شنو موقفج لو تعرفين أن زوجج كان رااااااااعي..؟

[فله شمعه منورة]

استغفر الله العلي العظيم

 

[pusy cat]

اللي فات مات

مايهمني ماضيه ولا احب انبش فيه

اهم شي الحاظر والمستقبل

 

[شيخة الزين]

للرفع

 

[coralia]

وييى ياساتر الله لايحط وحدة بهالموقف :eh_s(2):​

 

[زوغه الحقوق]

آنا عبآلي بتقولين رآعي غنم لووووول​

 

[نقط سوداء]

اممم اذآ كآن قبل الزوآج مو مشكلة بس اهم شي مآيستمر هالشي لـي بعد الزوآج

والأهم اني مآ اعرف بهآلمآضي ع شآن لآيطيح من عني

 

[نشيج الروح]

إذا تاب فربي يتقبل توبته ... أما إذا مصر فما راح أرضى

 

[ابلة لولوة]

عادي​

لانه ماعتقد فيه ريال ماعنده ماضي

وهم اذا عاش مراهقته واستانس بشبابه لما يتزوج يعقل ويكون شبعان من هالامور

بس اذا ماعاش تجربه المغازل والمواعد راح يسويها عقب مايتزوج ويصير مراهق

الاحسن خل يعيش مراهقته قبل الزواج عشان لا يوتر مرته معاه .

 

[" أضـــــوى "]

مسآلة عآديه

ومرآح أعطي الموضوع آكبر من حجمه

اذا الله بعزته وجلالته يقبل توبة عباده على كثر عصيآنه

يعني آنآ بحآسبه !!!!!

عفآ الله عمآ سلف

بداية حيآتي ويآه من يوم الزوآآآآآآآج فقط

واللي تقول اللي متعود عالمغآزل بيستمر بعد الزوآآآآآج

مردود عليها بآن الوآآآآقع مايتفق مع كلامها بشكل مطلق

يآما شباب موبس مكلمين بنات بعضهم خربانين ولما تزوج شبع من هالحياة وتعدلو على ايد المره وصار لبيته وعياله

وياما واحد لاتجارب ولااخطاء وعقب الزواج يمر بحالة مراهقه وفضول لتجربه هالاشياء ويكون اسوء من المراهق الشاب

الحياة آكبر من انه نتخذ قاعده عالاطلاق ..التجارب البشريه مختلفه والظروف مختلفه

فابدا ماتفق ان الماضي السيء للشاب دليل على مستقبل سيء وان كان من الممكن حدوث هالامر
وماتفق ان الشاب اللي مامر بتجربه يعني مستقبل جيد ووفاء دائم وان كان من الممكن حدوثه ايضا

باختصار
اغلب الشباب الا من رحم ربي يمر بمرحلة طيش وتفريط بمرحلة الشباب ولو كان هالأمر يهدد حياة الزوجه مستقبلا جآن محد تزوج آبدا وماشفتي هالحريم ببيوت ازواجهم

ونصيحه:
لاتنشغلين بالمآضي والبكاء على اطلاله وتفقدين حلآوة الحآضر ويفوتج قطار المستقبل​

 

[أحبج يمه]

تقريبا كل الشبااب عندهم ماضي اسود ولا أسود غامق بعد ههههههه
عشان جذيه لازم الوحدة ما تحاسب على الماضي لكن لو شافت إنه مستمر عالغلط لازم توقفه عن حده

 

[نور وشموع]

ماقدرت احاسبة بعد ماتزوجت

-يعني بقدر قبل

 

[serina]

لما الرياييل يتقبلون أن لزوجاتهم ماضي أسود ، رمادي، اللي يطلع.... ذيك الساعة راح أتقبل ماضيه لأني مستحيل أحترم أي ريال كان راعي بنات ومغازل. ما فكر في يوم من الأيام إن الله راح يبتليه في أهله؟؟؟؟ إشلون ما كان صريح مع زوجته في البداية وقالها كنت جذي وتبت. من حقها تعرف الشخص اللي راح تسلمله نفسها ودنيتها كلها مثل ما له كل الحق يعرف مرته شريفة ولا لأ.

الله سبحانه وتعالى قال في كتابه الطيبات للطيبون والخبيثات للخبيثون. يعني الله خلق وفرق. اللي يبي يتوب يا ياخذ وحدة تابت من سوالفها أو يعترف لبنت الحلال اللي صانت نفسها من كل شي قبل لا ياخذها والموضوع راجع لها توافق عليه ولا لأ.... أما إنه يخش عنها سواد عينيه لا يلوم مرته بعدين إذا باعته لأنها الفقيرة ما راح تضمن مستقبلها معاه إذا فكر يحن لماضيه.

ولا تقولون كل الرياييل يخربطون قبل لا يتزوجون محسسيني جني في أمريكا، عيال الحلال الأياويد اللي يخافون الله موجودين الله يكثرهم ويبارك فيهم. ومثل ما قالت إخت اشتياق مثل ما أنا تربيت على خلق وصنت نفسي أبي واحد خلوق يخاف الله في بنات الناس قبل لا يخاف الله فيني.

 

[احلى من القمر]

الماضي مو بشغلي انا احاسبه عالايام اللي انا وياه فيها وبس

 

[كويتية بروما]

ان صرتي زوجته مجبروه تتقبلين الواقع المر وتتعايشين مع الحقيقه المره

 

[نونه المنكوشه]

اغلب الشباب ماضيهم اسود ومنيل بنيله لكن فى اللى يعترف وفى اللى مايعترف على نفسه وبعدين انا شكو فى قبل اهم شى من خذانى اهنيه بعدها لواشوف شى امحيه من الوجود <<<< ياخطير

 

[عزلان البوادي]

بنسبه لي عادي عندي لانه مافي ريال ماكلم بنت الا بين كل 1000 ريال واحد اتحصلينه مآدب
بس اهم شي عندي انه يتوب وعرف غلطه ومايرجع حق اللقز

 

[princess.78]

ليلحين ما يي نصيبي​

بس لو ييي
راح اقط ماضيه ورا ظهري
خنكون صريحين
بهالزمن ماكو صبي ماعنده ماضي وإذا ماكان ماضي أسود بعد
وإذا بنبش بماضي كل صبي جان 3 ارباع البنات ما اتزوجوا​

اهم شي مايستمر على هالشي بعد الزواج ولو ان حتى هذي صارت صعبه بهالوقت ​

:rgewrg:


اهو ماضيه اسود عادي تقبلين فيه لاكن لو البنت لو شم ريحه انها على علاقه مع واحد حتى لوكانت عابره بريئه داسها وراح يدور غيرها :eh_s(4):


قمة التخلف ... نشكي من تسلط المجتمع واحنا المساهمين في تسلطه

لو كل بنت خذت موقف من كل واحد ماضية اسود كان احترم نفسه ولا لعب ببنات الناس قبل زواجه

ثلاث ارباع البنات مو متزوجين ؟؟!!! خير ياطير يا آخذ واحد دين خير يعرف ربه ومحترم نفسه يصوني ويصون نفسه ولا مو لازم اتزوج ماراح اموت لو ماتزوجت

ولا آخذ مغازلجي مبصبصجي ماضلت بنت ما سلمت من عيونه اجيب منه عيال وبعد كم شهر اشوفه مرتز بالمجمعات يغازل ؟؟!!

هذا ابوي عيالي ؟؟!!! هذا اللي بيربيهم ؟؟؟!!! خلي يربي نفسه اول .... وبعدين كذب اللي يقول بعد الزواج بيعقل ... بوطبيع مايهد طبعه

لاتقولين لي مراهقه ولا طيش شباب .. حتى البنات مرو بالمرحله هذي وبالعكس البنت نلتمس لها العذر اكثر لانها عاطفيه وتنجر ورا عواطفها

مو للي يفكر بعقل و صاحب المخ الكبير اللي نلتمس له الاعذار على انه رجاااااااااااااااال

اسمحي لي هذا مو رجال هذا شبه رجال

خلاااااااااااااااااااص تعبنا من ظلم الرجال وتسلطهم

الله اعطاهم القوامه عشان يقمون على رغباتنا مو عشان يدسونا ويستقون علينا

 

[ثريا الكون]

اخر همي لو مكلم نص بنات كره الارضيه والله وانا شكو وشدخلني فيه وبماضيه ولو حتى نايم معاهم عفى الله عمى سلف

 

[last-moon]

انا للحين ما تزوجت
بس مثل ماقالوا البنات وزادو وعادوا

 

[تعبني البطى]

قبل الزواج بكيفه بس بعدهااااااااااااااااااااااااااااا لا والف لا