الله يووووفقج ياملح
السلام عليكم ورحمة الله وبركاته
اليوم ان شاءالله راح اضع لكم موضوع عن حقيبة المستشفى بما انه
في كتير هناك اخوات وخاصة البكريات بيسألوا شو لازم نضع في حقيبة المستشفى
وبما انه عندي خبره من قبل في اولادي حبيت افيد الاخوات
لذلك صورت لكم شنطتي المستشفى
انا راح اضع ان شاءالله اللي راح تحتاجوه ولكن لازم تضعوا بعين الاعتبار انه كل منطقه مستشفاه
وخدماته غير عن التاني وبما اني عايشه في بلد غربي في شغلات كتيره انا حاططتها ومو بحاجه الها
لانها متوفره في المستشفى لكن ما بعرف نظام المستشفيات عندكن
طبعا اول شيء لازم يعرفوه الصبايا انه الشنطة لازم يتم تحضيرها تقريبا نصف الشهر الثامن
لانه الوحده ما بتعرف متى بتجيها حالة الولاده لذلك لازم تكون على أتم استعداد
بداية الشنطة لا كبيره ولا صغيره متوسطة الحجم
اول شيء أغراض الام
راح تحتاجي
قميص نوم قطني دافىء مفتوح من الامام اما بازرار او سحاب للرضاعه
وبتقدري تجيبي معك بيجاما لكن ما بفضلها للبكريات وخاصة انه فيه خياطه ما راح تقدري
اساسا تلبسي بيجاما ببنطلون صعب كتير
روب شتوي ثقيل بتلبسيه فوق قميص النوم او المشفى لانك راح تبردي كتير حتى لو
كانت الدنيا حر
وكمان بدك شبشب الله يكرمكم الارضيه بارده ما تمشي حافيه
ملابس داخليه بدك حمالات صدر مخصوصه للترضيع تنتين
واندر وير بدك تقريبا 6 وجرابات ثقيله ودافيه
غطا راس وفراشة شعر
فوط صحيه + مزيل عرق + ورق مبلول
شنطة مكياج فيها
فرشاة ومعجون اسنان
شامبو وكريم
كحله غلوس ومسكارا بتقدري تكتفي بالكحله
كامرا وشاحن جوال
كتاب ادعيه واذكار بس انا ما اخدته لانه عندي في موبايلي محملته
اما للبيبي
ملابس داخليه للخروج لانه في المستشفى بيكونوا ملبسينه
بدك تبان داخلي + فانيلا+بنطلون داخلي برجول مسكره
جرابات + قبعه + ربطة لمعدة البيبي
طقم للخروج بس خدي معاه بربتوز
زياده والمقاس نيو بورن
غطا للبيبي + مهاد
ومدس
وهادا كل شيء بدك ياه مش بحاجه لاكتر من هيك
واللي عندها اي اضافه من الاخوات ان شاءالله تفيد البقيه
وفي الختام بتمنى تكونوا استفدتوا من الموضوع ولو شوي صغيره
ودعواتكم لي بالولاده الميسره
