♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

عووووووووووووووودة لمتصفح فخم .. :rerrerek:​

في البداية مدخل طرحك يزخر بالفوائد التي يمكن تقنينها للسير في دروب المشكلات .. ولكن المشكلة الاساسية غالباَ تكمن في أننا متى سنطبق ذلك فعلياَ .. نحن نعرف نسطر اروع الاساليب في وقت ترفنا لكن في المحن لا يبقى سوى العادات السلوكية لذا علينا ان نمارسها في اوقات التطبع في الحياة العادية .. ربما تكون معادله صعبة جداً لكنها غير مستحيلة .. ​

بالنسبة لمواضيعك فهي جميلة ولمناقشتها للتفصيل وربما سيكون طويل .. ​

اسمحي لي بالاسهاب باخر موضوع لحداثتة وقته في الطرح .. ​

انحراف الابناء .. ​

كمجتمع مسلم عربي نحن على الاقل نتفق على القيم التي يجب الا يُنحاز عنها .. وبالتالي تحديد ماهو الانحراف المقصود .. ​

ركزتي على الاسرة ودورها الرئيس في سبب صلاح او فساد الابناء .. ​

هذا برأيي صحيح بنسبة كبيرة لكن أعتقد بأننا خلال العقود القريبة واعني بها عقود هذا الجيل كله بابائه وابنائه قد تقل هذه النسبة بسبب الانفتاح المفاجئ الغير مدروس من قبل والذي تسبب ليس بمجرد انحراف الابناء بل بزعزعة القيم .. ​

عزيزتي نهى : ​

قديما كانت الاسرة حسب معطياتها ربما تتنبأ بالمستوى الاخلاقي لأبنائهم بالمستقبل لكن الآن لا يمكننا الجزم بذلك وانا اتحدث عن نسب وليست نتائج قطعية .. ​

واقع جيلنا كماء في دلو انثقب مرة واحدة 100 ثقب فتسرب الماء بشكل سريع .. ​

انفتح العالم عليه دفعه واحدة اصبحنا نخالط ثقافات مختلفة ومجتمعات نختلفة قيم واديان مختلفة ولم يكن هناك استعداد بقدر ذلك الانفتاح .. ​

ربما اطلت بذلك لكني اردت التوصل لفكرة ان الاسرة حاليا وعلى امتداد عقود قادمة لا اعرف بالضبط كم , لن تستطيع السيطرة التامه على الابناء كما كانت اسر العقود الماضية .. لأنها اساساً هي ايضا لا تعرف معطيات العصر الذي سيعايشه ابنائهم ... ​

لكن بالمقابل لا يمكننا الاجحاف بدور الاسره بل وباهميته اذ ان الدراسات الحديثة تؤكد بناء عقل الانسان بنسبة 70% بمرحلة الطفوله نسبة ضخمة تخدمنا في تأصيل القيم الذاتيه .. ​

أعتقد ان الاسلوب الصحيح في التربية المستقبليه هي التربية على اساس التقييم الذاتي للفرد فتتقلص الادوار الى زرع البذور والتعليم على كيفية الزراعه .. ​

باختصار نهى .. نحن نحتاج الى تأصيل الدين في نفوس اجيالنا وليس مجرد نقل الدين .. ​

ديننا مرن جدا جدا في التعامل مع المجتمعات لكن يجب علينا ان نتعلم كيف نجعله عقيدة وروح وليس مجرد هوية نحملها بين الناس .. ​

السؤال الأهم .. كيف نستطيع فعل ذلك لنضمن صلاح ابنائنا وعدم انحرافهم .. ؟ ​

لا يمكننا حصر الطرق لذلك لكن يكفي بأن نستشعر بأننا ندق ناقوس على ماذا نريد ؟ ​

شكرا لاطروحاتك نهى ...........​

:eh_s(7)::eh_s(7)::eh_s(7):​

ياهلا والله بالعزيزه جورجيت

العفو يا الغاليه

أسعدني جدا مشاركتج العطره في الموضوع
وأتمنى نشوفج دوووم لانه الموضوع رح يكون متجدد وزاخر بكل ما يتعلق بامور حياتنا اليومية والمشاكل اللي تواجهنا وشلون نقدر نتخطاها ولو بابسط الحلول

أصبت في الرأي غاليتي جورجيت

التربية هي الأساس في كل شيء

ومنبع التربية يبدأ من الأسرة ليتم تخريج ابناء صالحين في حياتهم
بعيدين كل البعد عن الانحراف واشكاله

نحن في زمن مختلف من كل النواحي ويتطلب من الاسرة معرفة الفروق ما بين الامس واليوم حتى تستطيع أن تنشيء ابناؤها التنشئة الحسنة

باختصار نهى .. نحن نحتاج الى تأصيل الدين في نفوس اجيالنا وليس مجرد نقل الدين ..

نعم عزيزتي اتفق معك في هذا الكلام

:eh_s(15):

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم

اشكرج اختي الغالية نهى على الطرح الرائع والقيم


حقيقة اخذت من الوقت كثيرا لاقرأ هذه المواضيع الرائعة :eh_s(15):

وتابعت المناقشات القيمة من الاخوات


واحب ان اشكركم على هذا الجهد الرائع والاهتمام في تحسين الاوضاع ومعالجة كثير من المشاكل والمصاعب التي تواجهنا في هذه الحياة

ولاحظت ان المواضيع التي اخترتيها تناسب الصغار والكبار فهي لا تقتصر على فئة معينة منا



جزاج الله خير واتمنى دوام مواضيعج الرائعة والجادة

والله لا يحرمنا من عطائج ةدررج الثمينة :yaaaaaarb:

وعليكم االسلام

هلا وغلا فطوووومه الغاليه

منوره ياقلبي

العفو حبيبتي

وباذن الله مارح اقصر معاكم بطرح مثل هذي المواضيع القيمة اللي لها فائدة للجميع

:eh_s(7)::eh_s(7):

الله يجزاج خير
كثري من هالمواضيع الحلوه

هلا حبيبتي بخارى

مشكوره ياقلبي على الطله الحلوة

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

,،


الموبايل


و مآ آدراك مآ الموبايل :/ ؟ بلاوي حمره و خضره و صفره و زرقه و سوده ! :d
و آهوة يعتمد على حسب الشخص الي يستخدم هالموبايل

يعني الشخص الي يخاف ربه مستحيل طبعا يسوي شي يغضب ربه
أمأ الشخص الي مآ عنده رآدع ديني .، يسوي اي شي
بس عشان يشفي الغليل الي فيه ! أو بالـ معنى الاصح يريح خآطره ؛*

:eh_s(7):

ياما بنات على نياتهمـ يحفظون صورهم بالموبايل و يحطونهآ بالـ bbm !
و النهايه آنفضحت البنت عشان وآحد باق صورتهآ :/

يا بنات ديروآ بآلكمـ كل شي و لا الشرف !
وآحد حقير يبوق صورتج و ينشرها بـ المواقع و بـ غيره و غيره !
و يكتب هاذي صآحبتي أو رفيجتي و يخرب سمعتج
مآ تسوا عليج هالـ صورة الي حطيتيها !
ديروآ بآلكمـ .،

حيا الله الغاليه تووووووووم

لج وحشه يا الغاليه

استخدام الموبايل يتعمد على الشخص نفسه
انه يكون عنده وعي اكثر بمخاطر الموبايل والمشاكل اللي ممكن تصير بسببه

واذا كان عنده وعي باذن الله مارح يتعرض لأي مشكلة بسبة الموبايل

وعسى ربي يبعد عنكم كل مكروه

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

.،


التكلم عن عرض الناس

:rgewrg:



مشكله تبط الجبد ! .، تلقين وحده عندهآ " دكتوراه " بهالـ مجال
و مآ عندهآ غير اتييب طاري فلانه و علانه
تقول هاذي تطلقت و هاذي تزوجت هاذي زوجهآ يابلها جي
هاذي طلعت مو بنت لمآ تزوج !
هاذي ريلها طلقها هاذي ريلها طقها بوكس على عينهآ :/
آنتي شعليييييييييج خآفي ربج و الله باجر وراج عيال .، و بنات يكبرون
و بتشوفين حوبه هالـ ناس كلها عليج :| !

و بتشوفين عقابج بالدنيا قبل الأخره ! ان مآ تبتي !
يا بشششششششششر عرض الناس و شرفهم مو لعبه بآيدكم .، المشكله
اتيي وحده تزود بالحجي و تسوي فلم سودآني :/ !
و كلاااااا طبعا جذب × جذب !

حرآم عليكمـ و الله الي يتكلم عن عرض الناس
باجر يشوف هالشي بآعياله و مرته و خوآته

أتمنى يا الغاليه انه الناس تعرف انه التكلم باعراض الناس حراااام
وله عذاب عظيم من رب العباد


عسى ربي يهدي الجميع

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

.،


أنحراف الابناء

:eh_s(2):


آخييييييييييييييييييه ، هالمشكله تعور القلب و الله
صعب الموقف / الي تشوفين فيه أم عبايه راس و نقاب و الستر بنور منهآ
و بنتهآ ميكب أخر موديل و الشدو وآصل من هني ليه هني
و لابسه ليه ركبها أو اقصر " آحيانا "
و الـ بف ليييييه السماااااا ، و تمشي جدآم الآم و تتمخطر و تتشرط على آمهآ
و الاصعب انه تشوفينهآ تزف آمهآ :eh_s(16):
و الآم من الخوف مآ تبطل حلجهآ بـ ولا كلمه !!!!!!!!!!

اسبابه :

1/ التربيه الخآطئه .
2/ قله الوآزع الديني .
3/ لهو الآم عن بناتهآ و أولادهآ .
4/ عدم تعليمهم اصول الآخلاق و الدين الصحيحه .
5/ رفقاء السوء .
6/ تأثير الآعلام عليهم تأثير سلبي .
7/ عدم الدعاء للآبناء بالهدآيه و الصلح منذ الصغر .

و علاجه طبعا العكس .،
بس حبيت آتكلم عن نقطه الي اهيه " التربيه الخأطئه " ! :eh_s(7):

وآيد وآيد وآيد آمهآت و آبهات على بالهم آنه ليه حكرو بناتهم
و مآ خلو عندهم رفيجآت و خلو الطلعه عليهم بالحسره و حكروهم باللبس جنه عايشين بـ سجن
بالـ نهايه الآبناء ما رآح يصيرون زينين " خصوصا البنات " !
بس آهوة طبعا العكس .، الآب و الآم لازم يكونون عآدلين من هالنآحيه !
يعني .، انا مآ آحكر بنتي و مآ اعطيها تلفون و مآ آخليها تطلع و مآ تلبس حآلها حآل البنات
و مآ تروح و مآ آتيي و مآ تزور رفيجآتهآ وووووووو آلخ
بس عشان مآ تنحرف بالغالب نشوف البنات الي جي ينحرفون !
و السبب الرئيسي الـ آم و آلآب .،

شخصيا / آعرف بنات يعانون من هالـ مشكله .، و للآسف
الحين هالـ بنات صاروآ من اسوأ البنات سمعه في العايله أو الأهل
و الغلط الكبير من الآم و الآبو الي حكروهم و مآ خلوهم يشوفون الدنيا (=
هاذا الشي مو زين حرآم يا عالم .، الوآحد يعامل بناته بالحسنى
الدين وصانى بالـ يسر مو العسر !
اذا كنت آنتآ آب ظآلم و آم ظآلمه و كلآ حآكر بناتك
اي وآحد يكلم البنت رآح تحبه على طول .،
اي مكآن تروح له البنت رآح تبقق عيونهآ جنه أول مره تشوف العآلم
اي بنت تكلمهآ " بنت سوء " رآح تركض وراها
ديروآ بالـ كم يا آمهآت و آبآء .، ترا الـ عيال بـرقبتكمـ .، باجر الله يسألكمـ عليهم
هذول آمآنه لكمـ .، حآفظوآ عليها مو تطلعون الـ حياه من عيونهم
و الله بنات مساكين .، تلقينهآ مآ تعرف ديرتهآ من كثر مآ اهيه محكورة بهالـ بيت
الخدآمه تطلع آكثر منهآ :eh_s(11):

ماشاءالله عليج يا الغاليه

كفيتي ووفيتي

ماقدر اقول شي من بعد كلامج ورأيج يا قلبي

:ggdw::ggdw:

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

فاقدة نهوووي من غيير شر !!

عساج ماتفقدين غااااالي ياقلبي


السموحه منكم

لهيت ببعض الظروف وان شاءالله تتعدل الامور


وعسى ربي يوفقكم ويحفظكم من كل مكروه

:eh_s(7):

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشكوره يا نهى ويعطيج العااافيه

هلا وغلا بنور الغاليه

العفو حبيبتي

الله يعافيج ياااارب

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

أخواتي العزيزات

للتذكير

اللي حابة تقرا كل موضوع طرحته​

الموضوع الاول موجود بصفحة رقم 1

الموضوع الثاني موجود بصفحة رقم 2

الموضوع الثالث موجود بصفحة رقم 6

الموضوع الرابع موجود بصفحة رقم 9

الموضوع الخامس موجود بصفحة رقم 11

الموضوع السادس موجود بصفحة رقم 13

الموضوع السابع موجود بصفحة رقم 15​

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

أخواتي العزيزات


اول شي

حابة اشكركم من كل قلبي على الردود والآراء اللي تشرح القلب

أتمنى لكم التوفيق في حياتكم والله يبعد عنكم كل مكروه



باذن الله موضوعي اليديد باجر رح انزله لكم


:eh_s(7):



اختكم

نهى الأحمد

 

[Tom ♥ Jerry]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

.،


نهى الأحمد

بأنتظآر الموضوع اليديد بآجر (=
على آحر من الجمر ؛**

 

[عيون منوعه]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

يَ هلآ بالطش و الرش

توه ما نور المنتدى والله ,,

و نآطره موضوعج بشووووق

,,
​

 

[كتكوته غنوجه]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

تسلم ايدج عالمجهووووووود الرائع

 

[برنسس أوراق]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بتكلم عن موضوعج الاخير انحراف الابناااء

والله والله يانهى
اني اعرف عايله الام والابو فيها مو متفاهمين
..الام تدخن اربع وعشرين سااااعه وطول الوقت تبي هذا وتبي هذا..والابو لاهي بشغله من الصبح للظهر ومن العصر لليل بس عشان يأمن لبناته الخمس وعياله الاثنين لقمة العيش الشريفه..
لا صلاه ولا مراقبة عالتلفزيون..
البنات الكبار عادي عندهم يطلعون المجمعات ويرقمون وحجتهم انهم يبون يتزوجون وكبر فيهم العمر ٢٥ و٢٣..وصاروا حقودات وما يذكرون الله على الشي اللي يشوفونه عند الناس ويعجبهم..

والبنات اللي تحتهم مراهقات من ١٥ وتحت وما يقومون عن المسلسلات اليابانيه والكوريه الا للأكل وبس..
تصوري اثنين من البنات بلغوا بدون محد يدري..لا ام..لا اخت عوده تكون قدوه لهم..

والابو وينه؟؟ لاهي يأمن لهم لقمه شريفه وفوق مرته مو قايمه فيه وطلقها مرتين وردها عشان عياله والحين تصير بينهم مشاكل الدنيا بس ما قدر يسوي شي لانه خايف يطلقها مره ثانيه وما تحل له..

كل هذا بسبب شنوو

بعدهم عن ربهم..محد فيهم يصلي..عبالهم ملك الموت يستأذنهم

التلفزيون والافلام الهابطه اللي فيه لعبت فيهم لعب


صرت انا وخواتي نتجبنهم عشان ما نتأثر فيهم

تخيلي مره وحده من البنات كانت متهاوشه مع امها وطالعه من البيت وتقول خل يولون وماني راده وما ادري شنووو..ويت عندنا وقالت لنا تعبانه شوي وقصت علينا بجم كلمه وما قالت لنا السبب الصجي
..المهم قعدناها عندنا وعزيناها ورزيناها وصرنا نحاول ما نحسسها انها ثقيله علينا ولا نذكرها بأهلها ومشاكلهم
بس نتضايق منها..نسمع الاذان ونقوم كلنا نصلي حتى الخدم ويفضى البيت من الرياييل اللي يروحون المسيد واحنا نتوزع بالغرف..الا اهي نروح ونيي وهي مجابله هالتلفزيون..مره سألناها جان تقول دوره..طوفناها وسكتنا بس بعدين اهي بطتها بويهنا..سألت أختي الكبيره..انتوا اشلون تصلون احس ما ادري اشلوووووون..
اختي انصدمت وظلت ساعتين تحاول فيها وتفهمها وتوعيها معنه اختي اصغر منها بس مول..الشيطان قاعد بعقلها..وبالاخير ردت لبيتهم
وللحين حالتهم من مشكله لمشكله..


هذا الكلام اللي كان بقلبي وحبيت اشارك فيه بموضوعج اللي يا عالجرح

مشكووووووره عالمواضيع المفيده والكلمات اللي طالعه من قلبج النظيف واللي يحب الخير
وسوري طولت عليج

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم ورحمة الله


صبحكم الله بالخير والنوير

شلونكم ياخواتي

عساكم بخير


:eh_s(7)::eh_s(7):

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

.،


نهى الأحمد

بأنتظآر الموضوع اليديد بآجر (=
على آحر من الجمر ؛**

هلا والله بالغاليه توووم

فديت هالطله والله

ان شاءالله ياقلبي

يَ هلآ بالطش و الرش ​

توه ما نور المنتدى والله ,,​

و نآطره موضوعج بشووووق ​

,,​

هلا وغلا حبيبتي عيون

النور نورج ياقلبي تسلمين

تسلم ايدج عالمجهووووووود الرائع

هلا حبيبتي

الله يسلمج يااارب من كل شر

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بتكلم عن موضوعج الاخير انحراف الابناااء

والله والله يانهى
اني اعرف عايله الام والابو فيها مو متفاهمين
..الام تدخن اربع وعشرين سااااعه وطول الوقت تبي هذا وتبي هذا..والابو لاهي بشغله من الصبح للظهر ومن العصر لليل بس عشان يأمن لبناته الخمس وعياله الاثنين لقمة العيش الشريفه..
لا صلاه ولا مراقبة عالتلفزيون..
البنات الكبار عادي عندهم يطلعون المجمعات ويرقمون وحجتهم انهم يبون يتزوجون وكبر فيهم العمر ٢٥ و٢٣..وصاروا حقودات وما يذكرون الله على الشي اللي يشوفونه عند الناس ويعجبهم..

والبنات اللي تحتهم مراهقات من ١٥ وتحت وما يقومون عن المسلسلات اليابانيه والكوريه الا للأكل وبس..
تصوري اثنين من البنات بلغوا بدون محد يدري..لا ام..لا اخت عوده تكون قدوه لهم..

والابو وينه؟؟ لاهي يأمن لهم لقمه شريفه وفوق مرته مو قايمه فيه وطلقها مرتين وردها عشان عياله والحين تصير بينهم مشاكل الدنيا بس ما قدر يسوي شي لانه خايف يطلقها مره ثانيه وما تحل له..

كل هذا بسبب شنوو

بعدهم عن ربهم..محد فيهم يصلي..عبالهم ملك الموت يستأذنهم

التلفزيون والافلام الهابطه اللي فيه لعبت فيهم لعب


صرت انا وخواتي نتجبنهم عشان ما نتأثر فيهم

تخيلي مره وحده من البنات كانت متهاوشه مع امها وطالعه من البيت وتقول خل يولون وماني راده وما ادري شنووو..ويت عندنا وقالت لنا تعبانه شوي وقصت علينا بجم كلمه وما قالت لنا السبب الصجي
..المهم قعدناها عندنا وعزيناها ورزيناها وصرنا نحاول ما نحسسها انها ثقيله علينا ولا نذكرها بأهلها ومشاكلهم
بس نتضايق منها..نسمع الاذان ونقوم كلنا نصلي حتى الخدم ويفضى البيت من الرياييل اللي يروحون المسيد واحنا نتوزع بالغرف..الا اهي نروح ونيي وهي مجابله هالتلفزيون..مره سألناها جان تقول دوره..طوفناها وسكتنا بس بعدين اهي بطتها بويهنا..سألت أختي الكبيره..انتوا اشلون تصلون احس ما ادري اشلوووووون..
اختي انصدمت وظلت ساعتين تحاول فيها وتفهمها وتوعيها معنه اختي اصغر منها بس مول..الشيطان قاعد بعقلها..وبالاخير ردت لبيتهم
وللحين حالتهم من مشكله لمشكله..


هذا الكلام اللي كان بقلبي وحبيت اشارك فيه بموضوعج اللي يا عالجرح

مشكووووووره عالمواضيع المفيده والكلمات اللي طالعه من قلبج النظيف واللي يحب الخير
وسوري طولت عليج

هلا حبيبتي اوراق

أسعدني جدا مشاركتج العطره بالموضوع

ضااق خلقي على العايلة اللي تكلمتي عنها

لا حول ولا قوة الا بالله

سبب ضياع البنات وانهم ما يصلون وبعدهم عن ربهم

اهو الأم والأب

ماكو مسؤولية ورقابة على عيالهم

اذا الأب لاهي بتأمين لقمة العيش لعياله

عيل المفروض الام يكون لها دوووووور

والعيال يبقون اهم ضحية هذي الأسرة

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

حبيباتي

دقايق وانزل الموضوع اليديد

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم​

شخباركم يا خواتي ​

عساكم بخير ​

والسموحه على التأخير في طرح موضوع يديد​

بصراحة​

احترت عن شنو اكتب وعن أي مشكلة تواجهنا في الحياة​

انا تقريبا ذكرت اهم المواضيع والمشاكل اللي ممكن تجينا من


وراها​

لكن امس تذكرت موضوع مهم بعد​

حفظ أسرار الناس ​

احيانا نحتاج لاحد نفضفض له ونقول لو سرّ واحد في حياتنا


سواء لأخت أو صديقة


وفي ناس ما تحب تقول أسرارها لأحد​

لكن قبل كل هذا...​

حابة اتكلم عن الشخص اللي ممكن نقدر نأمنه على أسرارنا


ويكون محل ثقة


ويعتبر السرّ أمانة في رقبته ليوم الدين


مهما كان نوع السرّ


ومهما صاااااااااااار خلاف بينه وبين الانسان اللي أمنّه على سرّ


من أسراره


هذا الانسان المخلص الوفي صاحب دين ويخاف ربه اللي


مستحيل يفكر انه يأذي أحد


ويفشي السرّ اللي أؤتمن عليه​

إذا أنت لم تجعلْ لسركَ جُنَّةً * * * تعرَّضتَ أن تُرْوى عليكَ العَجَائِبُ


وقيل: «قلوب العقلاء، حصون الأسرار»​

والمفروض نكون حريصين من ناحية


انه الأسرار ما تنقال لأي أحد​

أما بالنسبة للأشخاص اللي ما حافظوا على أسرار الناس


وخانوا الأمانة ​

لمجرد خلاف صار بينهم وبين الشخص اللي ائتمنهم على سرّ من أسراره


بداعي الانتقام​

ما يدرون انه هالشي ممكن يسبب لهم ضرر ومشاكل؟؟؟
​

ما يدرون انه الأسرار من الأمانات اللي لازم نحافظ عليها مهما صار؟؟
​

وما يدرون انه الناس ائتمنوهم على أسرارهم رح يفقدون الثقة فيهم؟؟
​

قال تعالى: { وَأَوْفُوا بِالْعَهْدِ إنَّ الْعَهْدَكَانَ مَسْئُولاً} [الإسراء: 34]، وقال ـ تعالى ـ: { وَالَّذِينَ هُمْلأَمَانَاتِهِمْ وَعَهْدِهِمْ رَاعُونَ} [المؤمنون: 8]. ويقول النبي -صلى الله عليهوسلم-: «استعينوا على قضاء الحوائج بالكتمان»
​

​

أخواتي العزيزات

​

اذا أحد أمنكم على سر من أسراره حافظوا عليه على قد ما تقدرون


لانه افشاء السر اهو عبارة عن خيانة عظمى
​

قديمًا قالوا: إن أمناء الأسرار أقل وجودًا من أمناء الأموال، وحفظ الأموال أيسر من كتمان الأسرار؛ لأن أحراز الأموال منيعة بالأبواب والأقفال، وأحراز الأسرار بارزة يذيعها لسان..​

والباب اللي يجيك منه الريح صكه واستريح​

أختكم المحبة​

نهى الأحمد​

 

[:: Diva ::]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

ماشالله و لا حول ولا قوة الا بالله

انتي ما خليتي نقطه الا و ذكرتيها باسلوب سلس
و البنات كفو و وفو
لا اله الا الله




بالنسبه لي ..

أهم شي
حدد المشكله
هني النقطه الاساسيه .. حددي المشكله الاساسيه ..
بكل ابعادها

وايد بنات يعالجون الخطأ بالخطأ لانهم أساسا فاهمين مشكلتهم غلط !!
تالي الموضوعيه


لو كل وحده تحاول تعالج المشكله بعقلها جان تقلصت الابعاد
مشكوره نهى
الخطوات حيل عمليه و حيل صحيحه

 

[Tom ♥ Jerry]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

،


السر لو صار بين اثنين مآ يسمونه سر !
السر يبقى بـ قلب و عقل شخص وآحد بس ،

المفروض الشخص مآ يطلع اسراره الا حق الانسان
الي وآثق فيه 100% .,،

بعض البنات مساكين " كتاب مفتوح " مثل مآ يقولون !
تلقينهآ بس ترافج وحده سنه أو اقل تقوله كل شيييييييييييييييييييي !
و سنه مو كآفي أنه تعرفين طبع البنت (=

خصوصا بهالـ فتره وآيد بنات ينقلبون على رفآجآتهم 180 درجه !
بيوم و ليله بعد عشره عمر 6 أو 7 سنين .،
و ياما قرينه مواضيع انه بنت تشتكي من جفا رفيجتهآ ؛**

فـ عشان جذي آنتي لآزم مآ تقولين حق آحد اي سر من اسرارج
الا " آختج الي تدرين آنهآ تحبج و تبيلج الزين و لو شنو يصير مآ رآح تطلع سرج بره "
أو رفيجتج " الي عشره عمر معاها و تقولج اسراها و تقولين لها آسرارج !
استغرب من بعض البنات تلقين رفيجتهآ مآ تقول و لا شي متحفظه دآيما
على اسرار بيتهآ و اسرارها الشخصيه و بالمقابل البنت تقول كل شي لهاا :/

و في بعض الاسرار تطلع و بعضهآ المفروض مآ تطلع .،
الي الـ مفروض مآ تطلع " اسرار البيوت " سواء البنت كآنت في بيت ابوها أو بيت ريلها ؛×
المفروض مآ تطلع اسرارها بره اطار البيت ؛×××

و في اسرار " الي اهيه عباره عن فضفضه في اغلب الاحيان " !
كلام خآطرج تقولينه أو سالفه جايده ! > بعض البنات تسمي هالـ سوالف اسرار .،
تحتاجين آنه تشاركين الحديث مع طرف ثاني تكونين واثقه فيه

ياما سمعنآ عن قصص و لا بالخيآل ،
انه وحده قالت حق رفيجتهآ اسرارها الخآصه " في بيتهآ "
و بالتالي انفضحت و نشرت غسيلها على قولتهم :|