لازانيا الخضار من دايت كير

[om mishaal]

انا بعد طايحتله دايت كير
في ستيك مع ماش بوتيتو مو طبيعي
برياني الدياي مو طبيييعيييييي والله
فهيتا دياي و فهيتا لحم تاكلنها تشبعين
لزانيا لحم عوار قلب
اتينن والله
و عندهم صمونة فلافل فيها 150 سعره اتينن بس صغيره وتشبع
والباجي ما جربت
حتى حلوهم والله وايد حلو

سندويش الفلافل باللبنة صج عجيبة
هي صغيرة لكن تشبع وريحة الاعشاب بالخبزة حلووة
وكلها 150 سعرة ولا شي
تسلمووووووووووووووووووووووون

 

[طـفولية]

دايت كير شركة معروفة ولها وزنها ..
والحين ما شاء الله موجودين بكل جمعية ..
اذا مو كشك يبيع يكون ثلاجة نفس الي بمركز سلطان
أكلهم صحي ولذييييذ .. وباذن الله الكلوريات مضبوووطة ..
اخذي راحتج انا جربت عندهم كلللل شي تقريبا .. ما عدى السمج لاني ما احبه ..
اللازانيا والبرياني والسندويجات والفطاير والكرواسون والسويت ..
وايد عجيب ..
وحتن عندهم بالكشكات سبشل اوردر يكون مو يومي ..
ستيكات واشياء حيل لذيذة ..
بالعافية على قلبج شهيتيني :**

 

[om mishaal]

تسلمين طفولية الله يعافيج
وين الاكشاك موجودة تقصدين مثل اللي بمركز سلطان السالمية؟
انا اشوفهم الصبح يطلعون بسياراتهم وعددهم كبير تحمل كراتين الوجبات من ريتز السالمية
فعلا اكلهم لا يعلى عليه اطيب من كل الشركات بالشكل والطعم

وين الاكشاك موجودة؟

بالعافية عليج

 

[CottonCandie]

السمج اينن توني متغدية منهم صج صج حلوو و خفيييف

 

[om mishaal]

ايه السمج اشوفه شكله يهبل واشتهي اشتريه لكن مشكلتي ما احب السمج ابد
اليوم رحت شريت لازانيا الخضار ما امل منها لو كل يوم آكلها يسوونها خفيفة ولذيذة
كل اكلهم لذيذ ماشاء الله
عليج بالعافية كوتون تسلمين

 

[عنيّد]

صمونة الفلافل باللبنه جربتها ، طبعا ريحة الفلافل بس لوووول
معروف ان الفلافل سعراته واااااااااااااايد لانه غايص بالدهن
لكن مع هذا طعمها كان حليو ، اشتهيتها والله يبيلي اروح اخذلي صمونتين ( المجموع 300 سعره) تصلح للغدا او العشا


وبالنسبه لأكشاكم فعلاً ماشالله بالفتره الأخيره لاحظتهم بوايد أماكن ، وانا ماخذه منهم المنيو يكون بمثل دفتر صغير فيه أكلهم وهذي افرعهم :
جمعية الفيحا - الخالدية - القادسية - الروضة - اليرموك - الزهرا - الضاحية ..... وحاطين الافتتاح قريباً في جمعية الرميثية - كيفان - ابوحليفة


طبعاً هذي الاكشاك ، اما بعض الاماكن تحصلونها بالثلاجات مثل جمعية الشامية ومركز سلطان ^ـ^

 

[Q8stylle]

up up

 

[om mishaal]

صمونة الفلافل باللبنه جربتها ، طبعا ريحة الفلافل بس لوووول
معروف ان الفلافل سعراته واااااااااااااايد لانه غايص بالدهن
لكن مع هذا طعمها كان حليو ، اشتهيتها والله يبيلي اروح اخذلي صمونتين ( المجموع 300 سعره) تصلح للغدا او العشا


وبالنسبه لأكشاكم فعلاً ماشالله بالفتره الأخيره لاحظتهم بوايد أماكن ، وانا ماخذه منهم المنيو يكون بمثل دفتر صغير فيه أكلهم وهذي افرعهم :
جمعية الفيحا - الخالدية - القادسية - الروضة - اليرموك - الزهرا - الضاحية ..... وحاطين الافتتاح قريباً في جمعية الرميثية - كيفان - ابوحليفة


طبعاً هذي الاكشاك ، اما بعض الاماكن تحصلونها بالثلاجات مثل جمعية الشامية ومركز سلطان ^ـ^

عنيد أمس اشتهيت الفلافل واليوم فطرت على الصمونة
فعلا ريحة الفلافل خخخخ الريحة ولا عدمها
كلها اعشاب وبقدونس واتوقع انه الفلافل يشوونها مو قلي واضح مافيها دهن
لكنها زينة للي يعشقون الفلافل مثلي
تسلمين على المعلومات عنيد ان شاء الله يتوزعون بكل مكان
وايد اشوف سياراتهم تحمل وجبات من مطعم ريتز بالسالمية اللي مقابل سيتي سنتر
اكلهم عجيب يصك على باقي الشركات
بالعافية على الجميع

 

[عنيّد]

لووول اي قلتلج ريحة الفلافل ، وعدل انا حسيت بطعم البقدونس اكثر

وبالنسبه لدايت كير فعلا جربت جم شغله وحلو اكلهم بالذات ان بعض الشركات يكون اكلها الي بالاشتراكات الشهريه مختلف عن اكلها الي بالجمعيات
بس ماظن اكو حلويات لذيذه نفس حلويات هيلث كومباني عجييييييييييبه