اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[زوووووغه]

زوغه انتي نفس وقت سفرتي

بس انا الثلاثا الياي

ونفس حزتج الاثنين بليل لازم اكون بالمطار


الله يخليهم لج

انتي متى اي حزه بتطير طيارتكم؟؟
والله يسهل علينا وعليكم وياحلو امريكا وطاريها جني ياهل اصير لوووووول

 

[زوووووغه]

بنات اورلاندو حدها ونيسه احبها حيل وان شاءالله لي عوده لها

شلووووونج ميسوووووره وييييه شالدنيا فيج ذكرتيني بتجمع امريكا 2009 احى تجمع
اي والله صاجه اورلاندو تهبل على حرها وخيستها بس شرحه وونيسه ياحلو امريكا

 

[ميسوره]

اي صاجه كان تجمع حلو ياحليلهم البنات
عاد مرت ريلها وبياض الثلج بسافرون هالاسبوع لاورلاندو
وفول وطعيه بتروح بشهر 7 كاليفورنيا

 

[زوووووغه]

عسى الله يسهل ان شاءالله

احلى الفناتك بسألج انتي جم يوم بتقعدين في نيويورك وفي اي فندق؟؟؟؟؟؟؟

 

[أم صالح]

حبايبي استودعكم الله أنا اليوم بالليل سفرتي الساعه 10

تصدقون توني اسوي الجناط الحين الفير اوصل واوافيكم بالأخبار.

 

[زوووووغه]

توصلين بالسلامه ان شاءالله وانا بعدج الفير ان شاءالله

 

[فرحه عمر]

قووه بنوتات

توني ادري انه في تجمع حقنا >>> نايمه

انا مسافره انشالله الاسبوع الياي 5-7 الفير

بروح اورلاندو + نيويورك

هذي ثاني مره اروح لامريكا باذن الله

بس بغيت اعرف ابي محلات تبيع كفرات تصلح حق استقبال مستشفى

الي اعرفه تارقيت و مايسيس و سيرز منو تعرف غيرهم ؟؟

ونروح ونرجع بالسلامه

انتي سفرتج معاي بنفس اليوم لكن انا على الاماراتيه بروح لوس انجلوس والعوده من نيويورك

وبما انها سفرتج الثانيه شنو تنصحيني فيه من اماكن وشوبنق واشياء ماكنتي تعرفينا وراح تتفادينها هالمره بسفرتج

بنوتات بخصوص اورلاندو شارع الانترناشيونال درايف ياجماعه هذا عباره عن شااااااارع طوووووووويل عباره عن خط سفر وين اطيح على تجمع المطاعم اللي تمدحونه؟؟

 

[فرحه عمر]

انا باجر رايحه دبي مع عيالي وزوجي 5 ايام ونرجع يدوب ليلتين ونرجع نطير لامريكا احس مدودهه وحايسه بعمري مادري شنو اخذ معاي ناس يقولون لوس انجلوس بارده والثانين حر وماودي اخذ جنطه كبيره معاي يعني باخذ اشياء عملي لكن اكتشفت انه هالسنه شكثر اللي بيروحون لامريكا يعني لازم اكشخ واكبر الجنطه هههههههههههه

 

[عروس الدنيا]

ميسوره ... انا بعد ... اغلب بنات 2009 ترا هل سنه بعد بيروحووون ... تذكرون يوم بنسافر و صارت خبصة انفلونزا الخنازير
و احنا عمك اصمخ بنروح يعني بنروح هههههههه و رحنا و كانا اشزينا لا شفنا انفلونزا و لا خنازير

 

[فرحه عمر]

عروس الدنيا شلونج

 

[ناسي626]

طيرانهم زين وخدمتهم اكلهم ماعجبني
بس الهنود حدهم دوخونا
وكنا حاجزين اول سطره من الكراسي
عند البوردينق مغيرين الكراسي السطر الثاني ومفرقين بعد
وتحجينا المضيف ورينها تذاكرنا
يالله زين هندي غير مع زوجي وصار يمي بالسطر الثاني بالنص


وحتى بالرده كنا حاجزين السطره الاولى اكتشفنا بالسطره الثانيه


بس الميزه الحلوه كان معاي 4جناط وكرتون و2 هاند باق وعلي وزن
ولما قلت مشكلتي من ركبت القطريه وشنو صار معاي طالبتهم بخصم بالوزن
بس طلعوا اهل كرم دخلوا سيدا الجناط بدون مايشوفون وزنهم

مع ان الي جدامنا كانوا حتى جنطة اليد يوزنونها فكنت حدي خايفه من الوزن
الله سهلها الحمدلله

ميسوره انا بروح عالقطريه يعني عادي يمشون الوزن الزاد ما اشحن والله جان زيييييييييين يمشونا
اذكر صارت معانا جذي بماليزيا دخلنا 3 جناط كبار و2 هاند باق ما قالو شي

 

[عيد الفرح]

بنات الي باورلاندو طمنونا شلون الجو هسى مو رطوبه !!!!!!!!!!!!!!!!!!!!!!!!!!

 

[ميسوره]

حبايبي استودعكم الله أنا اليوم بالليل سفرتي الساعه 10

تصدقون توني اسوي الجناط الحين الفير اوصل واوافيكم بالأخبار.

تروحين وتردين بالسلامه ان شاء الله

انتي سفرتج معاي بنفس اليوم لكن انا على الاماراتيه بروح لوس انجلوس والعوده من نيويورك

وبما انها سفرتج الثانيه شنو تنصحيني فيه من اماكن وشوبنق واشياء ماكنتي تعرفينا وراح تتفادينها هالمره بسفرتج
بنوتات بخصوص اورلاندو شارع الانترناشيونال درايف ياجماعه هذا عباره عن شااااااارع طوووووووويل عباره عن خط سفر وين اطيح على تجمع المطاعم اللي تمدحونه؟؟

انا باجر رايحه دبي مع عيالي وزوجي 5 ايام ونرجع يدوب ليلتين ونرجع نطير لامريكا احس مدودهه وحايسه بعمري مادري شنو اخذ معاي ناس يقولون لوس انجلوس بارده والثانين حر وماودي اخذ جنطه كبيره معاي يعني باخذ اشياء عملي لكن اكتشفت انه هالسنه شكثر اللي بيروحون لامريكا يعني لازم اكشخ واكبر الجنطه هههههههههههه

لوس انجلوس ياحلاتها ما انصح بكاماريلو اوت لت يبعد ساعه ونص تقريبا ماحبيته المحلات مطشره كل صوب
فيه اوت لت ثاني عجبني اكثر وبضاعه واسعاره ارخص يبعد تقريبا 40 دقيقه عن لوس انجلوس
اسمه ontario mill مجمع مسكر وفيه مطاعم
شارع melrose قريب من شارع هوليوود فيه محلات متفرقه عالشارع وانتي تمشين بالسياره عينج افتحيها عالمحلات
سانتا مونيكا الثيرد ستريت محل سيفورا اخذي كل حصري عندهم لان احلى سيفورا انا شفته
وفي كشك بالنص mudraعنده بدل حلوه
ومطعم يوناني بالشارع نفسه عند محل اديداس اكلات لبنانيه

ميسوره ... انا بعد ... اغلب بنات 2009 ترا هل سنه بعد بيروحووون ... تذكرون يوم بنسافر و صارت خبصة انفلونزا الخنازير

و احنا عمك اصمخ بنروح يعني بنروح هههههههه و رحنا و كانا اشزينا لا شفنا انفلونزا و لا خنازير

اهلين بعروس شخبارج
ذيج السنه تلعوزت كان مو باقي على سفرتي 10 ايام وطلعلنا الخنازير وانا اول عضوه بروح
اختبصت وانتو تقولون روحي وقوليلنا اشلون الاوضاع بس كنسلتها ورحت تايلند كان توه مو
حايشها المرض واجلت السفره شهر 9 بس صج كانت سفرتي لاورلاندو حلوه حضرت الهالوين
هناك شي عجيب
المره هذي قبل السفره بيومين مو قادره اصبر ابي اسافر اشتقت لهوى امريكا زوجي يقولي
بطيرين يامال الطيره هههههههههههههه

ميسوره انا بروح عالقطريه يعني عادي يمشون الوزن الزاد ما اشحن والله جان زيييييييييين يمشونا

اذكر صارت معانا جذي بماليزيا دخلنا 3 جناط كبار و2 هاند باق ما قالو شي

في سر بقوله لج كل ما اقبلت على كاونتر سواء لشركة طيران او بنسوي شيك ان لفندق
ادعي "اللهم لا سهل إلا ما جعلته سهلا وأنت تجعل الحزن إذا شئت سهلا "
"يارب انك تسهلها وتيسرها علي ياحي ياقيوم "
الحمدلله كانت امورنا تتيسر والفندق كانوا يعطوني الفطور فري وانا اساسا موحاجزه
وجبة افطار

زوجي يضحك علي يقولي اشوفج تدعين

انا بماليزيا دفعت 100 عالاتحاد
وبتايلند 90 عالتايلنديه
وبهذي عالقطريه بس دفعت الشحن الزايد وهو كرتون مع ان عندي وزن

 

[ودي***أفرح]

يا حلوج ويا حلو سوالفج ميسوره ....

مدام انج خبرة بأمريكا ....شنو احسن الاشياء اللي نشتريها من هناك ؟؟؟؟
صج متى سفرتج؟؟؟

 

[زوووووغه]

استودعكم الله الذي لا تضيع ودائعه
بنات ادعولي عسى الله يسهل علينا دربنا بعد شوي بروح المطارcenter]​

​

​

​

 

[ميسوره]

يا حلوج ويا حلو سوالفج ميسوره ....

مدام انج خبرة بأمريكا ....شنو احسن الاشياء اللي نشتريها من هناك ؟؟؟؟
صج متى سفرتج؟؟؟

انا من صرت من القادمون وليس المغادرون رديت تايخ 21 -6
انصحج بالصنادل تكرمين الي عندنا اتلوع الجبد والجناط الماركه اتهبل عندهم
والمكياج والله كل شي حلو روحتي هذي كثرت من الصنادل حيل و3 جناط ماركه
بدله اساسيه للعيد وبدل لزوارة خميس ولطلعات وبدلة حق حفله
وخذيت لعيالي بدل العيد الاساسيه مع التبديله وبدلات حق الطلعات

وكنت شايفه عطر بالكويت عاجبني اسمه نيويورك سلفر ب 85 دينار شريت من ساكس فيفث
الاجدد وشريت ثاني نيويورك حصري عندهم وعطوني السلفر الي عاجبني هديه اشوه اني
ماخذيه من الكويت :eh_s(11): طلع عندهم هذا قديم السلفر وحسابهم 150 دينار العطرين لو تحسبين الثالث الهديه
يعني كل عطر 50 دينار نيويورك وفوقهم تسترات وجنطتين خليتهم حق مطارات امي الشاي والقهوه :eh_s(15):

 

[ودي***أفرح]

أنا بروح لوس انجلوس واورلاندو ...شنو الافضل بالبضاعه والاسعار؟؟؟؟
وبسألج عن فيزا بيت التمويل تشتغل هناك؟؟؟؟

 

[رنا 2011]

استودعكم الله الذي لا تضيع ودائعه
بنات ادعولي عسى الله يسهل علينا دربنا بعد شوي بروح المطارcenter]​

​

​

​

الله يسمح دروبج ويحفظكم:yaaaaaarb:​

​

 

[ميسوره]

أنا بروح لوس انجلوس واورلاندو ...شنو الافضل بالبضاعه والاسعار؟؟؟؟
وبسألج عن فيزا بيت التمويل تشتغل هناك؟؟؟؟

اورلاندو ارخص بس اذا شفتي شي مميز مايطوف اخذيه انصحج ontario mills mall
حسيته ارخص مجمع بلوس انجلوس الشمال فيه الشغلات العمليه هوليستر امريكان ايقل
وماركه كوتش حيل مسوين عليها تنزيلات وزحمه عالكاشير و محل aeropostale
ومحل Abercrombie & Fitch وغيرهم
هذا موقعهم
www.ontariomills.com/


اما فيزا انا ما جربت بس جربنا الوطني الفيزا شغاله والكرت العادي سحبنا من المكينه مبلغ500 دينار انخصم من الرصيد تقريبا 100 فاخذي كاش الافضل

باورلاندو مطعم باكستاني عند متحف التايتنك بالانترناشونال درايف عنده برياني خوش برياني لايطوفكم

 

[ناسي626]

وييييييييينج من زماااااان ميسوره
يعطييييج العاااافيه على المعلومات
يعني برايكم احجز الباص الازرق من نيويورك ؟؟
انزين وين اروح رحلات اعرف تمثال الحريه وامباير ستيت وشنو بعد قولولي ......