عروسة قصيرة ما تقدر تلبس كعب .. شلون تكون بدلتها ؟!

[لآ بيرلآ]

صباح الخير عرايس :eh_s(7):

اضطريت احط السؤال بموضوع منفصل عشان احصل اراء وايد
و افيد البنات اللي عندهم نفس التساؤل


انا طولي عادي و ريلي اطول مني بسنتيمتر واحد بس
انا عادي عندي ماكو مشاكل .. بس في شغلة محتاجة اعرفها


فصطان العرس ..
طبعا ماراح اقدر البس كعب .. و مستحيل البس لاني مااتقبل شكلي انا اطول منه
يمكن الكعب اللي كيتين هييل مممممككككن بس غيره لا

السؤال ..

شنو موديلات بدل العروس اللي تصلح للعروس القصيرة + ماتطلعني عريضة او تمتني + انا جسمي حلو من تحت اعرض من فوق مااعتبر ضعيفة بس مااعتبر متروسة وزني بيرفكت الحمدلله ابي اطلع جسمي بس مااودي يكون موديل عادي جني من المعازيم بس بدلتي بيضا او اوف وايت .. و شلون تكون الطرحة ..
يعني اوكي مالبس كعب بس قاعده احاتي لاني ابي موديل ما يقصرني عادي يكون و يطلع جسمي >> وايد اقرق ادري :$
و الله يتمم علي و عليكم يا رب ..
راح اكون شاكرة للي تساعدني او ترفع لي الموضوع

شكرا :wqedqw::hearting:


:aha:

 

[يآلبى ضحكتي:$$]

جم طولج حيآتي ؟ ووزنج ؟​

 

[قاهره عذالي]

يا بنت الحلال
انا والله مرة حماي اللي زفوها معاي
طولها 150 سم
يعني متر ونص
ولبست كعب
كم مقاس رجلج ؟
وبدلتها شفتي البدله اللي ارسلت لج اياها بالخاص
نفسها ونفشتها اكثر

 

[لآ بيرلآ]

فديتكم ع الرد السريع

انا طولي 159 مرات اكش اصير 158 لوووول
و وزني ما يتعدى ال58 هذا اذا متنت يعني ما بين ال55 و ال58 باسوأ الاحوال

و ريلي 160 .. اثنينه قصار و ضعاف لو امتن اصير اقصر لوول بس مابي اصير امتن منه مابي لول ازمة حياتي

اهوا يا بنات الحجي مو علي انا .. ان يعني لو ريلي اطول مني بشوي جان بس ما بينا فرق كلش

 

[قاهره عذالي]

حبيبتي طولج 158 مو قصيره ترا مو قصيره انتي طولج زين القصيرة مراة حماي اللي 150 متر ونص ولابسه كعب وثوب نفشتها قد الثوب اللي وريتج مرتين
انا 160 ولبست كعب

عادي ترا اذا بالكعب صرتي اطول منه بسانتين او 3 ماراح تفرق بالتصوير

 

[لآ بيرلآ]

قاهرة عذالي

فديتج قصدج البس كعب قصير يعني ؟ بس همن ابي اعرف شنو الموديل اللي البسه ؟
ابي موديل يطلع جسمي ما يعرضني .. انا وايد متعقده ترا راعيني هههههههههههه

 

[قاهره عذالي]

ابي كم مقاس رجلج؟


ترا العرايس يروحون محلات الجواتي عزج الله
ويفصلون الجوتي على قياس رجلهم الابيض + تحدد كم ارتفاع الكعب


عادي البسي كعب متوسط مو قصير

ولايهمج طول زوجج ترا بالكعب يمكن تصيرين اطول منه بسانتين او 3 ماكو فرق

 

[دلوعه ناعمه]

البـــدله ماتكووووون وااايد نااافشه ومودييييل السمــكه وااااااايد حلووو لوحده بطووولج لابرجوازيه بدلاتهم موديلات السمكه وايد حلوووه وفخمه وعلى حسب ذوووووقج انصحج تروحينلهم وبس

 

[لآ بيرلآ]

مقاس ريلي تكرمين البس 37

 

[يآلبى ضحكتي:$$]

تدرين آنه طولج عجيييييييييييب مشآءلله موقصصصصصصصيره ​

ولبسي كعب بسييييط ​

آنآ عندي جم صورة بقتهآ من جم موضوع آدورهم وآردلج ​

وآتوقع ينآسب لج آكثر آلديزآينآت ​

 

[لآ بيرلآ]

البـــدله ماتكووووون وااايد نااافشه ومودييييل السمــكه وااااااايد حلووو لوحده بطووولج لابرجوازيه بدلاتهم موديلات السمكه وايد حلوووه وفخمه وعلى حسب ذوووووقج انصحج تروحينلهم وبس

اها يعني ماالبس نااافش اووكي حلو انا اصلا احب موديل السمكة اللي يكون نافش من تحت بس
ثانكس حياتي مشكورة وايد ع النصيحة :eh_s(7): ;***

 

[لآ بيرلآ]

تدرين آنه طولج عجيييييييييييب مشآءلله موقصصصصصصصيره ​

ولبسي كعب بسييييط ​

آنآ عندي جم صورة بقتهآ من جم موضوع آدورهم وآردلج ​

وآتوقع ينآسب لج آكثر آلديزآينآت ​

فديتج و الله انا عارفة ان طولي عادي يعني بس قصدي مقارنة مع ريلي :$
و شغلة ثانية اقصدها ان لو طولي 165 مثلا يعني .. عادي طول حلو و ما يفرق وايد لو ما لبست كعب عرفتي كيف يا ألبي .. و ثانكيووو وااايد ناطرة ردج :$ :eh_s(7)::eh_s(7):

 

[قاهره عذالي]

روحي محل الجواتي قولي له ابي افصل جوتي ابيض حق بدلة عروس
وخل يفصلون لج الكعب وبمقاسج
عندي جوتي عرسي مقاسه جنه يا 37 او 38 تبين تاخذينه ؟
مضيق علي ماله فايده

 

[هــنــوف]

حبيبتي ١٥٨ مو قصيره واخذي الموديل الي يعجبج انا طولي ١٤٥ ومجبوره اخذ خصر واطي وكعب دبابه

 

[لآ بيرلآ]

روحي محل الجواتي قولي له ابي افصل جوتي ابيض حق بدلة عروس
وخل يفصلون لج الكعب وبمقاسج
عندي جوتي عرسي مقاسه جنه يا 37 او 38 تبين تاخذينه ؟
مضيق علي ماله فايده

ادري انج بتذبحيني ههههه بس انا عرسي ليما الحين ما تحدد بالضبط
بس لان احتمال يصير على شهر 2 فبخلص امتحانات و اشوف ع البدلة لاني بفصلها ابيها حقي

خل اشوف و اعطيج خبر و ما قصرتي كلش كلش كلش :*

 

[لآ بيرلآ]

حبيبتي ١٥٨ مو قصيره واخذي الموديل الي يعجبج انا طولي ١٤٥ ومجبوره اخذ خصر واطي وكعب دبابه

انا عارفة يا حياتي ان طولي عادي .. بس انا قصدي ان لمن ماالبس كعب في موديلات ما تصلح لي لان انا مونتفة يعني مو صغيرونة بالحجم جسمي عادي .. وريلي طولي تقريبا عرفتي يا حياتي

فديتج الله يتمم عليج و يهنيج و تطلعين مثل ما تبين بالضبط :**

 

[سمو الغلآ]

لا سهالات ان شاء الله وبتطلعين احلى عرووسه

نفس ماقالوا لج لابرجوازيه يييهببببببل
وقصه سمكه ولبسي كعب خمسه سانتي


وبسس

 

[لآ بيرلآ]

لا سهالات ان شاء الله وبتطلعين احلى عرووسه

نفس ماقالوا لج لابرجوازيه يييهببببببل
وقصه سمكه ولبسي كعب خمسه سانتي


وبسس

الله يطمن قلوبكم مثل ما طمنتوني و ريحتونييي يا ررررب ..
ما تدرون شكثر احاتي و ارسم اشياء بخيالي ههههه
تسلمون فديتكم :eh_s(7):

 

[*عيون مغليها*]

اممم ماشاء الله طولج حلو بس انتي تحاتين الفرق البسيط الي بينج وبين ريلج شوفي اهوا اوردي بهالحاله راح تصيرين اطول من التسريحه يعني حسبي حساب تسريحه نازله

وبالنسبه حق النفنوف اذا منفووش حيل راح يقصرج بس احس السمكه راح يخلي طولج بين

موفقه حبيبتي امبييه لو اقولج شكثر فرق بيني وبين ريلي لوووووول لو البس كعوبت الدنيا ما اصير طووله

 

[لآ بيرلآ]

اممم ماشاء الله طولج حلو بس انتي تحاتين الفرق البسيط الي بينج وبين ريلج شوفي اهوا اوردي بهالحاله راح تصيرين اطول من التسريحه يعني حسبي حساب تسريحه نازله

وبالنسبه حق النفنوف اذا منفووش حيل راح يقصرج بس احس السمكه راح يخلي طولج بين

موفقه حبيبتي امبييه لو اقولج شكثر فرق بيني وبين ريلي لوووووول لو البس كعوبت الدنيا ما اصير طووله

فدييييييييتج عيوووون ايوووة انا احاتي الفرق بيني و بين ريلي فقط لا ااااا غير
انا اصلا التسريحة المرفوعة حيل مو حلوة علي بتكون وسط مو نازلة و لا مرفوعة

و مشكورة وااايد ع النصيحة فديتج الله يتمم عليج

و على سالفتج هههههههههههههه نفس بنت خالتي عكسي تمامممااا ههههههههههه
انا اقولها انا احاتي العكس .. و حررررررررة بلبس شوز نازل ماراح اتعب تسويلي جذي :eh_s(4):

مشكورة حبيبتي على ردج :****