- إنضم
- 5 يناير 2011
- المشاركات
- 77
- مستوى التفاعل
- 0
- النقاط
- 0
السلام عليكم
بنات ما ادري شلون ابتدى السالفة بس قبل شهرين كانت مشاكل كبيرة بيني وبين زوجي ووصلت للطلاق لكن انحلت بفضل الله وزوجي ماهانت عليه كرامته انه اهو يجي وياخذني بعد ما تصالحنا اشترط اني انا الي اروح وفعلا رحت والله العظيم والله كانت الأرض راح تنشق وتبلعني بس قلت مو مومشكلة عشان عيالي وعشان ما اندم بعدين على اي قرار واقول اني سويت كل الحلول والحين انا حامل وتعبانة عند اهلي كنت راح اولد وانا لي الحين بالثامن ما صدق على الله قالي قعدي عند اهلج لي الولادة واهو طايحله شات بالنت مع البنات ويدري اني اشوووف كل شي وقاعد يتحداني وكل يوم ادخل ملفة الشخصي واشوف سوالفه مع البنات وكل يوم تزيد بنت واهو يقول عادي انا ما قلت لهم احبكم اهو شايف الموضوع عادي بس ما في وحدة ترضى ان زوجها يسولف ويضحك بالطريقة هذ لا وياليت يكلمني بنفس مثل ما يكلمهم والله يكلمني بدون نفس وقمة الإحتقار والله تعبت منه والدنيا ما تسوى ودي اعيش حياتي اصلا مو حسافة عليه حتى مصروف ما يعطيني من تزوجت بس عبايتين شريت جني طرارة اهلي ما يقصرون بس ما يرضى آخذ منهم شي والله اشوف نفسي لما امشي بالشارع اتحسر على عمري وشبابي الي ضاع وبعد كل الصبر اهله يشوفون اني الغلطانة والله العظيم الصبر ما يفيد لاني كل ما اصالح ام زوجي بعد يومين تزعل والله تعبت وارد اصالح وترد تزعل المشكلة انها تفسر تصرفاتي غلط انا شنو اسوي هذا طبعي صارلي اربع سنين تتفسر تصرفاتي غلط واتهامات لي متى اعيش بهذ الطريقة ابوسها على راسها وابوس ايدها واترجاها تسامحني وترضى وترد تزعل وتقول شوفي شنو تسوين وبعدين تعالي وآخر مرة قالت مليت من الإعتذار واذا رديتي راح اطردج ادري اني ما اعرف اتصرف بس شنو اسوي ووالله اني كنت اسوي كل شي عشان ترضى علي صار يهمني رضاها اكثر من رضا زوجي صج تعبت وتعبت نفسيتي الحين ما ادري شنو اسوي بستخير وادعي الله واشوف اتوقع اني خلاص راح اطلب الطلاق او الي عندها حل ممكن تساعدوني جزاكم الله كل خير
