عبدالعزيز & فرح ..( * ليتك تحس ..*)

[بنوتة حنونه]

يعطيج العافيه خيتو عالبارت.....واااااي هالدلال هاذي واقفتلي عضم بالبلعوم افففف ...

ها شلون الأمتحانات معاج انشالله سهالات؟؟؟....!!!! الله يوفقنا اجمعين انشالله

ناطرينج ......؛*

 

[♥ بقآيآ آنسآنه ♥]

نآآطرينج سويتي

 

[افراح كبيره]

حلوووه الله يوفقج

 

[mac7noon5-m]

ننطرج قلبو !

 

[أم جديله !]

متابعه بصصمت

 

[Zainabo]

القصة وايد حلوة
بس الي باط جبدي ان كل ما اقرا قصة لازم فيه وحدة اسمها دلال ومغرورة
وربي كرهت هالاسم
حياتي ناطرين البارت الياي

 

[سميتك الغلا كله]

يعطيج العافيه خيتو عالبارت.....واااااي هالدلال هاذي واقفتلي عضم بالبلعوم افففف ...

ها شلون الأمتحانات معاج انشالله سهالات؟؟؟....!!!! الله يوفقنا اجمعين انشالله

ناطرينج ......؛*

الله يعافيج حبي ..
ههههههههههههههههه ..
الحمدلله زيينه .. وانتي ؟!
اميييييين .. منوره يا الغلا ..

 

[رهف الانصاري]

روعة بليز كمليها للين الاخير مو مثل اللي يكتبون لين النص و يتركونا نتشوق و لا يكملون و يظلون الناس يلعنون فيهم على كثر شفاقتهم و مشكووووووووورة يا قلبي

 

[سميتك الغلا كله]

نآآطرينج سويتي

منوره يا قلبي ..
وانشالله يعجبج البآرت ..

 

[سميتك الغلا كله]

حلوووه الله يوفقج

عيونج الحلوين ..
اجمععيين يارب ..

 

[سميتك الغلا كله]

ننطرج قلبو !

منوره ..
لا تنسين تقولين لي رايج ف البآرت

 

[سميتك الغلا كله]

متابعه بصصمت

منوره يا قلبي ..

 

[سميتك الغلا كله]

القصة وايد حلوة
بس الي باط جبدي ان كل ما اقرا قصة لازم فيه وحدة اسمها دلال ومغرورة
وربي كرهت هالاسم
حياتي ناطرين البارت الياي

عيونج الحلوين حبي ..
لووووووووووووووول ..
منوره يا الغلا ..

 

[سميتك الغلا كله]

روعة بليز كمليها للين الاخير مو مثل اللي يكتبون لين النص و يتركونا نتشوق و لا يكملون و يظلون الناس يلعنون فيهم على كثر شفاقتهم و مشكووووووووورة يا قلبي

لا بأذن الله راح اكملها ..
العفو يا قلبي ..

 

[سميتك الغلا كله]

برررب مع البآرت ..

 

[شيخه الخوالد]

وووينج ياااا منال نااطرينج

 

[جفاكـ ضيع غلآكـ]

ناطررييييينج

 

[جوري الغلا ~]

بنات منول ما تقدر تنزل البآرت الحين وعطتني البارت ف الايميل وقالت لي انزله

وانا انشالله راح انزله لكم ..

برب ثواني ويكون عندكم البآرت ..

هي كانت تبي تنزله باجر وتكتب زياده عشان يكون طويل ..
بس انا حنيت على راسها ..
لعيوووووونكم .. وعبدالعزيز بهالبارت يبرد الججبد لوول

 

[جوري الغلا ~]

عبدالعزيز / دلول زعلتي ؟!
دلال / لا ليش ازعل ..
عبدالعزيز / بصراحه انتي تستآهلين ما جاج شكو تحرجين البنت .. وبعدين مالج شغل فيها
جابت بنت جابت ولد اكلي تبن وانطمي .. ولا لازم تهآيطين ..
دلال/ عبدالعزيز ما تزفني عشان الخايسه فرح ..
عبدالعزيز / والله ما في خآيس غيرج ..
دلال / ثانكس حبيبي ما تقصر .. و دمعت عيونها .. اصلا انت ما ادري شفيك علي .. متغير حيل وصاير
ما تحبني مثل اول ..
عبدالعزيز / دلول انتي تدرين اني اموت فيج .. بس يا قلبي انتي حركاتج ما تعجبني ..
دلال / ليش انشالله ..
عبدالعزيز / مدري ليش حاقده على فرح لهدرجه ..
دلال / مو حآقده عليها .. انا قلبي طيب وما اعرف احقد على احد ..
عبدالعزيز / اي واضح واضح .. المهم مالج شغل فيها .. وخليها بحالها ..
دلال /من عيوني .. بس اهم شي عزوزي ما يزعل ..
عبدالعزيز / اي خليج عاقله ..
دلال نامت على صدر عزوز / عزوز انت تحبني ؟!
عبدالعزيز / ليش انتي تشكيين ف هالشي ..
دلال / ما ادري .. بس ساعات احس انك تكرهني وما تدانيني ..
عبدالعزيز / لا بالعكس اصلا انا اموت فيج ..
دلال / احلف ..
عبدالعزيز / والله العظيم اني احبج واموت فيج ..
دلال / طيب عزوزي لو جانا ولد شتسميه؟!
عبدالعزيز / اكييد على ابوي ..
دلال/ وييع عمي سعود .. اصلا عمي سعود ما يستآهل ..
عبدالعزيز / دلال والله العظيم لو ما تسنعتي ككف ..
دلال /بصراحه ما يستآهل انا اقول نسميه على ابوي احسن .. شرايك ..
عبدالعزيز عصب عليها ومسكها من شعرها عطاها كف عشان تسنع
عبدالعزيز / ابوي يستآهل وقصبن على الي جابوج يا خايسه ..
وطلع وهو معصب حيل ..
وبالسياره ..
عبدالعزيز / فرح عايرتني بأبوي ... اماني بععد وعمتي سعآد ... ودلال ... آآه بس .. والله العظيم هالحريم
يقهرون .. بس حسابج عندي يا دلول ..واتصل على رفيجه راشد ..
راشد / الووو ..
عبدالعزيز / هلا هلا راشد ..
راشد / شعندك متصل انت وجهك ..
عبدالعزيز / امشغول ؟
راشد / لا والله فاضي من قلب ..
عبدالعزيز / خلاص اطلع وانا الحين بمرك ..
راشد / وين بتوديني ..
عبدالعزيز / مدري يخي حآس اني زهقآن ..
راشد / حاس انك زهقآن .. طيب الحين البس وانزل لك ..
عبدالعزيز / ناطرك لا تأخر ..
ولما جا راشد ..
راشد / شفيك ؟!
عبدالعزيز / ياخوي متضايق ..
راشد / افا من الي مضايقك ؟!
عبدالعزيز / في غيرها لابوها لابو الساعه الي تزوجتها فيها ..
راشد / ههههههه شفيها بععد ..
عبدالعزيز / قهرتني .. قالت لي لو جانا ولد شنسميه ؟! قلت اكييد سعود قالت وييع ابوك ما يستآهل
نسميه على ابوي احسن .. لابوها لابو من جابها ..
راشد / سهله عطها كف على وجها خلها تسنع .. ما عاش من يزعل عزوز ...
عبدالعزيز / تعيش .. يبا انا بوديها لبيت اهلها و ورقة طلاقها توصل لها بعد جم يوم ..
راشد / عزوز واي هوشه بتصير بطلقها .. لا انت وراك اعيال ..
عبدالعزيز / صح كلامك .. ما ابي اعيالي يعيشون مثل عيشتي الخآيسه ..
راشد يحاول يرقع معنويات عزوز / ههههههه يرحم امك لا تضحكني .. انت عيشتك خايسه من كنت هطولك
وانت كشيخ و اكشخ البدل عندك .. و فاتح لك سياره قبل لا تاخذ ليسن وجدك دلعك ليما قلت بس .. خل العياره ..
عبدالعزيز / ججدي ما قصر معآي .. ياليت ابوي مثله .. ابوي بس همه الفلوس ..
راشد / دام تدري ان ابوك جذي.. ليش عصبت على البنت ..
عبدالعزيز / تخسي وتعقب ما تسب ابوي هي وشكلها ..
راشد / صح كلامك .. بس ما تطلقها .. يعني كل واحد يغلط ..
عبدالعزيز / الله يغغثها وربي رفعت ضغطي ..
راشد / قوم قوم .. خلني اسوق انت تعباآن لا تدعم فيني ..
عبدالعزيز / هههههه

اماني وماجد
ماجد / قوووووه ..
اماني /شتبي متصل هالحزه ؟
ماجد / اماني عدلي اسلوبج يا حلوه .. ترى الصور عندي ..!
اماني /ماجد انا نآيمه لما اقوم اتصل عليك ..
ماجد / خليج ابسمع صوتج الحلو ..
اماني/ شتبي منك ..
ماجد / ما ابي شي بس ابيج اذلج .. شفتي الي طآقه الفقر و فقرآن شفتي شلون ذلج يا بنت العز ..
اماني /اذا عن الفلوس اعطيك الي تبييه بس خلني بحآلي .. الله يخليك ..
ماجد / اكلي تبن .. خلي فلوسج لج .. انا ابي اذلج وبس .. يا بنت صالح ..
اماني / ابوي ماله ذنب عشان تغلط عليه ..
ماجد / وانا غلطت علييه ..
اماني /ما ادري عنك يا بنت صويلح ويا بنت صالح .. اي انا افتخر ان ابوي صالح عندك شي ..
ماجد / مالت عليج وعلى ابوج فوقج الحرآمي ..
اماني / ابوي حرآمي ..
ماجد / بتعلميني انه جاب الفلوس هذي كلها من تععبه ..
اماني / اي من تععبه ابوي ايام ششبابه كان يتععب ليما صار تاجر .. ابوي يخاف ربه ...
ماجد / اي اي يصير خير يصير خير ..
اماني / ماجد الله يخليك بععد عني ..
ماجد / لا لا ..ماني مووخر ..
اماني /حرام عليك ..
ماجد / ههههههههه .. الحين عرفتي الحرام يا خآيسه ..
اماني / اعرف الحرام قبل لا اشوفك ..
ماجد / اي يصير خير يصير خير ..
اماني /طيب اكلمك بععدين ..بنام
ماجد / لا .. اناما فيني نوم وكل ربعي و اهلي نايمين ما عندي احد ..
اماني / الله يخليك بنآم ..
ماجد / ههههه بوسي ايدي ..
اماني بينها وبين نفسها .يا ملغك ..
ماجد / خلاص اول ما تقوميين اتصلي علي اوكي ..
اماني / انشالله من عيوني .. < مجامله بس ..
ماجد / فديت عيونج والله ..
اماني / تسلم ..
ماجد / يلا بآي ..
اماني / بايات ..
اماني / فككه ..اكرهه اكرهه ما احبه ما ابيه ..
جت وحطت راسها ع المخده ولا تتصل عليها دلال ..
اماني / هلا دلول شبقيتي ؟!
دلال /اماني لحقي علعي عزوز طلع واهو معصب ..
اماني / وليش معصب انشالله ؟
دلال/ انا غلطت على عمي سعود وهو طقني و طلع ..
اماني/ تستآهليين .. اهو ما يرضى على ابوه ..
دلال / ما ادري شلون قلت هالكلام .. ياربي انا اخاف انه يطلقني ..
اماني/ يمكن حبيبتي .. لان عزوز حيل يحب ابوه رغم انه قاطه وماا يدري عنه .. بس اهو يموت فيه
دلال / اتصل عليه جهازه مغلق .. حرام علييه حرام علييه ..
اماني / دلال اهو الحين معصب .. بعدين بيرد البيت راضيه ..
دلال/ يخوفي ما يرجع البيت ..
اماني / فال الله ولا فالج لا تفاوليين على الرجال ..
دلال /ما ادري.. خايفه عليه والله خايفه عليه..
اماني / دلول توني مسكره التلفون من واحد اسمه خالد .. اذاني .. ما ادري من وين جاب رقمي
وما ادري من وين اخذ صوري ..
دلال / هاه .. ما ادري ما ادرري.. بس انتي شاكه بمنو ؟!
اماني / مو شاكه باحد ..
دلال / يمكن فروح الخآيسه ..
اماني / احلفي .. فرح شعرفها بهالسوآلف ..
دلال / لا تخافين عليها ..
اماني /المهم انا بنآم تامرين على شي ..
دلال /تكفين تعالي مريني ونامي عندي خاآيفه والله خآيفه ..
اماني/ انتي ماعندج سالفه باي باي ..
دلال / بايات ..
راشد وعبدالعزيز كانو بالقهوه ..
عبدالعزيز كان يشيش / مدري شفيني بالشركه كل يوم اخسر فلوس اكثر واكثر .. وبالبيت مشاكل بمشآكل
راشد / بقولك شي بس لا تزعل ..
عبدالعزيز / قول ..
راشد / يمكن هذي حوبت فرح فيك ..
عبدالعزيز / ليش انا شسويت لها ..
راشد / لا ابد ما سويت لها شي. . بس انت كنت تقدر انك ما تزوجها الخآيس تركي ..صح ولا لا
عبدالعزيز / بس تركي شفيه ..
راشد / لا والله ما فيه شي .. اربعه وعشرين ساعه سكرآن وما فيه شي ..
عبدالعزيز / محد يدري بالسالفه غيرك انت وعبدالرحمن وانا .. لا تخاف ما فضحته ..
راشد / يا خبل انا قصدي البنت تلقاه الحين طاقها ولاعن خيرها ..
عبدالعزيز / صح انا ملاحظها هالايام .. فيها رضات ..
راشد / و انت كنت تزفها قبل .. وتعايرها ..
عبدالعزيز / بس وربي احبها..
راشد / ما تبي حبك هي .. بس تبيك تخآف ربك فيهآ ..
عبدالعزيز / شتبيني اسوي الحيين .. اخلي تركي يطلقها يعني ؟!
راشد / اي ليش لا ..
عبدالعزيز / لا احلف .. حبيبي بينهم بنت ..
راشد / كله منك انت .. حرام عليك عزوز .. والله البنت ما تستآهل ..
عبدالعزيز/ ادري انها ما تستآهل .. بس انا ما احب ارفض شي لعمي فاآيز ..
راشد / يووه انت ما ينفع معاك الكلام ..الله يهديك بس

 

[سميتك الغلا كله]

ثانكس جوري الغلا حبيبتي ...
يلا بنات ابي ردود + تعليقآتكم ..
واششكر جوري ممرره ثانيه ..