السلام عليكم
اختي انا رحت من 4 شهور الصين كانت رحله ممتعه جدا جدا خصوصا ان احنا طبينا في هونج كونج اول شي بعدين رحنا الصين ساعتين بالقطار مو ما تروحين هونج كونج ظروووووووووووري تروحين ولا سفرتج راح تكون ناقصه واي استفسار انا حاظره
بالنسبه للصين اسامي السوقه مكتوبه عندهم في كل مكان وخصوصا اسواق الجمله على الكروت في الرسبشون بالفندق وعلى كروت المطاعم ويكونون مكتوبين بالعربي ... يعني سهالات الموضوع
انا رحت جوانزو في شارع هناك اسمه بيجن لو لااااااااااااااااااازم تروحين له ... وابي اقولج اسوقة الجمله تسكر الساعه 6 اما هذا الشارع فيه وايد محلات ووناسه التمشي فيه روحيله ما يسكرون الا بعد العشر بالليل
اما المجمعات عندهم مجمع تي مول (مول الشاي) حلو ويمه بنفس الشارع مجمع احلى منه بس ما اذكر اسمه بالظبط فيه العاب فوق وصالة العاب (اتاري) يعني وايد وايد حلو
والي يقولج لازم مترجم بالصين ما عنده سالفه احنا رحنا واستانسنا وسوينا كل شي نبي بدون ما يكون معانا عله على قلوبنا يروح ويرجع معانا قطيعه ترى ما له داعي كلش
كنا كلما نبي نروح مكان نسأل الرسبشون شنو اسمه ونخلليه يكتبه لنا على ورقه بالصيني ونعطيه حق التاكسي واهوا ياخذنا ويودينا ومن احسن ما يكون والتكاسي فيها عدادات يعني محد يقص عليج
واي استفسار عندج حبيبتي انا حاضره
وانصحج نصيحه اخويه روحي ديزني لاند الي في هونج كونج
