للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

اقصد قلبي بتزورين بيت اهل زوجج
لازم تلبسين يا دراريع يا بدل ناعمه
بتصير عزايم فلازم تلبسين ملابس حلوه للعزايم والجمعات

 

[Miss آيفونه]

مشكورة حبيبتي موضوع اكثر من روووعة

لأني عروس وبجهز فراح أستفيد منه كثيييير يسلمو ياعسل :eh_s(7):

 

[قاهره عذالي]

العفووو حبيبتي وبانتظار مشاركاتج بالموضوع وتجهيزاتج

 

[Bride.Badora]

خووش موضوووع 
الميك اب : كله خذيته من ماركة Revlon من مطار دبي مو موجود بالكويت اعتقد ولا مره شفته و كل اللي قلتلهم عنه ماعرفوه ••
و خذيت زيادة ميك اب من اللي دايم استخدمهم الكحل الازرق من مكياج المنصور •• و مسكرا من Make up for ever و لمعة من Body shop مع زري البرونز و
الكريم الشفاف اللي ينحط قبل الميك اب عشان يصفي البشره وايد فظيع من Body shop ••

الملابس و الكعوبه : كلهم من دبي

خذيت الروب من صفاة الغانم وايد ذرب مع الفوط كامله

و من الجمعيه  : سبريه للشعر + قطن اذون + قطن ميك اب + كلينكس مزيل للميك اب و عشان تنظفين ريولج بالطلعات الطويله لان بعض الملابس تسحب الوصخ ••

اكسسوارات للبدلات سبورت اند شيك من River island
و محل Come as you are ينزل مرات قطع ملابس حلوه و شال و كعب و جنطه و بوك من بربري

*ملافع من Le charpe بالافنيوز وايد ذربين و خامتهم حلوه

 

[قاهره عذالي]

خووش موضوووع 
الميك اب : كله خذيته من ماركة Revlon من مطار دبي مو موجود بالكويت اعتقد ولا مره شفته و كل اللي قلتلهم عنه ماعرفوه ••
و خذيت زيادة ميك اب من اللي دايم استخدمهم الكحل الازرق من مكياج المنصور •• و مسكرا من Make up for ever و لمعة من Body shop مع زري البرونز و
الكريم الشفاف اللي ينحط قبل الميك اب عشان يصفي البشره وايد فظيع من Body shop ••

الملابس و الكعوبه : كلهم من دبي

خذيت الروب من صفاة الغانم وايد ذرب مع الفوط كامله

و من الجمعيه  : سبريه للشعر + قطن اذون + قطن ميك اب + كلينكس مزيل للميك اب و عشان تنظفين ريولج بالطلعات الطويله لان بعض الملابس تسحب الوصخ ••

اكسسوارات للبدلات سبورت اند شيك من River island
و محل Come as you are ينزل مرات قطع ملابس حلوه و شال و كعب و جنطه و بوك من بربري

*ملافع من Le charpe بالافنيوز وايد ذربين و خامتهم حلوه

عليج بالعافيه
حبيبتي ماركة ريفلون موجوده بصيدلية بوتس بالافنيوز
وموجوده بعد بسنتر بوينت

عليج بالعافيه بداية تجهيزات حلوه ناطرين التكمله :ggdw:

 

[حبج يا يمه بدمي]

مشكوره قاهره
بس باجي لي قميص اول ليله
الطوال حطيت بالي اخذ لي ٤ وعقب اغير اللي نص الركبه وخذيت ٣ بجايم حراير يبيلي جم وحده بعد
وشريت لي بعد جم بدي من ماكس حلوين حق الشقه
بنات فيه بالعربيه للعود عطر ديوان الشوق كان بـ١٠٠ ومسوين تنزيلات خذيته بــ٥٠
وبعد منهم برستيج كولكشن
والفراشه
وبخور ماليزي منهم لانه نسيت اكتب لكم اسامي العطور اللي شريتها
وبعد ٤ عطور منهم بس اتذكر اساميهم برد اكتبهم
بنات منو مجربه المصوره زيزي حلو شغلها حق العرايس متردده احجزها ولا لا

 

[قاهره عذالي]

مشكوره قاهره
بس باجي لي قميص اول ليله
الطوال حطيت بالي اخذ لي ٤ وعقب اغير اللي نص الركبه وخذيت ٣ بجايم حراير يبيلي جم وحده بعد
وشريت لي بعد جم بدي من ماكس حلوين حق الشقه
بنات فيه بالعربيه للعود عطر ديوان الشوق كان بـ١٠٠ ومسوين تنزيلات خذيته بــ٥٠
وبعد منهم برستيج كولكشن
والفراشه
وبخور ماليزي منهم لانه نسيت اكتب لكم اسامي العطور اللي شريتها
وبعد ٤ عطور منهم بس اتذكر اساميهم برد اكتبهم
بنات منو مجربه المصوره زيزي حلو شغلها حق العرايس متردده احجزها ولا لا

انا كانت مصورتي بعرسي زيزي
وتصويرها حلووو
بس اختياري الفيديو ام سمر
والفوتغراف ام كوكو روعه سوت لي لقطات تهبل
حلوه زيزي بس اخذي اقوى عرض:eh_s(17):

بالنسبه لقمصان النوم لازم 30 قميص
كل يوم لج قميص مدة شهر من اول زواج عقب تغيرين
بالنسبه للعربيه للعود عندهم عطر وودي وكلمات حلو وعطر فراشه بعد حلووو
قميص اول ليله اشتريه من نعومه لون اوف وايت
وعليج بالعافيه اغراضج حيل حلوه بس اكتبي لنا اسماء العطور والمكياج والبخور وخلطات الفراش عشان البنات يستفيدون

 

[عادت ذكرياتي]

بنوتات أزياء ريفا عندهم تشكيلة نفانيف قصيرة حلووووووة
وعندكم محل أنوته بعد عندهم جم تنورة وبدل نعومة وحلوة ...

 

[قاهره عذالي]

بنوتات أزياء ريفا عندهم تشكيلة نفانيف قصيرة حلووووووة
وعندكم محل أنوته بعد عندهم جم تنورة وبدل نعومة وحلوة ...

هذول وين صايرين ؟
هم ترا في بدال حلوه بالخيمه مول الجهرا محل كراميل

 

[saron el.noteya]

قاهرهراح اكون في بيتهم و معاهم ما اتوقع كل مره بنزل بدراعه بحسسهم مو اهلي

 

[قاهره عذالي]

قاهرهراح اكون في بيتهم و معاهم ما اتوقع كل مره بنزل بدراعه بحسسهم مو اهلي

لا ياقلبي غلطانه اذا انتي ببيتهم لازم دراريع
وعندج حموان اكيد حتى لو صغار والا مراهقين
ترا لااااااااااازم يكون لبسج مستور والدراعه تحشمج
ترا اهل الزوج مو اهل
اهلج اللي انتي منهم
اهل الزوج حتى لو قرابه عمرهم مايكونو اهل
انا اقول روحي دراعات ساره اشتري 6 دراعات ناعمين بسيطين احتياط من المباركيه :eh_s(1):
او فصلي من العربيد ناعمين
يمكن يجونهم حريم يزورونهم لازم يكون لبسج محتشم وحلووو:eh_s(7):

 

[saron el.noteya]

لا ما عندي حموان بس انا واخته و خالتي وعمي ولاني رفيجه اخته ليش اتصنع ؟
لووول بشتري لي بدل و دراريع فخمين بس خق استقبالات

 

[قاهره عذالي]

اي هم عمج لازم تسترين وتلبسين شي محتشم لانه غريب عليج مو محرم

 

[سنا الكويت]

يعطيكم العاافيه علي الموضووع

استفدت حيييييييييل منه

 

[قاهره عذالي]

الله يعافيج سنا
واي سؤال انا والبنات حاضرين

 

[عآشقة زوجهآ]

قاهره

ابو الزوج تراه محرم يعني مثل الابو لو اكشف عنده عادي
بس للتوضيح
وثانكس ع الموضوع

 

[قيم واخلاق]

حبج يايمه مشكوره يالغاليه وتتهنين بجهازج ان شاء الله عدل شغلج 11 بدله استقبال عدد حلو والحموله خليهم ناعمين وموديلات جديده وغريبه وحاولي تبدعين بالخامات والالوان مع شوية كلف ناعمه والباقي جاهز و16 يكفون وقمصان النوم اشتري قميص اول يوم ونفسه طويل خمسه يكفون بس نوعي اللي حراير واللي دانتيل واللي شيفون مشجر وكلهم مع ارواب وباقي قمصان النوم اشتري فوق الركبه 4 مع اروابهم وبعد بيبي دول وقطعتين ونوعي لانج ماتعرفين ذوق زوجج ولاتنسين الجنزات والبديات والشورتات واختي قاهره ماقصرت كل شي كاتبته عن التجهيز والبنات ان شاء الله يفيدونج

 

[قاهره عذالي]

قاهره

ابو الزوج تراه محرم يعني مثل الابو لو اكشف عنده عادي
بس للتوضيح
وثانكس ع الموضوع

غريبه
عندنا مو محرم
نتغشى عنه ونحتشم باللبس :eh_s(10):

 

[عآشقة زوجهآ]

ههههه قاهره والله محرم ابو الزوج معروف
حنا نحبه ونحب راسه وحتى نقعد وياه وإسألي اي واحد و يقول لج محرم

يارب اكون افدتج يالغلا

 

[قاهره عذالي]

والله توني ادري
بس فشله افرع عند ابو زوجي والا البس قصير والا بنطلون
بسال والله بتاكد ومشكوووووووووره على المعلومه