حبيبتي لاتتحبطين
لان مو بسبة معدلج النطره
اساسا حتى اللي معدلهم عالي ينطرون
السالفه مو سالفه ان مايرشحونج لا بتترشحين من الديوان
بس لما يرشحون الله يهداهم يقطونا باماكن مادري شلون
التربيه والصحه
يعني الكل يبي نمان زين يتوظف فيه
فاللي ترفض طبيعي بتطول اكثر من غيرها
في ناس لا يقولون نقبل ولا نقعد
الخبر الحلو
ان المحاسبه بكل مكان مطلوبه يعني شهادتج ماراح تطيح بجبدج ولا انتي مثل باقي التخصصات اللي صج ينطرون سنه على مايترشحون
المحاسبه بسرعه تمشي الارقام بالديوان
اذا ماودج تنطرين قدمي على بنك بوبيان او التمويل واو الاهلي المتحد
طبعا قاعده اعددلج البنوك الاسلاميه لان انا ضد البنوك الربويه
الاهلي المتحد تروحين بنفسج تقدمين بالرئيسي عند البلوكات برج شطوله مايضيع
وبوبيان بالسايت
http://irecruitment.bankboubyan.com/ND/HRApply.aspx
قدمي على اكثر من وظيفه يعني مره اختاري retail banking مرة investment مرة financial affairs
عشان بأي مكان يصير في شواغر يحطونج
وقدمي كذا مره
التمويل ماعرفت شلون اقدم منه ان شاء الله البنات يعلمونج
عندج شركه ايكويت
http://www.equate.com/en_Careers.cms
دشي هني
طقي على Search for Job موجوده بالمربع اللي بالنص
مكان الكي وورد كتبي accounting
اذا لقيتي في وظيفه قدمي عليها اذا مالقيتي في مكان تعبين بياناتج و تتخزن وانتي عاد كل ماتميتي جيكي في وظايف ولا لأ
عندج صناعات الغانم معاشاتهم زينه مع دعم العماله فوق 1000 بس دوام لي 5
اذا تبين خاص روحيلهم لان بسرعه ياخذون و اشتغلي على ماتدورين مكان ثاني
ان يعني تاخذين معاش و منها خبره على ما الله ييسر لج مكان احسن
الوظيفه الحين مو سهاله ترى يبيلها مراكض ونطره
طبعا اذا تعرفين احد بمكان معين بيفيدج ان يتوسطون لج سواء حق بنك ولا شركه
الاشياء اللي تقدرين تسوينها حق نفسج انج مثلا تدرسين حق شهاده مهنيه مثل cma او cfa او cpa
انتي وميولج
انا بالنسبه لي بدرس cma اغلبها منجريال و كوست اكاونتنغ وفيها فاينانس شوي
هي 2 parts والامتحان ينزل 4 مرات بالسنه
البنات قاعدين يدرسون cfa هذي كلها فاينانس وتنفع للي يبون يشتغلون بالاستثمار اكثر
وتطول يبيلج سنه و نص على ماتاخذينها كامله بس هم قويه الشهاده
cpa اغلبها انترميديت 1 و 2 و ادفانس و اودتنغ
انا بالنسبه لي صعبه اكثر من الباجي فما افكر فيها حاليا
انتي شوفي ميولج وين و اختاري
انا انصحج تختارين وحده وتدرسينها لان مجرد ماتروحين مقابله في بنك او شركه و تقولين انج قاعده تدرسين شي جذي هالشي بيعطيج ميزه عن غيرج
وحقج انتي هم زينه
وانتي شوفي من هالكلام اللي تحسين انج مقتنعه فيه وتبين تسوينه توكلي على الله
والله يوفقج انتي وكل البنات يارب
