جنطه السفر وما ادراك ما جنطه السفر ... تعالوا نتشارك

[سنـــابل]

اول شي يارب يتمم علينا سفراتنا ونستانس فيها ياااااارب

بنات جنطه السفر وما ادراك ما جنطه السفر ابي كل وحده فيكم تكتب لنا شنو هي الاشياء اللي تاخذها او تحتاجها للسفر ولازم لازم تحطها بالجنطه , عشان لا رحنا هناك ما نتوهق , طبعا اللي اقصده سوالف الاوتي والخ من الضروريات

يلا بنات همتكم عشان نساعد بعض يمكن وحده فينا تكون ناسيه شغله وتذكرها وحده ثانيه :ggdw:

 

[HaYoOoMa]

الملابس ( ملابس داخليه ملابس نوم ملابس شقه ملابس طلعه جواتي جناط مكياج عدسات عطور لوشنات اكسسوارات نظاره الـخ )
شحن تلفون
الكاميرا
القارمن..
الستريت

اغراض التنظيف
صابون
شامبو وبلسم
لوشنات بدي مست
ديودرنت
صابون
فرشا ومعجون
مزيل مكياج
معقم ايد
اصباغ اظافر ومزيلها
الة الحف الكهربائيه حق الوهقه اخر الايام لول
مشط


........

طقطقه الاكل خفايف
السجاده


وبس اتوقع

 

[_زينه_]

الملقطططططططططططططططط
الاوتي
ابريج صغير تكرمون
صابون ملابس
معقم ديتول و مناديل ديتول
نظاره
مكياج
استشوار
اكسسوارات ناااعمه
غلايه صغيره للقهوه العربيه
قلاصات وفناجيل سفري
قفاش صغار
شكر
مكينة ازالة الشعر
حب وبسكوت
نعال للحمام تكرمون


اذا ذكرت شي راح ارد

 

[_زينه_]

اي بنات ابي اللي ينحط عالمرحاض يكون مثل الجيس وين القاه ؟؟

اللي استعمال مره وحده واقطه

اتمنى انكم فهمتوني ماعرف اوصف للووووووووووووووووووول

 

[q8q]

زينه تلاقينه في مركز سلطان سعره تقريبا 300 او 400 في انواع منه

البنات كتبو كل الاشياء المهمه بس انا ماخذ اكل معاي

 

[macintosh]

شكلي قبل لا اسافر بجيك على قائمتي من هالموضوع اخاف انسى شي

الللي سألت عن الورق مال المرحاض عادي تلقينه بالجمعيات ، انا محصلته باليرموك

 

[HaYoOoMa]

اي والفوطه والروب حق الحمام

وشراشف للفرااش انظظظف


..


بنات جياس دايسو تهبببببببببل لاتطوفكم
حق تنظيم الجنطه اريييييييييييييح

 

[غديران]

اي بنات ابي اللي ينحط عالمرحاض يكون مثل الجيس وين القاه ؟؟

اللي استعمال مره وحده واقطه

اتمنى انكم فهمتوني ماعرف اوصف للووووووووووووووووووول

مساء العسل

حبيبتي متوفر بالجمعيات ومركز سلطان الورق سعره ما يتعدى نص دينار

بس موجود هني بالمول العام خذيت من وحدة أسمها أم عمار على دينار يكون نايلون

أنا عندي النايلون أحسن من الورق ما يسرب الماي
:rerrerek::rerrerek::rerrerek:

 

[سنـــابل]

مشكوووورين بنات

واي في اشياء وايد كانت غايبه عن بالي وذكرتها

لا يوقف لا يوقف لا يوقف

 

[سماء الشرقية]

نفس الاغراض ولازم كلينكس كم علبة وبعد شدة اكياس زبالة تكرمون وملاعق بلاستيك
وشنطة اسعافات اولية واخذ كل الادوية الا ممكن تخطر في بالي مثل البندول ومرهم للشد العضلي ومرهم حروق لاسمح الله يصير شئ
ولازم الاكل وكل مرة يرجع في الشنطة مثل ماهو وبالنسبة لي سعودية لازم اخذ عباتين احتياط

 

[سماء الشرقية]

انا طريقتي قبل ما اجهز الشنطة اكتب كل الاغراض في ورقة وكل ما ذكرت شئ رحت كتبته لاخر ليلة وقبل ما اقفل الشنط وقت الا بسافر امسك الورقة واشيك على كل شئ
الطريقة عملية فما انسى شئ

 

[al7reyaa]

انا عن نفسي اكتب فلان 6 ملابس داخليه 4 بجامات 4 شوتات جينز وبيجي والاخضر حق كل شورت تيشيرتين فوطه بالنسبه حق الاشخاص
ديتول كلينكس ديتول كريم شامبو معجون اوتي مشط كلونيتين مشعل شراشف ووجوه مخاد بلاك كهربا ادول دوا الكحه بخاخ للخشم استيكرز مال الحراره

 

[• الْـڪَـونّتيسَـہٌ «]

خخخ انا الاوتي وهالاغراض على الوالده

انا احط الميكآآب اهم شي والاساسيات مثل البودره والكحل و الروج بالجنطه اللي بايدي

اممم وسوالف الجسم من كريمات و مزيل العرق و المرطبآت ,, الخ

طبعا الملآبس

وسوآلف الاكسسوآرات واكون حاطه نعال كعب عالي ونعال فلآآت وجووتي >> على حسب المزاج

و اكيآآس بس بطريقه مرتبه >> تنفع مرآآت

والعطوووور اهم شي

جارج الكيمرآ والفووون ,, ودفتر وقلم

خخخخ وشو بعد .. مرات كل ساعه ازيد شي بالجنطه وبالاخير اتحسسف لاني ماستخدم ,,

و تصير الجنطه full .,

فـ نصيحه خذو الاغراض المهمه ,, واللي راح تحتاجونهاآ

 

[الأميرة كيرارا]

ماشالله كفيتوا ووفيتوا
بالنسبة لي أهم شي الاشياء الي ماراح ألقاها بالديرة الي بروح لها
نعول و انت بكرامة
سجادة الصلاة
الإبريج
الكاميرا و ملحقاتها
الشراشف بعد أودي
مقياس الحرارة للاطفال و أدوية
عدساتي
و طبعا ملابس
وأحذية
و الشغلات الي قلتوها
و إذا في بالفندق أوتي و سشوار ما أشيلهم معاي
تأكدوا من فنادقكم

و زينة ... أغطية المراحيض موجودة بالجمعيات مثل الصورة



هذا بحجم كلينكس الجنطة في 10 حبات
و في حجم كبير في 30 حبة
بس الصغير أحسن ينحط بالجنطة


أتمنى رحلة موفقة للجميع

 

[سنـــابل]

اب اب اب

لا يوقف لا يوقف لا يوقف

بناط ابي اشتري جنطه زينه وخامتها زينه من وين اشتري؟؟

 

[_زينه_]

مشكووورين بنات

سنابل اذا قصدج جنطه حق الملابس روحي سرداب الشايع يهبلون بس اخذي اللي فيهم نايلون عشان اذا انكت شي
عالجنطه يحفظها

واذا قصدج جنطة ايد اخذي من دبنهامز حلوين جناطهم شكلها عملي ومريحه

 

[FeShinGoOo]

وااااااااااااي اليوم ناويه انزل الموضوع ماشاء الله عليج لوووووووووووووووووووووووووووول


اولشي الجنطه انا شايفتلي جنطه بمركز سلطان لونها بنفسجي حيل اعجبتني بروح اخذها انشالله

اهم شي بالجنطه الابريج والهوز والمداس والشراشف ..

الفوط ومفكره اخذ شوية اكل هالمره .. مادري متردده ..

ادويه بندول وربعه وبلاستر..

سجادة صلاة ..



غسول ويهي والماسك ومرهم الحساسيه ..

شرايح شمع فييت عشان لاتوهق اهناك ماكو صالونات ..

شسوار كبير لان شسوارهم صغير بالفندق سنه على ماينشف ..

روب السباحه ..

شاحن التلفون ..

فرش اسنان ومعجون وشامبو ..
لوشنات وعطورات
ملابس حق الطلعه ملابس حق القعده وقمصان نوم

هاذا عالسريع


لي عوده انشالله

 

[قمه النعومه و الأنوثه]

بنات مره سمعت في هوز يتركب بالحمام امكرم القارئ خاص للدول الاجنبيه

لأنه تدرون ما عندهم اهوازه

تدرون وين احصله

اللي اتحصله واتعرف وين ينباع بتفيد الكل ويزاكم الله خير ان شاء الله:yaaaaaarb:


بالنسبه لي اهم شي آخذ شراشف وغطا المخده ولبس الكفر انظف لنا
وباندول
منتجات العنايه الشخصيه
الكاميرا
وشاحن التلفون
استشوار وماسك للشعر

 

[<<المها>>]

اشكر صاحبة الموضوع وكل من رد عليه ..

البنات كفو ووفوا ماراح اكرر اللي انكتب بس بكتب الاشياء المهمه عندي

عن نفسي اكتب بورقه شنو ابي وطريقتي احط كل بدله لها حجاب وامطه

وقمصان نوم ونعال سواء للفندق او الشقة

فوطه صغير للمخده لاني ما احب انام مباشره على مخادهم لو كانت انظف من شقول

لازم لازم آخذ ابره وخيط احتياطي ...

والادويه لان برى مايصرفون الدواء براحة من الصيدليه لازم وصفه طبيه لو كانت حلاو المص حق البلاعيم
فآخذ معاي بندول + حلاو مص للبلاعيم + كريم حروق ميبو او فلامزين + فلوتاب للزكام لازم مع تغيير الجو + كريم حساسيه او حبوب لاني احيانا استنكر مع تغيير الجو او الاكل + كريم للعضلات مثل فولتارين

الفازلين ما امشي بدونه لان بالسفر لازم تنشف بشرتي ويصير وجهي يتقشر ..

عدة الاظافر اللي تجي بمحفظه صغيره تنحط بجنطه الايد يكون فيها مقص ومقراضة اظافر ومبرد والحديده اللي تشيل اللحم الزايد وملقط تنباع بالجمعيات رووووعه ما استغني عنها ..

دبابيس للحجابات وجلاليب احتياط للملابس ..

مناديل مزيل المكياج .. المكياج ما اكثر آخذ المسكارا وبودره وحده يكون لونها مناسب لكل شي واحب بودره بوبي براون الشيمر
الوانها متدرجه وقلم كحل وقلم حواجب وعدد 2 حمراء الوانها هاديه

شاحن الموبايل + شاحن الكاميرا ميموري كارد اضافيه للكاميرا اذا انترست + بيبي لاب توب احتياط + افياش للكهرباء وغالبا آخذ واحد مدور وواحد مربع لاني مادري شنو نظام الافياش حقاتهم

الشطاف الله يكرمكم لازم لان هناك مافي اهواز للتوضي ..

جنطه هاند باق اخليها بأيدي او جنطه ترولي صغيره .. هذي تكون للمشتروات او احتياط لاي شي لان بعض الدول نظامها بالمطار عشان التاكس يطلبون يشوفون المشتروات فتكون الصغيره معاج والكبيره تدش الشحن ..

كلينكس + مناديل معطره لجنطه الايد

سجاده الصلاه النايلون اللي تتصفط صغيره تنحط بجنطة الايد عرفتوها .. هذي صراحة ما استغني عنها لما نكون برى وااايد نفعتنا لأن احيانا يدش وقت الصلاة وانتي برى بتمشيه ولا حديقة فتشوفين مكان حلو وتصلين بدال ما تتأخر الصلاة لين الليل لان معروف الواحد يطلع من الصبح مايرد الا بالليل ..

مسحات طبيه + بلاستر للجروح

هذا اللي ببالي واذا تذكرت شي رديت للموضوع ان شاء الله ..

اتمنى اكون افدت ولو بجزء بسيط

 

[<<المها>>]

اب اب اب

لا يوقف لا يوقف لا يوقف

بناط ابي اشتري جنطه زينه وخامتها زينه من وين اشتري؟؟

حبيبتي اذا تقصدين جناط ملابس للسفر صراحة ما على بيير كاردان رووووعه وتكد وتجي معاها تغليفاتها البلاستك ..