية بونتي]

ياهوى روحي ترى الاخت الحلوة سالت سؤال بس ماقالت شي
وجاوبيها على قدالسؤال وهي شايفة خير ولله الحمد
سوى هي ولى غيرها من الخليجيات
ويعطيج العافية
​

 

[ضايعه بينهم]

أولا السلام عليكم ورحمة الله وبركاته
الجواب قالته اختي اللي فوقي: كل شي عادي 550 + 10 كل سنه
بس بالنسبة للزيادة مو للسعوديات ولا لهم شغل فيها
هذي لخواتنا الكويتيات وعسى ربي يزيد خيرهم
بس ودي اقول شغله بدون زعل يا صاحبة الموضوع والحكي مو شرط لج بس لأي وحده توظفت من الخليجيات او حتى خواتنا العربيات
لازم الواحد يتحمد الله على النعم اللي عايشها
واهمها نعمة الصحة
ونعمة المحبة
ثم نعمة الرزق الحلال

سؤال بس؟

ليش العنصريه يا اختي ترى السعوديه شايفه خير ولما توظفت بالكويت قدرها ونصيبها ورزقها لما تزوجت كويتي هل يعني مثلا تتوظف بالسعوديه وتشطف زوجها وعيالها!!!!!!!!!!

وثانيا بلا تحسس زايد لا انذكرت السعوديه وما احد احسن من احد
ولو الرزق بيدج وبيد العباد كان هلك الكون بسبب الحسد والكراهيه

اتمنى تقبلين الرد بدون زعل لانج كتبتي بيدج ولازم تتقبلين رد غيرج

 

[جيتك تعال]

حيااك الله حبيبتي ...

راتب الخليجية 550 دينار + الكادر لو تم اقراره " ولكن بنسبة ما عندي معلومة عنها كم "

ورب العالمين مقسم الارزاق ومحد ياخذ رزق احد والله يهني الكل باجره وتعبه

 

[لمى...]

افادوج البنات والله يرزق الجميع ان شاء الله

 

[هوى روحي]

ياليتكم منتبهين ان الحكي مو لصاحبة الموضوع
يعني يا الحلوة69 الحكي مولج وانا قلتلج نفس كلام اختي كل شي عادي550 +10
وفعلن شايفه موضوع عن الحسد يادافع البلا بس وربي ماقصدت احد اهني وكلامي ليش أثاركم يابنات شفيكم تبون الشاره بس أحد يقول النعمه والصحة كلن مولم لسانه أقصد أصابعه

 

[هوى روحي]

أختي ضايعه بينهم شجاب طاري العنصريه بالله عليج؟
الحين لو اني كويتيه قولي عنصريه!
وانا سعوديه واللي مقعدني فيها اني ولدت بها وربيت فيها وامي فيها مقدر اروح للسعوديه وتزوجت فيها شكو العنصريه؟
اتمنى تقبلين الرد بدون زعل لانج كتبتي بيدج ولازم تتقبلين رد غيرج

لا ماني زعلانه أنا كتب رد بالاول وهو جواب لسؤال اختي الحلوة69 وقلت نفس كلام الاخت 550+10 وبعدين كتبت كلام بعيد عن صاحبة الموضوع
سامحيني يا الحلوة وآسفه الناس ماعادت ناس ولاتوسع صدورها

 

[لمى...]

ايه انا مستغربة من العضوات هني هالمنتدى غريب كلن يخز الثاني وناطر منه الشاره عشان يطلق العنان لقلمه

بكلام مامنه فايدة غير رمي الحسنات......................

انا بصراحة ماأشوف الأخت قالت شي غلط بالعكس وبعدين تعوذوا من ابليس وبلاش تقدمون دائما سوء الظن بالآخرين

حاولو تقدمون النية الحسنة وبجذي تصفا النفوس وترتاح ومايصير في حقد ولا قيل وقال..............

الله يهدي الجميع ان شاء الله ويرزقهم الرزق الحلال الطيب ويبعدهم عن سوء الظن .........

 

[هوى روحي]

الله شاهد علي أن أنظلمت مرتين في حياتي مره من وحده برى المنتدى
وربي جازاها على قد نيتها اعوذبالله اللهم لاشماته
والمره الثانيه رد اختي "ضايعه بينهم"ولا راح ادعي عليج
لأنج أختي وما تعمدتي بهالظلم اللي رميته علي<<لأن الظلم ظلمات
بقول حسبي الله ونعم الوكيل وان شاءالله موعليج
على كل ظلمني وهو عارف هوى روحي بشخصها

 

[-بنت السعوديه-]

يابنات تعوذوا من الشيطان ماصار الا كل خير

وسؤال الأخت عن الكادر يشمل الكادر الكويتية والخليجية بموجب قانون المسااواه

واليوم نزل خبر أن الكادر راح يصدر القرار خلال اليومين ويصرف للمعلم الكويتي والخليجي..

يصرف لـ 39 ألف معلم كويتي وخليجي العتيبي لـ «الراي»: كادر المعلمين يصدر بقرار وزاري خلال يومين

| كتب نواف نايف وأنور الفكر | أكد رئيس جمعية المعلمين متعب العتيبي في تصريح لـ «الراي»انه «سيتم اعتماد كادر المعلمين خلال اليومين المقبلين بقرار وزاري استباقا لمناقشته في المداولة الثانية»، مشيرا الى ان الزيادة «باتت قريبة جدا للمعلمين في الجدولين الاول والثاني واللذين نتمسك بهما ولن نتناقش بعد ذلك لكون الجميع متفقا على انهما مستحقان تماما للمعلمين الذين يحملون على عاتقهم رسالة كبيرة». وكشفت مصادر تربوية رفيعة المستوى عن اجتماع جمع وزير التربية وزير التعليم العالي احمد المليفي وجمعية المعلمين مع ديوان الخدمة المدنية لمناقشة كادر المعلمين الذي تقدمت به الجمعية. وقالت المصادر ان جمعية المعلمين ذكرت ان الكادر يشمل 29الف معلم ومعلمة بينما اكد ديوان الخدمة المدنية ان عدد المستحقين للكادر في حال اقرارة هو 43الف معلم ومعلمة مسجلين في الديوان،مشيرة الى انه بعد التدقيق تبين ان الـ 43 الف معلم ومعلمة متقاعدون! واضافت المصادر «ان ديوان الخدمة المدنية وبعد اجراء تحديث للكشوف تم الاتفاق على ان من سيشملهم الكادر هم 39الف معلم ومعلمة من الكويتيين والخليجيين». واشارت المصادر الى ان جمعية المعلمين بعد ان اطلعت على كشوف الاعداد الصحيحة تنازلت عن الجدول الثالث الذي تقدمت به والذي يشمل علاوة الاعمال الممتازة واصحاب الشهادات العليا حملة الدكتورة والماجستير ومكافأة نهاية الخدمة،واكتفت بالجدولين الاول والثاني اللذين يشملان علاوة المعلمين والوظائف الاشرافية.

 

[جيتك تعال]

اذكروو الله " لا اله الا الله "

 

[توتي فروتـي]

وسعوا صدوركم حبايبي ما صار الا الخير .,
........

 

[الحلوة69]

يااخت هوى روحي مو لهدرجه ماتوصل للظلم محد ظلمك انا ساالت سؤال وربي شاهد علي اني ساالته كذا من باب الفضول وودي اعرف كم المعاشات هناك وانتي الله يهديك ردك مدري وشلون كان كانك تردين على موضوع ثاني شككتيني بنفسي قعدت اقول انا وش كاتبه كله سؤال ع العموم الله يهدي الجمييييع وماصار شي