دعــوة للتأنــي قبــل الشــراء ,,,, { متجدد

[N F N F]

المنتج السابع ..​

كريم أساس أماندا .. وهالكريم قبل ماينباع بالكويت الا عن طريق
التاجرات وخبونا فيه وطيروه لي السماا وشريت منه حبتين من زود
الحماس .. وصراحه كريم جص وجبس وكل شي .. ناااااشف وياااابس
ويصلح للي بشرتهم تقوطر دهن .. انا بشرتي مختلطه وصعب امده
عليها واذا حطيته مو مريح احس ويهي يابس وناشف ومشدوود
واذكر ام علي بعد يوم سالوها عنه ما مدحته ( تستاهل ام علي نستشهد برايها :eh_s(22): )​

المنتج الثامن ...​

كريم استي لاودر .. واحنا مشكلتنا صراحه هبه نهب بالشي نوصله
للسما وعقب جم شهر نهب بغيره ونسب الاولي ( مسرع ما نجحد بس :eh_s(3): )
يعني لو تلاحظون من جم سنه هبينا بالدبل وير وصار ماكو احلى منه
بالدنيا وماكو بنت بالديره ماشرته .. تالي هبينا بماك وأساسها ولي
قلتي استي لاودر قالوا ووويع مو حلو !! والحين هابين بــ بوبي براون
وصار اهو التوب !! .... الفكره انه الماركات موجوده من عمر وما تتغير
بس احنا كل مره نطير ورا ماركه وحده ونوصلها السما ونربحها
وينغرون فيها البنات على كلامنا ويشترونها تالي نقول مو حلوه ومانبيها
وهم اللي يتوهقون ويتلعوزون .. ( وتكفون بنات لا تجيني وحده
تقولي احنا نمدح الزين .. والله ادري انه محد قصده الا الفايده
وكلامي هذا موجه للي يقرون ويسجلون ويشترون عمياني على المدح )​

نرجع لموضوعنا .. الدبل وير من استي لاودر كان ولا يزال من احسن
الكريمات لكن ... للمناسبااات لانه ثقيل شوي ومايصلح استعمال يومي​

​

المنتج التاسع ..
بودرة استي لاودر تعتبر من افضل البودرات اللي جربتها ever
مع كريمها .. وانا استخدمهم للمناسبات والاستقبالات اللي ابي فيها
كريم حلو ويغطي وينور ومو ثقيل على الويه ​

​

المنتج العاشر
فاونديشن برجوا مع الكونسيلر ماله .. وهذا بعد شريته على المدح
وطلع صج يسوى لكن للاستعمال اليومي العادي \ دوام او زيارة اهل
الكريم يصلح للبشرات اللي مافيها عيوب وااايد لانه تغطيتة وسط
لكنه ينور الويه وخفيف وحلو والكونسيلر ماله عجبني اكثر من الكريم
وااايد حلو .. طبعا هذا للبشرات المختلطه وجتني فتره صارت بشرتي
جافه واستخدمت من برجوا بعد ( السليب افيكت ) وهم بعد وايد خفيف
وحلو اسمه 10 hours sleep effects​

 

[^_^ Coco Chanel]

صراااحه موضوعج روووعه
وضروري نعرف شنو اللي يناسبنا قبل لا نشتري
انشالله قاعده اتحسن انا .. مو نفس اول اشتري على الفاضي !!

 

[سمسميه]

الموضوع رائع يعطيج العافيه على عالافكار الحلوه بتابعج وبستفيد
لان انا اكثر وحده اشتري اشياء ويطيحون بجبدي

 

[بحر الرمال]

مشكوره عالموضوع, و صح كلامج مرات البنات يطيرون اشياء للسما و هي ما تستاهل
و انا هبيت بالدبل وير و شريته بس كاهو مقطوط, لانه وايد ثقيل و ينفع حق اللي بشرتها فيها عيوب واضحه او ندوب

 

[{سيد العذارى }]

مشكوووره حبيبتي ومتابعينج كملي

 

[أسيرة حبيبي]

مشكوووووره هذي المواضيع الحلوه ولابلاش لاني انا اشتري على المدح مثل اساس استي لودر الدبل وير لايت اشتريته مع الكومباكت باودر وطلع خرررررررطي واللحين مااستعمله احسه يقشر البشره امكن لان بشرتي دهنيه مختلطه.........

 

[Tulips]

والله صدقتي يا نف نف .. كملي متابعتج من قلب

و عسى الله يوفقج وين ما كنتي ويحقق لج كل اللي في بالج

 

[At0o0shA]

حييييييييييييييل حلووو الموضووع ومفيييد..
الله يعطيج الف الف عافية..

 

[AVE.NJ]

عفيه شنو احسن كحل تنصحوني
انه استعمل بنفت حلو بس ودي اغير
ابي افضل شي

 

[بدويـة للنخاع]

nf nf انزين شلون الحين أنا أبي باجر انشالله بشتريمكياجات من مدح البنات اللي بالمنتدى مثل كونسيلر كيرولاين حلو ولا لا
الســـــــــــــــــــــــــــــــــــــــــــــؤال للجميع هالكونسيلر اللي جربته حلو ولا لا

 

[النجلا88]

نفنف حبيبتي حسيتك ماشاء الله ذووق وعندك خبرة بسالك هالكونسيلر حلو للي عندها هالاات بسيييطه مجرد تبي توحيد اللون مع باقي الوجه واضااءة حلووة تحت العيين ولون بشرتك ايش وكم درجتك منه ثقلت علييك سوري ؟؟
:eh_s(17)::eh_s(17)::eh_s(17):<<لك :eh_s(22):​

 

[كيكه ترفه]

قريت الموضوع كله من الصفحه الاولى لي الصفحه الخامسه
عجيييييب وماشاءالله عليج يانفنف احب مواضيعج صج مفيده الله يعطيج العافيه
متابعه اكيد ولاتطولين بليز حدي تشوقت ودي بعد بوستات ثانيه< تشرط حدها راهيه؟!
قواج الله ولايوقف

 

[DA3LOoOLA]

اي والله صاااجه بكل كلمه قلتيها بناتنا امهات هبه بس اسمعوا وحده امدحت شي طيراااااان راحووا وشرواا حتى من غير لا يجربونه هذي مشكلتنا احنا يالبنات مع الخيل ياشقراا كملي حبيبتي متابعينج

 

[ليدي]

نف نف
يعني رديتي على البنات وانا لا حرام عليج
دوم حظي جذي حتى بالمنتدى ياربي
خلاص انا زعلت
ابي اعرف بالليت نيكد وين ينباع وحلو ولا
ثاني مرهـ اسالج ردي علي عاد

 

[N F N F]

نف نف
يعني رديتي على البنات وانا لا حرام عليج
دوم حظي جذي حتى بالمنتدى ياربي
خلاص انا زعلت
ابي اعرف بالليت نيكد وين ينباع وحلو ولا
ثاني مرهـ اسالج ردي علي عاد

ياحيااااتي لا تزعلين افا عليج بس .. هذي لج :eh_s(7):
وشفيه حظج جنه البخت كاهو يابني عقب ماصكيت الصفحه وطلعت
وترا والله مانسيتج وسؤالج اببالي بس كنت انطر الويك انت علشان
اييب باليت نيكد من عند بنت اختي واحطه لج من تصويري الخاص ..

عموما دام مافيج صبر الباليت يهااابل ووااايد حلو والوانه رااايقه
واكثرها بنيات يصلح للي يحبون الألوان الذربه والهاديه وتبيعه
الشيخه الحلوه ( بنكيه ستايل ) .. هذا لنك موضوعها وهذي صورة الباليت


http://www.q8yat.com/t694661.html

​

 

[ايطاليه]

كملي متابعين
ويعطيج العافيه

 

[the rosee]

بالنسبة ليا استغرب من المدح الفظيع على بيس فوريفر أحسه عاااااادي وخفيف ومايفرق وجوده من عدمه ماركات ارخص مثل بوبا وميشا أحلى منه بكثير
وللان التوب عندي بيس سانلوران وشانيل دواللي استخدمه حاليا ميشا مره حلو وبطلت اساس أحط ألبيس وفوقه لوز باودر ميشا يطلع لوك حلو وطبيعي

 

[• JoJo •]

يعطيك العافيه

 

[N F N F]

صراااحه موضوعج روووعه
وضروري نعرف شنو اللي يناسبنا قبل لا نشتري
انشالله قاعده اتحسن انا .. مو نفس اول اشتري على الفاضي !!

هلا والله .. ولازم نصير اكثر وعي وحرص​

الموضوع رائع يعطيج العافيه على عالافكار الحلوه بتابعج وبستفيد
لان انا اكثر وحده اشتري اشياء ويطيحون بجبدي

حياج الله​

مشكوره عالموضوع, و صح كلامج مرات البنات يطيرون اشياء للسما و هي ما تستاهل
و انا هبيت بالدبل وير و شريته بس كاهو مقطوط, لانه وايد ثقيل و ينفع حق اللي بشرتها فيها عيوب واضحه او ندوب

مشكوووووره هذي المواضيع الحلوه ولابلاش لاني انا اشتري على المدح مثل اساس استي لودر الدبل وير لايت اشتريته مع الكومباكت باودر وطلع خرررررررطي واللحين مااستعمله احسه يقشر البشره امكن لان بشرتي دهنيه مختلطه.........

كلامكم عدل .. الدبل وير حلو بس ثقيل يصلح للسهرات وللبشرات اللي فيها عيوب قويه​

 

[N F N F]

عفيه شنو احسن كحل تنصحوني
انه استعمل بنفت حلو بس ودي اغير
ابي افضل شي

هلا والله .. والله حبيبتي انا ما ودي امدح شي هنيه .. اخاف تطلع ماتناسبكم
واصير مثل اللي تكلمت عنهم .. لكن دامج سألتي اذا تقصدين كحل القلم العادي
جربي ريفلون اللي طرفه فرشه \ صبايا من مكياجي من التوب سيلر عندهم \
برجوا كحلهم حلو \ وكحل جيرلان المكحله ومانستغني عن سماينلق من المنصور ​

nf nf انزين شلون الحين أنا أبي باجر انشالله بشتريمكياجات من مدح البنات اللي بالمنتدى مثل كونسيلر كيرولاين حلو ولا لا
الســــــــــــــؤال للجميع هالكونسيلر اللي جربته حلو ولا لا

هلا والله .. ماجربته لكن انتي روحي بدون مكياج وجربيه وتالي احكمي​

مشكوووره حبيبتي ومتابعينج كملي

حياج الله ​