بسوي تنقية من السموم ل3 ايام و بفقد كيلوين ان شاء الله من تشاركني بيومياتنا خل نتشجع

[تفديني روحه]

بسم الله الرحمن الرحيم





شلونكم بنات

بدخل بالموضوع انا اعاني من 9 شهور من ثبات الوزن لابعد وزاد فعرفت ان الي يبي لي تنقية للجسم من السموم

المهم النظام يعتمد اغلبه على العنب و الفواكه امس سويت سيرج بالنت و لقيت موضوع للعضوه الطامحه سوت تنظيف لمدة اسبوع و اخسرت 4 كيلو كان نظامها اول يومين عنب اخضر او احمر مع اللب باقي الايام خضار و فواكه ما عدا( البرتقال المانجا البطاط الطماط السبانخ الموز) الكميات مفتوحه هي ما تحملت الصداع اشربت نسكافيه هي جابت النظام من دكتور سعودي بجده نصح فيه واحده و هي سوته
و على فكره لما سويت سيرج مالقيت هالممنوعات بس فعلا المانجا و الموز يشبعون و الجسم بالتنظيف يبي خفايف

المهم اسبوع كثير لان فيه نظام اليوم و اليومين و الثلاثه و الاسبوع

انا ان شاء الله بسوي ل3 ايام لان عندي مناسبه و يارب اضعف يوم الاربعاء الجاي

فالي تبي تشاركني يومياتنا عشان نتشجع كل واحده تقول شنو الفاكهه و الخضار و الرياضه الي سوته
اليوميات تشجع كثييييييييييييير
بس اول خل نشتري الي نحتاجه انا بالرياض و تعرفون ما نسوق فانطر واحد من اخواني اروح اشتري معاه

مو مشكله مو مهم نبدي كلنا بنفس اليوم واحده تتاخر تتقدم عادي المهم نظل مع بعض و نتشارك اوكي

هذي قائمتي الي بشتريها ان شاء الله

كيوي
تفاح اخضر و احمر العدد 10 حبات
كيلوين عنب اخضر و احمر يعني المجموع كيلوين مو اربعه
بطيخ 3
رقي 1
جزر نص كيلو
اناناس 2 ( مره يضعف مع الكيوي)
تين 10 حبات
كرز كيلو
خوخ نص كيلو
زهره 1
قرع 3 حجم متوسط
غير الخضار و الورقيات الموجوده باغلب البيوت


انا استفدت من يوميات الطامحه يزاها الله خير و حسيت فعلا اليوميات تشجع

يا الله الي تبي تشارك خل تشارك بدخل ان شاء الله الموضوع كل يوم واوافيكم بالتفاصيل ادعو لي روحتي للهابرماكت تتسهل يارب و يجي الوقت الي ننحف فيه من غير شر:

​

ملاحظه نظام التنقية من السموم 4 مرات بالسنة يعني كل 3 شهور اوكي للي ما تبي تسوي سيرج و تقرا ههه

 

[تفديني روحه]

الي تبي تحط فراوله خوخ كيفها

سووها قبل الدوره بفتره طويله عشان لاتاثر عليها

 

[دلع انثه]

موفقه حبيبتي وانشالله تضعفين

 

[أحلى عيون]

اختي الغاليه من كلام دكتورتي بعد كل ميزان تنقين جسمج من السموم شلون




بعد ماتوزنين يوم يكون كله يومج صنف واحد من الفواكه والافضل يكون تفاح اخضر انا سويت الطريقه ونزلت تبارك الرحمن ٣ كيلووو



موفقه وينقل الي قسم اليوميات

 

[تفديني روحه]

اختي الغاليه من كلام دكتورتي بعد كل ميزان تنقين جسمج من السموم شلون




بعد ماتوزنين يوم يكون كله يومج صنف واحد من الفواكه والافضل يكون تفاح اخضر انا سويت الطريقه ونزلت تبارك الرحمن 3 كيلووو



موفقه وينقل الي قسم اليوميات

مو فاهمه حبيبتي يعني شنو بعد كل ميزان تقصدين اسبوع او ريجيم و بارك الله فيج

 

[حصه11]

الله يوفقج حبيبتي

 

[كيكه توفي]

بالتوفيق

 

[ام مهرة 2009]

يزاج الله خير

بس ما فهمت 3 ايام صنف واحد فاكهة ولا كل يوم نوع
لاني لي 5 شهور وزني ثابت

 

[q8tyah]

انا كل مايثبت وزني استعمل رجيم الفواكه والحمدالله يكسر وزنى هالرجيم بس استمر عليه يومين او ثلاثه عقب ارد لرجيمي العادي

حتى دكتورتى مالت السكري قالتلي لازم يوم بالشهر تنظفين الجسم من السموم وماتكلين الا خضار وفواكه

 

[بنت ًَالأدآريهً]

انزين انا بنقي جسمي من السموم بس مابي اضعف لاني عصلة خلقة بس بنظف جسمي من السموم يصير اكل اللي قلتيه والا ازيد اشياء تمتن مثل بطاط وهالسوالف​

 

[تفديني روحه]

يزاج الله خير

بس ما فهمت 3 ايام صنف واحد فاكهة ولا كل يوم نوع
لاني لي 5 شهور وزني ثابت

هي نظامها اسبوع اول يومين كله عنب الباقي نوعي كيفج
انا ان شاء الله بحاول اول يوم او يومين عنب ويارب ايعطيني الله تعالى العزيمه ثالث يوم بنوع
اذا تبين تنوعين كيفج بس العنب احسن شي يعني اذا تبينه قصير يوم او يومين او 3 نوعي مافي مشكله المهم جسمج يتنظف

انا كل مايثبت وزني استعمل رجيم الفواكه والحمدالله يكسر وزنى هالرجيم بس استمر عليه يومين او ثلاثه عقب ارد لرجيمي العادي

حتى دكتورتى مالت السكري قالتلي لازم يوم بالشهر تنظفين الجسم من السموم وماتكلين الا خضار وفواكه

بارك الله فيج شجعتينا و الله

انزين انا بنقي جسمي من السموم بس مابي اضعف لاني عصلة خلقة بس بنظف جسمي من السموم يصير اكل اللي قلتيه والا ازيد اشياء تمتن مثل بطاط وهالسوالف​

لاما يصير لازم يتنظف خليج يوم بس

 

[@_@ 4snr]

موفقه إن شاء الله
أنا بجرب بعد كل ميزان اكل تفاح أخضر (غرامي) و أقول لكم شنو يصير معاي

 

[تفديني روحه]

خلاص ناطرينحج حبيبتي

 

[فروووووحه]

موفقه ان شاء الله


<< بحااول مع اني اعرف عمري ما اقدر علي الفواكه

 

[الفدنه]

الله يوفقج

 

[el7ob Klah]

انتي مثلي انا صارلي سنه وزني ثااااابت كنت مرات ابجي

اقول ابي انزل ابي البس مليييييت

والله العظييييم مانزل وزني ولا كسر الثبات الي كان معاي سنه الا القهوه الخضرااااا

انصحج فيها بقووووووووووه

شوفي تجربتي بتوقيعي

 

[((shoOoshoOo))]

ثنكيووو معلوومه جديده

 

[منو انا]

lمووووفقه أن شاء الله ..

 

[كتكوته غنوجه]

موفقييييييييييييين