بــــس !! وبعدين معاهم @@ !!

[ابعلن جنوني]

..
..
..
..


مرحبا كويتيات !!
انا رفيجة ( ابعلن جنوني )
يعني مو صاحبة النك



المهم
بقولكم مشكلتي
انا توني عروس عرسي كان قبل اسبوع


حمواتي :bbbiu:
تخيلو بنات كل مانزلت استلمتني وحده منهم
اهما متزوجات بس وحده مطلقه

بقولكم مثال
ثاني يوم لي نزلت !!
جان تقولي المطلقه
فلانه عدلي شكلج بالمنظره ملفعج مادري شلون صاير
انا تنحت !!
قلت شفيني ؟
رحت شفت المرايه وربي يابنات عدل ومرتب ماكو شي !
من غير غرور بس وربي انا حلوه بشهادة الكل مافيني شي انسانه عاديه
والثانيه تقولي امس
طلعي قذله من الملفع نزليها على ويهج مو حلو جذي مع اني كنت مطلعه وشكل ملفعي حلوو
تخيلو قالت جذي عند خالات زوجي
انحححرجت وانا توني عروس !!
يعني حتى الميانه ماطاااحت :rgewrg:
احس ماعندهم ذوق :eh_s(16):
بس وربي ماتحجيت عند زوجي ولا رديت عليهم ابتسم واسكت
عقب قلت لو تحجو مره ثانيه ماني ساكته
انا مو ياهل كل مانزلت عدلو لي شي وكل شي مو عاجبهم
ويدققون لما البس واللي تعلق على مكياجي واللي مادري شتقول
شدعوه !!
مع العلم انا اول جنه عندهم
يضايقوني بتصرفاتهم ماودي تكون بينا مشاكل
اوك انا اعتبرهم خواتي وعلى عيني وراسي لو فيني لو لو انا قلت لووو فيني
شي غلط او بشكلي تيي تقول بيني وبينها مو تحرجني
بنات والله انزل لهم كااشخه وشكلي حلو ومكياجي حلو حيل انا اشوف نفسي ومقتنعه
بس مادري ليش يسوون هالسوالف !!
شسوي معاهم

 

[Laidy n3ooma]

الله يعينج .. لاتحتكين فيهم وايد .. واذا حد علق قولي عاجبني جذي بس باسلوب حلو

 

[مجنونة قيس]

طنش تعش تنتعش

 

[ام الدرر]

حبوبة يمكن لانهم اكبر سنا
وزين سويتي ما دخلتي زوجج بالموضوع
والاحسن بعد انج ماتردين
اذا قالو او علقو ابتسمي او قولي ان شاءالله وطنشي
ياقلبي لا تجيبين المشاكل لنفسج وعوار الراس وانتي توج عروس
فترة وتعدي مردهم بيملون​

 

[كويتية222]

طيب دامج واثقة من نفسج وماتبين مشاكل اذا قعدتوا بروحكم قولي لها بليززززززز فلانة اذا شفتي شي مو حلو علي تعالي قوليلي بيني وبينج

او طنشي ملاحظاااتهم يمكن مايقصدوووون شي

 

[الغاليه ام احمد]

طنش تعش تنتعش

 

[!الجادل الصعب!]

يمكن قصدهم يبون لج الاحسن .. من كلامج حسيت انهم آكبر منج ..
آعتبريهم خوآتج وطنشي هالسوآلف ..
وطبعآ مآتقولين له .. توج شهر مآكملتي .. بتبدين سآلفه خوآتك و آهلك قآلو ..
مو حلوه بحقج ترآ ..!

 

[عجمانيه]

عادي قولي بكل ثقه وبابتسامه عريضه "انا اشوف ان شكلي حلو وعاجبني جيه" طبعا بطريقه ذربه
واذا تموا يتفلسفون هذا يليق وهذا مايليق قولي بالعكس هالشي اكثر يليق علي ,,,,

المهم انج تبدين رايج بانج مقتنعه بشكلج باسلوب ذرب وراقي عشان ماتخسرينهم

 

[حشمه]

خلج واثقه من نفسج ولي قالو لي

رد قولي واثقه من لفتي او واثقه

ان مكياجي زين ماله داعي اعدل فيه شي

باسلوب حلو او حتى على ضحك

 

[حلا vip]

مادري يبيلج وقت علشان تفهمين قصدهم اخاف على نياتهم بس كل ماقالوا جذي شلون تردين مثلا قولي شفيه ملفعي عادي مافي شي بس بأسلوب حلو مو تبينين انج متضايقه وعادي خليج عادي لما مع الوقت تفهمين قصدهم ولو انه طريقتهم موحلوه بس شتسوين لازم تكسبينه موتخسرينهم عموما مثل ماقلتلج يبيلج وقت لإن اسبوع موكافي انج تفهمين قصدهم وومبروووك والله يوفقج

 

[brettey]

خلي ردج دايما :انا عاجبني شكلي
واصري على هالكلمه

 

[Sweetq8]

تبين تفتكين من المشاكل

خلي لج رد واحد

باي شي ينتقدونج فيه

عاجبني و مقتنعه فيه وبسسسيس

لا تعورين راسج ولا راسهم

بلا انا كنت مطلعه ولا انا مادري شنو

لاتعورين راسج حبيبتي

 

[انا لحبيبي .]

الله يهدي الحال بينكم ويصلحو يارب العالمين ،،

وشاطره حبيبتي ماتدخلي زوجك بهالمواضيع ابدا

 

[ابعلن جنوني]

مشكووورين كل اللي رود

ولا تخافون انا مستحيييل اقول لزوجي لو مهما صااار
حتى لو سبوني ما اقول له انا مو جاهل

وكلامكم ريحني
فديتكم

 

[ابدا يالغالي مانساك]

حبيبتي
سوالف الحموات ماااااااتخلص المهم داااااااامج واثقه من نفسج لاتهزين نفسج جدامهم
وتروحين للممنضره
وتسوين ملفعج
وتدرين لاتكلموا طالعيهم بباتسااااامه وحقررريهم
وطنشيهم وخلي علاقتج سطحيه ويااااااااااهم
وعجبتيني لما ماقلتي لزوجج
وربي يوفقج وتوج عروس استانسي ويا زوجج
ولاتعكري حياتج
علي احد مايستااااهل
بالتوفيق وتيسير الامور

 

[ماني من الناس]

انتي الحين طنشيهم بما انج عروس جديده يعني

لا تعليق (مع ابتسامه ثقه )


ومع مرور الوقت بتعرفين شلون مايتهم يعني اهم على طول جذيه ولا بس ملاحظات

واذا استمروا جذيه قوليلهم بكل بساطه هذا ستايلي وبس

 

[زعنوفه]

وسعي صدرج حبيبتي ممكن تكون غيره منهم وهم ممكن يكونون يعتقدون انهم بارينج يعني يبولج الزين انتي اذا تتضايقين من تعليقاتهم بدون ما يصير زعل بينج وبينهم اذا علقت وحد منهم على مكياجج قوليلها اي انا احب احطه جذيه او اذا قالت ليش حجابج جذيه قوليلها انا متعمده مسويته جذيه يعني سكتيهم بس بادب وعقبها راح يفهمون انج مو محتاجه تعليقهم
والله يوفقج حبوبه​

 

[حلا vip]

مادري يبيلج وقت علشان تفهمين قصدهم اخاف على نياتهم بس كل ماقالوا جذي شلون تردين مثلا قولي شفيه ملفعي عادي مافي شي بس بأسلوب حلو مو تبينين انج متضايقه وعادي خليج عادي لما مع الوقت تفهمين قصدهم ولو انه طريقتهم موحلوه بس شتسوين لازم تكسبينه موتخسرينهم عموما مثل ماقلتلج يبيلج وقت لإن اسبوع موكافي انج تفهمين قصدهم وومبروووك والله يوفقج

 

[G!RLooNa]

مادري عادي طاف عشان قالولج عدلي لفتج و طلعي قذلتج

و برا الموضوع ترا مو حلو تطلعين قذلتج برا اللفه في كلمه تنقال عن البنات اللي يسوون جذي مو كلمه وصخه بس طنازه ..

 

[شندوخه]

استغربت من شغله انتي توج عروس ومن كلامج يمعه حريم خالات زوجج وخواته ليش ماتقطين ملفعج ؟؟
يمكن هذا قصدهم لم قالولج عن ملفعج ؟