يا بنات الحقوني تكفون ولدي....

[أحب الصدق وأعمل به]

بنات الحقوني حيل تعبت ونفسيتي صفر والله ولدي عمره سنه وشهرين تعبت معاه حيل ما ينام للحين ما تعدل نومه ذبحني سهر يوم ينام الساعه 2 يعني مبجر ويوم 4 الفجر يقعد 1 الظهر غصب ويرد ينام العصر ساعه تقريبا والفجر يالله ينام مليت وفقدت أعصابي والله مدري شسوي احترت معاه والله كل يوم هواش مع ريلي نفسيتي زفت حشاكم وانا توني والده وراح أداوم ومدري شسوي الله يخليكم لعيالكم عطوني حل خلاص انتهيت كارهه نفسي

 

[MissChoco]

يااعمري الحمدالله عالسلامه ..

شوفي انا خالتي كانت نفسج لا وزووود كانت بنتها ميننتها تنام 5 6 الفير مرات ماتروح الدوام والسبه مو نايمه
وطلعت شنو السالفه انه الخدامه تنوم البيبي لي العصر واهيا تشبع نوم فاكيد بليل ماتنام ,, انتي ولدج حاولي فيه ينام مبجر
و وصي الخدامه تقومه عالـ10 غصب ولا ينام كلششش الظهر بس هاليوم وخليه يدوخ وبينام بليل مبجر عال10 وخليه متى ماقعد قعد وخلاص

 

[أحب الصدق وأعمل به]

والله أنا انومه واقعده يعني الخدامه مالها شغل اهو ينام العصر واذا ما نام بجي للمغرب وينام يعني غصبن علي ينام بحاول فيه الله يسهل علي ومشكوره حبيبتي وربي يسلمج

 

[ام ناصر 80]

وانا بعد بنتي عمرها سنتين ساعات الله يهديها تنام مبجر وساعات تنام عل وحده ونص تلقين حلجي ينشق كثر ما اتثاوب
مع ان توامتها تنام مبجر ما تأذيني كثر اختها

 

[حشمه]

نومه العصر خليها نص ساعه بس لا غير

وكلما بنام حاولي تقعدينه حتى لو تغسلين ويهه

بماي يتعسر بس يريحج ينام بليل مبجر

 

[سوسن1980]

كل يوم حاولي تاخرين نومته ساعه وحدة لين يتعدل

 

[فلافل وبطاط]

حرااااام لا لا تحرمينه من نومة العصر لازم يرتاح
نص ساعه عالاقل..

روحي الطبيب يمكن يعطيج شي له دام تقولين ماينام بالليل بس نومة العصر
انا بنتي من صغيره معودتها على ماي غريب المستوصف لي ٦ شهور او ٧ تعدلت نومتها
يعني بالكثير اذا مستعسره علي تنام ٢

الله يخليه لج يارب ويسهل عليج
انزين تقولين توج والده ماتهقين يغار من البيبي ليش يشوفه يمكن بحضنج
عشان جذي ما ينام!!!

 

[ريماا]

نظمي نومة كثر ماتقدرين بتتعبين اول شي وبعدين بيتعود
يعني انتي اذا بتنومينا مبجر بالليل عشر او 11 لازم مايكووون نايم قبلها علي المغرب اخر نوومة لة الظهر وتكوون غفوة بو ساعة ونص بس

 

[توتاتوتا]

الله يساعدش أمر صعب الطفل الي ماينام

 

[أحب الصدق وأعمل به]

تسلمون علا الردود الله يخليكم لعيالكم يارب والله يهدي عيالنا

 

[حصة2009]

عندك ما ء الغريب جدا ممتا ز جربى

 

[0oR0R0 honeyo0]

قعديه مبجر يعني على الثمانيه خليه يتريق وبعدين يلعب لييين الغدا وبعده يريح شوي وينام ساعتين ثلاث وبعدها قعديه والعبي معاه اشغليه خليه يطالع تيفي ياكل بفك وعصاير او فواكه راح تلاقين الوقت يمر بسرعه وبعدها العشى راح تلاقيه تعبان يبي ينام نوميه على العشر ان شاءالله تتعدل نومته وترتاحين
وخلي بالك يمكن غيران من الياهل اليديد عسى يخليهم لكي ويخليلنا عيالنا يارب ..

 

[أحب الصدق وأعمل به]

امين يارب يخلينا لعيالنا ويحفظهم لنا ما اعتقد يغار لان قاعده اشيله والعب معاه ويطلع معاي بس اسم الله عليه عسر الله يهديه أنا عشان يمكن ينام للظهر بس اساسا اهو نائم الفجر والله حيل متوتره احس مو عايشه حياتي كله مع هاليهال من نقعد وانا جني نحله احس كبرت ميه سنه الله يحفظهم اليهال مسؤوليه انشالله بتبع نصائحكم والله يكون بالعون يزاكم الله خير *

 

[مالي خلق الدوام]

نفس ولدي ...

 

[ديانا سبنسر]

امس ولدي ابيه ينام نومني وهو مانام الله يعينا على تربيتهم ويصلحهم

 

[Q8NONA]

حاولي ما تخلينه ينام العصر الا عشر دقايق او ربع ساعه بالكثير
وعلى الساعه 10 خليه ينام
وطولي بالج تري الياهل فيه هالسن للحين ما تتعدل نومته مثل الكبار يبيله وقت
والله يخليهم لج

 

[~ ام خالد ~]

الله يخليه لكـ

جربي مثلاً تطلعينه عالساعه 7 تمشينه وتلعبينه لييييين يتعب بيرجع دااايخ
اكيد بينام على طول عاد وقتي جيتك عالساعه 10 او 9 وشوفي الوضع كيف ^_^

والله يكون بعون الجميع

 

[أحب الصدق وأعمل به]

المشكله اذا نام مبجر ساعه او نص ساعه يقعد بجي وصراخ اقرأ عليه ومستمر يقعد نص ساعه ويرجع ينام وهذه حالته الحمدلله علا كل حال الله يهدي عيالنا*

 

[noorq8]

حاولي ما تخلينه ينام العصر الا عشر دقايق او ربع ساعه بالكثير
وعلى الساعه 10 خليه ينام
وطولي بالج تري الياهل فيه هالسن للحين ما تتعدل نومته مثل الكبار يبيله وقت
والله يخليهم لج

كلامها سليم وحاولي عالساعه 9 أو 9,30حطين له حوض مال السبوح مال البيبي يلعب بالماي ساعه السباحه تهد حيله وتدوخه وعشيه عقبها عشوه تترس بطنه عيش وروب مثلا وابتعدي عن الكورن فليكس وبالذات اللي على عسل أو شكر أو كاكاو وقبل النوم لازم تتبعين بروتوكول معين يعني ماكو نشاط بدني ماكو أصوات عاليه وبباي أكشن تخففين الاضاءه حتى أصواتكم لازم هدوووووء عشان يعرف ان خلاص اليوم انتهى مو تلفزيون يلعلع وخدامه تنادونها وجهال يلعبون ويراكضون .

على فكره النوم الهادي والمبكر ينمي ذكاء الطفل

 

[الأمل الباسم]

الله يعينا صح والله يعينج انا ولدي كان نفس ولدج كان نهاري ليل وليلي نهار الله يهديه ولمن داومت وتعدلت نومته كان ينام عالثنتين بالليل وساعات الفجر لاتشوفين شلون اروح الدوام بنص عين :/

حاولت وتعبت لين عدلت نومته يعني 12 تقريبا قام ينام وهذا كان انجاز وشوي شوي اجدم ساعه من وقت نومته ومع رضعته الاخيرة احط فيها شوية ينسون عشان يدووخ ويناام خخ والحمدلله ياب نتيجه