shopping في اسطنبول ب 5 ايام (تقرير مصور)

[خاتم ذهب]

طرحج حق الموضوع يشوق ومرتب ماشاء الله بس مشكله ماعجبتني تركيا

 

[عاشقة_الجمال]

شي شي بتبووووووووووووووووووووووت

 

[Ga6wa_7elwa]

مشكووره حبيبتي
انا بروح شهر 7 تركيا فبليز كملي لا يوقف خوش تقرير،، وابي اماكن التسوق والمجمعات هناك وشلون السوق

 

[<miss botamba>]

طرحج حق الموضوع يشوق ومرتب ماشاء الله بس مشكله ماعجبتني تركيا

مشكوره

بس تأكدي اي ديره ماتعجبج اكيد تكونين مو فارتها عدل

 

[<miss botamba>]

حياكم جميعا

شوي وبكمل

 

[Miss Golden]

خوش موضوع مس بوتمبه و عليج بالعافية مشترياتج وسفرتج :aha:

 

[ام _خلودي]

عليج بالعافيه خووش تقرير

 

[om_dodo]

اب

اب

اب

 

[al7reyaa]

مس بوتمبه ترى يننتيني وراي اقل من 15 يوم لازم تخلصين تقريرج

 

[<miss botamba>]

سوري عالتأخير بس موقع الرفع ينني

 

[<miss botamba>]

اليوم الأول ( تكملة الجزء الثالث):

الجزء هذا مال البازار ممكن تكون الصور شويه ومكرره لان اول شي في محلات كانت تمنع التصوير وكان في خليجيين وايد فخفت اصور يسون لي سوالف صورتيني (الي يقول مشاهير وانا مادري) و اهم شي اني لهيت بالسوق

البازار وااايد حلو وانصحكم كلكم تروحون ,, اذا معاكم اطفال ديروا بالكم عليهم لان الزحمه مو طبيعيه جتف بجتف

السلع متنوعه كل شي يخطر في بالكم موجود احلى شي ممكن تشترونه من البازار الاكسسوارات الفضه وسعرها مو هين شوي غالي كاسروهم قبل لا تشترون - الاستكانات و فناجين القهوه التركيه عجيبه وبحط لكم صور - في محل يسوي كوشايات حلوه - الشالات - المواعين ملوتهم حلوه حق المكسرات او تقديم - الي يدورون جاكيتات الفرو موجوده هناك والجلد بعد - الي يبون جناط تقليد تقليدهم واايد ممتاز بس السعر حيل غالي

ووايد اشياء ثانيه المهم السوق ضروري تروحون له واحنا اخذ منا حول الثلاث ساعات

واهم نقطه المكاسر .. المكاسر واايد ضروري واصلا اهوا يعتبر جزء من الثقافه التركيه ومهم اذا بتكاسرون بالبازار قطوله من السعر النص لان اهما اساسا مبالغين بالاسعار ومستغلين نقطه السياح

بس هاااا ماتكاسرون الا على الشي المتأكدين تبونه والا ترا يعصبون ولا تقولون لهم فلان ارخص منك هم مايحبون هالحركه

واي شي تبونه وتبون ينزل بس قولوله اندريم معناتها خصم

وشغله ثانيه السويت و المكسرات و الجاي و القهوه والبهارات واي شي يخص العطارين لا تشترونهم من البازار هذا خلوهم حق السوق المصري لان اسعاره ارخص نوعا ما واهوا اساسا تخصصه هالشي



































وفي بالبازار 4 نوافير ماي بس انا ماشفتهم




يتبعــ ,,

 

[<miss botamba>]

اليوم الأول ( الجزء الأخير):

بليل تعشينا بمطعم اسمه Sultan Pub

كانوا مادحينه بموقع وكاتبين ان اهوا فخم واطباقه خيال

بس الواقع غير

اهوا جيد لا بأس فيه وعنده جم شغله حلوه

بس مو واو واو

يعني اعطيه 3.5 من 5 والسبب ان المطعم ازعاج وايد يحطون اغاني عاليه بس الاكل جيد


المطعم موجود في منطقه السلطان احمد قريب من آيا صوفيا

وتروحون له بالاندرقراوند محطه سلطان احمد Sultan Ahmet


خريطة الموقع المطعم عند السهم الاخضر والسكه الصغيره الي فيها المطعم كلها مطاعم










خبز - إكمك



لبن - عيران وااااايد كان لذيذ طلبت منه 2



وزوووم



ورق عنب - يابرك دولمه و بيديان - باتليجان



شوربه عدس - ميرتشيمتش او تشوربا




كبه - كبه

 

[<miss botamba>]

فطاير جبن - مادري شنو يسمونها بس الجبن - بينينير





كباب - تشيباب
روب - يوغورت
عيش - بيرينتش






وهالأكله يسمونها اسكندر - عباره عن شاورما وخبز مقطع وصوص طماط وروب





وطلع الحساب حول ال 25 دينار يعتبر من المطاعم الغاليه في وايد بنفس مستواه واكل احلى وسعر ارخص



والشي الحلو بالمطعم قعدته

بالشتا حاطين شالات بره













وفي نافوره والآيا صوفيا








وبجذي خلص اليوم الأول نطروني بالاجزاء اليايه

وقبل لا انزل اليوم الثاني بحط لكم مكان حلو تجربونه وقريب من الغراند بازار

 

[عاشقة_الجمال]

متابعيييييييييييييييييييييييييييييين

 

[بصْمةُ ضِيَاءْ]

لا يوقف لا يوقف لا يوقف

 

[هاديهـ&مطيعهـ]

روووووووعه الصور طاحت سعابيلي على صور الأكل

 

[noody a&a]

واو أحب البازار أحلى شي بالسفرات

Nice

 

[وايت اند بلاك]

وووواي ياا قلبي شنو هالحركااات
اموت ع التحف والحااجاات الجميلة عجبني موووت طقم الفناجين00
متاابعة لا تطووولي عليناااااا00

 

[ملواكي]

امممممممممممممممم شنو اموت علي كباب اسكندر عجيب عليكم بالعافيه

 

[<miss botamba>]

مثل ماقلت لكم ان شاء الله بعد كل يوم بحط لكم مكان كنت بزوره بس اما الظروف او الوقت ماسمح

وان شاء الله انتوا تزورونهم وتستانسون فيهم


........................................


واحد من هالشغلات الحمامات التركيه ,, وايد كان خاطري ازور بس الجو كان مايسمح واايد كان برد وخفنا نستمرض وهم هالخمس ايام واايد كان لويه

المهم

المنطقه مالت الغراند بازار ال كبال تشار شه مشهوره بالحمامات التركيه

وبس عليكم تقولون لهم حمام يودونكم حق مليون حمام تركي وطبعا كل حمام فيه قسم نسائي وقسم رجالي منفصلين

واحد من اهم الحمامات المشهوره CAĞALOĞLU HAMAMI - تشاهلوغلو حمامه

هالحمام انبنى سنه 1741 ويعتبر اخر حمام انبنى خلال العهد العثماني وحاليا صار له تقريبا فوق ال 300 سنه ووايد مشهور عالميا سواء بالجرايد او المجلات ووايد زاروه مشاهير ..

الحمام مفتوح يوميا ماعدا الاحد











خريطه المكان وتلاحظون موجود ناحيه الشارع الي احنا نزلنا منه للبازار



الموقع الرسمي للحمام

http://www.cagalogluhamami.com.tr/


من المشاهير الي زاروا المكان

عمر الشريف




جون ترافولتا



كاميرون دياز




هاريسون فورد




عارضه الازياء كيت موس





ومذكور باكثر من جريده و مجله و كتاب


على اليسار كتاب 1000 مكان لازم تزورونه قبل تموتون وعلى اليمين مقال سنه 2003






مقال من مجله يابانيه






مقال لافضل 5 حمامات بالعالم ومعطينه رقم 1