بــــس !! وبعدين معاهم @@ !!

[ابعلن جنوني]

مادري عادي طاف عشان قالولج عدلي لفتج و طلعي قذلتج

و برا الموضوع ترا مو حلو تطلعين قذلتج برا اللفه في كلمه تنقال عن البنات اللي يسوون جذي مو كلمه وصخه بس طنازه ..

ياليت تردين على قد الموضوع لاني مو ناقصه احد ثاني يعلق !!

ماطلبت راي احد
انا البس الملفع الخفييف واطلع بف وقذله
وانا فاهمه شنو بتقولين
ياليت تردين على الموضوع او خلاص بلاها رد !!
استغفرالله واتوب اليه

 

[ابعلن جنوني]

استغربت من شغله انتي توج عروس ومن كلامج يمعه حريم خالات زوجج وخواته ليش ماتقطين ملفعج ؟؟
يمكن هذا قصدهم لم قالولج عن ملفعج ؟

احنا بدو حبيبتي لازم نلبس حمويني ينزلون والغدا معاهم مو حلوه اقط

 

[super model]

الله يعينا نفس حالتج والله

 

[مارياq8]

عطيهم طااااف

 

[FeShinGoOo]

لاتعطينها ويه

يعني اذا قالتلج قذلتج قوليلها انا احبها جذي ولفي ويهج عنها كملي سوالفج

واذا قالتلج ملفعج قوليلها اوكي بعدين وحقريهااا

يعني لاتعبرينها بالاصح .. وثاني شغله لاتدخلين ريلج بهالسوالف اولشي بيقول توها عروس وبدت تتشكى من خواتي
ثاني شي بيقول قصدهم ينصحونج وبيطلعج انتي ام النيه الموزينه
ثالث شي مهما كان هذيل خواته وبيحن قلبه عليهم اكثر من انتي توج عروس

صدقيني اغلب الحريم لما يدخلون رياييلهم يتحسفون وانا منهم .. ااتحسفت قد شعر راسي اول شي صف معاي بس بعدين قام يعايرني وانتي فيج ظن السوء وشايله على خواتي ..الخ من هالحجي الي يغث بدال لا يريح

 

[سنااااي]

احسني الظنتي عشان انتي اتتعبين ..... ولاتدخلين زوجج هذي ات حريم قذله ما قذلـــــه بتعيشين بسلاااااااااااااام طنشي طنشي وطاف........ لاتفعين موضوع عشان ماتذكرين السالفه والله يةفقج ويتمم عليج....

 

[شموسة كيوت]

واااي حبيبتي الله يعينك

انا يتصلون فيني خالتي تتصل تقول فلانة اليوم شنو بتلبسين ؟؟وشلون مكياجك بتحطينة.؟.

وكل ماصارت عدهم عزيمة انتظر تلفونهم والله مليت منهم بجد؟؟

تخيلي حتى اذا قلت لها بلبس اللبس الفلاني اذا عجبها تقول اوكي اذا ماعجبها تقول لالا لبس ذاك اللبس وتوصفه لي

احس اني مقيدة..بس مو دائم اسمع كلامها حتى ماصير جني طرطور هي تقول وانا اقولها سم..هذه شخصيتي وانا حرة

 

[مـعـجـبـة]

ignore them

ولين حاجوج عن لفتج مثلا ، قوليلهم انا جذي الفها

أو من الآخر عطيهم : مابي اعدلها عاجبتني جذي

 

[خشف العذارى]

حياتي ردي عليهم لا تسكتين شرط ما راح يغثونج
عشان يحسبولج الف حساب

 

[*ريما*]

احسن حل
طنشي

 

[اشتياق]

والله حتى لو طايحه الميانه
وحتى لو شكلج غلط
هم مو حلوه يعلقون!!

 

[Vous jamais]

طنشيهم وبس ..

 

[• JoJo •]

الله يعينك

طنشي قلبي ولا تحتكين كثير اهم شي واثقه بنفسك وزوجك راضي عنك بكل ما فيك

 

[PuPa^^SWeeT]

عادي اتصير ساعات انه الحموات يبووون يقولوولج سوي جذي و جذي

وانتي بطلعج اتقولين احبه جذي ولا انا متعمدة جذي


اذا رفيجاتي عادي يقولوولي جذي فا اتمشينها

خوات ريلج و كبار عديهم حسبة خالاتج يبون لج الخير بس من نظرتهم

انتي باسلوب هادي انا احبه جذي

 

[BomCHekaWawa]

اذا قالتلج عدلي ملفعج ، طلعي قذلتج ، عدلي الكحل ولا الحمره ..
روحي حق المنظرة و قولي عدلين مافيهم شي !!
و قعدي و ابد لا تهتمين فيهم و لا باللي يقولونه !
طلعي عند الناس انج انتي السنعه و خل يطلعون هبالهم اهما عند الناس ..
يقولج حامد زيد احسن دوا للي يحاول يستفزك انك تحقره !

 

[الملكهA]

انا اشوف ان كلامهم عادي

من هالموقفين

عادي يعني شنو فيها اذا قالتلج ضبطي شكلج
او عن القذله

بس في ناس ما يعجبهم احد يكلمهم جذي

خصوصا اذا كانوا مقتنعين بشكلهم

احسن حل

سكبي فيهم

وبردي وييههم

وطاف لا تتكلمين جنج ماسمعتي شي
بس عطيهم نظره اللي جنج تقوولين فيها نعممم
مع رفعة حاجب
وبث

مره مرتين وبيسكتون

عندنا وحده جذي تخيلي محد يتجرا عليها

لانها دايما تفشل اللي يكلمها مو نفسنا اذا فشلونا نسكت

وربي ما نتجرا نعلق عليها بحرف ولا حتى بنظرة

 

[زوجة عزيز]

حبيبتي
سوالف الحموات ماااااااتخلص المهم داااااااامج واثقه من نفسج لاتهزين نفسج جدامهم
وتروحين للممنضره
وتسوين ملفعج
وتدرين لاتكلموا طالعيهم بباتسااااامه وحقررريهم
وطنشيهم وخلي علاقتج سطحيه ويااااااااااهم
وعجبتيني لما ماقلتي لزوجج
وربي يوفقج وتوج عروس استانسي ويا زوجج
ولاتعكري حياتج
علي احد مايستااااهل
بالتوفيق وتيسير الامور

انا معا ابوده حبيبتي والف الف الف مبروك الزواج الله يهنيج ان شاء الله :eh_s(17)::eh_s(17)::eh_s(17)::eh_s(17):

 

[نونه المنكوشه]

الله يعينج بس التطنيش حلووووو

 

[سارة ة]

طاااااااااااااااااااف

 

[pusy cat]

طنشي ولا تسمعين كلامهم

اذا قالولج طلعي قذله قولي وع شخباري سوالف الهيلق

واذا قالتلج عدلي الكحله قولي انا احبها جذي

خلج واثقه من نفسج اذا قالولج غيري هالشي قولي انا احب جذي وتطنزي علا ذوقهم

لا تغيرين بنفسج شي والا ترا بيدوسون علا راسج ان شافوج ماعندج شخصيه *