ابي منكم حل بنات عفيا تعالوو...

[3atharii *_*]

السلام عليـــــكم ,,


انا ببدي بالموضوع على طول,,,,

بنات انا توني متزوجه صارلي 3 شهووور ,,

ومشكلتي اهي ان كل مااقوول حق ريلي خل نطلع يتهرب ويتحجج بأشياء واايد

احس ملييييييت وودي اطلع معاه واستانس ,, وبعدين هذي احلى الايام :eh_s(16):



لمن قعدت معاااه وكلمته ,,

يقووول ويين اودييج !! انا ماااعرف سوالف الشباااب وماعرف وين اوديييج :eh_s(2):



الصرااااااااحه ماعرفت شرد عليه

وبعديييين استحي اقوله ودني مكاان الفلاني :eh_s(2):

ودي تطلع منه اهواا ماابي انا الى اقووووله !!!!



تكفووون عطوني الحل

وللعلم اني اصغيره واهوا اكبر مني ب8 سنييييين


ماعرف اتعامل معااه واستحي منه !!!​

 

[@ام ضاري@]

شنو وين اويدج قولي ودني سينما ودني البحر ودني مطعم
نغير جو دام حابه الطلعه معاه
قولي نحجز في منتجع معقوله مايعرف ها السولف والتمشي

 

[عروووسته]

انا وريلي بس سينمات من تزوجنا ختمنا كل الافلام السخيفه ماكو مكان بالكويت وين نروح يعني :/

المنتجعات فكرتها حلوة دوريلج مناسبه حجزيلكم وفاجئيه او اقترحي عليه هذا حلج الوحيد

حزة الغدا لاتطبخين ولاتطلبين قولي حنتغدا بالمطعم الفلاني مشتهيته ومره عن مره تسحبينه وتعودين ريله عالمطاعم

 

[•Brown•Sugar•]

ويه حبيبتي عاااااااااااادي انا مثلج كنت
بس توني عرفت السر وخليته بروحه كل اسبوع يطلعني
من تزوجنا والله ماطلعني الا 8 مرات وصارلنا سنه وشي مع بعض
اذا بطلع يقولي روحي مع اختج مع اهلج ينرفزني بحركاته
حتى سفر كان يسافر بروحه
قلت لازم اغيره وصج غيرته
* اول حركه سويتها قمت احجز سينما واقوله حبيبي سويتلك مفاجأه
وبالطلعه ما احاول اضغط عليه ولا نطول بالطلعه لان مو متعود واخاف مايرتاح
*اخليه على مزاجه اهم شي يكون مستانس معاي مو يطلعني من ورا قلبه
ومتى ما قال مشينا خلاص ما احنج واقوله تو الناس
*ولما اقنعه نروح مطعم اتعمد اختار مطعم ماكو عليه دوس
ووقت مبجر قبل لا يصير حزه الغدا او العشا
*وبعد الطلعه بالسياره لازم جم كلمه حلوه والله حبيبي استانس وايد معاك اليوم
ويعطيك العافيه قلبي تعبتك معاي واذا خسرته بالطلعه اقوله ربي يعوض عليك حبيبي
لوول يقولي تفداج الفلوس
بدا يستانس شوي شوي بعد فتره صار اهو من نفسه يقول شرايج نطلع نتريق الصبح
ولو اني ما احب طلعه الصبح بس ما ارده قمنا نطلع الصبح نتمشى بشرق نقعد بكافيه
طلع ريلي مايحب الزحمه ومايحب يطول بالطلعه وعرفتله
الحين حتى بالسفر تقولي تعالي معاي

 

[انا لحبيبي .]

الكويت شو فيها غير ، سينمات ، مولات ، بحر، مطاعم ؟

يختار مكان منهم واطلعو سوا

 

[كارلوفي فاري]

حبيبتي المثل يقول ابنج على ماتربينه وزوجج على ماتعودينه
انتي اهم شي مو على ابو انه مايروح تخلينه كلش كلش اشغليه بمشاوير السوق والخياطين المهم لازم يعرف انج وحده عندج احتياجات وانج لازم تطلعين سواء حق شغل او تمشيه
مع الايام راح يتعود على الطلعه وياج وتلقينه يعزمج
هو للحين مو متعود على برنامج الطلعات مع الزوجه صدقيني مع الايام راح يتعود

 

[أم توتو]

ليش تستحين خليج جريئه وقولي له بعدين بيقول هذي كل ساكته ماتطلب راح يتعود على طبع سكوتج بس مو تصيرين طلابه يعني بالمعقول

 

[أنهار الورد]

شنو مايعرف لسوالف الشباب يعني معقولة مايعرف مطاعم ومجمعات
خلاص اذا هو مايعرف انتي علميه قوليله ابي السوق الفلاني يوم تتغذوا بمطعم حلو ولا سينما ولا حتى الكورنيش

 

[دلــــــــــع!]

دامج توج متزوجه أجل مافي الا انج تعوودينه ع الطلعات
مثل ما قالوا البناات
الله يوفقج انشالله

 

[سوسن1980]

ويه حبيبتي عاااااااااااادي انا مثلج كنت
بس توني عرفت السر وخليته بروحه كل اسبوع يطلعني
من تزوجنا والله ماطلعني الا 8 مرات وصارلنا سنه وشي مع بعض
اذا بطلع يقولي روحي مع اختج مع اهلج ينرفزني بحركاته
حتى سفر كان يسافر بروحه
قلت لازم اغيره وصج غيرته
* اول حركه سويتها قمت احجز سينما واقوله حبيبي سويتلك مفاجأه
وبالطلعه ما احاول اضغط عليه ولا نطول بالطلعه لان مو متعود واخاف مايرتاح
*اخليه على مزاجه اهم شي يكون مستانس معاي مو يطلعني من ورا قلبه
ومتى ما قال مشينا خلاص ما احنج واقوله تو الناس
*ولما اقنعه نروح مطعم اتعمد اختار مطعم ماكو عليه دوس
ووقت مبجر قبل لا يصير حزه الغدا او العشا
*وبعد الطلعه بالسياره لازم جم كلمه حلوه والله حبيبي استانس وايد معاك اليوم
ويعطيك العافيه قلبي تعبتك معاي واذا خسرته بالطلعه اقوله ربي يعوض عليك حبيبي
لوول يقولي تفداج الفلوس
بدا يستانس شوي شوي بعد فتره صار اهو من نفسه يقول شرايج نطلع نتريق الصبح
ولو اني ما احب طلعه الصبح بس ما ارده قمنا نطلع الصبح نتمشى بشرق نقعد بكافيه
طلع ريلي مايحب الزحمه ومايحب يطول بالطلعه وعرفتله
الحين حتى بالسفر تقولي تعالي معاي

معاها:eh_s(15):

 

[dectora 7elwa]

brown sugar
كفت ووفت
الله يهنيكم جميعا