فزعتكم يا بنات الكويت لبى قلوبكم دشوا

[بنك الزين]

السلام عليكم


بنات الكووويت فديتكم انا اختكم من الرياض جاية بكره ان شاء الله الكويت

ابي اروح للعربيد يمدحون الجلابيات فيه ابي اسالكم كيف الدراريع في العربيد

وهل فيه جاهز لان انا ابي اجي يومين وارجع ابي جاهزة الجلابيات وكيف الاسعار في العربيد

وهل فيه سوق غير العربيد اسعاره حلوة وجاهزة

وماعليكم امرررررررررر ابي وصف للعربيد


الله يسعدكم طولت عليكم بس وربي متعنيه وجايه وابي جلابيات حلووة وكشخه من عندكم

 

[بنك الزين]

بليززززززززز ردوا علي ما فيه ووقت بكره مسافره

 

[SkyPink]

حالتك مثل حالتي..بس انا ابي احد يوصلي مو انا بروح...ان شاء الله بنات يساعدونك..لو اني اعرف ساعدتك..
بس في موضوع شفته كان قمه بصراحه..في وحده لقت جلابيكات فخمه وبسعار معقوله..اعتقد قالت بالبلوكات شي زي كذاا..
وكمان في موضوع عن مصممه اسمها دعاء تقريبا جلبياتها روعه..
ان شاء الله البنات يفيدونك ..

 

[ام يوسف الكويت]

العربيد
العربيد امممممممم ناسيه مكانه بالضبط

سلمج الله اهوا بالفروانيه يم الحمراء مول
انا ما ادري انتي من اي جهه راح تدخلين للفروانيه عشان ادليج واوصفلج المكان عدل


عموما اهو بشارع البنوك اللي بالفروانيه صوب بنك التمويل والخليج وبوبيان اهناك اتلاقين العربيد والحمرا مول

وحياج تنورين الكويت حبيبتي

 

[<miss botamba>]

العربيد موجود بالفروانيه جنب جمعيه الفروانيه التعاونيه

الدراريع الي عنده انا مايعجبوني وايد يعني من ٢٠ محل ٤ الزينين

انا لمن اروح ما اشتري منهم اخليهم يطرزون النقشه الي انا ابيها و الموديل من عندي

 

[{الجارحه}]

حياج الله بديرتج الثانيه

حبيبتي العربيد اذا رحتيله ماراح تندمين ان شاءالله وهو بيكفيج عن البلوكات لنه اغلى منه

حاليا روووووعه حتى المشاغل صارو يخيطون عنده ويبعون بالغالي

احنا هني بالكويت قليل نخيط عنده لنه كل جماعتنا بيعرفون انه من العربيد بس بالنسبه لج سعوديه بتكونين مميزه هناك

اي سؤال بخصوص اسواق الكويت دزيلي عالخاص وراح افيدج باللي اقدرعليه ان شاءالله

 

[{الجارحه}]

العربيد
العربيد امممممممم ناسيه مكانه بالضبط

سلمج الله اهوا بالفروانيه يم الحمراء مول
انا ما ادري انتي من اي جهه راح تدخلين للفروانيه عشان ادليج واوصفلج المكان عدل


عموما اهو بشارع البنوك اللي بالفروانيه صوب بنك التمويل والخليج وبوبيان اهناك اتلاقين العربيد والحمرا مول

وحياج تنورين الكويت حبيبتي

ام يوسف هي تقصد العربيد اللي فيه خياطين دراريع

اللي وصفتيه العربيد بلازا*

 

[القطه الجميله]

العربيد حلو ودراريعه كشخة وكل شهر يسوون موديلات جديدة وفي غالي ورخيص نفس البلوكات انصحج فصلي عندهم وفي ملابس تفصال ناس تشترينهم​

 

[ام الدرر]

ياهلا ومسهلا
البنات ماقصروا ​

 

[ام يوسف الكويت]

ام يوسف هي تقصد العربيد اللي فيه خياطين دراريع

اللي وصفتيه العربيد بلازا*

لوول عيل ماعرفه وزين انج دليتيها لا تروح عربيد بلازا وتدعي علي خخخخخخخ

 

[مـزآج ــــية]

اذا تبين بعد الدراعات القصار عندج البلوكات تصعدين فوق في محلات يبيعون جاهز و اذا تبين تفصلين هم اكو

 

[معلمة شيسمونه]

في يم العربيد مجمع ثاني اسمه راويه

دراريعه شوي احلى من العربيد وبعدين انتي قطي ثلاث ارباع الموديل مالهم

لانه مالينه شك شك شك من راسه لريوله شالسالفه ؟؟؟



واذا بتشترين من المجمع يا تطلعين الدور اللي فوق يا تنزلين اللي تحت

لانه اللي بالارضي وايد غالي اجاره اغلى رغم انه اللي فوق واللي تحت عندهم نفس الشي