حياكم الله في مكتبتي ..

[م.بابونج]

هااااا بوبو خلصتيها؟؟
انا مو قلتلج لاتكملينها؟؟ خخخخخ
وييع ماني قاريتلها هالكاتبه الخايسه
خليني على ميانيني اشكثرهم

لووووول لا ما أحب أهد كتاب مو مخلصته , يعني أنا مخلصة ثلاث أرباعه يات على جم صفحة ؟ لووووول و ساعات النهاية تخلي القصة أحلى .. انتي شصار عليج ؟

 

[م.بابونج]

بسم الله الرحمن الرحيم
كتابنا اليوم هو ..

1) القصة :هذا الجزء من سلسلة The immortals بعد اسبوع من احداث الجزء الثاني , بعد أن أصبحت إيفر هي المسوؤلة عن التعويذة التي تمنع أي تلامس بينها و بين ديمون فتصمم أن تجبر رومان أن يخبرها عن التعويذة التي تبطل مفعول هذه التعويذة , و بالطبع تقع في بعض الأخطاء .. عندما نتعرف إلى جود , شاب وسيم جدا مما يجعل إيفر تشعر بغرابة بالقرب منه .. هل ستنجح إيفر في مهتمها ؟؟

2) جو القصة : إلى الآن هالجزء أبطأ جزء بالسلسلة , الأحداث بطيئة جدا , كل ما أحس إن راح يصير حدث بيصدمني أتحبط .. ما عجبني هالجزء وايد لأن فيه كلام وايد و شخصية ديمون ما عجبتني بالمرة حسيته عمره مليون و يتكلم كأنه يعرف كل شي بالدنيا و إيفر صايرة غبية و حسيتها تحب ديمون بس لأن يحبها مو لأن في بينهم قاسم مشترك , قصة حبهم اهتزت بمخي صراحة مع إن البداية كانت حدها عجيبة و كل شي .. على العموم أتمنى إن الجزء الياي أحلى من جذي

3) النهاية : حزينة .. ان شا ءالله أفضل الجزء الياي

4) تقييمي للقصة : 3 نجوم من أصل 5 نجوم .. ان شاء الله المستوى يتحسن الجزء الياي
​

 

[laila84]

والله خوش موضوع ... حطي باقي الكتب الي قريتيها

 

[م.بابونج]

أهلييين سوري على التأخير كنت في حالة سفر .. ان شاء الله الريفيو الياي قريبا جدا ترقبوا

 

[م.بابونج]

والله خوش موضوع ... حطي باقي الكتب الي قريتيها

حياج الله يا قلبي لا تحرمينا من طلتج الحلوة

 

[م.بابونج]

بسم الله الرحمن الرحيم
كتابنا اليوم هو ..

1) القصة : تتبعا لأحداث الجزء السابق تواصل إيفر جهودها لحماية صديقتها هيفن من التغيرات التي طرأت عليها , و في نفس الوقت تصارع هي السحر الأسود الذي يجعلها تحب رومان عدوها اللدود .. و الكثير من الأحداث التي تتعلم منها إيفر بعض الدروس الثمينة لكي ترجع علاقتها بديمون كما كانت

2) جو القصة : طبعا أنا تأخرت في وضع الريفيو لأني كنت مسافرة و توني رجعت الحمدلله , الجزء هذا كانت أمتع من الجزء اللي قبله بس للأسف ليلحين ما وصل لي مستوى الجزأين الأوليين , الأحداث ردت حلوة و حماس , و جود بدت تطلع شخصيته أعمق و فيه بعض الحوارات وايد عجبتني .. يعني بشكل عام أفضل من الجزء اللي قبله
3) النهاية : معلقة و مفتوحة
4) تقييمي للقصة : 3ونص نجوم من أصل 5 نجوم .. ان شاء الله أفضل الجزء الياي
​

 

[شمع تحترق]

متابعتج


بس ليش كله الفترة الاخيرة اجنبي

انا كرهت الكتب الاجنبيه مع اني اقري مترجم بس بطلت اشتري غير المترجم

الله يعافيج زيدي عقب تقيمج للكتاب اذا كان فيه منه مترجم و لا لأ

 

[م.بابونج]

متابعتج


بس ليش كله الفترة الاخيرة اجنبي

انا كرهت الكتب الاجنبيه مع اني اقري مترجم بس بطلت اشتري غير المترجم

الله يعافيج زيدي عقب تقيمج للكتاب اذا كان فيه منه مترجم و لا لأ

أهلين يا قلبي .. مشكوورة على المتابعة , بصراحة أنا غسلت إيدي من الكتب العربية و أنا كلش كلش ما أحب شي اسمه مترجم أحب الشي الأصلي أنا .. و عموما معظم الكتب اللي انا أقراها ما أتوقع في منها مترجم لأنها كتب مو معروفة .. و حياج الله مرة ثانية

 

[م.بابونج]

بسم الله الرحمن الرحيم
كتابنا اليوم هو ..

1) القصة : في مجتمع مثالي حيث أن الحياة مخططة لكل شخص مسبقا بطريقة الأكل و اللبس و الزواج و عدد الأولاد و مدة حياة الشخص , تعيش كاسيا ذات الست عشر عاما التي حان موعد زواجها المرتب من اكساندر صديق طفولتها و لكن كل شيء يتغير في حياتها عندما ترى صورة شاب آخر يدعى كاي في ملفها كزوج لها !! .. هنا تبدأ كاسيا باكتشاف أشياء لم تجرأ أن تتعرف عليها من قبل عن حقيقة هذا المجتمع المثالي و ما هي خياراتها في الحقيقة في هذه الحياة ؟؟

2) جو القصة : بصراحة القصة كانت جدا جدا ممتعة و ستايلها غريب , مع إني المفروض انا أخلصها من قبل 3 أيام بس مرضت للأسف و ما كنت أقدر أقرا وايد , بس الحمدلله اليوم خلصتها وواااييدد استانست عليها و الشخصيات وايد حلوة خاصة كاي وايد وايد حبيته

3) النهاية : مفتوحة بس تشد الاعصاب لأن القصة لها جزء ثاني راح ينزل شهر 11 ان شاء الله

4) تقييمي للقصة : 4 ونص نجوم من أصل 5 نجوم .. أنصح فيها بصراحة وايد وايد حلوة
​

 

[LUXURY]

ماشاء الله ماشاء الله
اشهالزيييييييين يخزي العييييييييييين
ماكو تعليق على امورتالز وتكفين لاتعلقين علي خليها مستوره لوووووول
بس اخر كتاب عاجبني وباقراه قريب باذن الله واقولج رايي
وان شاء الله اخلصهم كلهم لوووووووول بس خل يخلص دوامنا عقب اسبوعين يبدى الجد واقرا اكثر
ويعطيج العافيه بوبو ماقصرتي عالريفيوز وانا مفتشله ومنخشه منج

وتو ما نورت الديره حبيبتي عقبال الوظيفه
وقولولولولولولولولولولولولولولولولولوووووووووووووووووووووووووووش

 

[LUXURY]

أب


أب


أب


مانبي الموضوع ينحذف ورا

انا خلصت كتاب فوربيدن بس ماراح اكتب عنه لانه الكتاب مايناسب 99% من الناس وشئ نادر ان احد يتقبل فكرة الكتاب فراح احتفظ بالتقييم ورايي لنفسي سوري ماراح اقدر اكتبه هني علشان مابي يصير علي هجوم خخخخخخخخخ

 

[LUXURY]

هلووووووووووووووووو!!!!
@@
؟؟؟؟

بوبو وينج عسى المانع خير
ان شاء الله تكونين لاهيه مع اهلج ومستانسه وزوارات وطلعات
لان قمت احاتيج اخر مره قلتيلي انج مريضه وصج قمت احاتي

المهم مابي الموضوع ينحذف وحبيت اقولج اني واخييييييييييييييييرا بديت blue moon بس لان كنت قاعده اقرا جم شغله وحاولت اخلص شيفر بعدين قلت لا باجله شوي مابي اخلصه الحين علشان ينزل الجزء الثالث ونقرا مع بعض الثاني والثالث

وبس اخلص الكتاب راح احط تقييمي للجزئين الاول والثاني مع بعض
وصراحه حاليا محتاره اكمل اشتري الجزء الرابع والخامس والا لا لان مو لاقيتهم فري بال4shared ومادري شسوي اذا وصلتلهم
ادري الثالث والرابع مليقين بس اذا باوصل لاخر جزء لازم اقراهم مو؟؟

ناطره رايج حبوبه بالجزء الخامس

واي وبعد عندي طلب ثقيل دم بتكفخيني عليه
تذكرين قصة fallen???
بالقود ريدز مامدحوها
يعني تقدرين تقولين ناس طقوها بالعلالي وناس خفسو فيها بالقاع
وكل من يقول الكاتبه مخلطه بين قصة امورتالز وتوايلايت ومادري شنو وانها ممله وبطيئه ووووو
فاتمنى لو عندج وقت تقرينها وتعطيني رايج علشان لا ابتلش فيها
واذا ماعندج اياها قوليلي اعطيج كتابي اقريها وبعدين اذا طلعت حلوه اخذه منج اقراها خخخخخخخخخخ

حدي مو خوش صديقه اشيشج على قصه خايسه ههههههههههههههه

 

[Eng_Roka]

بوبو وينج جم يوم ما تبينين لا هني ولا بتويتر؟

عسى ما شرر

انا عن نفسي غايصه حدي بالامتحانات والدراسه وعفسه وايد

الله يعين يالله هانت الاربعا اخلص

 

[LUXURY]

الله يوفقج حلوه شدي حيلج لاحقه عالكتب والنت ناطرينج نقرا معاج لاتحاتين

 

[Eng_Roka]

اجمعين حبيبتي

ايي بس حدي متحقرصه ابي احذف كتب الدراسه واحس اني اخذ فتره ريلاكس بس بدون ضغوط وازعاااج

 

[LUXURY]

يالله مابقى شئ وتخلصين وتفتكين
شوفي باقولج كلمه كانو يقولونها لي وكنت اضحك عليهم
الحييييييييين حسيت بمعناتها
لما تتخرجين باذن الله ونفرح فيج راح تشتاقين حق ايام الدراسه حييييييييييييل وودج تدرسين وتحفظين
الحين احس لما البنات يدرسون يشوقوني ودي اخذ كتبهم ادرسها لوووووووووووول
لما يحطوني اراقب بالامتحان اخذ الورقه الزايده واحل بقلبي ككككككك حدي فاضيه
يالله حبيبتي enjoy

 

[Eng_Roka]

ميخااالف خل اشتاق المهم اول اخلصصص

ولاحقه وراي جامعه الله يعين ويسهل

لووووول ما مداج تشتاقييين

ادعيلي بليز

خايفه من النسبه

 

[Eng_Roka]

خلللللللللصت

تخررررررجت واخييييييرا

اليوم احلى يوووم بحيااااتي والللله

بعد جم يوم عقب حوسة الحفله والعفسه راح اتفرغ حق كتبي حبايب قلبيييي

 

[م.بابونج]

خلللللللللصت

تخررررررجت واخييييييرا

اليوم احلى يوووم بحيااااتي والللله

بعد جم يوم عقب حوسة الحفله والعفسه راح اتفرغ حق كتبي حبايب قلبيييي

مبروووووووووووووووكككككككككككككككككككك عقبال التخرجمن الجااامممعععةةةة :d هابشري شلون تقديمج ؟؟

 

[LUXURY]

مبرووووووووووووووووووووووووووووووووووووووووووووووووك
الف الف مبرووووووووووووووووووووك
يالله عقبال الشهاده الكبيره ونفرح فيج مهندسه أد الدنيا