الشيب...... شنو حله

[ms gucci]

السلام عليكم يا بنات ...... أنا مو كبيرة في السن توني في آخر العشرينات وشعري كله شيب....... في البداية قبل الزواج ما كان فيني الا شعرتين بعدين تعرفون طحت في الصبغات والشيب كثر والشعر طاح ساعدوني يا بنات جزاكم الله خير شنو الحل... نفسيا تعبت منه:eh_s(14):

 

[فدوووو]

في وحده كاتبه موضوع عن الشيب اللي هو تجمع لمعالجه الشيب في الصفحه الثالثه تلقين وحده كاتبه طريقه الكتم عشان الشعر يصير اسود
وفي وحده كاتبه موضوع ثاني اي لون تبغينه مع الحناء هذا عنوان موضوعها في نفس هالقسم تلقينه والله لو اني مو داخله بفوني كان عطيتك الرابط

 

[دلوعة المنتدى]

اب
اب
اب

 

[دعنآ من الأسمآء]

والله كآنك تتكلمين عني بجد أنآ أعآآآني منه حتى مدري اذا هو ورآثه ولآ وشو !!

بسسس أنآ صرآحه في طريقة في بآلي بسويهآ اذا جآبت نتيجه معي بنزلهآ بمنتدى كويتيآت

يعني خليني أجربهآ على نفسسسي أوول أخآآف أحد يدعي علي وأبتلشش فيه خخخخ

 

[ṦάЯỢηά ĚŁђĻώạ]

اكيييد انتي عصبية وايد

لانه انا بعد فيني شيب خفييف وانا بعد توني صغيرة عشرين

ومو بس بشعري حتى بجسمي شيب

 

[ms gucci]

اكيييد انتي عصبية وايد

لانه انا بعد فيني شيب خفييف وانا بعد توني صغيرة عشرين

ومو بس بشعري حتى بجسمي شيب

بالعكس أنا هادية لكن الظاهر وراثة .... أنا ما أدور عن السبب أبي الحل جزاكم الله خير يا بنات

 

[سنتر الزين]

حبيبتي انا فيني شيب من عمري 7 سنين وشكثره يخرع والحين والله الشاهد علي ان شعري مافيه ولا شيبه سويت خلطه مع السدر عشان يكثر شعري والخلطه هذي قظت على الشيب وانا مو قاصده والله العظيم

 

[سنتر الزين]

جيبي بصله وقصيها اربع و3 فصوص ثوم عدلين وضيفي عليهم قلاص ماي واغليهم وبعدين لما يبرد الماي شوي حطي عليه 3 قفاش سدر ونص علبة روب وبيضه وخلطة الزيوت هذي حطيتهم في بطل واحد (( زيت الخلطه العجيبه +زيت دلال+زيت زيتون+زيت الخروع الباكستاني+زيت دابر املا)) وانا احط خلطة السدر مع اضافة خلطة الزيوت عليها مره بالاسبوع وخلطة الزيوت بعد احطها بروحها مره بالاسبوع

ان شاءالله تتفاجئين نفسي ويروح الشيب باذن الله

 

[يفداك قلبى]

ماله حل الا الصبغ

 

[ريــــتال]

ابتعدوا عن الصبغ هو اللي يكثر الشيب والله

 

[سميرة الحلوة2]

الحناء وبس ادعيلي

 

[فدوووو]

اب اب

 

[&موناليزا&]

عزيزتي رفع لعيووووووووونج

 

[ام اللين]

آه من الشيب عذاب ماله حل

يعني إلي تقول الصبغ ترا والله أحطه اليوم ما يمدي استانس على اللون إلا طلع الشيب يعن اقل من اسبوع واحاتي كثره الصبغ كله

كيماويات والله انسنع شي ونخرب صحتنا

الله يعين

 

[غلا الأيام]

زيت شجرة الآس اتخفف الشيب واتقوي الشعر وهذا كلام خبير الاعشاب دكتور جواد الراشد

واصلا هالزيت روعه حق كل مشاكل الشعر وعليج قبلها بالحنة

ودعوااتج

 

[ṦάЯỢηά ĚŁђĻώạ]

الحل انح تحطين حنه

 

[ام اللين]

زيت شجرة الآس اتخفف الشيب واتقوي الشعر وهذا كلام خبير الاعشاب دكتور جواد الراشد

واصلا هالزيت روعه حق كل مشاكل الشعر وعليج قبلها بالحنة

ودعوااتج

حبيبتي وين ألاقي زيت شجرة الآس ؟

و اشلون طريقه الأستعمال :eh_s(10):

 

[ام اللين]

جيبي بصله وقصيها اربع و3 فصوص ثوم عدلين وضيفي عليهم قلاص ماي واغليهم وبعدين لما يبرد الماي شوي حطي عليه 3 قفاش سدر ونص علبة روب وبيضه وخلطة الزيوت هذي حطيتهم في بطل واحد (( زيت الخلطه العجيبه +زيت دلال+زيت زيتون+زيت الخروع الباكستاني+زيت دابر املا)) وانا احط خلطة السدر مع اضافة خلطة الزيوت عليها مره بالاسبوع وخلطة الزيوت بعد احطها بروحها مره بالاسبوع

ان شاءالله تتفاجئين نفسي ويروح الشيب باذن الله

ياريت اتحطين مقادير الزيوت وجم اتحطين مع خلطه السدر ومن ويت اشتري خلطه الزيت العجيبه

و متي اشوف النتيجه ؟ يعني انتي متي حسيتي ان الشيب راح

سامحيني دوختج بس لا اتلوميني لأن صج تعبت من الشيب وراح ادعيلج