مـــرحـــبآآ حبـايبي عــروسات :eh_s(7):
شـخباركم مع التجهيز والاسواق واللويه اكييييد حايسين من سوق لسوق ومن مكان لمكان وتعبتووواا :eh_s(11):
حـبايبي انا عروس مثلكم والحمدلله خلصت تجهيز وكل شي تمام ولله الحمد :rerrerek:
طبعا في موضوعي هذا حبيت اساعد العرايس بكل مكان شريت منه وبكل مكان رحت له وعدد الاشياء اللي شريت
وان شاءالله كل شي بحطه بحط معاه الرقم للي تحتاجه << بعد اذن مشرفتنا بس لفايدة عروساتنا
بسم الله نبدأ على بركه الله ,,, :eh_s(7):
اول شي حبايبي اول ماجاني المهر على طول اخذت قيمة البدلة اللي محدده سعرها وقيمة الذهب وحطيته في حساب امي عشان ما العب فيه ولا اخربط
وباقي المهر الحمدلله قسمته على الاشياء اللي احتاجها,,
اول شي خلصت منه البجايم وبعض الملابس الداخليه ونصها تقريبا من حسابي قبل المهر لايوصلني
الــــبــجأأيــــــم ,,,
شريت حوالي 20 بجامه متنوعه بين الحرير والقطن والبرمودا والشورت
والمحلات اللي شريت منها البجايم والملابس الداخليه,,
(( الجميع + لاسنزا + ماكس + رد تاغ + دبنهامز (( الملابس الداخليه الاطقم من لاسنزا كلها )) سنتربوينت + اويشو ))
وثاني شي ,,,
قمصان النوم,,
اخذت ياطويلات العمر 4 طوال + حوالي 8 قصار بين نص الساق وفوق الركبه وبيبي دول
المحلات اللي اخذت منهم ,,,
(( h&m + لاروج + الجميع + والاسواق الشعبيه + محل بالجهراء بس ناسيه شنو اسمه والله ))
ثالث شي ,,
الدراريع والبدل والعبي ,,,
سويت 5 بدل استقبال + 6 دراريع بين الحرير واالشيفون << وجة نظري حلات العروس اول الايام تلبس دراريع شيفون والحرير وبعدين الاقطان بعد زواجها بشهرين جذي
والعبي سويت 4 عبي ,, << بالنسبه لي البس عباية راس
سويت 2 كشخه وحده ناعمه والثالثه حق جمعيه وطبيب وهالسوالف وسويت الـ5 عبايه جتف احتياط (( طبعا مع الملافع ) وشريت 5 ملافع لزوم التغيير
والحين دور الميك اب والعطور ,,,,
العطور طبعا نوعت بين العربيه والفرنسيه
شريت 6 عطور فرنسيه من دبنهامز واثنين منهم طقم كامل ومن ضمنهم
(( كوكوشانيل + نارسيسو + بلغاري الاسود ,,,,
وشريت عطرين باردين واحد للقمصان من نعومي والثاني محل مكياجي روووعه باارد :rerrerek:
والعطور العربيه ,,,
شريت 3 عطور( جذاب + ريما + العاذريه << من الماجد
1 _ دهن عود من الجنيد
2 _ نوع بخور واحد استخدام شخصي والثاني استعمال يومي ( القرشي وامل الكويت )
4 - انواع من بخور البيت ( القرشي ابو25 + الجسار + 2 من مكه المكرمه )
6 - مرشات للشقه والفراش من كذا محل ( الرصاصي - اجمل - الفرس -امل الكويت - دار زكيه
2-خمريه لشعر ( من الماجد خمرية العروس + خمريه مريم من دار زكيه
2- مسك من القرشي ( الختام + العروس ) + عطر لشعر من شانيل
الحين دور الميك اب,,,,,,,,,,,,
2- كريم اساس واحد للمناسبات والثاني استعمال يومي 0( حنان دشتي + كلينك << اللي ناسبوا بشرتي
2- مسكرا + 8 حمر الالوان ( وردي - مشمشي - احمر - كرزي -لحمي -وردي بنك -فوشي - لحمي فاتح حييل مايل للبيج ))
2-علب شدو كاملة + 3 مفرق من حنان دشتي كل علبه 3 الوان
1-علبه بلشر جميع الالوان + 4 مفرق << لزوم الطلعات والسفر والفندق والالوان الحلوه
2-كحل سائل واحد محمود سعيد والثاني من ماك المدور المائي
6-كحل ملون ( اخضر +ازرق +سماوي +زيتي +اسود+ابيض ) + محداات على لون الحمر
5- قلوسات فيها لمعه ونصها بس لون
6-صبغ اظافر ( احمر - وردي -مشمشيي -عنابي -بني- لحمي )
3 -اضاءه ( 2 من شارمل - من كومار (ذهبي + فضي + ملونه بين فضي وذهبي )
3- تاتو ( اثنين قلم و واحد كريمي من وحده لبنانيه )
1-بيس من جفنشي
3 -بودره ( حنان دشتي + كلنك + كانيبو )
المحلات ( حنان دشتي + كلنك + لاتكوم + جفنشي + سالوران +المنصور + كومار حبيب البنات + زلزلة )
وان شاءالله ما اكون ناسيه شي منه ,,,
نجي الحين لشوز عزكم الله والجناط ,,,,
الشوز اخذت 3 الالوان الاساسيه وشفتها كشخه وعجبوني بصراحه
( اسود + ذهبي + سلفر ) + جوتي فوشي
اخذت 4 صنادل نعومه لدراريع واقدر البسها على اكثر من بدله ودراعه لان نصها ملون واقدر استفيد منها
2-فلات - 4 شحاطات للبيت << ماكثرت للان شاريه سليبرز واجد للبجايم
2- جوتي عزكم الله طبي << مااعرف امشي الا بطبي بالاسواق
السليبرز حوالي 8
المحلات ( حوش السالميه + سنتربوينت ) والسليبرات من نعومي وسنتر بوينت
الجـــــنــــاط ,,
3- جناط ماركه وكشخه
2-عمليه وذربه من محل بدون اسم اللي بالسعوديه
(( شريت طبعا فواحات وشموع معطره لشقه وعزكم الله الحمام + اجياس المعطره للملابس ))
والحين دور الحجوزات وسوالف اللوووووووووووويه اللي جد تعبتني على مالقيت شي يعجب ذوقي الصعب ,,
البدلة البيضاء,,,
طبعا افتريت على كذا مصمم بس انا في بالي موديل معين وستايل معين لان اهم شي اختار اللي يناسب جسمي وطولي والحمدلله لقيت اللي ابي عند المصممه
زهـــــــراء الـــقـاســــــــم << تفصال لبسة اولــــى ـىآآ
وعنوانها السالميه شارع البلاجات - أبراج الاولى الرقم 25735656
والمسكه اللي صج صج نشفت دمي من محل لمحل ,,,
المحل اللي عجبني وينصحني من قلب ويعطيني الراي
الـــجـــذور
حولي - شارع تونس -عمارة المطوع - 22659530
الـــمـــصـــورة ــ,,
مـــعــــرفـــي << مايحتاج مدح
اخذت النوع الرومانسي ومعاها عروض حلوه وحواالي 20 صورة فري
السالميه طريق الدائر الرابع-- 25656989--25620072
الــدي جــي ,,
الـلـيـلـك
السالميه ,, شارع سالم المبارك.. بجانب المارينا مول ... البرج الابيض 25721511--99114211
والحين الحمدلله خلصت التجهيز واسمحولي لو نسيت شي ماكتبته,,,,
وأخر شي بكتب لكم عنايتي البسيطه ,,,
طبعا اهم شي استخدمه من ملجت ليومكم هذا المجموعه هذي
طبعا مع المغربي وزيت الجلسرين + الليمون والشكر + الهرده مع الروب وعسل لفيسي
والعنايه بأسناني ,,,
تبييض القوالب عند عيادة تيجان وبصراحه اليوم اول يوم لي وان شاءالله تطلع النتيجه اقولكم
السالميه - دوار الشيوخ - برج أكنان - الدور الخامس
الفروانيه - دوار المخفر - برج الملتقى - الدور الثالث
الفحاحيل - خلف اجيال مول - مجمع حور - الدور الخامس
التلفون 22251515
وهذا كل شي لعيونكم ياعرايس لانكم بجد تستاهلون لان بعد رب العالمين ماقدرت اجهز احلى تجهيز الا من المنتدى الرائع والبنات كلهم ماقصروا معاي من اول ماعرفت المنتدى لليوم
ومثل ماساعدوني حبيت اساعدكم ولا ابي منكم غير دعوه ان الله ييسر اموري ويعدي الظروف على خير ويتمم فرحتي يااارب
أخــــتــــكــم { الـــســـنــــافـــيـــة 305 } :eh_s(7):
مـــلاحظة ,,, الموضوع من مجهودي الشخصي :eh_s(7):
