اللي توظفو عن طريق معهد بو 9 شهور تعآآلو

[t o o t]

السلام عليكم ورحمة الله ويركااته


خواتي انا متخرجه من الثانويه دفعة 2007 / 2008

ودشيت معهد حكومي وسقطت فيه لما فصلوني

والحين اقدر ادش معهد حكومه ثاني بس اهلي مايرضون اكمل سنتين بعد


عشان جذي ابي معهد 9 شهور شهادته مضمونة اقدر اتوظف فيها يقبلها الديوان

وبصراحه متسكرة بوجهي مالي الا اقرب معهد لنا اللي اهو (( المعهد الأثري ))


بناات شرايكم فيه وشهادته مضمونة ؟ يقبلها الديوان ؟؟
على اي مستوى اتوظف ؟؟ وين يقطوني بجهات حكوميه ؟؟



بليـــــــز بنات ردو بسرعه لاني باجر بروح له .. بتقولين سإليهم أقولكم اكيد المصري بيقص علي يبي طلبــه !! :krkrkr:

 

[law love]

يعني بتاخذين دبلوم 9 شهور !؟

الديوان ما راح يقبلها راح يوظفج على الثانويه

الدبلوم اللي يقبله الديوان لازم يكون سنه 12 شهر بالضبط

و لا يقص عليج و يقولج راح نكتب انه سنه و 9 اشهر يعتبر سنه لا ما راح يقبله الديوان

و الافضل تروحين للديوان و تسئلين بعد

 

[riaria]

شهادة ال9 شهور تستعجلج الوظيفه بس ما تزيد درجتج او راتبج
انتي شهادتج ثانوي مع دورة راح تكونين على الدرجه السابعه
والمعهد الي يكون معتمد من التطبيقي هي الي تاخذه الديوان (لوتاخذين نيوهرايزن او الاثري نفس الشئ بالتوظيف بس الي يفرق السعر)
واغلب المعاهد معتمده من التطبيقي
وتقدرين تروحين للديوان وتطلبين ورقه باسامي المعاهد المعتمده والتخصصات المطلوبه الي الديوان محتاجها(علشان لاتدشين تخصص الديوان عنده فائض منه خذي شئ الديوان محتاجه علشان تتوظفين بسرعه)

 

[شوق الولايف]

...
..

قصتي شبيهه بقصتج بس انا كنت ادرس بالتجاري ومعدلي كان حلوو

بس تزوجت والله ما كتب اني اكمل سحبت اوراقي وقدمت على دورة 9شهور

في معهد الاثري وانا اللحين انتظر الشهاده وماتزيدني شيء

بس تعجل بالتوظيف

بس بما انج ماتزوجتي ولا عندج مسؤليات:eh_s(4):

لييييييييييييش ما تكملين احسن راتبج راح يكون اقووى وتوظيفج بالمكان اللي تبين

ادخلي دورات خاصه وشدي حيييلج:eh_s(1): كلها سنتين وتخلصين

واهلج بامكانج تقنعينهم

 

[law love]

ونسيت اقولج اذا بتاخذين دوره لازم عقب ما تخلصينها تروحين التطبيقي تمتحنين علشان يعتمدونها الديوان و اذا سقطتي 3 مرات خلاص الديوان ما يعتمدها

و مثل ما قلت قبل لازم الدوره سنه مو 9 اشهر

 

[شوق الولايف]

..

بنات شنو الدوره سنه و9 شهور

انا بنفسي رايحه الديوان وساله دوره 9شهور نفسها سنه

لا تخرعون الناس خليكم واقعييين تهولون وتكبرون:rgewrg:

وش مصلحتكم

وما في شيء اسمه سنه يا 9شهور او سنتين علم:rgewrg:

 

[شوق الولايف]

شوووفي :rgewrg:

عام يعني 9 شهور:eh_s(4):

 

[ToOoT"Q8]

إي صح شكو سنه
أنا اخذت دوره 9 شهور من المعهد العالي
وقدمت على الديوان وعطوني موعد اختبار
وامتحنت بالتطبيقي
وصدقو على الشهاده وقبلوها
يعني 9 شهور اهيا نفسها سنه

 

[om_dodo]

الله يوفقج

 

[law love]

والله انه مو مصلحتي شي لكن زميلتي بالدوام متوظفه على الثانويه و اهيا عندها دوره من نيوهرايزن ٩ شهور

نزلت معاها شؤون الموظفين جان اتقولها لا ما نوظفج على الدبلوم على الثانويه

و كاهي مسكينه على الدرجه السابعه مو الخامسه

وهالشي انا متاكده منه لانه صاير جدامي

 

[law love]

تووت و توظفتي على اي درجه الخامسه !!!!!!؟

يبا هذا المهم مو المهم يصدقها الديوان او ما يصدقها

رفيجتي مصدقها الديوان بس كاهي ورقه مقطوطه بملفها و ما خذو فيها و شغلوها على السابعه على الرغم من انه القطاع الخاص يعتبرها دبلوم و حتى دعم العماله لكن الديوان نوووو

 

[مملوحة_الوصايف]

انا اعرف وحده جذي وشهادتها ام 9 شهور من الاثري بعد الي جبال البشر بالسالميه او توظفت عالسابعه يعني ما عادلوها دبلوم لا بس بملفها ان دوره بعد الثنويه وبس حتى كان دوامها خربوطي مو دراسه صج

 

[miss89]

انا موظفه بالاعلام وشهادتي متوسطه ودوره 9 اشهر اعلام

وال9 اشهر تعادل سنه والي يقول غير هالحجي يروح يتاكد

وهالشهاده ما تزيد من الدرجه او المعاش كل ما فيها تقدم دورج بالديوان

مثلا انا اعلام ابي التلفزيون شهادتي هذي اهلتني اكون بالتلفزيون لانها اعلاميه

وارجع واقول ال9 اشهر يعتمدونها سنه

 

[غـلآوي ّ ~]

بنـــااااااااااااااااااااااااااااااااااااااااااااااااااات

شـهادة المعااهـد الخاصه 9 شهور هــذي تسآعـد على الوظيفه بالديـوان لأنـه الديوان مآيوظف البنت الـلي شهادتها متوسطه بس او ثآنويه بس إذآ كــااانت مـو مـتزوووجــه !

فهـمتـوآ


ورآح تكـون الوظيفه على الدرجه السابعه بالنسبه لشهادة الثانـويه

 

[شوق الولايف]

والله انه مو مصلحتي شي لكن زميلتي بالدوام متوظفه على الثانويه و اهيا عندها دوره من نيوهرايزن ٩ شهور

نزلت معاها شؤون الموظفين جان اتقولها لا ما نوظفج على الدبلوم على الثانويه

و كاهي مسكينه على الدرجه السابعه مو الخامسه

وهالشي انا متاكده منه لانه صاير جدامي

..
..
ياليييييييييل

حنا ما اعترضنا على هالكلام راجعي ردي بالسابق:eh_s(8):

بس انا اعترض يوم تقولييين السنه غير عن 9 شهور:eh_s(4):

9شهور بالديوان يعني سنه والبنات اللي ردوا كفووا ووفوا

والدوره ماتزيدني شيء لا درجه ولا علاوه ولاشيء

بس اللهم تعجل .. بالتوظيف

 

[شوق الولايف]

انا موظفه بالاعلام وشهادتي متوسطه ودوره 9 اشهر اعلام

وال9 اشهر تعادل سنه والي يقول غير هالحجي يروح يتاكد

وهالشهاده ما تزيد من الدرجه او المعاش كل ما فيها تقدم دورج بالديوان

مثلا انا اعلام ابي التلفزيون شهادتي هذي اهلتني اكون بالتلفزيون لانها اعلاميه

وارجع واقول ال9 اشهر يعتمدونها سنه

عين العقل :eh_s(7):

هذا هو الصدق

 

[t o o t]

شششكـرااا بنات اللي ردو

مو مهم الدرجه أهم شي تقدمني بالوظيفه مابي اقعد بالبيت

 

[law love]

الحمد الله و الشكر صج فيه ناس مو كفو احد يرد عليهم و يعطيهم المعلومات الصح

اخذو دوره وقطوها بملفكم يعني بدال 9 شهور دوره زيدوهم 3 اشهر و خل تزيد معاشاتكم 200 دينار

تعالو عقب تحلطمووو على وظايفكم و معاشاتكم

الحين جامعين مو لاقين اماكن سنعه

 

[~احلامي~]

بنات المعهد الأثري وينه بالضبط حابه اسجل فيه لكن حابه هو محل واحد بس او له اكثر من محل

وجم ادفع بالضبط وشنو اسهل شي ادخل فيه وهل يتطلب مني اني اروح له كل يوم او شلون

بليز بنات انا ماعندي فكره عن نظام هالمعاهد ..

 

[افريقيا]

اذا انا باخذ دوره 9 شهور بالمعهد بس ما ابي اتوظف فيها بالحكومه لازم اسوي

امتحان بالتطبيقي