عبدالعزيز & فرح ..( * ليتك تحس ..*)

[سميتك الغلا كله]

آآب


آآب​

ثانكس ..

 

[سميتك الغلا كله]

اب
اب
اب

ثانكس ..

 

[سميتك الغلا كله]

يعطيج العافيه

الله يعآفيج ..

 

[سميتك الغلا كله]

نــآطرينج حبوبه ..

منوره حبي ..

 

[سميتك الغلا كله]

ناطرين التكملة مشاء الله الرواية ابداع

تسلميين قلبي ..

 

[سميتك الغلا كله]

up

up

ثانكس حبي ..

 

[سميتك الغلا كله]

يلاه عاااد ووووينج اشتقتاااالج وحق فروحه وعزوز حياتي اهم شي حياتي هه

ههههههههههههههه فديتج والله ..

 

[سميتك الغلا كله]

اب اب اب اب

ثانكس

 

[سميتك الغلا كله]

بلليييييييز لا طولين

حاظر ..

 

[سميتك الغلا كله]

نبي بارت
نبي بارت
نبي بارت

من عيووووني ..

 

[سميتك الغلا كله]

الشعب يريد بارتات الشعب يريد بارتات>>>>>>ههههه​

ولله حرااااااام نسينا احدااث الرواية

جاااري الانتظااااااار​

هههههههههههههههههههه
حاظر اليوم راح انزل العصر بآرت وباليل اذا قددرت انزل لكم ولا تزعلون
وانشالله تذكرونها اذا قريتو البارتات الجآيه
منوره يا الغلا وسامحيني ادري تأخرت

 

[سميتك الغلا كله]

ههههههههه بطلع حلوه انا ويااج لووول

لوووووووووول .. فديتكم ..
سامحوني ع التأخير ..

 

[سميتك الغلا كله]

اي و الله نسينا احداث الرواية

لا طولين حبوبة احنا بنتظارج ؛)
لازم اتخصصين ايام عشان اتنزلين البارتات ت
لانا انا تعبت كل يوم ادش المنتدى على امل ان اكو بارت بس ماكو

انشالله ..
من عيوني حبي ..
سامحيني بس كنت مشغوله ..
نورتي

 

[سميتك الغلا كله]

الرواية عجيييبة ....!​

ناطرين البارت حبووبة​

مرورج العجيب ..
منوره ..

 

[سميتك الغلا كله]

والله نسسيت احداث الروايه

الشعب يريد بارت
الشب يريد بارت << عايشه جو لوول :Р
كمملي بليز ;/

هههههههههههه ..
انشالله من عيوني ..

 

[Føzöø]

حياتي منال يعني البارت ع الساعه جم ?!?

 

[سميتك الغلا كله]

^^
انشالله بععد شوي ..
برب طويل مع البآرت ..

 

[✿¸3ώẪṧĤ»]

اوووك وييتنغ !¡

 

[سميتك الغلا كله]

نوره / يما .. انا زهقت والله زهقت حابستني بالبيت لا اطلع ولا ارد ..
ريم / خلاص قومي البسي واطلعج الحين ..
نوره / يما انا ابطلع مع رفيجآتي .. يما تراني كبيره مو صغيره عشان تحبسيني ..
ريم / لا والله تصرفج تصرف جهال ع بالج الحين يعني بيحبج لا يا قلبي راح يكرهج ويقول هذي كلمتني تكلم غيري ..
نوره / يما انا بطلع مع السايق لاني لو قعدت يوم بالبيت راح اموت ..بآي
ريم / تعالي.. وين رايحه يا هبله .. عندي لج بششآره ..
نوره / بشارة شنو ؟!
ريم / في خوش ناس خاطبينج .. فلوس و اخلاق وسمعتهم مشالله احسن منها مآ فيه ..
نوره / بس يمآ ما ابي اتزوج توني صغيره ..
ريم / الله عليج قبل شوي بطلع انا كبيره والحين توني صغيره حددي وحده يا كبيره يا صغيره ..
نوره / انا قصدي صغيره ع الزواج ..
ريم / لا مو صغيره انا تزوجت ابوج وانا عمري 15 ..
نوره / يووووووه يما حبيبتي انتي بالعصر الحجري ..
ريم / عصر حجري مو عصر حجري راح توافقيين يعني توافقيين .. وابوج قالهم الملجه يوم الجمعه ..
نوره / وابوي بأي حق يعطيهم موعد بدون لا يقول لي ..
ريم / والله عآد روحي اسئله ..
نوره قعدت تبجي / يمآ ما ابي ما ابي اتزوج .. الله يخليج كلمييه ..
ريم / نوره حبيبتي انا لو بكيفي ما خليتج تزوجيينه .. بس ابوج ملزززززم ..
نوره / ما ابيه يما .. توني صغيره يما ..
ريم / اي صغيره عجوز كبر جدتي وتقوليين صغيره ..
نوره / يما ما ابي حرام عليج ..
ريم / تدريين هذا ولد منو ..؟!
نوره بينها وبين نفسها / ما يهمني ولد منو .. انا ابي مشاري وبس .. / ما يهمني ..
ريم / يا خبله هذا ولد الــــ ........
نوره / صصج يمآ ؟!
ريم / اي صج حبيبتي ..و ما تبين ابوج يوافق .. عايله توب توب
نوره بينها وبين نفسها / احلى بشاره والله .. واخيرا بصير لمشآري ... صارلي شهور ما كلمته امي ساحبه الفون ولما اكلمه دقيقه دقيقتيين .. وناسسه ..
نوره / خلاص انا موافقه ..
ريم / لا والله وشنو الي غير راييج انتي وراسسج .. توه ما يهمج .. الحيين موافقه .. اي طمعآنه بالفلوس مثل ابوها ..
نوره / دام عايله فلوس ما عندي مشكله ..
ريم / بس ترى الولد فيه اعآقه ..
نوره / ما عندي مشكله ..
ريم / مستغربه شلون وافقتي ..
نوره / اهم شي الفلوس < عشان ترقع لامها لان اكييد راح تستغرب شلون قبل ما كآنت موافقه والحين وافقت
ريم / غريبه ..
نوره / اوكي عطيني تلفوني لو ما علييج امر ..
ريم / روحي تلقيينه بتوالييتي ..مالت بس مالت عليج انتي وابوج كل همكم الفلوس .. مستغربه نوره الدلوعه والي شايفه نفسها توافق على واحد معآق
غريبه .. بس يلا تاخذ اججر فيه .. الله يوفقها يارب


فرح كانت تنوم نوف بنتها .. وتركي كان توه راد من العياده ..
تركي / فرح ..فرح .. فرح ..
فرح معطيييته طاآف
تركي / فرح وصصمخ انشالله ..
فرح / شتبي ؟!
تركي / من اليوم اناديج ليش ما ترديين ..
فرح / كاني ردييت ..
تركي / فرح لما انآدييج ترديين بسرعه يا مايعه ..
فرح ما انتبهت له و كانت تطالع نوف ..
تركي مسكها من شعرها ودزها وطاحت و نوف طآحت ع الارض لانها كانت على حضنها ...
فرح / بعرف انت ما تشوف بنتك بحضني ..شوف البنت ساعتيين على ما نآمت مثل ما قامت الحين انت روح نومها زيين .. وخلت البنت ع الارض ولا شالتها
مو قصدها بس لانه رفع ضغطها .. وجت بتروح ..
تركي/ تعآلي .. مو امها انا عشان انومها .. انتي نومييها .. ولو انتي محترمه نفسج كان ما مدييت ايدي ..
فرح / اصلا انا محترمه نفسي قبل لا اعرفك .. وانا كنت ساكته ما تكلمت ولا قليت ادبي ..
تركي / لا بس معطتني طاف و حاقرتني وتقوليين محترمه نفسي .. عجيبه انتي ..
فرح / عطيتك طاف لان مالي خلق لهوشآتك التافهه ..
تركي / والله ما فيه تافه غيرج .. قومي اخذي بنتج واطلعي برآ لاني بنآم ..
فرح / تركي .. اكرهك والله اكرهك ..
تركي مسك خدها / مو لازم تحبيني .. شدعوا انا ميت فيج الحين ؟! ويبتسسم بأبتسآمة حقآره ..
فرح خذت بنتها وطلعت ودمعتها على خدها .. ومقهوره من تركي ..


ماجد / هلا والله بأموووووون بنت صويلح ..
اماني / منو معآي ؟!
ماجد / معاج حبيبج الجديد ؟!
اماني / لحظه انت منو ؟!
ماجد / انا واحد ميت فيج وشاريج .. شقلتي ..
اماني / تستهبل انت ... شعرفك فيني ..
ماجد / اعرفج وحده من البنات عطتني رقمج ..
اماني / ومنو هذي ..
ماجد / وحده الله يستر عليهآ ..
اماني /انزيين شتبي ..
ماجد / ابي حبج ..
اماني / حبتك القراده قول اميييين ..
ماجد / هههههه اجمعيين حياتي ..
اماني / باي باي .. ياي يا شين المراهقيين ...
ماجد / ههههههههههه انتي هييه شنو مراهقيين عمري 26 وتقوليين مراهق ..
اماني / سوالفك سوالف مراهقيين شنو حبيبي الجديد و ابي حببج عيب ..
ماجد / احلفي انج تعرفيين العيب هههههههههه ..
اماني / اعرف العيب قبل لا اشوفك ..
ماجد / ههههههههه يصير خير يصير خير ..
اماني/ بآي انا بسسكر التلفون الحين ولا تتصل مره ثانيه لو سمحت ..
ماجد / راح ادق كل يوم واسمعج صوتي الحلو ..

ومرررت الأيآم ...
فرح وتركي كل يوم هوشآت .. وعبدالعزيز ودلال يتهاوشون ويرضضون .. ونوره ومشاري ملجو .. واماني و ماجد بس يتناجرون..

عبدالعزيز كان بالشركه .. واتصلت علييه دلال ..
عبدالعزيز / هلا دلول حبيبتي ..
دلال/ هلا فيك ..
عبدالعزيز / شعندج دآقه ؟!
دلال/ لا بس عندي لك بشآره ..
عبدالعزيز /شنو ؟!
دلال / ما راح اقولك الحيين .. انت تعآل البييت وانا اقولك ..
عبدالعزيز / دلول حبي والله عندي شغل ..
دلال / اوكي لما تجي اقولك البشاره ..
عبدالعزيز/ لا قولي الحيين .. لا تششغليين بالي ..
دلال/ تعال البيت وخل الشغل بعديين .. لا حق علييه ..
عبدالعزيز / بشوف اذا ابو عبدالله موجود بخلييه يكمل بدآلي واذا رد للبيت بتقوليين لي يعني بتقوليين لي ..
دلال/ ههههههه مستحيل اقولك ع التلفون تعال البيت حبيبي ..
عبدالعزيز / بتقوليين يعني بتقوليين ..
دلال / ما راح اقولك لا تحاول رد البيت عشان اقولك ..
عبدالعزيز / لحظه في احد يطق الباب .. منو ؟!
ابو عبدالله / أنا .. عمي بقييت شي انت مناديني ..
عبدالعزيز / ادخل ادخل .. كم مره اقولك عمي هذي لا تقولها .. انت كبر ابوي وتقولي عمي .. المفروض انا الي اقولك عمي مو انت تقولي .. بس لو ما عليك امر عندي شغل وبطلع البييت ..
ابو عبدالله / خلاص انا اخلص الشغل عنك ولا يهمك ..
عبدالعزيز / تسلم وما تقصر ..
ابو عبدالله / الله يسلمك ..
عبدالعزيز / عاجبج جذي .. عندي شغل الدنيا قطيتهم ع الشايب المسسكين .. والله اذا كانت بشارتج تافهه يكون اخر يوم بحيآتج ..
دلال / لا .. صدقني راح تستآنس حيل حيل .. واذا ما استانست ما اكون دلول ..
عبدالعزيز / اوكي يلا بااي انا بالطريج ..
ولما وصل للبيييييييت ..
عبدالعزيز / شنو البششاره يا حلوه ؟!
دلال /زيين ليش معصب الحين ؟!
عبدالعزيز / مو معصب .. بس احس تعبآن شوي من كثر الشغل الي اليوم ..اخلصي شنو البشآره ..
دلال / انا ..
عبدالعزيز / انتي شفيج بععد ؟!
دلال / انا حآمل ..
عبدالعزيز طآر من الفرحه .. كان حيل مستآنس .. / احلى بشآره سمعتها بحيآتي ..مبروك حبيبتي ..
دلال / الله يبآرك فيك .. وانت بعد مبروك .. هاه البشاره تسوا ولا ما تسوا..
عبدالعزيز / تسوا ونص .. احبج والله اموت فيج ..
دلال / وانا بععد ..
عبدالعزيز / خلاص قومي اودييج مطعم عازمج على عششا ..
دلال /توك تعبآن ..
عبدالعزيز / ههههههه لا طاآر التعب قومي بس قومي ..
دلال/ اوكي ..
عبدالعزيز / يلا انا نآطرج تحت ..
دلال /الحين البس وانزل لك ..
عبدالعزيز / لا تطولييين ..


بالنسبه لاأماني وماجد ..
ماجد يفكر / اي انا اوريج يا اموون انا ما قدرت على دلال لانها نسسره شوي بس انتي بقددر عليج .. اورييج الشغل يا امون ..

ماجد / قوه اماآني ..
اماني / شتبي ؟!
ماجد / شدعوا قولي الله يقوييك ..
اماني / الله لا يقوييك زين .. يبا خلاص فارق انا عندي عشر غيرك ابيك تفآرق عني ..
ماجد / ما راح افارق .. ابيج انتي بروحج ..
اماني / شوف تراني عبده و شعري كششه و شفايفي مثل شفايف شيما علي و تراني قزمه ..
ماجد / هههههههههههههههههه حبيبتي انا عندي جم صوره لج .. قمر تهبليين فديتج ..
اماني / شنو .. من وين جايب صوري ؟!
ماجد / مو شغلج يا بنت صآلح ..
اماني / ماجد قولي من وين جبت صوري ..
ماجد / اهم شي جبتهم ..
اماني / اي من الحيوان الي عطآك صوري .. انا ما احط ولا صوره بأيفوني عشان تهكر الجهاز وتاخذهم ..
منوو عطاك صوري ..
ماجد / قلت ما يخصج ..
اماني / انت تجذب علي .. ما عندك ولا صوره من صوري .. بس تبي تخرعني ..
ماجد / ههههههه حبيبتي الحين ادزهم لج ولا يهمج ..
اماني تخرعت حيل و بعد دقايق ولا يجيها مسج من ماجد وشافت صورها وقعدت تبجي ..
اماني اتصلت عليه بعد ما سكرت الخط بوجهه ..
اماني / قولي من وين جايب الصور ؟!
ماجد / شوفي حبيبتي لو ما جيتي شقتي راح انشر الصور بلوتوث ..
اماني / حرآم عليك انا شسويت لك الله يخليك وخر عني ..
ماجد / ما راح اوخر عنج .. وبينه وبين نفسه / شغلج عندي يا حلوه ..
اماني / حسبي الله ونعم الوكيل فيك .. انشالله يصير بخوأتك مثل الي قاعد تسويه فيني ..
ماجد / هيييييه انتي شسويت فيج .. صورج عندي وما راح انشرهم لا تخاآفين ما راح انشرهم اذا قعدتي عآقله ..
لكن اذا قليتي ادبج ولا سديتي التلفون بوجهي ولا غلطتي علي ... صورج سيدا ناشرهم بلوتوث يا كتكوته هههههههه ..
اماني / خلاص اوعدك بس لا تسوي شي بصوري الله يخليك ..
ماجد / فدييت الخوآفه انا ..
اماني / بخآف من شنو .. بس هذي فيها قطع ارقآب ..
ماجد / هههههههههههههه حلوه قطع ارقاب ..

وبالنسبه لعبدالعزيز و دلال كانو ف المطعم ..
دلال / شوف انا الحين حملت يعني ما يصير اتضايق فقول لفروح ونوره يكفوون شرهم عني ..
عبدالعزيز / ليش هم شمسوين لج ؟!
دلال/ يزفوني يعايروني ما ادري شفيهم علي .. نسو انهم قاعديين ف بيت ولدي ..
عبدالعزيز / دلول تعلميني بفرح .. اعرفها عدل مدل البنت سنعه ..
دلال / اي اي .. لا تخاف عليها عقرب رمل جدامك احسن منها ما فيه .. بس شوف شتسوي فيني انا وامون واحنا ساكتيين ...
عبدالعزيز قعد يضحك / الحين انتي تسكتين نقول يمككن بس اماني احد يزفها وتسكت ههههههه قصي على غيري ..
دلال / حرام عليك ترى والله امون تهبل وطيوبه صج انها عصبيه حيل بس تعصب قدامك و تزف قدامك مو مثل فرح بنت المسيحيه ..
عبدالعزيز / دلول مو عشانج حملتي الحيين قمتي تسبين .. لو غلطتي على فرح قصيت لسآنج تفهمين ..
دلال بينها وبين نفسها / قطييعه ما يرضى عليها كلش .. / انا ما غلطت انا قلت الصج ..
عبدالعزيز / تعلميني بفرح ..
دلال / حبيبي انت ما تعرف سوالف الحريم .. تسوي روحها مسكينه و طيوبه بس جدامك لانها مييته عليك ..
عبدالعزيز / مييته علي ..!
دلال/ اي حبيبي ميته عليك وتموت فييك ..
عبدالعزيز / دلول اذا ما تسنعتي بيجيج كف ..
دلال / هذا الصج .. والله العظيم انها تحبك واضح اصلا..
عبدالعزيز / دلول تسنعي احسن لج والله العظيم مو فاضي لسوالفج التافهه .. بس انا خبل اني معطلعج
دلال / الله العظيم ترى زهقتني وطفشتني هي وشكلها ... قول لتركي خل يسنعها ..
عبدالعزيز / شدعوا تركي عاد درى عنها .. ارربعه وعشرين ساعه كافخها وما يرد للبيت الا بالفجر و يكون سكران .. اصلا المفروض ما ازوجها لواحد مثل تركي ..
دلال / وليش تركي اشفيه انشالله .. دكتور والكل يبيه ..
عبدالعزيز / الكل يبيه ليش ؟! عشانه سككير ولا عشانه اربعه وعشرين ساعه ماد ايده .. لو ما تهاوش مع احد يتهاوش مع نفسه .. استغفرالله ياربي بس ..
دلال / تستآهل اكييد هي مسويه شي بدنيتها والله عاقبها وخلاها تزوج تركي ..
عبدالعزيز / دلال ترى حدي دايخ .. سوالف الحريم هذي مالي شغل فيها .. يرحم امج غيري الموضوع ولا انطمي ..
دلال / افففف انسسدت نفسي خل نرد البييت ..
عبدالعزيز / نرد البيت انتي وجه طلعه ..
دلال / عبدالعزيز حلفتك بالله تقولي الصج ..
عبدالعزيز / شنو ؟!
دلال / انت تحب فرح ..
عبدالعزيز / يس ..ارتحتي الحين
دلال / اي انا كنت حآسه انك تحبهآ .. مالت علي وعلى حظي رزقني بواحد خايس مثلك ..
عبدالعزيز / والله ما في خايس غير وجهج .. انا لو احبها كان ما خليت تركي ياخذها .. كان خليتها لي .. صح ولا لا يا خبله ؟!
دلال/ ما ادري اربعه وعشرين سآعه تدآفع عنها ..
عبدالعزيز / انا احبها كأخت وبس .. وفروح تستآهل من يحبها يا حظ تركي فيها ..
دلال/ قولي فروح احلى مني ؟!
عبدالعزيز / احلى منج بشنو ؟!
دلال/ يعني الششكل منو احلى ..؟!
عبدالعزيز / كلكم جيآكر
دلال/ اف لا جد جد منو احلى ..
عبدالعزيز /يا كبر عقلج ..
دلال/ شقلت ؟!
عبدالعزيز / ولا شي .. سلامتج حبيبتي .. بس وربي هالسوالف ما احبها منو احلى ومنو تحب اكثر كبري عقلج يا بنت ..
دلال /منو احلى تكفى ..
عبدالعزيز / كشكل انتي و تصرفات هم انتي ..
دلال/ يعني انا تصرفاتي احسن من فروح ..
عبدالعزيز / بوآجد ..
دلال/ صج والله ..
عبدالعزيز بينه وبين نفسها / هذي لا تصدق روحها .. يبا فروح احلى منها شكل و تصرفآت .. بس الحب وما يسوي .. / اي انتي احلى منها صج ..
دلال/ زيين منو تحب اكثر..
عبدالعزيز / دلول والله مو فاضي لأسئلتج السخيفه قومي خلينا نرد البيت ..
دلال/ زييين ..


فرح ونوره كانو يسولفون مع بعض...
نوره / يآي توني راده كنت طالعه مع ميشو فديته..
فرح / هاه جهزتو لبييتكم ؟!
نوره / يس بس باجي لنا واآجد ..
فرح /انتي خلصتي اغراضج ..
نوره / انا مفكره اخلص نص اغراضي قبل الزواج و بعد الزواج اكمل باجي الاغراض لاني راح اسآفر وشاريه شاريه .. وخلي ميشو يشتري لي على ذوقه
فرح / هههههه .. اي احسن .. الا صج وين بتروحيين شهر عسل ؟!
نوره / ما ادري والله بس انا بخآطري اروح لندن احبها من كنت صغيره .. واهو مشتهي فرنسا ..
فرح / حلوه لندن حيل ..
نوره / ويمكن اروح استراليا ..
فرح دمعت عينها / فدييت استراليا يا ناس تهبل .. والله مشتآقه لها حيل ..
نوره / قولي لتركي يودييج هنآك ..
فرح حبست دمعتها ما تبي تضايق نوره و قالت واهي تستهبل/ يووه عاد تركي يستآنس بس تجي الساعه 12 خل ينزل بالشارع كل ربعه السكارى موجوديين ..
نوره / ههههههههههههههه .. الا صج عمي كان يشرب لما كنتو هنآك
فرح / لا .. ابوي يمكن كان ف ديرة كلها مسيح بس ابوي كان ملتزم بصلاته و ما يشرب و يخآف ربه .. الله يرحمه ..
نوره / الله يرحمه ..
فرح / الا صج انتي عرسج بعد جم شهر ؟!
نوره / بعد سبع شهور .. عاد اليوم عرسي عقب يوميين عرس عبدالرحمن ..
فرح / اها .. يلا نفتك ..
نوره / جب عآد تفتكيين مني ..
فرح /ههههههههه لا والله مو قصدي جذي .. بس قصدي العروس ورى بعض احسن ..
نوره / اي .. الا صج فروح شراآيج نطلع ..تو النآس الساعه سبع و احدعش نرد ؟!
فرح / اوكي بس اقول لتركي ..
نوره / اتصلي عليه وانا بروح اجيب عبآيتي ..
فرح / وجييبي عبايتي معآج ..
نوره / اوكي ..
فرح ونوره راحو مع بعض للأفنيوز و تعشو بفرايديز ..واستانسو ..
ولما رجعو للبيت كانو و ريم و اماني ومنال وسعآد موجوديين
ريم / هلا يمآ ويين كنتو ؟!
نوره / لا بس رحنا نتعششا وجينا ..ولما راحت ريم ..
سعاد / الساعه 11 وين طالعيين يا حظي ..
نوره / يعني وين بنروح .. قلت لأمي رحنا نتعشا وجينا .. تحقيق المسأله ..
سعاد / جب عآد ما عندنا بنات يطلعون بهالحزه ..
نوره / شدعوى... بذمتج بناتج متى يرجعون للبيت .. ؟!
سعاد سكتت ونقدت على نفسها ..و بعد دقايق دخل عبدالعزيز و معآه دلال ..
عبدالعزيز باس راس عمته / قوه عمتي ..
سعاد / هلا الله يقويك عزوز..
عبدالعزيز / شلونج ؟!
سعاد / الحمدلله بخير.. انت شلونك وشلون دلول .. ما في شي بالطرييج ..
عبدالعزيز قعد يضحك وطالع دلال ..
دلال / الا فيه فيه .. انا حملت باركولي ..
اماني / مبروك حيآتي ..
دلال / الله يبارك فيج ..
سعاد / مبروك دلول .. بس هاه شدي حيلج وجيبي ولد .. مو مثل بعض النآس ..
دلال / لا انا سويت سونآر و الحمدلله ولد ..
سعاد / ليش انتي بأي شهر ؟!
دلال / توني داخله الرابع ..< كانت تجذب بس تبي تقهر فرح
سعاد / اي كفو .. جيبي ولد يشيل اسم ابوه .. عاد يا بخته دام ابوه عزوز وامه دلول ..
دلال / تسلميين عمتي ..
عبدالعزيز بين نفسها / يا شين الملاآغه الي عليهم .. والله الي يشوفهم يقول جهال .. وعمتي يا كبر عقلها بناتها اعقل منها .. عزوز شوي حس ان فرح انحرجت و دلال بطت جبده شوي..
عبدالعزيز / دلول يا الجذابه متى سويتي سونآر ؟!
دلال توهقت / امس امس..
عبدالعزيز / لا تقعديين تجذبين .. امس انتي طالعه مع دلي وملي .. قصده اماني ومنال ..
دلال / اي رحت معاهم المستشفى ..
عبدالعزيز / لا والله شلون رحتي وبطآقتج المدنييه كانت عندي ..وثاني شي تفاجاؤو يوم درو انج حملتي .. ليش الجذب بعرف ..
دلال توهقت حيل وما عرفت شتقول .. عبدالعزيز / اعقلي اعقلي ..وراح وكان فاطس ضحك على دلال لان وجها صار طمآطه ..
اما بالنسبه لنوره وفرح ماسكين ضحكتهم ..
دلال / شفتي عمتي .. شفتيييه حيوآن .. اصلا امس رحت مع اماني واسأليها ..
اماني كانت بعالم ثاني وتفكر بمآجد ..
دلال / اماني .. وين رحت امس قولي لها .. امانه ما رحت انا وياج امس للستشفى ..< تحاول ترقع السالفه ..
اماني / الا الا .. واهي حامل بتوم بععد ! < تصروخ شوي
سعاد / اي اي ع البركه .. ويتربون بعزج مقدمآ ..
دلال/ الله يسلمج ويبآرك فيج عمتو ..
نوره بصوت واطي لفرح / يآ شين السرج ع البقر ..
فرح ماسكه ضحكتها / نوره امشي برآ الحديقه بسولف معآج .. واليوم الجو حلو ..
نوره / اوكي امشي ..
طلعو وكانو يضحكون ..
نوره / فدييت روح عزوز يععرف ينقدها ..
فرح / ههههه .. صح عزوز عيبه انه يحب يحرج النآس وبس ..
نوره / زين يسوي فيها ..
فرح / ههههه ..
ولما طلعو شافو عبدالعزيز قاعد ويشرب زقآير ..
نوره شرقت / تشرب زقاير يا خآيس ؟!
عبدالعزيز / وجع خرعتيني يا تبن ..
نوره / امبي عزوز انت تعجبني زيين تسوي فيها .. اليوم ضحكت ليما قلت بس ..المسكينه احرجتها
عبدالعزيز / تستآهل .. ما عاش من يضايق فرح ..
فرح / شكو هي ما ضايقتني ..
عبدالعزيز / احلفي انج ما تضايقتي .. باطه جبدي هي وعمتي والله العظيم جهآل ..
نوره / اقول عزوز مو هذي الي ميت عليها وتبي تاخذها ..
عبدالعزيز / نوره انا ما اقولج اكرها بالعكس احبهآ واموت فيها .. بس هي تصرفاتها مثل وجهها .. خآيسه من امممه ..
نوره / الله يعيينك عليها بس ..


البآرت خلص .. <3
ابي ردودكم وتعليقأتكم ..

 

[♥ بقآيآ آنسآنه ♥]

بطططططت جبدي دلآلو
مليقه وجذابه
وزين سوآ فيهآ عزوز > تدلع بعد هههه
وفرح كآسسرة خآطري حده

وثآنكككس على البآرت