إللي عندها أي استفسار بخصوص الديكورات والبناء تتفضل ( للفائده فقط )

[maloOo7a]

حباايبي بسألكم عن ورق الجدران ؟؟!
شرايكم فيه ممكن انه يخرب بسسرعه بعد فترة !
والا تنصحوني فيه ؟ بليييز بنات ابي احد جربه ودي اسوي غرفتي ..
وشنو احسسن مكان ! مدحوا لي ابيات يقولون حلوو ؟!

ششششرايكم .!!!

 

[tattoma]

رد: استغفر الله

اللسلام عليكم
انا عندي استفسار بخصوص تقسيم الغرف
مقاس الغرفه 4*2.5
تقريبا
وابي اقسمها ينفع :eh_s(10)::eh_s(11):
وشنو احسن خشب ولا جبس
بليز اهل الخبره ساعدوني:eh_s(2):

حبيبتي الغرفة جدا جدا صغيرة ما أنصح بالتقسيم أبد وابتعدي عن الخشب لأن ما ينفع للمساحات الصغيرة

 

[tattoma]

يعطيج العافيه .. حبيبتي بسئلج صالتنا لونها بيج والاثاث في قعدتين وحده بيجيه ووحده بنيه ,, شنو الألوان اللي تلوق حق الستاير ؟ وابي نوعية ستاير حلوه من وين ؟؟

الله يعافيج

طبعاً الألوان الترابية تقدرين تحطين معاها كل شي بدرجاته وممكن تضيفين لون ثالث مثل الزيتي والعنابي وراح يطلع روعة، شخصياً أشوف الأفضل: اللمسات الأخيرة اللي بوارة سنتر في الشويخ شارع كندا دراي بس الصراحة غاليين وياخذون أكثر من حقهم، وممكن تروحين عند بو وليد موجود بالبلوكات الدور الأول، عندهم موديلات ستاير وايـــد حلوة وفخمة بس انتي تختارين القماش من تحت وتودينه له فوق ويخلص شغلكم من مكان واحد بس

 

[tattoma]

السلام عليكم :eh_s(17):
ماشالله موضوعج واااايد حلو ومفيد نفس صاحبته
وانشالله أستفيد من نصايحج الحلوة
آنا حابة أغير صالتي اللي أحس مو عارفة شسوي فيها

قياسها تقريبا 4*10 طويلة مستطيلة وضيجة
الطوفة اللي قياسها 4 فيها باب المدخل وفتحة الممر يعني اللي بقى منها تقريبا مترين بالنص
والطوفة اللي قبالها نفس القياس فيها الدريشة



والطوفة اللي قياسها 10 فيها بالنص باب غرفتي والي قبالها نفس القياس مافيها شي

قعدتي من البيت الأمريكي قنفتين كبار نفس أول صورة وثنتين صغار معاهم طاولتين مربعين صغار مو وايد تقريبا 50*50 ووحدة كبيرة مستطيلة

وعندي منظرة وطاولتها



وتلفزيون مع طاولته



ولوحتين





شلون أقدر انسق ترتيب الأثاث إذا ابي قعدتي تصير جهة الدريشة مع التلفزيون

والجهة الثانية صوب باب المدخل فيها المنظرة وبحط طاولة طعام ست كراسي بس مووو كبيرة مع بوفيتها وكبت جواتي

أتخيلها راح تصير ضيجة ولا لأ ؟

وأبي صبغ وورق جدران حلو ومريح ومتناسق مع ألوان القنفات والزولية



كنا صابغين بيج بس درجته بايخة أبي لون هادي بس فرح موو مقموت
أقدر ادخل اللون المشمشي مع البيج والاكسسوارات عنابية؟؟
عندي ألوان ورق جدران من أبيات بس محتارة









والسقف ؟؟



واذا بركب حجر بطوفة الباب وفتحة الممر يصير حلو ؟؟ بخاطري هالحجر
تحمليني ادري أذيتج معاي
عساج عالقوة انشالله :eh_s(7):

وعليكم السلام ورحمة الله وبركاته
حبيبتي مشكورة وما تقصرين
أفا عليج لا أذيتيني ولا شي، بس أنا احترت باب غرفتج بالطرف ولا بالنص؟ وإذا بالطرف صوب الدريشة ولا صوب الممر ولا صوب باب المدخل؟
طبعا القعدة أحلى تكون صوب الدريشة وممكن تحطين طاولة الأكل صوب المدخل على اليسار بس تكون صغيرة يعني لا تحطين الضخم، والكونسول (المرايا) حلوة عند الباب لأن الناس تحب تشوف نفسها أول ما تدش..
بالنسبة للألوان كل الدرجات الترابية والأصفر تنفع وإنتي تحددين شنو الشي اللي يشرح النفس لما تشوفينه، لأن الفن مو باللون كثر ما أهوا بالدرجة نفسها وشطارتج باختيار الألوان اللي تناسب بعض
السقف عندج حلو ما شاء الله وإذا حابة تغيرين فيه شي ممكن اللي بالنص تصبغيه أوف وايت أو درجات البيج أو ذهبي إذا تبين شي غريب (ينباع بزجاجات صغيرة وينخلط مع الأبيض)
الصراحة ألوان الأقمشة اللي حطيتيها ما عجبتني حسيت إنها تقمت حاولي تشوفين أفضل

 

[tattoma]

حباايبي بسألكم عن ورق الجدران ؟؟!
شرايكم فيه ممكن انه يخرب بسسرعه بعد فترة !
والا تنصحوني فيه ؟ بليييز بنات ابي احد جربه ودي اسوي غرفتي ..
وشنو احسسن مكان ! مدحوا لي ابيات يقولون حلوو ؟!
ششششرايكم .!!!

أنصحج بالصبغ أفضل وأكثر عملي وابتعدي عن الورق جدران إلا إذا كنتي مضطرة يعني ما تبين ريحة الصبغ أو تبين شي بسرعة

 

[مترجمه]

سلام عليكم يعطيج الف عافية حبيبتي ودي اخذ رايج بشغلة انا عروس وشقتي بصبغها بس ماني عرفة اي لون الصالة بس غرفتي النوم لوذنها ذهبي بعنابي ف مادري اخليها بيج بعنابي ولا اكسر اللون !

 

[tattoma]

سلام عليكم يعطيج الف عافية حبيبتي ودي اخذ رايج بشغلة انا عروس وشقتي بصبغها بس ماني عرفة اي لون الصالة بس غرفتي النوم لوذنها ذهبي بعنابي ف مادري اخليها بيج بعنابي ولا اكسر اللون !

وعليكم السلام ورحمة الله وبركاته، الله يعافيج ويحيج

بالنسبة للصالة بما إنها منعزلة عن الغرفة تقدرين تصبغينها باللون اللي تبينه وبغض النظر عن لون غرفة النوم..

بس طبعا من شروط أصباغ الصالة تبتعدين عن الألوان الصارخة والصريحة: أحمر فاقع، أزرق، أخضر، بنفسجي!
واستعملي الألوان المحايدة

 

[مترجمه]

يعطيج العافيه اي بصبغها فستقي زين وغرفة النوم؟ الاثاث عنابي بذهبي شصبغ الغرفه قياسها 5 باربعه ع ماظن

 

[caribou]

الله يعافيج

طبعاً الألوان الترابية تقدرين تحطين معاها كل شي بدرجاته وممكن تضيفين لون ثالث مثل الزيتي والعنابي وراح يطلع روعة، شخصياً أشوف الأفضل: اللمسات الأخيرة اللي بوارة سنتر في الشويخ شارع كندا دراي بس الصراحة غاليين وياخذون أكثر من حقهم، وممكن تروحين عند بو وليد موجود بالبلوكات الدور الأول، عندهم موديلات ستاير وايـــد حلوة وفخمة بس انتي تختارين القماش من تحت وتودينه له فوق ويخلص شغلكم من مكان واحد بس

مشكوووووووووووره :eh_s(17):

 

[مطيريه ^ ماركه]

انا بخاطري احط ورق جدران بس موعارفه اختار احترت والله
ابي مكان الورق عندهم حلو ومايتشلع
وناويه على الرمادي والاسود ومادري شحط لون بعد شرايج ؟؟!

 

[بسكوت دارسين]

السلام

بنات اانا ابي اسوي حمامي وبنفس الوقت مابي اسويه برسلان ابي صبغ عادي يعني الحمام كله صبغ وبس جهة الشور والارضية برسلان لان يعجبني ستايل الحمامات اللي تكون صبغ

فبغيت اسال اذا احد مسوي هالطريقة؟؟ واذا بسوي هالطريقة فهل من نصائح معينة بخصوص الصبغ او نوعه عساس مايتقشر ومن هالسوالف؟؟

وشكرا

 

[البطة ام البطة]

بنات غرفة الضيوف عندي 7في 11 راح تكو ن جلسة مع البوفيه اخليه مفتوح والا اقسمهم برتشن
لاني مفكرة اسوي برتشن خشب مع اضاءتقريبا 4 امتار واخليه متحرك

 

[برينسيسا]

[السلام عليكم شلونج اختي الله يعطيج العافيه بغيت اسال شلون صاير ديكور الطوفه ولو في صور يكون افضل ومشكووووووووووورهsize="6"]

​

[/size]

 

[نجمه الحالمه]

نبي رقم مهندس ديكور شغله واو ؟؟؟؟؟؟؟؟؟؟

 

[MiMi 15]

السلام عليكم بالتوفيق حياتو بس بغيت أسأل
أنا برمم غرفتي ومحتاره بين الألوان كل يوم أختار لون غير أهيه الحين بالون الوردي الفاتح
و أنا ابي ألوان تفرح و بنوتيه والله مادري أي لون بحط بليييز عطيني حل :eh_s(2)::eh_s(2)::eh_s(2):

 

[انوار87]

السلام عليكم اختي اسماء
ابي اسالج انا عندي حمام الضيوف بره مغاسل و طبعا داخل الحمام نفسه في مغسله والمرحاض
اول شي بره عند المغاسل الارضيه تكون نفس سيراميك الصاله ولا غير؟ وانا ابي اصبغ الطوفه شرايج صبغ احسن ولا بورسلان؟
وداخل صوب المرحاض الارض غير عن بره و الطوفه احط عليها بورسلان ولا صبغ

 

[شمحوطة 11]

اختي مجهودج واضح وتشكرين عليه وحبيت اخذ رايج في صاله خصصتها للقعدة وبنفس الوقت بخلي مكان للبوفيه دايم بس محتاره بدزاين معين ان اسوي صبه وتحت مثل كبتات علشان احط اغراض البوفيه او اني احط طاولات ومفارشهم والله ماني عارفه الطريقه ياليت تزوديني بصور وافكار واكون شاكرتلج واااايد

 

[tattoma]

يعطيج العافيه اي بصبغها فستقي زين وغرفة النوم؟ الاثاث عنابي بذهبي شصبغ الغرفه قياسها 5 باربعه ع ماظن

الله يعافيج
بما ان غرفة النوم حجمها مو كبير وايد أنصح بالبيج التقليدي

 

[tattoma]

انا بخاطري احط ورق جدران بس موعارفه اختار احترت والله
ابي مكان الورق عندهم حلو ومايتشلع
وناويه على الرمادي والاسود ومادري شحط لون بعد شرايج ؟؟!

إذا تبين ورق جدران فخم عندج (الديوان) بالشويخ و(الصراف) بسن سيتي اللي بالشويخ شارع كندا دراي

أما إذا تبين عادي (ديكوراما) بحولي شارع تونس

 

[tattoma]

السلام

بنات اانا ابي اسوي حمامي وبنفس الوقت مابي اسويه برسلان ابي صبغ عادي يعني الحمام كله صبغ وبس جهة الشور والارضية برسلان لان يعجبني ستايل الحمامات اللي تكون صبغ
فبغيت اسال اذا احد مسوي هالطريقة؟؟ واذا بسوي هالطريقة فهل من نصائح معينة بخصوص الصبغ او نوعه عساس مايتقشر ومن هالسوالف؟؟
وشكرا

وعليكم السلام

بالنسبة للحمامات تقدرين تستعملين سيراميك مطفي وراقي مو بالضرورة صبغ
الصبغ للحمامات اللي ما فيها شور، يعني حمام الاستقبال مثلاً أو مغاسل الضيوف ومهما كانت جودة الصبغ لا بـدّ إن يتقشر في يوم من الأيام هذا الوضع الطبيعي