إللي عندها أي استفسار بخصوص الديكورات والبناء تتفضل ( للفائده فقط )

[&دلع العيون&]

بنات ان قريب باحط بصالتي من ايكيا ايش رايكم انا فكرت احط وحده مورده مثل هاذي

والباقي انوع بالوانه مثل لون احمر ساده واحمر كاروهات ومثل كذا ايش رايكم بيطلع حلو
لان ابيه للصاله

 

[يفداك قلبى]

مشكوره حبيبتى على سرعة الرد
عندى استفسار ثانى
مطبخى التحضيرى بالدور الاول تليقفت واخترت له ارضية غااامجه وهى الرمادى الغامج بعروق رمادى فاتح جدااا

وهذى صورته :

ولون كبتات المطبخ بيج فااتح ستايل خشبى بخطوط ستيل عرضية والاسطح جرانيت اسود لامع

السؤااال

ممكن اسوى الارضيه والا اغيرها وشنو اختار بين الكبتات رمادى فاتح او بيج ؟؟؟

عطينى رايك لان لو ما يطلع لايق ومودرن اقدر اغير الارضية لى الحين ما ركبتها

والف الف شكر لك على المساعدة الطيبة

 

[ساره 101]

مشكوووره على مجهوودج الطيب
ابي استشيرج بحط بغرفة التلفزيون ورق جدران رمادي برامادي اغمج اشووي طوفتين ورق وطوفتين صبغ رمادي فااااتح
والارضيه عندي باركيه وبحط الصوفا بنفسجي فاتح ساااده وبحط كوشيات سلفر
محاتره الستاره شنووووو احطها رمادي واحط الخيوط بنفسجي ولا العكس
والسجاده شنوو رمادي ولا بنفسجي ؟؟
واكووون شاااكرتلج ..

 

[زهووور الريف]

السلام عليكم وينج أختي مارديتي علي عسى المانع خير

 

[tattoma]

بنات ان قريب باحط بصالتي من ايكيا ايش رايكم انا فكرت احط وحده مورده مثل هاذي
والباقي انوع بالوانه مثل لون احمر ساده واحمر كاروهات ومثل كذا ايش رايكم بيطلع حلو
لان ابيه للصاله

السلام عليكم حبيبتي

هذي القنفة كلاسك مو مودرن، وما أنصحج باللون الأحمر الفاقع بالصالة سواء سادة أو مشجر إلا بالاكسسوارات ممكن بس لون الطوفة أو الأثاث ابتعدي عن الأحمر

 

[tattoma]

مشكوره حبيبتى على سرعة الرد
عندى استفسار ثانى
مطبخى التحضيرى بالدور الاول تليقفت واخترت له ارضية غااامجه وهى الرمادى الغامج بعروق رمادى فاتح جدااا
وهذى صورته :
ولون كبتات المطبخ بيج فااتح ستايل خشبى بخطوط ستيل عرضية والاسطح جرانيت اسود لامع
السؤااال
ممكن اسوى الارضيه والا اغيرها وشنو اختار بين الكبتات رمادى فاتح او بيج ؟؟؟
عطينى رايك لان لو ما يطلع لايق ومودرن اقدر اغير الارضية لى الحين ما ركبتها
والف الف شكر لك على المساعدة الطيبة

هلا فيج حبيبتي وحياج الله

بالنسبة للأرضية اللي اخترتيها وايد حلوة ومودرن وراقية بس إذا الكبتات خشب ولونهم بيج فاتح أنصح بالأرضية تكون نفس الشي (بس سيراميك) لأن الأسطح لونها أسود فالأفضل تختارين الألوان الفاتحة

 

[tattoma]

مشكوووره على مجهوودج الطيب
ابي استشيرج بحط بغرفة التلفزيون ورق جدران رمادي برامادي اغمج اشووي طوفتين ورق وطوفتين صبغ رمادي فااااتح
والارضيه عندي باركيه وبحط الصوفا بنفسجي فاتح ساااده وبحط كوشيات سلفر
محاتره الستاره شنووووو احطها رمادي واحط الخيوط بنفسجي ولا العكس
والسجاده شنوو رمادي ولا بنفسجي ؟؟
واكووون شاااكرتلج ..

هلا أختي حبيبتي

أنا شخصياً ضد فكرة كل طوفة لون بالبيت، يعني ممكن هالحركة أسويها حق فندق أو عمارة أو بناية بس ما أحبها بالبيت: كل طوفة لون..

بالنسبة للرمادي أكيد حلو ويناسبة البنفسجي الفاتح وممكن تدخلين لون ثالث مثل الأبيض، أما الستارة والسجاد ماكو طريقة معينة تمشين عليها، إذا رحتي عند محلات السجاد راح تلقين ألوان وأشكال وايد تناسب مع الصالة وممكن مو متخيلتها، يعني يتغير رايج إذا رحتي شفتي، أما الستارة إذا كان موديلها مودرن ممكن يكون الجزء اللي تحت لونه أبيض أو سلفر فاتح جدا والجزء اللي فوقه (من غير موديل طبعا) مقلم أو دوائر حسب القماش اللي يعجيج

 

[tattoma]

حبيبتي الطوفه موجودة في الصاله في الوجه على طول والتقليم بالعرض بتدرجات الالوان يبدأ من تحت فاتح لي فوق الاغمج

هلا والله حبيبتي آسفة جداً عالتأخير ما شفت تعليقج

بالنسبة للصالات لا أنصح بورق الجدران إلا إذا كان فخم جداً ومن نوعية جيدة لأن غير عملي ابداً.. ويفضل ما يكون مقلم أو منقش لأنها تستعمل لغرف النوم الشخصية..

الصالة الكل يدشها وما ترضي جميع الأذواق إذا صار فيها وايد أفكار وموديلات

 

[tattoma]

بنات اللي ما شافت شغلي هذا جزء بسيط

http://www.youtube.com/watch?v=qOdYn9fRdUM​

 

[زهووور الريف]

مشكورة أختي الغاليه

 

[tattoma]

حياج الله حبيبتي بأي وقت

 

[zain-bh]

السلام عليكم

يا ليت حبيبتي لو تصورين لي إذا أمكن عشان أقدر أتخيل
وبالنسبة للستارة صح كلامج دخلي فيها ألوان متعددة من بينها لون السجاد

انشالله اصورها في اقرب فرصه واستفيد من خبرتج

 

[tattoma]

مشكورة حبيبتي وحياج الله

 

[a7la 7o0ob]

انا حبيت اسالج انا غرفتي بنفس اللون و الاثاث لونه اسود مودرن
حبيت اضيف عليه نفس هالستاره فمادري شلون بيطلع شكل الغرفه عادي يعني الاثاث اسود و الغرفه خضره و الستاره بيضه و خضره ؟

 

[مليكة الدنيا]

السلام عليكم :eh_s(17):
ماشالله موضوعج واااايد حلو ومفيد نفس صاحبته
وانشالله أستفيد من نصايحج الحلوة
آنا حابة أغير صالتي اللي أحس مو عارفة شسوي فيها

قياسها تقريبا 4*10 طويلة مستطيلة وضيجة
الطوفة اللي قياسها 4 فيها باب المدخل وفتحة الممر يعني اللي بقى منها تقريبا مترين بالنص
والطوفة اللي قبالها نفس القياس فيها الدريشة



والطوفة اللي قياسها 10 فيها بالنص باب غرفتي والي قبالها نفس القياس مافيها شي

قعدتي من البيت الأمريكي قنفتين كبار نفس أول صورة وثنتين صغار معاهم طاولتين مربعين صغار مو وايد تقريبا 50*50 ووحدة كبيرة مستطيلة

وعندي منظرة وطاولتها



وتلفزيون مع طاولته



ولوحتين





شلون أقدر انسق ترتيب الأثاث إذا ابي قعدتي تصير جهة الدريشة مع التلفزيون

والجهة الثانية صوب باب المدخل فيها المنظرة وبحط طاولة طعام ست كراسي بس مووو كبيرة مع بوفيتها وكبت جواتي

أتخيلها راح تصير ضيجة ولا لأ ؟

وأبي صبغ وورق جدران حلو ومريح ومتناسق مع ألوان القنفات والزولية



كنا صابغين بيج بس درجته بايخة أبي لون هادي بس فرح موو مقموت
أقدر ادخل اللون المشمشي مع البيج والاكسسوارات عنابية؟؟
عندي ألوان ورق جدران من أبيات بس محتارة









والسقف ؟؟



واذا بركب حجر بطوفة الباب وفتحة الممر يصير حلو ؟؟ بخاطري هالحجر

تحمليني ادري أذيتج معاي

عساج عالقوة انشالله :eh_s(7):

 

[tattoma]

انا حبيت اسالج انا غرفتي بنفس اللون و الاثاث لونه اسود مودرن
حبيت اضيف عليه نفس هالستاره فمادري شلون بيطلع شكل الغرفه عادي يعني الاثاث اسود و الغرفه خضره و الستاره بيضه و خضره ؟

تقدرين تحطين نفسها وعادي الأبيض بس حاولي تحطين ڤازات مثلاً ولونها أبيض، تلقين عند صفاة الغانم اللي بالشويخ
المهم تدخلين اللون الأبيض بشي ثاني غير الستارة

 

[البطة ام البطة]

تومة اختي شرت ارض مساحتها 750علي شارع واحد وسكه يعني العرض 20 متر والطول 37 وهو شكله بالطول

وناوية تبنيه ثلاث ادوار ونص فيليت تساعدونها بمخططات او افكار وهي ناوية تخلي مجلس الحريم ومجلس الرجال يطلون على الواجه ومطبخ ومخزن وشقتين كل شقة غرفتين وحمام
وفوق غرف نوم وصالة ومطبخ تحضير والدور الثالث بتسوي ثلاث شقق لعيالها

بس شلون تسوي وكيف ما تعرف لاتقووولون تروح للمهندس هي تبي تكون عندها افكار قبل لا تروح للمهندس

 

[عيـون المهـآ]

غنــاااتي
ابي منك مسساعده بموضوعي هذآآ

http://www.q8yat.com/t885803.html

بآقي 3 شهوور على زوآجي ولسى مو قآدره اقرر وش اسوي بغرفة النوووم

انتظرك غلاااي

 

[3loosh]

استغفر الله

اللسلام عليكم
انا عندي استفسار بخصوص تقسيم الغرف
مقاس الغرفه 4*2.5
تقريبا
وابي اقسمها ينفع :eh_s(10)::eh_s(11):
وشنو احسن خشب ولا جبس
بليز اهل الخبره ساعدوني:eh_s(2):

 

[caribou]

يعطيج العافيه .. حبيبتي بسئلج صالتنا لونها بيج والاثاث في قعدتين وحده بيجيه ووحده بنيه ,, شنو الألوان اللي تلوق حق الستاير ؟ وابي نوعية ستاير حلوه من وين ؟؟