شنو موقفج لو تعرفين أن زوجج كان رااااااااعي..؟

[شيخة الزين]

هلا والله عالمي المجنون

شاكره لج

وعجبني الدعاء اللي حاطته بتوقيعج​

 

[DaShTeYa_Q8]

اغلب الشباب عندهم ماضي و يسوون هالشي عشان الوناسة و تضييع الوقت
حتى البنات جذي الحين تزوج ليش أدور بماضييه خلاص طاف .. مستقبله معاي الحين
المشكلة إنه بعد مايتزوج يرجع حق هالبنات أو ووحده تطلع من تحت الأرض ويرجع يكلمها ويسأل عنها
إهني تبدا المشاكل والشك وغصب عنج بتنبشين .. الله كرييم مفروض كل واحد يحترم نفسه لما يتزوج
بس وين إلي يسمع .. حتى الشايب صااير يخووزز

 

[انا لحبيبي .]

انا بحاسبه من اول ما اخدني وبس

 

[بدووورة]

انتي قاعده تقولين كان يعني كان خلاص صار وخلص

انا حتى لو اعرف عادي لانه شي صار وانتهى وكان يعرفني بالاساس

 

[dantella]

الماضي مالي شغل فيه الريال حب يتزوج ويستقر وانا لي بالحين دامه زين معاي شماله اقعد انبش وراه

 

[فانتا ستروبري]

انا عندي اللي فات مات يعني لو شنو مسوي قبل مالي شغل فيه

انا عليي من اول يوم ملج عليي لي هاليوم اذا سوا شي او خربط

يا ويله وسواد ليله :eh_s(4):​

 

[دمرت كياني]

لا طبعا خصوصاً (مجرررررررررررررررررررررررررب معهاااا بكل شي من إلى جنه زوجته )

 

[شيخة الزين]

متابعه​

 

[*ريما*]

بنسى الماضي
وبعيش الحاظر

 

[جولينار]

ولاتسئلو عن اشياء ان تبدا لكم تسئكم << ان شاء الله مااكون غلطت في الاية


المعنى وشلك بماضيه !


خلاص مافي شاب ماانعجب ببنت او كلم بنت ولو مرره ( نزوة ) مثلا مو عشق وغرام


دامه توكل على الله وتزوج واستقر ليه ادور المشاكل وابنش ورى ماضيه


قلّة عقل اعتبرها

 

[classicyah]

مآ أحب هالنوعيه أصلاً ،

الي يتفرفرون بالمجمعآت و المدآرس و الجآمعآت عشآن المغآزل ،

أحسهم سخيفين و سطحيين لأبعد الحدود . .

أدري المفروض مآ أحآسبه و من هالقبيل ،

بس بيطيح من عيني صرآحه . .

مآأ حب الإنسآن السطحي و السخيف و الي مآ عنده سآلفه . .

 

[كاملة الدسم]

اهم شي اهو شنو الحين بعد الزواج اما قبل ما يهمني

 

[*الأثــــــــير*]

نصيحه من اخت لاختها لا تحاسبينه بالاشياء اللي قبل الزواج سوواها وكل الشباب جذي الا من رحم ربي

 

[Zahron]

اكيد كل ريال عنده ماضي بس شي عن شي يفرق في اشياء تلووع الجبد وفي اشياء ممكن انطوفها

 

[الـزين و الجـود]

عادي ..
انا من اصير عنده اطلع عينه
وترى مافيه شاب ماله علاقه او راعي بنات​

 

[شيخة الزين]

يمااااااااااا والله بعض البنات ردودهم تخوووووووووووف


مشكورين حبايبي​

 

[نفـــائس]

تفتحين علي نفسج بيبان مصكره

خليها مصكره وضيعي المفتاح

 

[اشتياق]

لا أرفض رفض قاطع لو ادري انه مو على خلق حسن

من ساعتين قلت لزوجي والله لو اني ادري انك فيك ذرة مغازل او كنت ادري انك تكلم وراعي بنات والله جان ماشفتني مرتك وام عيالك

لاني محترمه واخاف ربي وعلى خلق لله الحمد واستاهل المحترم الخلوق

 

[المزيونه cool]

حبيبتي كلهم مروا بتجارب مع بنات
وإلي فات مات إتحاسبينه من يوم الملجه

 

[شطانه طفله]

انا مع اول عضوة ردت
انا طموشه