اللي لازقين ببروفايلي .. براااااا

[خفايا الروح]

السلام عليكم ...


:eh_s(17):

انا بتكلم عن ظاهره اشوفها بردود وتواقيع بعض العضوات


اللي هي انها ما تبي احد يدخل بروفايلها وعلى قولتهم يراقبونها او ينبشون بردودها ومواضيعها ..

وتلقينها تتحاسب عليهم ومتضايقه وحالتها حاله

وتظن انها كللللش حيييل مهمه .. استغرب ..

مو شرط كل من دخل بروفايلج يتتبع اخبارج وردودج

والواثق من نفسه ما يهمه

اصلا انت اشحقه كل يوم داخله بروفايلج تجيكين ع الزوار ..!!


انا احيانا تعجبني طريقة تفكير عضوه وردودها ومواضيعها فأتابعها احس اني اتعلم منها ..

وفي عضوات كل مواضيعهم منفعه لغيرهم عشان جذي اتابع جديدها وادخل بروفايلها اشوف مواضيعها ..

في عضوات يونسون ودمهم شربات احب اضحك على مواضيعهم وحتى ردودهم ..


مو كل من يدخل بروفايلج ينبش ..

والبعض منهم تخلي ردودها برسايل خاصه اذا احد سألها عن شي ترد عليه ع الخاص

عشان اللي مسنترين ببروفايلها ما يعرفون .. بالله شكو

والله اكتب وارد ومالي شغل بأحد .. ما اخليهم يردوني عن شي

خلاص يدخلون بروفايلي ويتابعون ردودي ما اكتب ما افيد غيري .. !!!

وانا عضوه قديمه الا ان ردودي قليله سبحان الله هاديه اسم الله علي حتى بالنت دايم اسمع اكثر من اني اتكلم واقرا اكثر من اني اكتب ..

بس هالشي غثني خفت وحده من هالعضوات اللي احب اتابعهم تتهمني بأني لزقه وفضوليه وانبش من وراها ..:rgewrg:


هذي وجهة نظري

وانتوا شرايكم ...؟!

وشكرا لكم ..

 

[أم توتو]

وي انا مادش بروفايلي الا اذا بغير الصوره او التوقيع اصلا مادري منو يدش فيه وحتى العضوات الباقي ماادش بروفايلها الا اذا في صداقه او رساله علاخاص اللي بيدش بورفايلي حياه الله ماعندي اسرار اخبيها

 

[فوووفووو&]

:eh_s(15): اوافقج بالراى صح موشرط اذا دخلت بروفايل وحده انى فضوليه

 

[Tom ♥ Jerry]

.


ههههه بالعكس هاذا يدل على انهآ مميزه
و الكل يبي يشوف ردودهآ و مواضيعهآ :/ الله الهآدي

 

[فتاةالمطر]

اوافقك الراي...(=

شرايك في اللي تكتب بتوقيعها

ماراح أحلل من تدخل ملفي الشخصي ...؟!!


يعطيك العافيه يالغلا

 

[om_dodo]

اى صاجه

 

[••لـوسـي••]

صحيح مو شرط اللي يخش بروفايلج ينبش من وراج او يتطفل عليج الحمدلله والشكر مادري شلون يفكرون​

 

[عادت ذكرياتي]

الناس يتفاوتون بالتفكير

 

[اميره بكلمتي]

موضوعج حلوو

بلعكس استانس اذا احد برووفايلي يحسسني اني شي خخخخخخ

 

[ReDLOve]

والله هالبنااات ناقصااات عقل

يعنى حتى لو بتنبش من وراااج شحاااطه بالبروفايل انتى ؟؟؟

اسمج و اسم اهلج و ريلج و عياالج و وين تشتغلين و صوررررج؟؟؟؟؟؟؟

كله مواااضييع ردوووووود

جان بتشوووف مواضيعي حيااااها الله و هذى الساعه المبااااركه و البرووفايل و صاحبته تحت امرها

و جانها بتشووووف ردووودي يعنى انها تستانس علي و يااااابختي !!!

و جانهاا بتشوووف الى ضااايفينيي اانا اقولها اتشرررف فيييج وحده منهم

و جاانها بتكتب لي شي يا حياهاا الله


الله يكبر عقوووولهم و يثبتها يارب

 

[*ريما*]

اللي تبي تشوف بروفايلي حياها الله

 

[ياحُبِي لِلكويت]

حتى اللي يدش بروفايلي ماخلوها بحاله يممممه يالبنات والله عادي عندي بالعكس شي حلوو اللي تدش ملفي الشخصي لأن مافيه شي ينخش :eh_s(15): ناس غريبه شكرا لموضوعج الحلوو الغريب عاد عمري ماصادفت هالتواقيع :eh_s(22):
​

 

[خفايا الروح]

شكرا لمروركم يالغاليات ..

يا حبي للكويت .. تبين احطلج واحد من هالتواقيع ..

 

[.،:"$الـعـوبــــة$":،.]

اوافقك الراي...(=

شرايك في اللي تكتب بتوقيعها

ماراح أحلل من تدخل ملفي الشخصي ...؟!!


يعطيك العافيه يالغلا

والله من زود الفراغه ، الاخت حسستني انها عندها براءة اختراع وخايفه احد يسرقه ؟!:eh_s(10):
والله انا عااااااااااااادي ،
ادش بروفايلات اللي يشدون انتباهي واشوف شكثر في بروفايلي وسهالات ،
يعني مدري شنو السر الخطير اللي يخافون منه ،

بس صدق يعطيك العافية ،:eh_s(7):​

 

[lolayasmeen]

ضحكتيني يالعوبه انا دشيت بروفايلج عن موضوعج حق الليزر

 

[Čut!e Quèéи]

صح كلامج والله ناس تضحك
انا مرات ادخل بروفايلات بنات لأكثر من سبب
منها
1- عجبني لها موضوع او رد اروح ابحث عن باجي مواضيعها
2- شايفه لها موضوع من قبل وابيه الحين شسوي؟ اروح بروفايلها عشان ادور الموضوع
3- احيانا ابي ارسل لها رساله وفجأه اغير راي ! ويكون نكي نزل في صفحتها
4- بعض المرات يكون فضول اشوف اذا عندها ملف صور ادخل اعلق عليها

ماله داعي السخآفه وتظن انهآ شخصيه هآمه !
مشكوره على الطرح

 

[هيبة الطاووس]

عادي البروفايل شنو فيه يعني مهم
بالنسبه لي صراحه كنت مشاركه
بمنتدى وكنت اداريه وأخذت جائزه
لحصيلة اكبر عدد زوار لبروفايلي
هههههه وناسه

 

[روح مغليهآ]

صح كلامج والله ناس تضحك
انا مرات ادخل بروفايلات بنات لأكثر من سبب
منها
1- عجبني لها موضوع او رد اروح ابحث عن باجي مواضيعها
2- شايفه لها موضوع من قبل وابيه الحين شسوي؟ اروح بروفايلها عشان ادور الموضوع
3- احيانا ابي ارسل لها رساله وفجأه اغير راي ! ويكون نكي نزل في صفحتها
4- بعض المرات يكون فضول اشوف اذا عندها ملف صور ادخل اعلق عليها

ماله داعي السخآفه وتظن انهآ شخصيه هآمه !
مشكوره على الطرح

نفس الراي:eh_s(15):
يسلموووو عالموضوع الحلووو

 

[اسرار مريم]

صح لسانج

 

[JANAA]

وي انا مادش بروفايلي الا اذا بغير الصوره او التوقيع اصلا مادري منو يدش فيه وحتى العضوات الباقي ماادش بروفايلها الا اذا في صداقه او رساله علاخاص اللي بيدش بورفايلي حياه الله ماعندي اسرار اخبيها

نفس الراي :eh_s(15):