مشاكلي الوظيفيه ابي لها حل

[فدوووو]

السلام عليكم
كيفكم بناات اول مرة اكتب بهالقسم وحبيت افضفض وابي حل
انا ولله الحمد موظفه يعني مدربه حااسب بس مشكلتي اني ادرس بمعهد
بتقولين وين المشكله
المشكله بالبنات اللي ادرسهم
فوق مااني اتعب عليهم واجي عند كل جهاز وحدة واشرح لهم شاطرين بس شكاوى علي عند المديرة والمديرة الله يخلف بزر يعني توها جديدة بهالشغله
وانا لي خبرة سنة ونص ولي الحين ثلاث اسابيع بالمعهد
بس يابنات تعبت نفسيا ضااق صدري كل يوم شكوى على شي ماله داعي
اول مرة اشتكت وحدة قالت ماافهم بالشرح مع اني اشرح يمكن عشر مراات لها بس
وثاني مرة قالوا ماهي زي مدرستنا اللي قبل ماتعتمد عالكتاب
مع اني قلت لهم الكتاب ترجعون له اذا مافهمتوا شي او لمراجعه
حست وكرهت المعهد وكرهت المديرة لانها خبله ماتعرف شغلها زين
لاتقولوا شلون انا عارفه شغل الادارة من قبل بس الظروف اجبرتني اتوظف
حتى صرت مااهتم بنفسي والاكل مااكل الاوجبه وحدة باليوم
الله يخليكم اللي عندها حل تساعدني ابي مساعدة عاجله ضااااق صدري

 

[گـحِـلْ |~]

الله يكون بالعون وييسر أمرج
‏


.

 

[اصيله بنت البدو]

كلمي المديره عنهم اكيد بتسمعلج اذا شرحتي الاسباب واقنعتيها اما الطالبات ادبيهم بالدرجات
ترى السكوت لايفضل حاولي تسيطري عليهم بكل الحيل ااو درسي كلاس ثاني والله يوفقك ويسهله عليج

 

[فدوووو]

كلمي المديره عنهم اكيد بتسمعلج اذا شرحتي الاسباب واقنعتيها اما الطالبات ادبيهم بالدرجات
ترى السكوت لايفضل حاولي تسيطري عليهم بكل الحيل ااو درسي كلاس ثاني والله يوفقك ويسهله عليج

المديره عندها ان كلام البنات هو الصح وانا الغلط وشرحت لها امس بس هيعندها ان البنت الصح وانا الغلط
ولااقدر ادرس كلاس ثاني مع اني طيبه معاهم مررااا

 

[فدوووو]

بنات جد ساعدوني حدي متأزمة

 

[تذكر خافقي رمحك]

الله يكون بعونج شوفي لو تقدرين تقولينلها
تيي تحضر صفج عشان تشوف شرحج وتحكم
يمكن اتفج عنج

 

[ما كو اسم]

اذا معهد خاص والطلبه يدفعون شئ طبيعي انتي الغلط

على كل طريقتج غلط اكيد .

انصحج تسوين استبيان وتوزعينه لج وتعرفين شنو يبون

 

[Hawaii]

الله يكون بعونج نصيحه طنش تعش تنتعش

 

[فدوووو]

الله يكون بعونج شوفي لو تقدرين تقولينلها
تيي تحضر صفج عشان تشوف شرحج وتحكم
يمكن اتفج عنج

هي راح تحضر صفي وشرحي انا ولله الحمد ماعليه كلام :eh_s(15):

 

[فدوووو]

اذا معهد خاص والطلبه يدفعون شئ طبيعي انتي الغلط

على كل طريقتج غلط اكيد .

انصحج تسوين استبيان وتوزعينه لج وتعرفين شنو يبون

اختي انا طريقتي في الشرح والتدريس ممتازة جدا على طريقه ارقى المعاهد بالمملكة وافضلها
واهي المديرة كلمت البنات لا والمشكله يقولون نبيها تكمل معانا وبنفس الوقت يشتكون عجيب امرهم

 

[فدوووو]

الله يكون بعونج نصيحه طنش تعش تنتعش

ياليت اطنش بس شي يقهر بالقلب تخيلي انا كنت ادرس في ارقى المعاهد وماصارت لي مشاكل بس خليته لانه دوامين وانا ابي دوام اريح لي

 

[dalo0o3ah_kw]

حاولي تغيرين طريقة الشرح لما تشرحين حق كل بنت حاولي تفهمين طريقة تفكيرها ومستوى فهمها عن طريق الإختبارات كثري الإختبارات واستبيانات عشان تتوصلين لطريقة استيعاب كل بنت وتغيرين طريقة شرحج كثري امثلة وصور خلى كل بنت تجرب بروحها واذا واثقة من نفسج خلي المدير يحضر الدروس ​

 

[فدوووو]

حاولي تغيرين طريقة الشرح لما تشرحين حق كل بنت حاولي تفهمين طريقة تفكيرها ومستوى فهمها عن طريق الإختبارات كثري الإختبارات واستبيانات عشان تتوصلين لطريقة استيعاب كل بنت وتغيرين طريقة شرحج كثري امثلة وصور خلى كل بنت تجرب بروحها واذا واثقة من نفسج خلي المدير يحضر الدروس ​

انا درست بنات كبار وصغار ودرست حريم كبر امي وكل وحدة عارفه مستواها في الحفظ والفهم
انا لي خبرة ممتازة بهالمجال ومن ناحيه الامثله والصور ماافي احسن مني بهالاشياء
وبعدين انا في السعوديه يعني مديرة مو مدير
يالله مافيها شي بس المديرة مالها خبرة يعني ماتعرف شغل المعاهد مالها الاشهر بهالوظيفه
والمشكله قد سويت لها قبل لاتصير مديرة بهالمعهد مقابله وكان شرحها ضعيف ومالها شخصيه
وسبحان الله جت في اخس معهد وصارت مديرة علي مع اني انا لي خبرة وعارفيني المؤسسه زين ماني غريبه مشهورة حييل

 

[ما كو اسم]

ما دمتي على مستوى ومشهوره ليش تقعدين في مكان راح ينحسب عليج انج فشلتي فيه

 

[فدوووو]

ما دمتي على مستوى ومشهوره ليش تقعدين في مكان راح ينحسب عليج انج فشلتي فيه

الحاجة يااختي

 

[أنسأنة غير]

أستغفري واللة يكون بالعو،ـن

 

[gmar al-kuwait]

كل اسبوع تعطين البنات اختبار وخليج شديده وياهم
انا ملاحظه الاساتذه الطيبين محد يحسب حسابهم سوري على الكلام بس هذا الصج
وخلج شديده بالاختبارات صدقيني بيبطلون دلع

 

[فدوووو]

أستغفري واللة يكون بالعو،ـن

امين ياارب

 

[فدوووو]

كل اسبوع تعطين البنات اختبار وخليج شديده وياهم
انا ملاحظه الاساتذه الطيبين محد يحسب حسابهم سوري على الكلام بس هذا الصج
وخلج شديده بالاختبارات صدقيني بيبطلون دلع

صاادقه والله شلون مانبهت لهالنقطة مشكورة خيتوو

 

[الريشة]

الناس ما يعجبهم العجب!!!
صيري رسمية معاهم و أدي واجبك اللي مطلوب منك و مالك شغل بأي وحدة فيهم.
و لا تضيقين خلقك على ناس ما لهم أي أهمية بحياتك.
انتي قاعدة تشتغلين و تاخذين راتب و ترجعين البيت.
اهتمي بحياتك و بس لأنهم اذا رجعوا بيوتهم ما راح يحطونك في بالهم فإنتي لا تحطينهم في بالك.
و حاولي تقدمين بوظيفة ثانية بمكان ثاني وتكون مميزاتها أفضل و الناس راقين.