موضوعي لمن تاخرت بالحمل سنه واكثر وحملت شاركينااا

[ابدا يالغالي مانساك]

قوه كوتيات حبيابتي
موضوعي هو لمن تاااخرت بالحمل



سنه وفووووق او اكثر
وحملت 0000
شلون كان وضعج ووضع زوجج وحمولتج

وشنو سويتي هل اكيد بعد الاعتماااد علي الله تعالي

هل اعتمدتي
علي المراجعااااات
وكنتي بعد كل دوره تنطرين وتنطرين
وتنصدمين لانزلت

ابي مواقفكم وايضا حللولكم لعل نستفيد ومنهم اولهم انا


اكيد بتقولون ليه محطيتيه بقسم تاخر الانجاااااب

انا متعمده بشوف اللي حملوا
وجعل قسم تاخر الانجاب يتسكر
وكل البنات يحملون ويجون هنيئه يارب
ترزقهم عاجلا غير اجلا

 

[ابدا يالغالي مانساك]

" أفضل الذكر لا إله إلا الله وأفضل الدعاء الحمد لله "

 

[Australia girl]

مممم انا تاخرت عن الحمل تقريبا سنتين ووضعي كان طبعا الكل يسال ليش ماليش خصوصا مرت حماي حملت بشهر عرسي وحسسوني جني صارلي سنين متزوجه ومتاخره بالحمل المهم عالجت بالابر والكلوميد لين ما الله اراد وحملت والحمدالله بنوتي بحظني وخلصت من الناس ردو مره ثانيه يحنون متى تييبين اخت والا اخو الزبده مارااااااااااااااااح تفتكين ...

انتي عالجي وسو اللي عليج والرزق من الله وعسى ربي يرزقج ويرزقنا وكل البنات امين

 

[ابدا يالغالي مانساك]

وين ردودكم يابنااااااااااات 000

 

[قاهره عذالي]

للرفع

موضوعج حلو

صارلي سنه و8 او 7 شهور تقريبا متزوجه

وما الله كتب

وبستأنف علاجي الشهر الجاي

 

[ام الحوراء زينب]

كان لي سنتين من اخر اجهاض وماحملت
اعتمدت على ربي وادري انه كل شي خيره
وكنت كل شهر استغفرالله
وانطر الدورة وكانت تتاخر 3 شهور او شهرين واقول حامل
وهالمره ماكنت متوقعه كلش وكنت رايحه اسوي تحاليل حق الرجيم جان تسويلي بنت خالتي تحليل حمل والحمدلله طلعت حامل
وسوينا مناحه بالمستوصف انا وياها المراجعين يطالعون والموظفات يباركونلي هههههه ودخلنا ريلي يطالع النتيجه ويانا
الحمدلله على كل حال
عسى الله يرزق كل محرومه ويفرح قلبها مثل ما الله فرح قلبي
ادعولي الله يثبته لي

 

[حلا القادسية]

عسي ربي يرزق كل وحدة تبيي يااهل ‏?اليـ?ـوم قبل ببااجر يارب

 

[ابدا يالغالي مانساك]

كان لي سنتين من اخر اجهاض وماحملت
اعتمدت على ربي وادري انه كل شي خيره
وكنت كل شهر استغفرالله
وانطر الدورة وكانت تتاخر 3 شهور او شهرين واقول حامل
وهالمره ماكنت متوقعه كلش وكنت رايحه اسوي تحاليل حق الرجيم جان تسويلي بنت خالتي تحليل حمل والحمدلله طلعت حامل
وسوينا مناحه بالمستوصف انا وياها المراجعين يطالعون والموظفات يباركونلي هههههه ودخلنا ريلي يطالع النتيجه ويانا
الحمدلله على كل حال
عسى الله يرزق كل محرومه ويفرح قلبها مثل ما الله فرح قلبي
ادعولي الله يثبته لي

حبيبتي
مبروك وربج سبحااااااانه
كريم ويارب يثبته لج
ويجعل الذريه الصالحه من نصيبج

 

[ابدا يالغالي مانساك]

للرفع

موضوعج حلو

صارلي سنه و8 او 7 شهور تقريبا متزوجه

وما الله كتب

وبستأنف علاجي الشهر الجاي

حبيبتي قاهرة عذالي
وعسي ربي يرزقج وينولج اللي ببالج
ولاتتركين مراجعاااااتج
وربي يرزقج يالغلا بالذريه الصالحه يارب

 

[ابدا يالغالي مانساك]

مممم انا تاخرت عن الحمل تقريبا سنتين ووضعي كان طبعا الكل يسال ليش ماليش خصوصا مرت حماي حملت بشهر عرسي وحسسوني جني صارلي سنين متزوجه ومتاخره بالحمل المهم عالجت بالابر والكلوميد لين ما الله اراد وحملت والحمدالله بنوتي بحظني وخلصت من الناس ردو مره ثانيه يحنون متى تييبين اخت والا اخو الزبده مارااااااااااااااااح تفتكين ...

انتي عالجي وسو اللي عليج والرزق من الله وعسى ربي يرزقج ويرزقنا وكل البنات امين

حبيبتي هذي البشر مايكفيها شي
يالله الحمدلله علي كل حال وجعل ربي يرزقج

 

[بنت ذآك الأمير!]

آب
ان شاء الله الشر آلجآي نكتب تجربتنآ: )

 

[MYaaWaa]

انا صارلي ٣ سنين من تزوجت
و ماكان يصير حمل كنت اراجع الطبيب
و آخذ علاج و أبر و كلوميد و كل شي يصير تمام بس سبحان الله مايصير حمل
كنت اتعب حيل من العلاج غير تعب النفسيه
كنت بس ادخل المستشفى انقمت
و اتعب لأن على كل هالعلاج و مايصير حمل
و كنت اقول الحمدلله ، لين ما قررت ان ماروح الطبيب ولا ابي اعالج و قلت بخلي كل شي على الله و عندي يقين بأن ربي ما راح ينساني و راح يرزقني حتى لو بعد ١٠ سنين
و قلت بشيل فكرة الحمال من بالي و مابي افكر و وصيت زوجي بعد لا يفكر و يخليها على الله احنا سوينا اللي علينا و ان شاءالله الله بيرزقنا ، و من قررت هالشي ماطاف علينا جم شهر الا و تتأخر علي الدوره و انا اساسا متعوده انها تتأخر عادي فماحطيت فبالي شي و رحت الطبيب بس ماسويت تحليل بس رحت للدكتور عشان يعطيني حبوب تنزل الدوره بس اهوا سوالي سونار وقالي نطري ٥ ايام اذا مانزلت سوي تحليل و اذا ماكو شي اخذي الحبوب قلت اوكي و هم ماحطيت فبالي و عدت هال٥ ايام و مانزلت ولا سويت تحليل قلت بنطر جم يوم لين صار معاي حادث بعيد الشر عنكم و العوار صار كله بظهري حتى ماكنت اقدر امشي والحركة صارت صعبه عندي فرحت له اليوم اللي بعدها على اساس يشوف عوار ظهري مو عشان شي ثاني بس زوجي قالي اشرايج تسوين تحليل اول وانا كنت اقوله مابي اصلا انا مو حامل قال ميخالف سوي تحليل عشاني قلت اوكي و سويته ونطرنا لين طلعت النتيجه انا ماشفتها بس شفت ويه زوجي انقلب و موعارف شيسوي يقولي شنو هذا شنو يعني هالكلمه وانا منصدمه وهو ماخلا احد بالمستشفى ماسأله حتى الفراشين هههههه مو مستوعب النتيجه مع ان عارف انها شنو بس مادري اشصارله و انا بعد مادري اشصارفيني تنحت و قمت اضحك اللي كل الناس تشوفني و موعارفه شسوي وانا مصره اقوله الكلمه يعني انا مو حامل واهوا يقول لازم ادخل عالدكتور الحين لين دخلنا عالدكتور سألني عسى ماشر قلتله ظهري يعورني قالي سويتي تحليل ابتسمت له وقلتله شوف لما شاف التحليل ضحك وقالي مبروووك وانا مصدومه اقوله لالا دكتور تأكد قالي شنو اتأكد؟ انتي حامل قلتله خلني اسري تحليل مره ثانيه يمكن هذا غلط قام يضحك علي وقالي تعالي شوفي بالسونار ولما شفته استاااانست و شكرت ربي و حمدته قلت هذا هديه من رب العالمين لا علاج ولا بطيخ بس خلي ايمانج بالله قوي و كثري الاستغفار و ادعي والله ماراح يردج يعطيج والله يعطيج ألف الحمدلله انا الحين حامل وادعي ربي يتمم علي و يحفظلي البيبي
وياربي يرزقج و يرزق كل وحده محرومه وخاطرها فالبيبي ياااااارب
و آسفه إذاطولت عليكم

 

[MYaaWaa]

انا صارلي 3 سنين من تزوجت
و ماكان يصير حمل كنت اراجع الطبيب
و آخذ علاج و أبر و كلوميد و كل شي يصير تمام بس سبحان الله مايصير حمل
كنت اتعب حيل من العلاج غير تعب النفسيه
كنت بس ادخل المستشفى انقمت
و اتعب لأن على كل هالعلاج و مايصير حمل
و كنت اقول الحمدلله ، لين ما قررت ان ماروح الطبيب ولا ابي اعالج و قلت بخلي كل شي على الله و عندي يقين بأن ربي ما راح ينساني و راح يرزقني حتى لو بعد 10 سنين
و قلت بشيل فكرة الحمال من بالي و مابي افكر و وصيت زوجي بعد لا يفكر و يخليها على الله احنا سوينا اللي علينا و ان شاءالله الله بيرزقنا ، و من قررت هالشي ماطاف علينا جم شهر الا و تتأخر علي الدوره و انا اساسا متعوده انها تتأخر عادي فماحطيت فبالي شي و رحت الطبيب بس ماسويت تحليل بس رحت للدكتور عشان يعطيني حبوب تنزل الدوره بس اهوا سوالي سونار وقالي نطري 5 ايام اذا مانزلت سوي تحليل و اذا ماكو شي اخذي الحبوب قلت اوكي و هم ماحطيت فبالي و عدت هال5 ايام و مانزلت ولا سويت تحليل قلت بنطر جم يوم لين صار معاي حادث بعيد الشر عنكم و العوار صار كله بظهري حتى ماكنت اقدر امشي والحركة صارت صعبه عندي فرحت له اليوم اللي بعدها على اساس يشوف عوار ظهري مو عشان شي ثاني بس زوجي قالي اشرايج تسوين تحليل اول وانا كنت اقوله مابي اصلا انا مو حامل قال ميخالف سوي تحليل عشاني قلت اوكي و سويته ونطرنا لين طلعت النتيجه انا ماشفتها بس شفت ويه زوجي انقلب و موعارف شيسوي يقولي شنو هذا شنو يعني هالكلمه وانا منصدمه وهو ماخلا احد بالمستشفى ماسأله حتى الفراشين هههههه مو مستوعب النتيجه مع ان عارف انها شنو بس مادري اشصارله و انا بعد مادري اشصارفيني تنحت و قمت اضحك اللي كل الناس تشوفني و موعارفه شسوي وانا مصره اقوله الكلمه يعني انا مو حامل واهوا يقول لازم ادخل عالدكتور الحين لين دخلنا عالدكتور سألني عسى ماشر قلتله ظهري يعورني قالي سويتي تحليل ابتسمت له وقلتله شوف لما شاف التحليل ضحك وقالي مبروووك وانا مصدومه اقوله لالا دكتور تأكد قالي شنو اتأكد؟ انتي حامل قلتله خلني اسري تحليل مره ثانيه يمكن هذا غلط قام يضحك علي وقالي تعالي شوفي بالسونار ولما شفته استاااانست و شكرت ربي و حمدته قلت هذا هديه من رب العالمين لا علاج ولا بطيخ بس خلي ايمانج بالله قوي و كثري الاستغفار و ادعي والله ماراح يردج يعطيج والله يعطيج ألف الحمدلله انا الحين حامل وادعي ربي يتمم علي و يحفظلي البيبي
وياربي يرزقج و يرزق كل وحده محرومه وخاطرها فالبيبي ياااااارب
و آسفه إذاطولت عليكم

 

[ELFAD3Ah]

وحده من قرايبنا قعدت خمس سنين وحملت عادي في ناس يكون حملهم عزيز

ربي يرزقكم اللذريه الصالحه

 

[أم حمودي**MALL**]

االله برزقكم بالذريه الصالحه

 

[هيبة ملك]

زوجي كان عادي عنده تأخري سنة لكن أنا اللي انجنيت

وكنت بعد كل دورة احمدربي وادعيه زيادة
والحمدلله ربي عوضني خير

 

[كويتيه مذهله 87]

امممم ما ادري يمكن الكل يعرف قصتي بس بختصرها شوي
انا اجهاضات ما ابي اتذكر بس الحمدالله بعد 4 سنين رزقني بأحلى ولد
تعبت ومليت من حجي الناس الي يغث وعلي فكره ترى لمن ولدت همن يقولون يالله حملي بسرعه يعني ماراح نخلص

 

[ورود الودود]

حبيبتي

انا تاخرت بالحمل سنتين تقريبا

والحمدلله ربي رزقني بالحمل وآنا الحين على وشك ولاده

وصراحه نفسيتي وااااايد تعبت

والناس ماخلوني بحالي

حسسوني جني عقيم

وزوجي حبيبي كان معاي بعد عمري قلبا وقالبا

والحمدلله عالجت بس الدكاتره مانفعوني

نفعني الطب الشعبي

والاهم من هذا كله

اذا تبين تحملين

الزمي الاستغفاااااااااااااااااااار

وربي وربي لما استمريت عليه ماخذيت شهر الا الحمدلله حملت

وعليج بالدعاء ةالصلاه

وربي يرزق كل محرووومه ياااااارب

 

[أإلع ـشق دلع ـهـأإ]

.




مرت خاالي قعدت سنتين مااحملت وعالجت مااكو فاايده وراحت عند حرمه تعالج اسمها ام سعد بصليبيه وحملت مااشااء الله

واختي بعد قعدت سنه ونص مااحملت الكل يسال وكانت كل مااجتها الدوره تتضايق نصحتها مرت خالي تروح عند ام سعد وراحت لها وقالت فيج وفيج وبعدها عالجتها وقعدت شهرين وحملت ماااشااء الله ..

وبنت عمتي تزوجت ع كبروماحملت ودليناها ع ام سعد وتعالجت وحملت ..

الحمد لله بفضل الله اول والدعااء ثم بفضل ام سعد مع انها غااليه







.

 

[Diva-Q8]

انا قعدت 5 سنين ماحملت بسبب الدراسه ولاني كنت منسقه مع زوجي بموانع طبيعيه غير الحبوب
بس لمن قررنا اني احمل ظلينه فوقهم سنتين لان زوجي صار معاه ضعف وتشوهات بالحيوانات المنويه
ونفسيته تعبت وصار عصبي من اول ما درينا بنتيجة التحليل وانا اترجاه يعالج واهوا متردد وخايف

الكل كان يقول عني من وراي وجدامي مسكينه فلانه الله يرزقها مع اني ماشوف انه اللي ماتحمل مسكينه ! الحمل مثل الرزق من الله يعطي من يشاء وكل ما يسألوني ما حملتي اقول للحين والحمدالله على كل شي ..ولا احد كان يدري اذا السبب مني ولا منه

المهم الدكاتره نصحونا نسوي انبوب لانه حالت زوجي ماتساعد احمل طبيعي الدكتور قال حق زوجي لاتسوي معاشره لمده اسبوعين بعدين نبلش انسوي فحوصات نطرنا 10 ايام اليوم ال 11 زوجي ضعف وقال بسوي وبعدين نرد نحسب من يديد وننطر اسبوعين

طبعا تظايقت من لقافة ريلي وليش ماعنده صبر ماباقي غير جم يوم ونبلش العلاج و ابي يمشي على التعليمات وحسيته لامبالي ومايفكر إلا بنفسه بس كسر خاطري وصار اللي صار ومن هل مره حملت سبحان الله (وعسى ان تكرهوا شيئا وهو خير لكم )


اول مادره ريلي اني حامل انصدم بس قالي مبروك وسكت ولمن وصلنا البيت قلنا بنتيدد وانصلي ركعتين شكر انا معاه واغمى عليه بالحمام تكرمون صار معاه هبوط هههههههههههههه ولمن قام لمني وقعد يبجي وبعدين صلينا والحمدالله انا الحين بالشهر التاسع

والله يرزق كل محرمه يارب