ايوااا شفت اللسته .. .. وسجلت بعضهم عشان احطهم باللستة <~ اللي ماتخلص مدى العمر 
ويييييي عاد تدرين اني حاطه بأول اللسته City of bones - glasses- ashes
نسيتهم مره والله من اللحسه وكثرة اللي عندي ماني عارفه وش ابدا
انتي قولي لي وش برايج ابدا لما اخلص كتابي ذا
City of bones وشلتها ... والا ..سلسة Gemma !!
أهلين يا حياتي ما شاء الله عليج متابعة خخخخ
أقولج شوفي , بالنسبة لسلسلة The mortal instrument
1) الكاتبة أمريكية و راح تكون اللغة سهلة
2) المخلوقات اللي فيها معروفة " فامباير , ويروولف .. إلخ " فما راح يكون عندج مشاكل شلون تتخيلين القصة
3) اكثر من علاقة حب في القصة
4) النهاية سعيدة
5) الاحداث حماس و تحط فيج روح القتال
و بالنسبة The Gemma Doyle :
1) زمن القصة مثير للاهتمام لأن نفس زمن جين أوستن القديم .. أول مرة أشوف أحد يكتب رواية خيالية عن هالقصة
2) القصة ما فيها مخلوقات من أي نوع , و الأبطال ناس عاديين تصير لهم أحداث مو عادية فممكن تقدرين تتواصلين معاهم بشكل أفضل
3) علاقة حب واحدة في القصة و بالجزء الأول ما يركزون عليها كلش الأحداث كلها تبدي بالجزء الثاني
4) النهاية مو سعيدة
5) الكتب طويلة تعطيج فرصة أفضل بأنج تتعرفين على الشخصيات و الأحداث تفزز تخليج تنطين من مكانج من الخرعة
انا قيمت السلسلتين نفس التقييم فصعب علي أنصح منو قبل منو .. لان كل سلسلة لها جوها صراحة شوفي شنو الأنسب لج يعني , حياج الله يا حياتي
