نقص فيتامين (د) والجنس ضروري يامتزوجات سرر

[قطوه شماليه]

مرحبااا بنات انا عند اهلي صارلي فتره
وكنت مسويه فحوصات وطلعت النتيجه
وراح زوجي بروحه يشوف النتيجه ومارضى ياخذني طلع ان عندي نقص بفيتامين د النسبه الطبيعيه 20
وانا عندي تخيلووا 2ونص الدكتور يقول حيل ناقص
قلت لزوجي شنو ياثر عليه وهو يكلمني يقول الدكتور قالي ياثر ع القاء الجنسي
قلت وشنو قال بس قلت يعني شلون ياثر قال ماادري ماااادري شيقصد وزوجي فاقع جبدي احسه يتطنز مع انه ماقال شي بس منغثه منه
منوو فيها نقص الفيتامين الله يعافيكم
مع انه صج انا ما استانس وياه عفوا بووقت شيسمونه كلش كلش
تكفون بردوا جبدي والله محتررره
​

 

[ام الدرر]

حبوبة
انا عندي نقص فيتامين د
والحمدلله الوضع طبيعي
اذا حبيتي تتاكدين سوي بحث والاخ قوقل بيوضح لج كل شي ​

 

[lovely life]

والله ما عندي فكره
بس الله يفرج عنك وعن زوجك وتخبرينا الاخبار الزينه يارب

 

[الفدنه]

ماعندي فكره
سوي سيرج
والسالفه سهله
خل تحوشج الشمس وبس
يرتفع عندج ان شاء الله​

 

[الأميرة كيرارا]

ما أعتقد له علاقة
بس مثل ما قالت الفدنة تعرضي للشمس
أو إخذي حبوب من الصيدلية
و هو يأثر على العظام حبيبتي

 

[pusy cat]

مممممم ممكن يأثر ليش لا

عالعموم اخذي ابر وعوضي النقص

انا كان فيني نقص فيتامين د وخذيت ابر

 

[كويتية222]

منا للاخوات يفيدونا والعم قوقل ما يقصر

 

[بحر الذكريات]

الله يشفيج يارب

 

[أحبج يمه]

الله يعينج

آنا فيني النقص وبس يأثر عالعظام توني بادية آخذ له ابر والحمدلله ماكو الا العافية

وانتي روحي دكتوور ثاني وسأليه وإن شاء الله سهالات

 

[غيمه ظميانه]

أول مره اسمع انه يأثر عالجنس

اخافل زوجج يقط نغزات

 

[G!RLooNa]

ترا ٣/٤ الكويتيين فيهم نقص فيتامين دي

و عمري ما سمعت انه ياثر بس توه سويت سيرج في دراسات تقول ممكن يقلل افراز الهرمونات الجنسيه

 

[عنووشه]

ماله شغل

اسالي صيدلي احسن لج

 

[متفائله بلا حظ]

يمكن هو حاس انج مومرتاحه معاه بوقت الجماع ومايبي يحرجج وجته فرصه يقط نغزات
ويمكن كلامه صحيح
انتي اتصلي ع الدكتور او ابمختبر اللي حللتي عنده واسالي وشوفي شيقول لج
وماتشوفين شر

 

[ناتشوو]

الظاهر زوجج حب يضحك او ينكت معاج او حتى يمكن تكون نغزة لج ( فهميها عاد)

 

[Laidy n3ooma]

يمكن قاط نقزه

 

[ba6ah cute]

والله ماادري ياقلبي اول مرة اسمع انه له علاقة بهالااموور اللي اعرفه
انه ياثر على امتصاص الكالسيوم بجسمج
وماتشوفين شر

 

[اسواريه]

ماكو الا العافيه ان شاء الله لا تحاتين روحي للطبيب العظام واسأليه او بالتلفون
اقعدي بالشمس للمدة ربع ساعه وان شاء الله ترتفع النسبة اخذي ابر

 

[أحلى الألماس]

ماادري اول اسمع بالمعلومه هذي
وسهله عوضي بحبوب وتنحل
المشكله

 

[ايمان_22]

بالقياس العقلي :

ماعتقد يأثر لان اكثر شعوب الارض فقراء بالفيتامينات
ويمارسون حياتهم الزوجية بكل جمال وفن

 

[ناعمه و رزه]

بالقياس العقلي :

ماعتقد يأثر لان اكثر شعوب الارض فقراء بالفيتامينات
ويمارسون حياتهم الزوجية بكل جمال وفن

:eh_s(15)::eh_s(15)::eh_s(15)::eh_s(15):