- إنضم
- 5 أبريل 2011
- المشاركات
- 6,952
- مستوى التفاعل
- 0
- النقاط
- 0
الســلآمــوٍ عليكــمـ وٍرٍحمــة الله وٍبرٍكــآتــه
كيييفكوم ..?
يارب تكونون كويسسسييين مره مره مره ...
ممممممممممممممممممممم .. مره أي ميس يووو ..
حبيت اطرحلكم هالمــوٍضــوٍع << مدري هوٍ موٍضــوٍع وٍلآ حـآلــه كسيفــه وٍمزٍرٍيــه للغــآيــة
طبعاً ادري انو مقدمتي مدري وش تبي ... بس المقدمه الي كتبتها .. هي عنوان موضوعي ..
بنات الـ انو وما ادراك ما الـ {إنو}
راح اتكلم عن البنات الي مرره يااي ومره كول وطال عمري ( والله يحييني) ..
أنتشر في الأونه الأخيره <---ترا متعوب على الكلمه ..
نظام الدلع عندنا .. البنت الي مو دلوعه غصب بتصير دلوعه .. ما لاحظتوا بالله؟
من متى ؟!
وش صار بالدنيا ؟!
من متى بناتنا يمططون حكيهم ؟؟
....
لما تسألينها .. كيفوك (يعني كيفك) ؟؟ تقول كويّــســه !! وش كويّسه ذي !! انا اخبر الشغالات الي يقولونها !!
وش بيضرك لو قلتي الحمد لله ؟ هاااااااه وش بيضرك بس قولي؟؟
لالا وازيدكم من الشعر بيت .. اذا قلتي كيف الحال .. ؟ تقووول وش ذا يااااي مره لو كلالالاس ..
لازم تقولون { كيفووك} <---- مع رز البرطم العلوي ... بدلع ماصخ
ولا اذا جو يسلمون على بعض يمه يمه يمه تسمع صراخهم من على بعد عشر كيلوات
كأن احد ميت لهم وقسم ان صراخهم يروع .. كنهم ما شافو بعض من سنيييين .. وهم امس شايفين بعض
بس هذا لزوم الدلع يعني المخرج عاوز كده ...
ومن ناحيه نظامهم .. انا اقول لكم وش نظامهم في السلام ..
1-اذا شافوا بعض من بعيد صارخوا صراخ قوي مع كلمه يااااااي ( وحطوا يدينهم على خدودهم) وطيروا حواجبهم شوي { يا حماره يا كلبه .. الخ مرررررررررررررررره وحشتيتي )
2-يركضون ركضه النااقه الي بشووويش .. خخخخخخخخخخخ
3-ما يصافحون بعض أبد. يعني نظام على طول بوسه على الخد
ملاحظه: ( الي بتمد يدها ترا بتتفشل)
4-يوقفون قدام بعض ..ويطالعون بعض .. بعدين فجأه يصرخووون
5- يحضنوون بعض ويجلسون ساااااااااعه .. يبربرون في أذنين بعض
6-بعدين يبعدون.. بس يصيرون ماسكين يدين بعض..
7- .. وأول شي يقولونه ( ياااااي مره نحفتي , ياااااي )
نجي الحين الستايل .. وهو أهم شي
الشعر .. لازم يكون على جنب ويفضل يكون {ويفي} ولونه بني فاااتح خااايس..<< أوٍم الذوٍق الخـآيس....<وٍع
وروج احمر عشان البرطم وكذا ..
والنظاره وهي أهم شي .. عشان تغطي البلاوي الزرقاء..
هذا غير نظرات الأستحقار الي تطالعك فيها ...
لما تجتمع مع صاحباتها .. كل سواليفهم .. يوووه شوفي مره نحفت .. يوووه مرره سمنت
واااااااااااااااو لونها روعه .. شوفي نفخت شفيفها .. لا لا سوت تجميل بخشمها .. لا ترا نافخه خدودها .. شنطتها تقليد .. جزمتها مااركه ياااي ..
ولا السوالف حقتهم .. نص حكيهم { إنو }
إنو أنا مررره تفشانه .. وإنو ماما .. مره معصبه مني عشان أنا .. ما عطيتها بوسه الصباح
وإنو أحنا .. كل صيف في باغيس ..<--
و دادي يقول لي خذي الفيزا حقتي واشتري الي في خاطرك<---ومن هناك لاعن جدهاااا
وانو ايحنا راح نعمل سربرايز لصاحبتنا
وراح تعمل وراح نعمل <--ترا مايقولون نسوي يقولون نعمل
وقسم سوالفهم تجيب لي المرررض .. ما استحملهم . ويحبون يحكون عن نفسهم مررره..
وياليت كل حكيهم صدق .. نصه هياط في هياط
ياما سمعنا عن بنااات .. مع اهلهم غير .. ومع صاحباتهم { إنو} ما ادري وشو هل هو انفصام في الشخصيه ولا ايش بالظبط
ولما تسألونهم ايش اكثر حيوان يحبونه .. هنا بتجيك الصدمه
ياااااااااااااااااااااااااااااااااي مررررره احب الـ Dog ( تسلب اكرمكم الله )
زماااان كان عندي بوبي .. يااااااااااي مره وحشني <-- بتسوي نفسها مره حزينه ..
بس يا حرااااااااام مات .. لأنو المربيه ما اعطته اكل ..
ولما تقول لها شي عن القطوه .. بتقول ييييييييع مرره مقرفه .. بس شعرها يتييييح ويوسسخ الأرض <---- مع مية رمشه بعيونها .. ورزه هاالبرطم
لالالالالالالالالالا وابشركم .. فيه حيوان جديد صاير موضه ويحبونه .. تعرفون وشو ؟؟
الهامستر .. الفار الأبيض
مااااره كيووووت وماااره بريئ .. وماااره ياي يخقق .. احس انو البيبي حقي <---- وقسم ما استحمل بصيييح
ما اقول الا يا صبر الأرض بسس ...
نجي لنظامهم في الصباح ..
لما تسألونهم ايش فطوركم ؟؟ طبعاً معروووف كلهم زي بعض سبحان الله
تقول لك (كروسان+ كلوب ساندوتش+كورن فليكس+كوفي + اومليت >-- ترا قروي اللي يقول بيض )
لاكن لو جينا للصدق .. خبز صامولي وجبن كرافت.. وعصير ربيع .. <--- ويخب بعد
بس لازم عشان برستيجها ما يخرب الله يحييها ..
ولا لما تزعل وعووووووه..
كل صاحباتها الـ { أينوات}
يجتمعون حولها .. وش فيك حبيبتي .. ليه انتي مرره Sad .. مين مضايقك علميني بس وأنا اروح أأدبه <---- بس حتسي فاضي ولا هي من جنبها اصلن
ويسوون افلام وقصص .. وصياح ونياح
واخر شي يطلع السبب .. الـ بااااااااااااااااااااااااايخ
اعطيكم مثال :
مره وحده الله يذكرها بالخير.. شفتها مرررره زعلانه وحزينه وضايق صدرها.. كأن احد ميت لها .. جيت سألتها وش فيك ..
سوت لي قصه .. واجتمعوا حزب الـ {إنو} علينا .. وخمخمه وشي الله لا يوركم .. انا ما عطيتهم جوهم ابد ..
جيت جنب البنت الحزينه وسألتها .. طبعاً سااااااااعه تتشكى وتبكي .. ومدري ايش ..
اخر شي قلت لها طيب الزبده الله لا يهينتس وش تونسين؟
.. وش تتوقعون طلعت زعلانه منه ؟؟؟!!!!
زعلانه عشان أعز صاحبتها .. ما كلمتها امس .. من بعد ما وعدتها انها تكلمها<----- يقططططططع أوم المرض الي كذا .. انا بغيت اصفقهاااااااااااا
قلت لها من جدك ولا تمزحين ؟؟
قالت لا أينو هيااا وعدتني .. وانا ما احب كيذااا .. تخيلي ما نمت استناها .. يااااااااااي مره تعبت امس جايه مواصله انا هنا طقت طبولي .. من القهر
هو اني اسفهها وامشي ولا اقتلها و لا ولا ....
يعني من جد ما ادري وش يحسون فيه بالظبط ؟
ايه نسيت اقول لكم شي : نص حكيهم
English
واذا جينا للجد .. ما يفقهون شيئاً فيه هههههههههههههه
بقول لكم سالفة وحده بعد الله يذكرها بالخير ..
هي من نوع الله يحييني ..
<طبعـآ أوٍختي تحكيلــي وتقولكنا قاعدين انا و بنات خالي المصون .. نستنى السواق بالجامعه .. واحنا كنا ناوين نطلع من الجامعه ونروح نتغدى ..
وكانت هذي الشخصه واقفه تبربر علينا .. المهم قالت وحده من بنات خالي .. يافلانه تعالي تغدي معنا !! قالت لا والله انا مااااررررررررررررره تعبانه <---- شدو على الراء شوي
ما أقدر بروح لبيتي اريح .. <-----ياليييل
قالت بنت خالي وهي تمزح يعني : اجل وصلينا للمطعم على طريقك .
قالت : اسكتي بس والله سيارتي مررره ضيقه حتى ما أقدر امد رجولي من الضيق ..
انا جا في بالي قلت وش معها ذي.؟
سياره درّج ؟ ولا صندوق؟ ولا وشو بالظبط
المهم سلكنا لها .. ومشينا ..
جا سواقنا وجا سواقها .. وطلعنا مع بعض .. أحنا ركبنا في السياره وكان زحمه كنا 4 بنات
وهي لحالها
المهم مشينا ..الا قالت بنت خالي شوفي هذي سيارة فلانه الي تقول ضيقه
واطالع ..وانا الي اقول وش تببببببببي ذي هذي ضيقه الله .. ؟
تبي سياره بحوش الله يحيها ! ولا سياره نظام فلّه ؟
طلعت سيارتها ( بانوراما)
ما اقول الا بس يارب لا تسخط علينا <----وجه يصيح
والله لو اقعد احكي عن ذا الـ { أنو } من هنا لين بكره ما خلصت ..
ما يستفاد من الموضوع :
1- بنات الجامعه بس هم الي بيعرفون اي نوعيه أقصد
2-أنا ما اقول كل البنات تسذا لأه بس الأغلبيه
3-أن كل ساقط وله لاقط <---- اشتهيت اقولها
4-أن البنات ما كانو تسذا من أول
5-أذا حسيتي بألم في الراس وثقل في اللسان ترى احتمال كبير تطلعين من بنات { أنو}
6-باقي المستفاد طلعوه انتو
تحياتي
للامانه منقوووووووول
بس صادقه صاحبة الموضوع ولا وش رايكم انتم ؟؟؟؟؟
الكلمه اللي تقهرني بعد
من بنات الاينو يقلبون كلمة عادي ويقولون عاتي
واذا سالتيها كيفك تقول تيبه بحذف حرف الطاء واستبداله بالتاء ليكون الكلام ارق
والله هذي السخافه بعينها
الكلمه اللي تقهرني بعد
من بنات الاينو يقلبون كلمة عادي ويقولون عاتي
واذا سالتيها كيفك تقول تيبه بحذف حرف الطاء واستبداله بالتاء ليكون الكلام ارق
والله هذي السخافه بعينها
اترك التعليق والمايك لكم
