للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

ما شاء الله وايد استفدت منكم ...


آنا مو عروس بس عندنا عروس


المهم بنوتات لا تنسون بعد معطر الفم من الصيدلية بنكهات الفراولة والنعناع ..


وروحوا بعد محل نسايم اللي بمجمع العنود يبيع شغلات للشعر أشكال وألوان وجم شغلة للجسم ...


بنات سؤال :::


شلون تفرقون عن طريق الشم بين المعمول والبخور والعود المبخر وشنو الفرق بينهم شنو للبيت وشنو للعباية وجذي !!!


آنا أشتري ما أعرف أفرق الوالدة وخواتي الكبار يعلموني بس آنا قفلت هههه

اضافه حلوه منج

شوفي اللي يجيج خشب عادي هذا لتبخير الملابس وهي رطبه بعد الغسيل ينحط تحت مشر الغسيل
المعمول للجو وللبيت
كذلك البخور العود المعطر اللي يجيج خشب مسود شوي
والمعمول يطول وهو يدخن وكذلك العود المعطر
بس المبثوث اللي هم للجو
بسرعه تطلع ريحته وبخوره بس بسرعه يطفي
فتحتاجين والفحمه للحينها حاره ترجعين وتحطين منه فوق الفحمه:eh_s(7):

 

[قيم واخلاق]

عادت ذكرياتي عاد اليوم مريت من عند النسايم بس مافكرت ادخله شنو الشغلات اللي يبيعونها حق الجسم

 

[miss SHOOSHOO]

وااااو يسلمووو ع الموووضوووع

روووووووعه

عندي سؤال ابي احلى عطر للزفه والبخوووو

 

[حبج يا يمه بدمي]

قاااهر وقيم مشكورين ماقصرتو فديتكم الله لايحرمني منكم بس الحين مفضيه نفسب الصبح وبعد المغرب ابي استفيد من الوقت قبل رمضان
واللي عرسها بعد رمضان خل تسوي الدراريع من الحين
الله يسلكم قيم وقاهر بنات منطقتيامس رحت اكثر كن مشغل شوفهم
١- ام فهد الكشتي بيتها بالنسيم شارع ٥ بس مادري منزا جم بتأكد منه وبحطه لكم
٢- المها المحلات اللي ورا وارة
٣ جدام الوافي صوب صالون نوال بس مو نفس الدرج قبل ماتصعدين الدرج روحي يمين عندهم جم دراعه يهبلوووون بس غالي ع٢٥٠
واخر شي اللي شريت ونسيت اكتبه ستاند العطور من إيكيا اللي بالڤنيووو حيل حلو وبحط فيه كل العطور الفرنسي وجم واحد عربي وبخلي التسريحه حق ستاند المكياج

 

[عادت ذكرياتي]

أهلين قيم


بالنسبة للنسايم عندنا بالعنود فيه وحدة لبنانية هي توريج شغل الجسم والشعر وتشرحلج بس اللي أذكره اللي خذته العروس من عندها شور جل بعطور مختلفة ....

 

[عادت ذكرياتي]

بنات فراش العروس المعطر إضافة حلوة بعد ..... عروسنا قلتلها تييبه هني في تاجرة تبيعه ....



وبعد هم عندكم وحدة اسمها أم يوسف ... تبيع خلطات وتغلف العطورات بخامات على حسب طلبج وقالوا شغلها روعة ... طبعا للأمانة عروسنا ما جربته للحين .. بس آنا أخذت الرقم من رفيجتي ... امدحتها وقالت إن أم يوسف تنزل دايم بالمعارض ....


ذكروني احطلكم رقمها

 

[قيم واخلاق]

مس شوشو عندج عطورات كثيره صراحه انا افضل ماركه شانيل واستي لودر لانها تجي فواحه ومميزه وتصلح حق عروس وعندج لوي من قزاز انا شريته حق بنتي حق اول يوم رهيب مع بخور العود شوفي عود من القرشي او المرشود اعتبرهم توب من ناحية العود القرشي فوق الشاهبندر والمرشود بالمنار مول وقاهره ماقصرت حطت لنا موقع كتالوج اكسبرس تلقين عندهم عطورات اصليه يمكن بعضها مو موجود بالسوق انا طلبت منهم لزوجي عطر بربريز ذابيت طلع خيال وصج صج اصلي مشكوره قاهره ماقصرتي

 

[قيم واخلاق]

حبج يايمه لاشكر على واجب حبيبتي اذا عرسج بعد رمضان استغلي الوقت وخلصي شغلج يعني الاساسيات الذهب والاجهزه الكهربائيه والبجايم وقمصان النوم والبخور والعطورات والخمريات والخلطات ومجموعات الجسم واذا شريتي او شاريه ستاند العطورات حطي صورته ومن وين شريتيه اذا في بالجهرا ؟

 

[قيم واخلاق]

عادت ذكرياتي مشكوره حبيبتي .... ...فراش العروس المعطر بكم شريتيه ؟ ومن وين

 

[قيم واخلاق]

قاهره انتي والبنات ابي مساعدتكم انا اذا بغيت اودي جهاز العروس شلون ارتب الاغراض وشنو احط عالتسريحه وشلون ارتب قمصان النوم مع اني شاريه تقسيمات الملابس وعلاق الجناط وعلاق البناطيل يعني ابي شلون اتصرف من اروح الشقه ومعاي الجهاز لحد ماطلع /وحبيبتي قاهره ماقصرتي على ذكرج للعرايس على خلطة اشرقت امس انا ماره اجمل ابي منهم مسك ابيض ولا يقول خالص شوي ولا وحده تطلب كلونيا اشرقت وبعدها بدقيقه جت وحده ثانيه تطلبها قلت ليش ماشوف سر هالكلونيا شميتها رهيبه تصلح حق عروس قلت مايبيلها تفكير شاريتها شاريتها مع اني خلصت تجهيز بس صراحه ريحتها تغري وراهيه وشكلها حلو ماتقصرين يالغاليه استفدت منج كثير

 

[فرزاشيهـ]

قيم حبيبتي عن الترتيب اشتري طقم جناط يكونون نفس اليون كلهم و اول شي ابتدي بالتسريحه حطي عطورها و رتبيها بطريقه حلوه و حطي بينهم ورد مجفف و شمع على شكل ورده مفتوحه من سنتربيويت شكلها حيييل حلوو و ريحتها حلوه ،المكياج طبعا حطيه داخل بالتسريحه بسلال او صناديق حلووه و عن مجموعات الجسم حطيها بسلال اللي اتيي مبطنه بخامه مشجره حطي الجل شور و مل شي و حطي معاهم ورد مجفف و لاتنسين تشترين لها طقم الحمام و انتي بكرامه اللي ماسكة الصابون و مالت الفراشي و الطقم كامل حطيه لها بالباث البيبي دول و الاطقم و القمصان القصير وايد روحي فصلي لج اجياس دانتيل انا مفصلتها و خلصت و ان حصلت بصورها لج و حطيهم فيها بس اجياس الدانتيل خليهم مثل حجم اجياس القرقيعان بس اكبر بشوي و اتيي فيها شريطه ستان شكلها واايد مرتب اهذي كلها حركات امي بعرس اختي و خالاتي ^_^ الجينزات صفطيهم بطريقه حلو مع التيشيرتات و القمصان اما النفانيف و قمصان النوم الطوال علقيهم و الدراعات و بدلات الطلعه علقيهم و خليهم بجياسهم اللي شريتها -اللي قلتي عنها-- الجواتي و الكعابه و انتي بكراامه بكراتينهم بالكبت او اذا حاط لها كبت جواتي زين حلو صفيهم فيهم و الجناط همن بالكبت بس صوب الدروج مو العلاق و انسيت عبايتها عليقهم بعد ^_^ ان شاءلله مانسيت شي

 

[فرزاشيهـ]

اي و السشوار مجفف الشعر خليه بالحمام احسن و خلي لها سلة صغيره بالحمام و انتي بكرامه فيها علوج و قلوس لوول للطوارئ

 

[قاهره عذالي]

قاهره انتي والبنات ابي مساعدتكم انا اذا بغيت اودي جهاز العروس شلون ارتب الاغراض وشنو احط عالتسريحه وشلون ارتب قمصان النوم مع اني شاريه تقسيمات الملابس وعلاق الجناط وعلاق البناطيل يعني ابي شلون اتصرف من اروح الشقه ومعاي الجهاز لحد ماطلع /وحبيبتي قاهره ماقصرتي على ذكرج للعرايس على خلطة اشرقت امس انا ماره اجمل ابي منهم مسك ابيض ولا يقول خالص شوي ولا وحده تطلب كلونيا اشرقت وبعدها بدقيقه جت وحده ثانيه تطلبها قلت ليش ماشوف سر هالكلونيا شميتها رهيبه تصلح حق عروس قلت مايبيلها تفكير شاريتها شاريتها مع اني خلصت تجهيز بس صراحه ريحتها تغري وراهيه وشكلها حلو ماتقصرين يالغاليه استفدت منج كثير

اي حلوه هالكلونيا للفراش والبطانيه حقت النوم وعقب تحطين البخور بزاوية غرفة النوم وتسكرين الباب و10 دقايق وتعالي شمي غرفة النوم شلون تطلع
بالنسبه لموضوع ترتيب اغراض لعروس لبيت الزوجيه
في موضوع كامل بالصور
http://www.osrah.net/forum/showthread.php?t=8518
شوفي هالرابط:eh_s(17):

 

[قاهره عذالي]

قاااهر وقيم مشكورين ماقصرتو فديتكم الله لايحرمني منكم بس الحين مفضيه نفسب الصبح وبعد المغرب ابي استفيد من الوقت قبل رمضان
واللي عرسها بعد رمضان خل تسوي الدراريع من الحين
الله يسلكم قيم وقاهر بنات منطقتيامس رحت اكثر كن مشغل شوفهم
١- ام فهد الكشتي بيتها بالنسيم شارع ٥ بس مادري منزا جم بتأكد منه وبحطه لكم
٢- المها المحلات اللي ورا وارة
٣ جدام الوافي صوب صالون نوال بس مو نفس الدرج قبل ماتصعدين الدرج روحي يمين عندهم جم دراعه يهبلوووون بس غالي ع٢٥٠
واخر شي اللي شريت ونسيت اكتبه ستاند العطور من إيكيا اللي بالڤنيووو حيل حلو وبحط فيه كل العطور الفرنسي وجم واحد عربي وبخلي التسريحه حق ستاند المكياج

انا يا قلبي ما اعترف بالمشاغل لان الاسعار مبالغ فيها
يعني لو بتشترين 4 دراعات فخمه ب250 شنو يبقى من المهر
ترا هم كلهم دراعه تلبسينها مره وخام
مو ذهب
انا نصيحتي لج روحي واره نفسها انا مره فصلت دراعه من عند محل فوق بواره وخذيت موديلها من كتالوج عنده
والله فصلها لي ب10 ونزلت سرداب واره شريت الخام اللي وصاني فيه والحين دراعتي الكل يذكرها انها حلوه وبعشره شريت لها الكلف والتركيبات وجبتها للهندي طلعها لي باسبوع
ماكو على دراريع العربيد لو تفتشين عدل تلقين وعندج مجمع الاوقاف ومجمع واره لا تستهينين فيه فصلي لج جم دراعه واختاري من الكتالوجات اللي عندهم

وبالنسبه لاستاند العطور من ايكيا عليج بالعافيه ايكيا عندهم شغلات حلوه صراحه للي يفتش :eh_s(7):

 

[مخاويه الزعامه]

:eh_s(7)::eh_s(7):هلا ياعرايس ياحلوات بما اني تقريبا خلصت تجهيز بفيدكم بشغلاتي

ومااابي الا دعوة ان الله يتمم علي خير ويوفقني معاه ياارب :eh_s(17):

العطورات انا شريتهم من معرض العطور كلهم خلصت منهم لان كان فية جنيد واصغر علي وكانت فيه عروض حلو وشريت من شارمل وميك اب فور ايفر شدوات والكريم ولمعات والماسكرا

ومكياج الخفيف خذيته من سنر يوينت ودبنهامز

وخيطت العبايات من الفروانية

والبدل الله يسلم الكتالوج وضفت عليهم افكاري طلعوا روعه صج فخمه

والقمصان من الايوب والسندس والفروانية الحمرا مول والعربيد بلازا
وملابس الشقه من ماكس ومن كذا محل بالافنيوز وسنتر بوينت روووعه ملابس شقه لايطوفكم وسعره حلوو ورخيص

 

[قاهره عذالي]

وااااو يسلمووو ع الموووضوووع

روووووووعه

عندي سؤال ابي احلى عطر للزفه والبخوووو

مثل ما قالت العطورات الفرنسيه ماركة شانيل واستي لودر حيل حلوين وعندي احلى بخور للزفه بخور المعاريس من امل الكويت :eh_s(7):

 

[مخاويه الزعامه]

وبرنامج العروس من لميس سبا 80 دينار رووعه

 

[قاهره عذالي]

:eh_s(7)::eh_s(7):هلا ياعرايس ياحلوات بما اني تقريبا خلصت تجهيز بفيدكم بشغلاتي

ومااابي الا دعوة ان الله يتمم علي خير ويوفقني معاه ياارب :eh_s(17):

العطورات انا شريتهم من معرض العطور كلهم خلصت منهم لان كان فية جنيد واصغر علي وكانت فيه عروض حلو وشريت من شارمل وميك اب فور ايفر شدوات والكريم ولمعات والماسكرا

ومكياج الخفيف خذيته من سنر يوينت ودبنهامز

وخيطت العبايات من الفروانية

والبدل الله يسلم الكتالوج وضفت عليهم افكاري طلعوا روعه صج فخمه

والقمصان من الايوب والسندس والفروانية الحمرا مول والعربيد بلازا
وملابس الشقه من ماكس ومن كذا محل بالافنيوز وسنتر بوينت روووعه ملابس شقه لايطوفكم وسعره حلوو ورخيص

اي والله الله يسلم الكتالوجات
عند الخياطين تختارين الموديل وهم يضبطونه لج بالخياط والقياس
بالنسبه لملابس الشقه والبجامات صاجه ماكس وسنتر بوينت وجم محل بالافنيوز يهبلون
وترا خياط العبي بالفروانيه ارخص وحلو
عليج بالعافيه حبيبتي
وخوش جهاز مبين عليه :eh_s(7):

 

[قاهره عذالي]

وبرنامج العروس من لميس سبا 80 دينار رووعه

عليج بالعافيه
هذا وين صاير؟:d

 

[قيم واخلاق]

ياحياتي فرزاشيه ماقصرتي حبيبتي ان شاء الله تصيرين احلى عروس وتفرح فيج امج وتتهنين بحياتج مع زوجج والله حلوه افكارج خصوصا اكياس الدانتيل وين فصلتيهم ؟ ماعليج امر ابي صورتهم وشموع اللي على شكل ورده كم اسعارهم؟ انا شريت ستاند زجاجي زاويه راح احط فوقه سلال واحط فيه السنفرات والشامبو والغسول وحمام الزيت بسلال مزينه بدانتيل اوف وايت بذهبي وشريت الفوط اللي على شكل ايس كريم وجاتوه صغيره وشريت طقم الفوط الكامل اوف وايت وطقم نسائي ثاني لون بيج غامج فرزاشيه شنو اقدر احط عالتسريحه بدل الورد المجفف شرايج بتلات ورد طبيعي يطلع حلو ؟