حياكم الله في مكتبتي ..

[Eng_Roka]

لووول انا عندي اياهاا بس بالعربي اهي صادرة من بلاتينيوم ويقولون انها افضل ترجمه

بس خلاص صار حوسه ختولي خليني اشوف سلسله فامبير اكاديمي قوليلي متى بتقرونها تقريبا عشان اذا اقدر اروح اشتريها من المكتبه او ادورها الكترونيه

 

[م.بابونج]

لووول انا عندي اياهاا بس بالعربي اهي صادرة من بلاتينيوم ويقولون انها افضل ترجمه

بس خلاص صار حوسه ختولي خليني اشوف سلسله فامبير اكاديمي قوليلي متى بتقرونها تقريبا عشان اذا اقدر اروح اشتريها من المكتبه او ادورها الكترونيه

إذا تبينها انجليزي متوفرة بالفورشيرد كل الأجزاء الكترونية بس مادري إذا فيه منها مترجم .. و إحنا راح نبدي فيها لما نخلص هالسلسلة إهي 5 كتب .. عاد نشوف لكجري متى تخلص يعني .. إذا أكيد تين تبدين فيها نقدر ننطرج لين تخلصين امتحانات إذا سبقناج يعني .. إهي فكرتها إن فيه أكاديمية حق الفامبايرز يعلمونهم شلون يتحكمون بطاقاتهم و جذي , و المغامرات تصير داخل الكلية .. شكلها حلوة قلت خل نجرب نقراها

 

[Eng_Roka]

خلاص اوكي اقراها معاكم انجلش شكلها حدها تشووق

 

[Eng_Roka]

بوبو وينج عسى ما شررر

يومين ما تبينين عسى المانع خيير

 

[LUXURY]

هلوووووووو
يامعودين على كلامكم لا يحووووووشك ماني قاريتها مو ناقصه كآبه خخخخخخ
بوبو انا وصلت جابتر 16 ادري حددددددي بطيئه سوري سوري بس قاعده احاول اقرا زياده
وباحاول باجر بليل اكون خالصه باذن الله اوكي؟؟
وصراحه احس توها بدت الاحداث تتحمس وقريت ملخص الكتاب الثاني وشوقني اخلص الاول بسرعه
بس حبيت احط ريفيو ماني طالعه بطاليه

حلوه
الفامباير اكاديمي حيل مادحينها وانا شريت ال6 اجزاء وكل من يقول وايد حلوه وقويه
بنقراها ونشوف
لاتخافين عندنا طن كتب نبي نخلصهم خخخخخخخخخخخخخخ

 

[LUXURY]

بوبو يالدايخه امورتالز 6 اجزاء مو 5 وين طيحتي السادس خخخخخخخخخخ

 

[م.بابونج]

بوبو يالدايخه امورتالز 6 اجزاء مو 5 وين طيحتي السادس خخخخخخخخخخ

لووول الكتاب السادس ليلحين ما نزل يصير خير لما ينزل نقراه لووووول ..

حلوة سوري ما كتبت ردود باليومين اللي طافوا كنت مشغولة شوي و ليلحين ما قريت شي بس انش اء الله راح أكمل اليوم و ان شاء الله باجر أنا مخلصتها يارب

 

[LUXURY]

me sorry me sorry
ككككككك اسفه اخر مره اتحرش فيج واضغطج
واخرتها انا تفشلت ككككككككك
يالله باقرا شوي وبانام وراي دواااااااااااام وباذن الله باجر اكون مخلصتها معاج
متى تبين نبدي الجزء الثاني؟

 

[وشوك ـآلبلوش]

انا ما حبيتها كقصه انا حبيت المعلومات اللي فيها وستايلها وطريقه تفصيل الاحداث وحبيت فكرة المذكرات

انا اشوف ان الجزء اللي من بعد طلعه هاتسومومو تبدي القمته بس قبل اوكي

الجزء اللي قبل خلصته طيران بس عقبها ما عجبني وايد فطولت فيه شوي

بس عموما اعطيها ٤ ونص من ٥

me 2:eh_s(17):

 

[م.بابونج]

me sorry me sorry
ككككككك اسفه اخر مره اتحرش فيج واضغطج
واخرتها انا تفشلت ككككككككك
يالله باقرا شوي وبانام وراي دواااااااااااام وباذن الله باجر اكون مخلصتها معاج
متى تبين نبدي الجزء الثاني؟

خلاص يالله ان شاء الله باجر نخلصها مع بعض .. شدي الهمة يا عسل :eh_s(9):

me 2:eh_s(17):

حياج الله يا حياتي معانا لا تحرمينا من طلتج الحلوة

 

[م.بابونج]

بسم الله الرحمن الرحيم
كتابنا اليوم هو ..

1) القصة : إيفر أكملت عامها السابع عشر و تغيرت حياتها للأبد بعد حادث مؤلم أدى إلى وفاة والديها و أختها , و أيضا اكتسابها طاقة غريبة في قراءة الأفكار و امكانية مشاهدة الأورا (مزاج الناس ) و مشاهدة روح أختها الميتة رايلي .. فتتغير شخصيتها و طريقة ملابسها حتى تتجنب أفكار الناس بالذات في المدرسة حتى يأتي الشاب الجديد ديمون , و هنا تأخذ حياتها منحنى آخر و تنكشف لها أشياء لم تكن تعلم بها .. فكيف ستتعامل إيفر مع كل هذه التغييرات من غير تعريض حياة من تحبهم للخطر ؟؟
2) جو القصة : بصراحة بصراحة انا ما كنت متشجعة أقرا السلسلة لأن مو وايد مادحينها و الريفيو مالها مو قوي توقعتها شي مثل توايلايت و أنا ما حبيت هالسلسلة .. بس بصراحة تفاجأت كليا لما اكتشفت إنها غير عن توايلايت بدرجات , بداية اسلوب الكاتبة مختلف تماما عن اسلوب توايلات و الشخصيات و الأحداث أحلى بواااييدد شخصية إيفر شدتني وايد و خلتني ودي أكون مكانها فعلا .. مع إن ديمون بالبداية كان باط جبدي بس بعدين رق قلبي عليه لووول .. بس بصراحة ما عندهم سالفة الناس اللي ما عطوها ريفيو قوي و الحمدلله لي نهاية القصة ظليت منشدة لها لين خلصتها رهييييييبببةةةةةة

3) النهاية : حلوة و سعيدة .. can't wait for the next book

4) تقييمي للكتاب : 5 نجوم من أصل 5 نجوم .. بصراحة كتاب منعش من زمان مو قارية كتب جذي لوووول .. أنصح فيه و بشدة
​

 

[م.بابونج]

لوكجوري : لاتحاتين أنا عندي كتاب ثاني بقراه و بعدين أقرا الجزء الثاني يعني ان شاء الله مع بعض نبدي الجزء الثاني ..

حلوة بس مو سهلة : ها وينج اليوم ما بينتي فقدناج يا حلوة

 

[LUXURY]

بوبو
وييييييييي سبقتيني يالله زين شجعتيني اخلصها اسرع يا عسل
كاني قاعده اقرا وباذن الله بليل اكون خالصتها وصح انا ماخلصت الكتاب واحس منشده ابدي الثاني لووووووووول
عاد لكجري لامصختها تطينها بالمره كككككككككككك

برب ريدينج تايم

 

[Eng_Roka]

بااك

انا ادرس ما عندي شي شي يديد متملله من الدراسه ويوميا احاول اقرا صفحتين من بيرفكت كيمستري

 

[م.بابونج]

بوبو
وييييييييي سبقتيني يالله زين شجعتيني اخلصها اسرع يا عسل
كاني قاعده اقرا وباذن الله بليل اكون خالصتها وصح انا ماخلصت الكتاب واحس منشده ابدي الثاني لووووووووول
عاد لكجري لامصختها تطينها بالمره كككككككككككك

برب ريدينج تايم

اهلين يا عسل يالله شدي الهمة انا ان شاء الله اخلص الكتاب اليوم و.نبدي باجر ان شاء الله

بااك

انا ادرس ما عندي شي شي يديد متملله من الدراسه ويوميا احاول اقرا صفحتين من بيرفكت كيمستري

الله يعينج و الله بس لا تحرمينا من طلتج و بشرينا عن اخبارج

 

[م.بابونج]

بسم الله الرحمن الرحيم
كتابنا اليوم هو ..

1) القصة : تتغير حياة إلينور عندما تسافر إلى لندن بعد انفصالها عن خطيبها لخيانته لها , فيحدث خطأ في حجز فندقها لتضطر بان تقيم في جناح البرج في فندق آخر . و لكن السبب في عدم شعبية هذا الجناج بالرغم من فخامته هو أنه مسكون بأشباح .. أو بالاحرى شبحين لأختين عاشتا في العصر القديم حيث كانت تعيش الكاتبة المشهورة جين أوستن مؤلفة أشهر الروايات الرومانسية الكلاسيكية , و عندما يظهرون لها يقنعونها بأن يعيدوها إلى العصر القديم لتصلح أخطائهم و تمنعهم من فعل شيء مشين مقابل مقابلتها لكاتبتها المشهورة جين أوستن , و بذلك تبدأ رحلتها لتصحيح هذا الخطأ و لكن تركيزها يتشتت بوجود لورد شيرمونت الوسيم حيث تشعر بانجذاب كبير له لا تعرف سببه ..

2) جو القصة : أنا بصراحة يوم قريت قصة الكتاب ظليت 4 أشهر أدور عليه لييين لقيته بطلعة الروح .. بصراحة تحسفت على كل ثانية ضيعتها و انا ادور على هالكتاب .. خاصة إن كان عندي له توقعات كبيرة و الله حطم آمالي , البطلة بصراحة مسويتها مثل العاهرة و العياذ بالله كل شوي تبي أحد يديد و الشخصيات ما حبيتها و لغة القصة صعبة حيل حتى لو أقرا رواية جين أوستن تصير أسهل من جذي .. و العنوان لا يعبر كلش عن القصة .. لان جين أوستن ما تطلع إلا بمشهد واحد و تكون خايفة من البطلة لأن طلعت لها بالليل و تنحاش منها !! حسيت إني انخدعت بصراحة :eh_s(16):

3) النهاية : سعيدة بطريقة غير معقولة .. بس أقدر الجهد إن الكاتبة حاولت تخلي النهاية سعيدة

4) تقييمي للقصة : نجمتين من أصل 5 نجوم .. لا أنصح فيها .. و اللي يبي يجازف على مسؤوليته لوووول :ch12:
​

 

[qtr soul]

واايد حببتيني في القراءه
وانا متابعتج من البدايه
توني شريت ايباد وابي كتب الكترونيه مجانيه ؟؟ تعبت وانا ادور ماحصلت

 

[~ تريآق]

يما شاء الله وعاادت مس بابونجه ^^

رجعتي لنا بالجديد كالعاده ..

تحمــــست اقرا كتاب evermore مرة مرة .. ومع اني من عشاق الكتب اليديوه ههه بس اني دورتها الكترونيه .. قلت خليني استغل هالاي فون واقرا بأي مكان أطلعه واقرا منه اسهل
ولاني ان شاء الله في الطريق الى اقتناء اي باد <~ تقريبا

دورت النسخه بالفور شيرد ومالقيت القصه كامله ×.×

ياريت يا مس بابونجه ياحبيبة البي تعطيني الرابط وانا لكِ من الشاكرين :eh_s(22):

وشكرا مقدما :eh_s(7):

 

[م.بابونج]

واايد حببتيني في القراءه
وانا متابعتج من البدايه
توني شريت ايباد وابي كتب الكترونيه مجانيه ؟؟ تعبت وانا ادور ماحصلت

اهلين حبيبتي حياج الله, اذا كنتي تدورين كتاب معين بلغيني اشوف اذا اقدر اوفرلج اياه بس عموما موقع 4shared.comتلقين فيه كل شي حياج اله مرة ثانية لا تحرمينا من طلتج

 

[م.بابونج]

يما شاء الله وعاادت مس بابونجه ^^

رجعتي لنا بالجديد كالعاده ..

تحمــــست اقرا كتاب evermore مرة مرة .. ومع اني من عشاق الكتب اليديوه ههه بس اني دورتها الكترونيه .. قلت خليني استغل هالاي فون واقرا بأي مكان أطلعه واقرا منه اسهل
ولاني ان شاء الله في الطريق الى اقتناء اي باد <~ تقريبا

دورت النسخه بالفور شيرد ومالقيت القصه كامله ×.×

ياريت يا مس بابونجه ياحبيبة البي تعطيني الرابط وانا لكِ من الشاكرين :eh_s(22):

وشكرا مقدما :eh_s(7):

حياج الله يا قلبي .. القصة حاليا اللي نازل منها 5 أجزاء .. هذا الرابط أول 4 أجزاء منهم
http://www.filesonic.com/file/959212561/Immortals_Series_by_Alyson_Noël_(.LIT)_(.PDF).rar
إذا ما عرفتي طريقة التحميل بلغيني ..
و هذا رابط الجزء الخامس
http://www.4shared.com/get/eO0bQNFZ/05Night_Star.html

الجزء السادس راح ينزل تاريخ 10-6 إذا تبين بس ينزل أوفر لج إياه ان شا ءالله