.o
▐♥ مرق فاصوليا بيضاء وبطاط + رز بالشعرية من مطبخي ▐♥▐♥
▐♥ مرق فاصوليا بيضاء وبطاط + رز بالشعرية من مطبخي ▐♥▐♥
مرق الفاصوليا البيضا والبطاط باللحم المفروم
بطريقتي الخاصة
بطريقتي الخاصة
تغير عن المرق باللحم الهبر واسهل واسرع
مقادير المرق :
بصل اخضر
شوية سلق مفروم او شبنت او كزبرة ( بس السلق احلى وايد للمرق )
بصلة مفرومة
بصلة مفرومة
2 حبة ماجي
ربع كيس لحم مفروم ( حسب الكمية اللي تبين )
1 علبة فاصوليا بيضاء ( انا استخدم السعودية اول قطفة )
ماء حار
3-4 طماط مبشورة او يمكن ( سلقها بشوية ماء لما تلين وتشيلين القشر ثم تخلط بالبلاندر )
زيت
1 علبة معجون طماط
بهارات لحم
1 - 2 فلفل اخضر علوب
1 حبة لومي اسود صحيح
1 فص ثوم مدقوق
شوية كركم
ملح
2 بطاط متوسطة مكعبات كبار شوي ( مغسول )
ربع كوب صبار ( تمر هندي استخدمت الجاهز )
هذه صورته
هذه صورته
الطريقة :
- غسلي اللحم المفروم بالمشخال بماي حار عشان تروح الزفرة وحطيه بجدر على النار لما ينشف مايه
- ضيفي عليه البصل المفروم وحمسيه عدل لما ينشف ويتحمر البصل ثم اضيفي البهارات والكركم والبصل الأخضر والسلق
- اضيفي عليه الزيت والبطاط وقلبيهم واستمري بالحمس عدل
- اضيفي عليهم مبشور الطماط والماجي وخليه على النار 5 دقايق يطبخ على نار عالية
- ثم يضاف معجون الطماط وحمسيه معاهم
- ضيفي كمية الماء المناسبة حسب المقدار اللي بتسوينه ( انا مسوية جدر صغير ) يعني تقريبا 5 اكواب ماء
- غزي اللومي الأسود بالسكين وقطيه بالجدر عشان يطبخ وياهم
- اضيفي زيت اكثر اذا حسيتي ان المرق ناشف وضبطي الملح بعد واضيفي عليهم علب الفلفل الأخضر الحار بدون لا تقطعينه عشان ما تطلع حرورته على المرق وخصوصا اذا عنكم صغار بالبيت
- اتركيه على النار يطبخ لمدة ربع ساعة لما يبدأ يثقل اضيفي الصبار ( التمر الهندي )
والفاصوليا بعد ما تصفينها من مايها وخليها تطبخ لما تستوي مع المرق على نار هادية
والفاصوليا بعد ما تصفينها من مايها وخليها تطبخ لما تستوي مع المرق على نار هادية
وهذه صورة المرق ما عندي غيرها
الرز ( العيش بالشعرية ) :
المقادير :
2 كوب رز التموين
ربع كوب شعرية المطاحن الصغيرة ( الكمية بكيفغك )
زيت
2 ماجي
شوية كركم ( نتفة )
بصلة مفرومة
ماء حار مغلي
الطريقة :
- غسلي الرز ونقعيه بماي لمدة نصف ساعة
- حمسي البصلة بالجدر بدون زيت ورشي عليها شوية ماء
لما تحمر
لما تحمر
- اضيفي الزيت ( انتي حددي مقدار تقريبا انا حطيت ربع كوب بالنظر ) والشعرية وحمسيها لما تحمر + الماجي والكركم
- اضيفي الرز المنقوع بعد ما تصفينه من الماء عليهم وخلطي شوي شوي عشان ما يتكسر حبات العيش حتى تختلط الشعرية بالعيش .
- اضيفي علهم ماء حار لما يغطي العيش ب 2 سم وضبطي الملح ان احتاج زيادة واتركيه اول 5 دقايق على نار عالية لما تشوفين الماي اختفى ثم خففي النار وحطي الحديدة تحت الجدر لما ينشف عدل ( تقريبا ربع - ثلث ساعة ) وقدميه .
وعلينا وعليكم بالعافية
