يوميات مشتركات نادي بيلاتس اند مور الفنطاس(المهبوله)+ السالميه

[kuwait_queen82]

السلام عليكم
​

الموضوع هذا راح يكون حق كل عضوات نادي بلاتس اند مور سواء الي بالمهبوله او السالميه كل وحد ادش و تكتب يوميتها و شنو السبب الي خلها تدخل النادي ؟ و شلون كان يومها بالنادي سواء مدربات او عضوات ؟

​

 

[kuwait_queen82]

سبب اشتراكي بالنادي شفته مستواه المدربات و شهادات وايد ممتازه و خبره و اهم شي انه فيه مدربات يوغا لانه ابعيد الشر عنكم ماقمت اقدر امارس الرياضه بالبيت بسبب مرض وراثي بالمفاصل فاليوغا اتساعد على تقويه المفاصل و تمنع انه المرض يشد على مع الكبر فحبيت اشترك بالنادي و اخلي روتين يومي على الاقل 3 ايام بالاسبوع باذن الله

المدربات امبين ماشالله حليون والاهم و المهم مافي عضوات عرب وايد الاغلب امريكيات و هذا الشي امونسنى لانه مو نفسنا اربعه و عشرين ساعه تشكي و تكون لها تاثير سلبي على نفسيتج و ادائج بالنادي

حوض السباحه ماشالله نضيف بس فيه سلم تصعديله و صغير نوعا ما موونفس باجي النوادي يكون بالارض

طبعا في وحده من الرسبشن مادري شصلها يوغسلافيا مادري روسيا ويهه جنها عبسي مادري احنا مو عاجبينه بس طاف اهم شي صحتي و المدربات

انا اشتركت في العضويه الاساسيه و عضويه الجسد مع العقل مافي فرق وايد بالسعر 20 دينار تقريبا

اذا انتي ام و عندج اعيال هم في غندهم نادي لاطفال و المراهقين اسمه فيت فور (الله يعيني بالصيف من ملاغه اليهال)

كل 25 الشهر يسون حفله بالنادي

في بعض الحصص لازم تحجزين لازم من الرسبشن قبلها ابيوم مثل vacuvibe

 

[kuwait_queen82]

وهذا موقعهم و ارقام تلفوناتهم
http://www.pilatesandmoreq8.com/crew/instructors.html

 

[kuwait_queen82]

وييييييييي اشدعوه

 

[.● Softiah ●.]

Up
حبيبتي ممكن سؤال؟ الحوض يلزمونا فيه بس للتعليم السباحه؟ مايصير الي تبي تسبح على كيفها؟​

 

[LuLiTa]

جم الاشتراك بـ الشهر ؟

 

[kuwait_queen82]

up
حبيبتي ممكن سؤال؟ الحوض يلزمونا فيه بس للتعليم السباحه؟ مايصير الي تبي تسبح على كيفها؟​

لا عادي تقدرين تسبحين على كيفج بدون اكلاس او تدريب بس لازم تكوني مشتركه في النادي

 

[kuwait_queen82]

جم الاشتراك بـ الشهر ؟

في نوعين اشتراك في اشتراك ب 40 و في اشتراك يكون شامل المساج و جهاز فاكو فايب 60 بس لاززم تدفعين نفس التامين مره وحده ياخذون منج 132
و باجي الاشهر بس تدفعين قيمه الاشترك و لوخذيتي معاج وحده هم يسونلج خصم زياده

 

[كتكوته غنوجه]

موفقين

 

[.● Softiah ●.]

لا عادي تقدرين تسبحين على كيفج بدون اكلاس او تدريب بس لازم تكوني مشتركه في النادي

مشكووووووووووورة حبيبتي

 

[يا حبني له]

انا ودي اشترك فيه بس ال200 مادري ال100 تامين يعني يردونها لي لا خلصت ولا شنو بالضبط .. وشكرآ ..

 

[kuwait_queen82]

اليوم رحت النادي و وايد مشتركات داشين هل الفترة و حضرت حصه اليوغا لتنزيل الوزن مدتها 50 دقيقه من اول مابلشت هل الحصه لازم تشوفين وحده تنسحب من التمرين لانه يبيله قوه اراده و الاغلب لاسف الي اشوفهم ياين عرس مو نادي و حتى الاسترجنغ مو قادرين يكملونه
وفي عندي ملاحظه بنات تكفا تكفا الي تبي تدخل حصه يوغا تاخذهالها شور على السريع و شويه عطر اليوم كل ما التفت يمين ريحها تكفخني التفت يسار هم ريحه سوري على الاسلوب بس ترى مو على انه نادي و ماتهتمونبالنظافه الشخصيه

بعد حصه اليوغا حضرت حصه اdrum beat قرع الطبول في وحده اول مره اشوفها ماشالله عليها دمها خفيف و سوت لنا جو وضحك بالكلاس ماقول الله يعطيها العافيه حمستنا و غيرت لنا جو في التمرين و يليت تكون موجوده في كل اكلاس (ام الطيران و عاشو لووووووووووووووول)

 

[kuwait_queen82]

up up

 

[kuwait_queen82]

حضرت حصه اسمها جم استيك ماسل gymstick muscleاصعب اكلاس دشيته في النادي هو نفس العاصيه فيه حبلين بنهايتهم ربطه تلبسين كل ربطه ابريل و الحبل هذا اي الون الاخضر الي فيهم ابعيد الشر عنكم الم بالظهر او كبار السن و الازرق حق المبتدئين و الاسود حق المتقدمين طبعا
اول مايبلش الكلاس لازم اتادين عدد الحركات الطلوبه منج مع المدربه لمه تسمعين التنبيه يقولج استوب و بعدها هم تسمعين تنبيه ثاني يقولج ابدي الحركه الثانيه طبعا المدربه معانا خطوه ابخطوه بس ماشالله عليها مدربتنا سريعه و تعالو شوف وراها صايره حرب العالميه الثانيه الي توها ترفع العصايه والي حتى مو قادره ترفعها
انا عن نفسي حسيت هل التمرين توه الناس عليع يبيلي اقوي عضلات ايدي لانه وايد اضعيفه و بنفس الوقت احس فيه خلل من النادي المفروض يسولنا على الاقل اكلاسات تساعدنا اكثر علشان نتقن الحركه

وهذي صور اتوضح اكثر التمرين

​

 

[kuwait_queen82]

البارح جربت تمرين اسمه افلون )flowin) تاخذيم نفس المات بس تكون ناعمه و زلقه و يعطونج معاه نفس القطع الفلين اتحطينها تحت ريلج و تزلجين ونااااااااااااااسه بس لياقتي ماكو على الزيرو التمرين ممتاز حق عضلات الايد و الريول و الاهم والمهم المدربه اسمها ميشيل وايد وايد ممتازه معاج خطوه بخطوه لين اتعلمين مدة التمرين 25 دقيقه و انشالله بجربه الاسبوع الياي

وهذا توضيح للتمرين

(هذي لوحه الي تشتغلين عليها و القطع لصغار مكتوب وحده تحت الركب و ثنتن للايد و ثنتين للريول)
​

​

 

[CUTIE-THUG]

هلا حبيبتي الي بالسالمية وين صاير و كم الشتراك و يومي ولا 3 ايام ؟

 

[kuwait_queen82]

انا ودي اشترك فيه بس ال200 مادري ال100 تامين يعني يردونها لي لا خلصت ولا شنو بالضبط .. وشكرآ ..

jسوري ياقلبي توني اقره مشاركتج لا مايردونها بس حسب مافهمت منها تقدرين اتحولينها حق اي احد

 

[kuwait_queen82]

هلا حبيبتي الي بالسالمية وين صاير و كم الشتراك و يومي ولا 3 ايام ؟

هلا كيوتي
بالعماره الي موجوده فيها صيدليه السالميه في شارع بغداد
اهم اشتراك سنوي و طبعا تقدرين تدفعين المبلغ مره وحده او تدفعين كل شهر وحسب نوع اشتراكج اذا تبينه مع السبا او المساج 60 و اذا بس الاشتراك الاساسي 45 ااو 40 +تدفعين لهم تامين الي للحين مادري شنو سالفته بس تقدرين اتحولينه لي وحده ثانيه اذا تبين

 

[brat]

آنا عادةً أشترك بفليكس بس شوقتيني على بيلاتيس آند مور بس كنت مستصعبة مكانه
بس دام فتحوا بالسالمية شكلي بشترك فيه لما أرجع الكويت
بس فيه أجهزة غير الكلاسات وحمام السباحة؟

ويومياتج وايد حلوه خاصة مع الصور موفقة إن شاء الله

 

[kuwait_queen82]

آنا عادةً أشترك بفليكس بس شوقتيني على بيلاتيس آند مور بس كنت مستصعبة مكانه
بس دام فتحوا بالسالمية شكلي بشترك فيه لما أرجع الكويت
بس فيه أجهزة غير الكلاسات وحمام السباحة؟

ويومياتج وايد حلوه خاصة مع الصور موفقة إن شاء الله

في اجهزه المشي و جهاز تروبيكل الي شبيه لاوربت ريك و فييه بعد اجهزه حق العضلات الصدر و الظهر والريول (مادري شسمونهم ) و جهاز الفيبرو فت وفي جهاز نفس القاري حق ابعيد الشر عنج الي ظهرهم و ماصلهم اتعورهم والله الود ودي اصورلكم من داخل بس ممنوع اندخل التلفونات داخل صاله التدريب بس نتكلم صوب الرسبشن
ومشكوره ياعمري على الدعوه