** تجمع الي مسوين جراحة الفك**

[كتكوتة2010]

صباح الخيرات صبايا

جبت اليوم فديو عن وحدة حالتها الفك السفلي متقدم ...

وحاطة الفديو كله قبل العملية بكم ساعة _وبعد العملية _وبعد ماسوت العملية لحد مافكت التقويم

مشاهدة ممتعة

http://www.youtube.com/user/pinksweety288#p/u/15/Is7KeHS29VY


هذا الفديو قبل العملية بساعات ومن بعدها تابعوا للنهاية وعوطني رائيكم :rerrerek:

 

[نرجس 0]

كتوكتة
ماشاء الله تبارك الله كلامك حكم يابنت :eh_s(15):
والله انك صادقة والتردد هو اللي ضيعنا لازم الوحده تاخذ قرار اما انها تسوي العملية او لا
عشان لاتعيش في قلقل وتفكير
خلاص اقطع عرق وسيح دم على قول اخواننا المصريين
وشكرا لك على النصيحه يا حديديه
وجدا اتشرفت بوجودك معانا ياعسل
:balo:


innocence

تعقيبك رائع
انا الى الان ماقلت لاحد حابة اركب التقويم وبعدين اقولهم
والظروف المادية هي اللي اخرتني :eh_s(2): لكن زي ماقلتي بالدعاء ليل نهار ان شاء الله ربي يفرجها :yaaaaaarb:
وان شاء الله اهلك يوافقون وتكملين باقي الطريق وتسوين العملية على خير :eh_s(15):
وشكرا لك انا جدا استفدت من ردودك ياعسل :eh_s(7):



ستايلك
هلا وغلا
الله يخليك لا عاد تشوفين او تعرضين ها الاشياء اللي تخوف :eh_s(2):
خليك دايما متفائله وتوكلي على الله
من يتوكل على الله فهو حسبه ( يعني الله يكفيه )
وان شاء الله تسوي العملية وتقومي بالسلامه :eh_s(7):


سندريلا
والله ياختي انت زي في حاجات كثييييييييره
انا زيك ما احب اخرج كثير ولا احب اروح افراح يمكن الافراح اللي رحتها ما تتعدي اصابع اليد
و دايما اعتذر من البنات لدرجه صاروا كثير مايعزمزني
الله يسرها ان شاء الله ونسوي العملية كلناااااااااا يااااااارب :yaaaaaarb:
بالنسبة لاهلك انتي قوليليهم قبلها وان شاء الله مايعاضون
وان شاء الله مو عقوق اصلا العقوق ما تطلع من وحده ذوق وحبوبة زيك :eh_s(7):
وان شاء الله مايحتاج توقيع ولي الامر يارب :bbbiu:


ahoud
اهلا وسلا
ونتشرف بوجودك معانا وان شاء الله البنات يجاوبوا على كل اسئلتك
:balo:











​

 

[نرجس 0]

صباح الخيرات صبايا

جبت اليوم فديو عن وحدة حالتها الفك السفلي متقدم ...

وحاطة الفديو كله قبل العملية بكم ساعة _وبعد العملية _وبعد ماسوت العملية لحد مافكت التقويم

مشاهدة ممتعة

http://www.youtube.com/user/pinksweety288#p/u/15/Is7KeHS29VY


هذا الفديو قبل العملية بساعات ومن بعدها تابعوا للنهاية وعوطني رائيكم :rerrerek:

كتكوتة

سبحان الله شوفي الصدفه
والله العظيم هذا الفيديو البارح شفته يمكن على العشا تقريبا
وكنت اقول ياترا البنات شافوه او لا
الاقيك اليوم منزلته :eh_s(15):
سبحان الله البنت شكلها تغير وصارت احلى وانعم
يلا عقبالنا كلنا نسوي العمليه ونصير احلى






​

 

[سمنه ع عسل]

كنت اليوم افطر مع الاهل وامي تناظر بأسناني
قالت لي اسنانك العلويه مره متقدمه شكلك اخترب

قلت لا ياامي هذا التقويم الجراحي عمله كذا

عن جد حبطتني حتى الفطور ماكملته

 

[Esraa.a]

السلام عليكم .. مرحباااا ياحلوااااااااااات ..فالبدايه احيي فيكم روحكم الطيبه وحماسكم وانا كنت متردده وخايفه لين تابعتكم ​

اتمنى تقبلوني صديقه جديده بينكم
انا عندي بروز في الفك العلوي + Gummy smile وهالمشكله حيييييييييييييييييل مضايقتني
الفك السفلي مافيه شي الحمدلله
ركبت تقويم وشلته قبل اربع سنوات بس ماسوا شي غير انه رتب لي صفة الاسنان
ربي عطاني نعمة الجمال ولله الحمد ولكن من اضحك تخترب ملامحي
غير انه من الجانب الصحي بديت اتاثر مؤخرا جاتني الام رهيبه في الفك جهة اليسار صرت اعض بصعوبه لان معاي over bite
الفك العلوي ماينطبق على السفلي
هذي حالتي ...​

وبالنسبه للي مسوين العمليه اتمنى يفيدوني عندي كم سؤال
1_ هل بعد العمليه بعد ماينجبر العظم حق الفك ممكن انهم يشيلون البراغي ؟
2_العمليه ماتاثر على اعصاب الاسنان والمخ ؟
3_ممكن اني اخلع ضروس بعد العمليه بسنه او سنتين ؟ او فيها خطوره عالفك ؟
4_ الالم اللي يجيك بعد العمليه وش نوعه صداع؟ الم في العظام؟ الم في الاسنان ؟ الم في اللثه ؟
5- الخياطه اللي تكون على اللثه تشوفينها؟ وهل الدكتور هو اللي يشيلها او هي تذوب من نفسها؟
6_انا مركبه تلبيسه متصله لثلاث اسنان على الجنب اليمين هل في هذا مشكله بالنسبه للتقويم ؟ والا عادي اقدر اركب التقويم ؟​

ياارب تردون علي باقرب فرصه لان هالموضوع مرهقني جدا
حاليا انا حامل بالشهر السابع وانتظر اني اولد بفارغ الصبر عشان ابدا بترتيبات العمليه واسويها الصيف الجاي ان الله كتب لي عمر ​

افيدوووني ياعسولات ​

أهلييييين عهود حبيبتي​

حياج الله عضوه جديده معانا بالمنتدى :eh_s(7):​

شوفي حبيبتي أنا ليلحين ما سويت العمليه .. بس بجاوبج عالأسئله اللي أعرفها من واقع خبرتي وقراءتي عن العمليه​

هل بعد العمليه بعد ماينجبر العظم حق الفك ممكن انهم يشيلون البراغي ؟ ​

لأ >> ما يشيلون البراغي ​

لأنه حجمهم حييييل صغير .. ومالهم أي تأثير جانبي أو مضره على الشخص
ومع الأيام البراغي راح تنجبر مع العظم وبالتالي يصعب إزالتهم ​

حاليا فيه تقنيه حديثه >> إنه الماده المستخدمه بالبراغي .. مع الأيام تذوب بالعظم
يعني بعد فتره تسوين الأشعه ما تلقين البراغي موجودين .. تكون ذايبه ​

بس مادري إذا هالطريقه تستخدم عندنا أو لأ >> ما أعتقد إنه وصلت عندنا ليلحين ​

العمليه ماتاثر على اعصاب الاسنان والمخ ؟ ​

لأ الحمدلله مالها تأثير ​

بس الإحساس بالمنطقه السفليه من الوجه ممكن يروح لفتره معينه ( خصوصا للي مشكلتهم بالفك السفلي) ويرد يرجع من 3 أشهر إلى سنه تقريبا .. يعتمد عالحاله وعلى خبرة الدكتور ​

وناااااااااااااادرا ما الاحساس يروح بشكل نهااائي ​

ممكن اني اخلع ضروس بعد العمليه بسنه او سنتين ؟ او فيها خطوره عالفك ؟​

قبل السنه ما ينصح تخلعين أي ضرس لأنه وضعية الفك ما تكون ثابته 100% .. العظم ليلحين مو جابر
لكن بعد السنه يكون العظم التئم تقريبا بشكل تام والفك ثابت فتقدرين تخلعين بإذن الله ​

نسبة التئام العظم تختلف من حاله لأخرى ​

كثروا كالسيوم وحليب لأنه يساعد في التئام العظم​

الخياطه اللي تكون على اللثه تشوفينها؟ وهل الدكتور هو اللي يشيلها او هي تذوب من نفسها؟​

اي نعم تشوفينها لكن من داخل تكون أطراف اللثه .. ما تشوفينها إلا إذا رفعتي الشفه ​

الخيوط عادة تطيح من نفسها بمجرد ما تلتئم اللثه ( أسبوع إلى أسبوعين بالكثير) لكن إذا ما طاحت .. الدكتور ممكن يقصهم .. لا تخافين ما فيه ألم ​

انا مركبه تلبيسه متصله لثلاث اسنان على الجنب اليمين هل في هذا مشكله بالنسبه للتقويم ؟ والا عادي اقدر اركب التقويم ؟​

يعني عندج ضرس مخلوع ومسويه جسر ​

اييي نعم تقدرين تركبين التقويم عليه لكن باللزق​

يعني يلزقلج عليه حديدة التقويم لأنه ما يقدر يركبلج الخاتم
( إذا الجسر بالأسنان الخلفيه) ​

حتى إذا بالأسنان الأماميه عااادي يلزقلج حدايد التقويم عليه .. لكن نوع الصمغ يختلف عن اللي يحطه لج بالأسنان العاديه ​

وبعد ما تشيلين التقويم لاااازم تغيرين التلبيسه لأنه أثر
الصمغ راح يترك أثر صعب يروح​

أتمنى أكون أفدتج


​

ان شاء الله يااااااارب تولدين بالسلامه وتبدين ترتيبات العمليه ​

بما إنج كنتي حاطه تقويم من قبل >> الحمدلله الفتره راح تقل ​

يعني تروحين للجراح اول شي .. يحطلج خطة علاج ​

بعدها تروحين لدكتور التقويم >> تركبين التقويم لمده 6 أشهر تقريبا ​

وبعدها بإذن الله جراااااحه :ggdw::ggdw:



وألف مبرووووووووووووك :sfg:​

 

[ahoud]

:eh_s(7): تسلمييين حبيبتي اسراء حيل ريحتني اجوبتك
وبالنسبه للتلبيسه حقت الاسنان هي ثلاث اسنان مشبوكين ببعض وملبسين التلبيسه الخخزفيه اللي كنها طربوش او ضرس تركيب فماادري لها ينفع لي التقويم الجراحي او لا واذا مانفع هل في امكانيه اني اسوي العمليه ؟؟؟؟
ساعدوووووووووووووووووووووووووووووووووووووووووووووووني :eh_s(16)::eh_s(16)::eh_s(16):




هم موقعهم على الجنب وراهم ضرس واحد
انا خذيت موعد مع الدكتور بدر الجندان في الخبر يوم الثلاثاء بس احااتي من الحين اخاف اتحطم لو قالي ماينفع تركبين تقويم فبالتالي ماينفع اسويلك عمليه :eh_s(2):

بنيت امااالي على هالعمليه ابي اسويها اليوم قبل بكره علما بان اسناني صفه ولله الحمد مرتبين لكن البروز باللثه نفسها من اضحك احس اللي قدامي يقول ليتك ماضحكتي هههههههههههه وي فشله
صرت دايم اعض شفتي لاضحكت عشان استر على نفسي
حالتي صعبه اتمنى القى حل يريحني باقرب فرصه
​

 

[Esraa.a]

بنات قبل اسبوعين تقريبا كان موعدي مع دكتورالتقويم
قال الحين بحط لج سيور عشان الفتحات تتسكر ..... والحين مر اسبوعين ماشوف الفتحات تسكرت ولا قلت!!!
وموعدي 8_6 وقالي بهالموعد راح تروحين عند دكتور بيتر وتاخذين موعد للعملية
وانشالله لي هالتاريخ تكون الفتحات تسكرت.....
سؤالي .... شكثر يبيلها الفتحات عشان تتسكر اسبوع؟؟ اسبوعين ؟؟ شهر ؟؟
طبعا قاعدة اتحجى عن اسناني الي تحت

مو شرط المسافه تتسكر كلها >> يمكن يبيها تتسكر بنسبه معينه


الدكتور يحدد هالشي .. مو انتي تحددين



ودام إنه معطيج موعد 8-6 علشان يحولج للدكتور بيتر >> يعني اهو عارف شغله



وأصلا وجود مسافه ضروري للعمليه .. فلااا تحاتين




يلاااااا هااااااااانت ما بقى شي ونكتب يم إسمج ( إنتهت من العمليه)

:eh_s(9)::eh_s(9)::eh_s(9):




آآآآآآآآآآآآآخ على هالشعور متى أحس فيه ؟؟؟؟؟؟؟؟؟؟؟؟؟

 

[Esraa.a]

سندريلا
انتي مثلي تمام كل شي متوقف ومأجله عشان العمليه لانه اصلا بعد مع الالم مااقدر اركز
وغير كذا انا مقهوره من الفتره اللي عطاني اياها الدكتور اتعالج فيها احس ضياع للوقت
احس لو سويتها برتاح بيطيح نص الحمل حتى لوظلت الآلم بكون مرتاحه من شي على الاقل وهو الفك هذا اللي حابه اوصله للدكتور بس ماقدرت
انا من فتره طوووووووويله عازله نفسي عن الناس الا الصديقات المقربات
والحين في زواج قريب لوحده عزيزه علي ومأكده على احضر بس راح اعتذر لها وياحبذا لو تعطوني عذر على فكره الزواج شبه عائلي
لكن انا صراحه متعقده من فكي ونفسي ينسون شكلي القديم عشان افاجأهم ان شاء الله بالجديد
وعادي انا من النوع اللي اجلس سنه واكثر مااشوف احد ماعاد تفرق عندي في ناس صارلي 8سنوات ماشفتهم
ابي عذر للبنت يابنات تكفون اعصرو مخكم :rerrerek:

وبالنسبه للأهل اهم شي رضاهم الافضل من الحين تخبرينهم


اسراء
شقول انا تأثرت حيل ضاق خلقي خصوصا لما فهمت انه عقلها موكامل:eh_s(2):
يعني من كل الجهات تعبانه
الخطأ جدا جدا كبير لكن المشكله اذا انكرو الخطأ
ان شاء الله بعد قرار مكافحة الفساد في كافة القطاعات الحكوميه والراقبه عليها وخصوصا الطبيه الوضع تغير

ان شاء الله ربي يسهلها على الجميع ويطلعون سالمين مبسوطين بإذن الله

سبحااان هذا يومها .. محد يموت قبل يومه

الله يرحمها ويغفرلها :yaaaaaarb:


السالفه صارلها 8 سنوات .. أكيييييد دكتور عثمان إكتسب خبره الحين





وبالنسبه للعذر علشان ما تروحين العرس:bbbiu:


- طبعا العذر المعتاد للبنات .. جتني الدوره وبطني ذااااابحني من الألم و وجهي أصفر ما أقدر اتحرك من الفراش ههههههههههههههههههه


أو


- طالعتلي حساسيه جسمي كللله ما أقدر أروح مكان أو أحط مكياج على وجهي الدكتور مانعني

مع إني شاريتلي بدله وحاجزه صالون .. بس الحساسيه منعتني أجي >> نفاق طبعا :dddds:

( أنا عن نفسي تطلعلي حساسيه مفاجأه بين فتره فتره مجهووولة الهويه >> سويت تحاليل الدنيا والدين ما يعرفون شنو سببها .. تجي بروحها وتروح بروحها )


أو

- مشتركه بمعهد كمبيوتر أو انجليزي ( بالفتره المسائيه) وما أقدر أغيب عندي امتحان مهم


أو

تدينت وما أروح حفلات :krkrkr::krkrkr:

لووووووووووووووووووووووووووووووووول







عاد كيفج انتي اختاري أي عذر >> ولو يكون عذر صحي يكون أفضل لج .. علشان يتعاطفون معاج و تكسبين رضاهم من غير زعل :eh_s(15):

 

[Esraa.a]

صباح الخيرات صبايا

جبت اليوم فديو عن وحدة حالتها الفك السفلي متقدم ...

وحاطة الفديو كله قبل العملية بكم ساعة _وبعد العملية _وبعد ماسوت العملية لحد مافكت التقويم

مشاهدة ممتعة

http://www.youtube.com/user/pinksweety288#p/u/15/Is7KeHS29VY


هذا الفديو قبل العملية بساعات ومن بعدها تابعوا للنهاية وعوطني رائيكم :rerrerek:

مشكوووووره عالإفاده يا حلوه

 

[Esraa.a]

:eh_s(7): تسلمييين حبيبتي اسراء حيل ريحتني اجوبتك ​

وبالنسبه للتلبيسه حقت الاسنان هي ثلاث اسنان مشبوكين ببعض وملبسين التلبيسه الخخزفيه اللي كنها طربوش او ضرس تركيب فماادري لها ينفع لي التقويم الجراحي او لا واذا مانفع هل في امكانيه اني اسوي العمليه ؟؟؟؟
ساعدوووووووووووووووووووووووووووووووووووووووووووووووني :eh_s(16)::eh_s(16)::eh_s(16):​

هم موقعهم على الجنب وراهم ضرس واحد
انا خذيت موعد مع الدكتور بدر الجندان في الخبر يوم الثلاثاء بس احااتي من الحين اخاف اتحطم لو قالي ماينفع تركبين تقويم فبالتالي ماينفع اسويلك عمليه :eh_s(2): ​

بنيت امااالي على هالعمليه ابي اسويها اليوم قبل بكره علما بان اسناني صفه ولله الحمد مرتبين لكن البروز باللثه نفسها من اضحك احس اللي قدامي يقول ليتك ماضحكتي هههههههههههه وي فشله
صرت دايم اعض شفتي لاضحكت عشان استر على نفسي
حالتي صعبه اتمنى القى حل يريحني باقرب فرصه​

لااااااا تطمني .. يصير تركبيين تقويم مع التلبيسات

أنا مركبه ونفس مكانج بعد :eh_s(15):

 

[روان المؤدبه]

ساره..
والله الواحد يخاف .. انا اول كان فيني حماس للعمليه يعني لوقالوا بكره العمليه ممكن اسوي حفله ^^
بعد هالقصه مدري بديت اشيل هم وآخذ الموضوع بجديه اكثر !_!
ربي يستر ويسهل علينآ كلنآ ويحرسنآ ويقومنآ بالسلامه يآآآآآرب العالمين ..

ستايلك ..
يعني عثمآآن الطويرقي فآآآآآآآآآشل كبير ولحد يروح عنده اف منه خرب علي حمآسي <<<< قآآآآهرني وجع يعني كل عملياته اخطاء
يآآحبي لك والله ..بس تدرين خيره اني قريت هالقصه ..اول ماخذني الحماس الجارف لدرجة ما اقدر المخاطر ابد ..هالمره بكون حذره وبسأل عن الدكتور زين زييييييين .. وربي يوفق ويسهل يآرب

سندريلا..
ابي عذر للبنت يابنات تكفون اعصرو مخكم

اممم ..قولي صديقاتي قديمات مرره من زمان عنهم فآجؤني وجولي البيت وعشوني وانحرجت منهم مره ما قدرت اجي ..

ولا امممم .. قولي انك تحتي على رجلك وجاك (عفص) إلتواء كاحلك وماتقدرين تمشين عليه يألمك مره وصعبه تجين تعرجين ف الزواج يوفق نصيبك وتطلع عليك اشاعه ههههههه..

ولا امممم . . قولي انك شلتي وجهك بالشمع مثلا ونه التهب عيك مره وماتقدرين تحطين مكياج وتحسين بحراره بوجهك ماتقدرين تشيلين الثلج عنه وصاق صدرك مره وعفتي ارروحه

وبس عآآآد علمينا وش العذر اللي راح تقولينه عشا نستفيد ههههه

 

[نرجس 0]

سبحااان هذا يومها .. محد يموت قبل يومه

الله يرحمها ويغفرلها :yaaaaaarb:


السالفه صارلها 8 سنوات .. أكيييييد دكتور عثمان إكتسب خبره الحين





وبالنسبه للعذر علشان ما تروحين العرس:bbbiu:


- طبعا العذر المعتاد للبنات .. جتني الدوره وبطني ذااااابحني من الألم و وجهي أصفر ما أقدر اتحرك من الفراش ههههههههههههههههههه


أو


- طالعتلي حساسيه جسمي كللله ما أقدر أروح مكان أو أحط مكياج على وجهي الدكتور مانعني

مع إني شاريتلي بدله وحاجزه صالون .. بس الحساسيه منعتني أجي >> نفاق طبعا :dddds:

( أنا عن نفسي تطلعلي حساسيه مفاجأه بين فتره فتره مجهووولة الهويه >> سويت تحاليل الدنيا والدين ما يعرفون شنو سببها .. تجي بروحها وتروح بروحها )


أو

- مشتركه بمعهد كمبيوتر أو انجليزي ( بالفتره المسائيه) وما أقدر أغيب عندي امتحان مهم


أو

تدينت وما أروح حفلات :krkrkr::krkrkr:

لووووووووووووووووووووووووووووووووول







عاد كيفج انتي اختاري أي عذر >> ولو يكون عذر صحي يكون أفضل لج .. علشان يتعاطفون معاج و تكسبين رضاهم من غير زعل :eh_s(15):

اسراااااااااااااء
ماشاء الله جبتيلها اعذار مقنعه شكلك خبره يابنت :krkrkr:
ربي يسعدك دايما متجاوبه مع البنات :eh_s(7):




​

 

[Esraa.a]

كنت اليوم افطر مع الاهل وامي تناظر بأسناني
قالت لي اسنانك العلويه مره متقدمه شكلك اخترب

قلت لا ياامي هذا التقويم الجراحي عمله كذا

عن جد حبطتني حتى الفطور ماكملته

يلاااااااااا ميخاااالف تحملي فتره وتعدي


تراجع أسنان الفك السفلي مع التقويم الجراحي عطى إحساس أكثر بالبروز



ان شاء الله في القريب العااااااجل تسوين العمليه وترتاحيييييييييين إلى الأبد :yaaaaaarb:

 

[نرجس 0]

بنات شوف الرابط هالبنت نفس مشكلتنا
صورها قبل العملية وبعد
الحلو انو خشمها صار احلى بعد العمليه
يلا بنات تفااااااااااااائلوا :eh_s(9):
على قول اختي الغاليه اسراااء كل اللي يعملوا العملية يصيروا احلى :wqedqw:
عقبالنااااااااااا كلنا يارب :yaaaaaarb:

http://www.youtube.com/watch?v=C1QAE_tAGAA&feature=related

:eh_s(15):



​

 

[Esraa.a]

اسراااااااااااااء

ماشاء الله جبتيلها اعذار مقنه شكلك خبره يابنت :krkrkr:
ربي يسعدك دايما متجاوبه مع البنات :eh_s(7):​

هههههههههههههههههههههههه


اييي الحمدلله أقدر أنقذ نفسي بالحيله بمثل هالمواقف المحرجه :krkrkr:

 

[نرجس 0]

بسوي زي مشاعل

يابنت الحلال انتي استخيري واتوكلي على الله
ربي مايخيب من استخاره واتوكل عليه
طبعا لازم تسالين عن الجراحين وتسشيرين وتسالي البنات اللي سووا العملية عندكم في الرياض
وبعدين اتوكلي على الله ورحي للجراح
يارب ييسر امرك وتسوين العمليه قريبا :yaaaaaarb:
:eh_s(7):




​

 

[Esraa.a]

بنات شوف الرابط هالبنت نفس مشكلتنا
صورها قبل العملية وبعد
الحلو انو خشمها صار احلى بعد العمليه
يلا بنات تفااااااااااااائلوا :eh_s(9):
على قول اختي الغاليه اسراااء كل اللي يعملوا العملية يصيروا احلى :wqedqw:
عقبالنااااااااااا كلنا يارب :yaaaaaarb:​

http://www.youtube.com/watch?v=C1QAE_tAGAA&feature=related​

:eh_s(15):​

هذي نفس مشكلتي تقريبا


حلوه نتيجه عمليه ما شاء الله



وأهم شي كاتبه بالنهايه إنها واااااااااايد سعيييييده بنتيجة العمليه :eh_s(9)::eh_s(9):




تفاءلوا بالخير تجدوه يا بنات :eh_s(15):

 

[Esraa.a]

بنات وأنا أتصفح الموضوع القديم لقيت رد للأخت ريشة العازف عن تجربتها مع الدكتور عثمان الطويرقي .. حسيت إنه فيه معلومات مفيده >> قلت أفيدكم :eh_s(22):

بس من كلامها تبين إنه الدكتور مسويلها العمليه عالطريقه القديمه >> ربط الأسنان


الحين معظم الدكاتره يستخدمون الطريقه الحديثه ( من غير ربط الأسنان)



وأرسلتها رساله خاصه علشان تكتب لنا نسبة رضاها عن العمليه

مســــــــــــــــــــــــــاء الخير بنـــــــــــــــــــــــــــــــات:eh_s(7):


انا صلحت العملية 12 رمضااااااااااااان والله يا بنات ترا مو هينه لاتستهيونو فيها شفت المووووووووت .... قعدت 4 ايام وطلعت ومرتين ارجع طواري......


لاتقولون تخوفينا بالعكس ابصركم وش بيصر لكم بااااذن واااحد احد بكتب لكم كل شي فااادني وطريقتي بمرحلة العلاج.......

عمليتي ..... عند عثمان الطويرقي فديته مااغيره هو مصبرني على العملية درجه فك لي فمي بعد 6 اياام من العملية وصرت اكل كورن فليكس واتكلم من برادة وجهي والله :lololoe:



اكتــــــــــــــــــــــــــــــب مراحل علاجي الان اوك يلا ..... اتجهزو .....:wqedqw:

1) لاتشربين خااافض الحراره والمضاااااااااد ع بطنك خاليه اشربي قبلها عصير .... بس مو حاامض او لبن عشاان الحموووووووووضه والمضاد مهم جدا لاحد يتركه عشااان الالتهبااااااات والسوااائل تخف بوجهك ابد ابدا ابدا لاتتركوه

2) المضمضه في بنات قريت هنا تركوه لانه لاذع وهو اصلن مااتقدريت تتمضمضين فيه بس لانه مو كذا طريقته تخليطينه مع مويه وادهني شفتك بفااازلين وحوله فااازلين عشااان ماااايتشقشر الجلد يصير شكلك بااايخ ..... مرتين باليوم وهو الي يحميك من البكتيريا ويحلل الخيوووط بفمك

3) الحلبه خطره لانه الجرح يفووووش معها يعني ينتفخ ويتجرثم لانوه فمك كله مخيط..... شربتها مره انتفخ وجهي بغيت امووووووووت الى جدة وحده من صديقااتي قالت موزين لانك تشربينها ع جرح وفمك مخيط

4) اطحني حلتيته وجيبي منديل ورق قاسي شوي ولفيها وجوها الحلتيه وجيبي ماااسك (( كمام )) وحطيها بوسطها لمى تتشرب ريحة الحلتيته عشاان الشيوووووووووووووخ بالبيت كلهم عطووووووووووووووور والقرايب اذا جو البسي وقولي مصلحه عمليه بخشمي ولا احب الريحه ريحة العطر طبعا

نسيت حاااااااااااااااااااااجات:hjy5jewf:

1) اذا قالولك بالمستشفى صومي من 12 الييل لاتشربين ولاحتى موية لانوه انا عطشت وشربت ....... وجت النيرس حطت لي سواااائل قبل العمليه اتجمعت السوااائل بصدري بغيت انخنق ...... لاتشربين ولا شي ......

2) ادعي ربك يستر عليك بالعملية عشااان ماتكشفين وكل من هب ودب شاااف جسمك انا كذا صلحت وووصيت الدكتور يسلمني لاهلي لمى اصحى لان الممرضات مايخاافون ربي .....

3) كوني حبوبه مع النيرسات قل العملية عشااان يهتمو فيك انا دلعوووووووووووني اخر دلع درجة النيرس لمى شاافتني اصيح بكت معي لووووووووووووووووووول من الغلا:hjy5jewf:

4) اطلبي من المستشفى تراب التيمم لان الحكومه موفرته لنا الله يعزها .....

5) خلي اهلك يجبون لك بطااانيه لان تكونين نااازفه دم كثير ويصيبك رجفه وبرد والمستشفى باااااااااااااااااااااردة التكيف......

6) حطي رقة احمد العجمي بجوالك عشااان بالمستشفى تسمعينها سبحان الله كانت تجيني..... هلووووووووووسه واسمع اصوات ماادري من وين ونااام كواااااااااااااااااابيس انجنيت .... والدوك يقولي بلا دلع هذا عااادي هذا وانتي اخصاااائيه اجتماعيه ودارسه علم النفس يانواعه قلت طلعت الدارسه من عيوني ههههههههههههههههه فديتك ياطويرقي اذا جااا احس ملاك نزل علي من السماااااا انسى التعب..... سبحان الله يااابن ادم اذ تعب.....

ايش كمان امممممممممممممممممممممممممممممممم ؟؟؟؟ صحيح بنــــــــــــــــــــــــــــــــــــــــــــــات عارفين سبب الانتفاااخ ايش ؟؟؟؟؟؟؟؟؟؟؟؟؟؟ انا عرفت وطبقت قبل العملية ولاصار لي انتفاااخات اوفر كني ناااااااااااااااااافخه درجة الدكتور يسالني وش تااكلين قبل قلن بيبسي وكيك بار لووووووووووووووووووووووووووووووول:082502bye_prv:


ايش كنت اسوووووووووووووووووووووووووووووي ؟؟؟؟؟؟؟؟؟؟؟

دكتوري حق التقويم وصااااني وصية قالي اهم شي ماتدخلين العمليه وفيك الاتهاااب بالثه ترا مو زين لك عشاااااااااااان تقومين بالسلامه بسرعه قت اوك ؟؟؟؟؟؟

وقالي سوي تدليك لللثتك بعد كل تفريشه قلت بسويها دخلت العمليه لثتي بيضة ...... اذا كانت فيها اجزاااء ورديه او حمره ترا ملتهبه ..... ولاكنت اعرف الغرض لمى صلحت كلن انبهر حتى شفتي اول يوم العمليه منفوووخه كني نااااااااااااااانسي تهبل :icon30:



يعني مو اوفررررررررررر ...... ونتفخاااااااااااااااااااااااتي حلووووووووووووووووووه بس مو معجبتني لاني كنت نعوومه وفجاااائه خدود ........:s141:


​

 

[نرجس 0]

هذي نفس مشكلتي تقريبا


حلوه نتيجه عمليه ما شاء الله



وأهم شي كاتبه بالنهايه إنها واااااااااايد سعيييييده بنتيجة العمليه :eh_s(9)::eh_s(9):




تفاءلوا بالخير تجدوه يا بنات :eh_s(15):

وانا كمان نفس المشكله :bbbiu:
ايوا والله اسراء انا عجبتني في النهاية لما كاتبه انها سعيده عقبالنااااااا :yaaaaaarb:



​

 

[Esraa.a]

وهم هذا رد آخر لأختنا مغتربه 2010


( الغرض من هذي الردود .. الإفاااااااااده )

بسم الله الرحمن الرحيم
انا من زمان متابعه للموضوع وذلك لأني اعاني نفس المشكلة وبالبحث عن المعلومات كان بس منتداكم طارح موضوع العملية والبنات متناقشين فيها فكنت متابعه اول بأول بس بدون مشاركة ...لكن بعد ان عملت العملية قلت لازم اشاركمم ويمكن احد يحتاج شي مني وافيدكم مثل ما استفدت منكم .....فألف الف شكرا ابتداء من الي طرحت الموضوع واحب امي ودانتيلا ورمز والمتفائلة وغلا ومس والباقيين يعذروني اذا نسيت اسم
وراح ابتدي بحالتي
انا اعاني من بروز الفك العلوي وضمور الحنك والفك السفلي وعدم تطابق صحيح وظهور اللثة عند الابتسامة وكانت هذة الحالة جدا متعبتني مثل ماانتم تعرفون فلا داعي للأعادة المعاناة لأن كلنا في الهوا سوا :denya:​

انا اعيش في الامارات وراجعت الكثير من الاطباء والي قال لي محتاجه تقويم والي قال عملية والصراحه الاسعار نار وبنفس الوقت الطب في الامارات شوي ضعيف مع انه متقدم ومتطور من ناحيه الاجهزة والعناية لكن ينقصهم الخبرة
فتوكلت وسافرت لعمان السنة الماضية وراجعت عده اطباء ولكن سبحان الله يكتبلي ان ازور مستشفى وبالصدفه ادخل دكتور جراح وشرح لي عمليتي وكان رائع جدا من حيث الاستماع والاقناع بالعملية فأرتاحيت من اول يوم وقررت اعملها عنده وارسلني الى طبيب التقويم وكان في نفس المستشفى والصراحه حتى دكتور التقويم هو متخصص في تقويم الفكين وكان اكثر من انسان رائع ومحب لعمله بشده وشاطررررر جداااااا
وبدأت مرحلة التقويم اول شي قلعت اسنان العقل 4 اثنان جراحي واثنان عادي وبعدها قلعت اسنان من الفك السفلي اثنان وحتى ريحيني الدكتور وقال راح نقلع اسنان الي فيها تسوس حتى تخلصي منها وكانت هذي الجراحات كلها عند دكتوري الجراح وكانت ايده خفيفة بحيث اسنان العقل ال4 والله خلصها في ساعه ونص وبيوم واحد انا قررت هالشي وبدون ان احس بشي ...
وحطيت التقويم وكان مع التقويم جهاز تحت الفك العلوي وهو الموسعه وعدكم في هذا الموضوع بعض البنات ذكرو الصراحه هو مكروه من ناحية الاكل والكلام لكن ساعدني دكتوري وحط عليه ماده تخلي ما يجرح
حطيت الموسعه 3 شهور .....اما عن مراجعاتي للتقويم فسبحان الله ربي سهل الامور وكان دكتور التقويم عنده عقد عمل في الامارات لكن الاقامة لم تكون موجوده ومن حطيت التقويم طلعت الاقامه وتسهلت الامور وبدا كل شهر يجي مرة حتى يشوف مرضاه الي في الامارات
خلصت فترة التقويم الي قبل العملية ب 4 شهور وكنت جاهزة بس تأخرت عشان الدوام ووانتظرت للصيف واجيت
عملت عملية انحراف في الانف لأن كان قوي ودكتوري الجراح مايقبل يعمل عمليتين بنفس الوقت وخاصة ان الفك صعبة فعملتها وبعدها بشهر عملت عمليتي الكبرى الفكين وهنا الكلام المهم :ggdw:
طبعا مثلكم كنت خايفة جداااااا وحتى فترات كنت اقرر مااعملها ولكن من انظر للشكلي احس اني محتاجه لهلشي وبعدين اجه موعدها وكان مع دكتوري جراح ثاني انه يدخل معا فرحت فحصوني اخر فحص (وطبعا نسيت اذكر انا قبل التقويم وقبل العملية كان دكتور التقويم ياخذ لي صور فوتغرافي واشعة وقياسات حتى نشوف التغيرات كيف بتصير) ورحت عملت تحاليل اللازمة
وجا يوم العملية
مراح احكي تفاصيل الي قبل العملية لأنها مثلكم من ناحيه التخدير بس الحمدلله كانو جدا رائعين حتى الدكتورة تلزم ايدي وتهدي نفسيتي لأن كنت ارجف من الخوف والدكتور الي خدرني قرا دعاء وهو بيخدر يعني مريحين نفسيا
كانت عدد ساعات العملية 6 والانعاش والافاقه ساعتين ونص
اول يوم ماذكر منه شي لأن كانو كلما اصحى ينطوني مسكن بس اذكر اني اصحى عشان استفرغ وارجع انام
ثاني يوم زارني الطبيب وحط مطاطات يقفل فيها الفكين على بعض من خلال التقويم ماشفت الم ابد بس تعب وكان اول يوم وجهي منتفخ انتفاخ قوي بس بالمكمادات راح منه كثير الحمدلله
بقيت 3 ايام بالمستشفى وكنت انزل على العيادة يعملي الطبيب تنظيف
طبعا الاطباء رادوني من ثاني يوم ابتدي اشرب ماي وسوائل بس انا اخاف ومارضى الا الدكتور جبرني في العيادة جابلي كوب ماي وقالي يلا اشربي وشربت فقال الحين اكدر اقولج تطلعي من المستشفى وتشربي 3ونص لترات سوائل يوميا
طبعا هذا الشي ماكدر عليه هههههه بس اشرب ماي وعصاير وشوربة صافيه بالقصبة
اول 10 ايام هي اصعب شي بس والله يابنات الي بعدكم ماعامليه بتعدي بسهولة ان شاءالله وبعدين ابتديت احرك فكي اكثر
اول 10 ايام كنت اروح للعيادة بين يوم ويوم يعملي تنظيف الطبيب وعطاني بس ابر مسكن الم ومضاد التهاب لمدة 4 ايام
بعدين قمت اروح كل اسبوع مرة للدكتور بيشوفني هو ودكتور التقويم ويغيرولي المطاطات
انا حاليا في الاسبوع الرابع يعني شهر وقمت اكل من الاسبوع الثالث اشياء مهروسة وانا حاليا قمت اغير المطاطات ولازم اشيلها اثناء الاكل وارجعها حتى اعلم فكي على الحركه وعلموني اعمل تدريبات للشفايف اضمها على بعض وصحيح حاليا هي مضمومه على بعض كليا
اما الانتفاخ حاليا احسن بكثيررر وبس شوي العيون غاطسة لجوه بس احسن من الاول
​

بعض المعلومات اقولكم عليها
انا بالبداية الدكتور شرحلي كل التفاصيل عن العملية وقال ان الانتفاخ يختلف من ناس الى ناس واما عن الاحساس في الشفه السفلى فقال يصير انه في ناس العصب الحسي ينقطع اثناء القص للفك فأذا حدث له قطع راح يفقد الشخص الاحساس بالشفه لمدة سنتين او اقل....اما اذا اثناء القص شوي اتقربو منه وتحسس فيفقد الشخص الاحساس فيها مدة 3 او 6 شهور ويرجع بعدين
بس قال انا معي لم يحدث هذا الشي لأن بالخبره يصير الدكتور افضل
والحمدلله والشكر لله انا من ثاني يوم حسيت بالشفه مع انه في الخدر بس احساس موجود فالحمدلله لم يتأثر العصب
وموضوع اخر هو الانف الي محير البنات كلهم وكان محيرني انا هم الدكتور الي شارك دكتور لم يعمل له ربط اثناء العملية وهو حاليا فارش انفي بس قليل وحتى مرات احسه صار اصغر فقالو لي بأخر مراجعه ان هذذذا الدكتور يفضل انه لا يعمل للانف شيء لأن نسبة 70% بعد العملية يرجع الانف يفرش وكأنما لم يحدث له شيء
فهو قال الافضل تعالي بعد 4 او 6 شهور حسب التئام الجروح اروح للعيادة وبتخدير موضعي يربط الانف ويلمه على بعض حسب قياسات الوجه الجديد لأني بأنفي العادي كنت لا احتاج تجميل وايضا السبب يقول انا اكره يكون الانف مرفوع بطريقه مبالغ فيها وهذا الشي يصير عند الربط الانف اثناء العملية (وصحيح انا قريت هنا في هذا الموضوع لعدة بنات قالو ان الارنبة مرفوعه جدا ومفرش الانف)
الحمدلله حاليا انا بخير وعندي موعد الاسبوع القادم ويكون الاخير لأني راح ارجع للامارات واكمل بس التقويم
وعلى فكرة بنات لا حطو لي اسيام ولا حديد لأن بالنسبة الهم هذة الجراحه اطورت وصارت المطاطات تفي بالغرض...حتى اتخيلو اسناني ماتأثرت بالعملية نفسها حتى التقويم نفسه موجود وراح اكمل بنفس التقويم بعد العملية
الصراحة الي تكدر تسافر الاردن تجرب تعملها هناك لأنهم ماشاءالله عليهم شاطرين ومواكبين كل التطورات
حتى احد اقاربي هو دكتور اسنان من شرحتله الي صار قال ان قديما كانو يستخدومون الاسيام واطباء عمان متطورين وفغيرو اساليبهم حتى اسلوب قص الفك السفلي والحنك كان دكتوري قاصه بطريقة جديدة وافضل يلتئم فيها العظم بسرعه ويكون ظهور الحنك شكل طبيعي

​