تنصحوني باي كتاب انجليزي ابدي

[joja <3]

السلام عليكم

انا مسافرة لدبي وبالسيارة فالمسافة مو شوية قلت ايمع لي كتب كالعادة لووول

وقررت اقرا انجليزي

علما باني مو فاشلة بالانجليزي وتقريبا ايب فول مارك فيه
بس ولا مرة حطيت في بالي اني اقدر اقرا كتاب كله انجليزي

بلشت بقصص الياهل بس ما كملت ما بلعتها هههههههههه

تنصحوني شنو اقرا لحد يقولي توايلايت قاريتهم بالعربي ما احب اعيد

وسمعت ان كتاب please stop laughing at me حلو انتوا شرايكم ؟

 

[رحيل المرافيء]

http://www.vb.eqla3.com/showthread.php?t=607007
هذا موضوع فيه مستويات
ابدي بالمستوى الاول

http://www.rong-chang.com/qa2/
هذا بعد قصص قصيرة اذا تبين

 

[3oosh <3 MJ]

رحيل ماقصرت
وانا انصحج بكتب دار PenguinBooks
في مستوايات وايد وبتحصلين تقريبا كل الروايات العالمية
وفي روايات كاملة مثل ما كتبوها المؤلفين
تروحين وتردين بالسلامة حبيبتي

 

[هوية غريب]

فتحت الرابط اللي حاطته رحيل .. فعلاً هذا اللي انتي محتاجته كبداية ..

اقري المستوى الأول .. في الغالب الأول والثاني راح تشوفينهم أقل من مستواج ..

لكن امشي بالتدريج لما توصلين آخر مستوى

بعد المستوى الأخير إن شاء الله تكونين جاهزة لقراءة الكتب بالإنجليزية وخاصة المؤلفة حديثاً لأن تكون لغتهم أسهل شوي من الكتابات القديمة الكلاسيكية

بس إذا انتي تبين تسافرين بالسيارة وتبين كتاب (هارد كوبي) تقرين فيه .. روحي المكتبات ودوري على كتب تكون لروايات مكتوبة باللغتين صفحة عربي وصفحة إنجليزي .. انا بديت بهالنوع من الكتب وكانت خطوة رائعة وخلتني أتقدم بسرعة ..

موفقة وخبرينا شيصير معاج

 

[mi!aowa]

مممممممم افهم من كلامكم انكم ما تنصحوني اشتري رواية هاري بوتر الحين
مع العلم ان مستواي بالانقلش لكم عليه و انا قريت قصة سندباد بالانقلش اللي فيها عربي و انقلش و همن قريت قصة من امريكة اسمها لاني او شي جذي لانها اسم بنت بس ما خلصتها ؟؟
فمادري شتنصحوني فيه ؟ ابلش بهاري بوتر الانجليزي و لا بعدين ؟؟؟؟ وليش >>> بنت علمي لازم الاسباب ؟؟؟؟

 

[هوية غريب]

مممممممم افهم من كلامكم انكم ما تنصحوني اشتري رواية هاري بوتر الحين
مع العلم ان مستواي بالانقلش لكم عليه و انا قريت قصة سندباد بالانقلش اللي فيها عربي و انقلش و همن قريت قصة من امريكة اسمها لاني او شي جذي لانها اسم بنت بس ما خلصتها ؟؟
فمادري شتنصحوني فيه ؟ ابلش بهاري بوتر الانجليزي و لا بعدين ؟؟؟؟ وليش >>> بنت علمي لازم الاسباب ؟؟؟؟

ههههه الله يهديج عاد ما خليتي البداية إلا هاري بوتر!!!!!! انا ما قريت الرواية بس شفت الفلم وقريت الترجمة العربي وكنت أطوف المعنى لأنه شغلات خيالية وألفاظ غريبة يعني والله سحر .. بلشي بقصص عادية في البداية بعدين روحي للخيال لما تكونين اوكي باللغة

 

[C'est La Vie]

موضوعي المثبت فيه مجموعة كتب للمبتدئين
انشالله يفيدكم

 

[mi!aowa]

ههههه الله يهديج عاد ما خليتي البداية إلا هاري بوتر!!!!!! انا ما قريت الرواية بس شفت الفلم وقريت الترجمة العربي وكنت أطوف المعنى لأنه شغلات خيالية وألفاظ غريبة يعني والله سحر .. بلشي بقصص عادية في البداية بعدين روحي للخيال لما تكونين اوكي باللغة

احم احرجتيني

لا مو لاني بقوي لغتي و مرة وحدة ابي اقرى شي ما امل منه و ادري مافي غير هاري بوتر
صج اني داشة بشري بس يلا شورتكم و هداية الله مابي اخذها و اتوهق فيها ما اقراها

 

[هوية غريب]

احم احرجتيني

لا مو لاني بقوي لغتي و مرة وحدة ابي اقرى شي ما امل منه و ادري مافي غير هاري بوتر
صج اني داشة بشري بس يلا شورتكم و هداية الله مابي اخذها و اتوهق فيها ما اقراها

محشومة حياتي مو قصدي احرجج والله

انا فعلا قصدي عشان ما تتوهقين فيها خاصة انها خيالية فتلقين الالفاظ غريبة شوي فتكون صعبة على المبتدئ

 

[3oosh <3 MJ]

مانصحج بهاري بوتر
لاني يوم كنت في البداية خذت هاري بوتر وتوهقت هع
اخذي كتب صغيرة

 

[serina]

جربي تقرين للكاتبة Louisa May Alcott

Little Women
Rose in Bloom
An Old Fashioned Girl

قصص كلاسيكية حلوة ولغتها مو وايد صعبة. حتى لو ما فهمتي معنى كلمة معينة... معنى الجملة ما يضيع. القصص الكلاسيكية لغتها عادة صعبة لكن قصص هالكاتبة، هالثلاث بالذات، موجهة للبنات فلغتها أسهل.

أنصحج في هالقصص الثلاث بقوة لأنها الحلو فيها إنج راح تحسين بمشاعر بنات أمريكيات (من القرن 19) في سن المراهقة وبداية العشرين قريبة حيل من مشاعرنا احنا البنات في الخليج.

أذكر إني قريت هالقصص لما كان عمري 15أو 16 ووايد حبيتهم ومنهم حبيت القصص الانجليزية.

موفقة

 

[أغلى الأثمان]

للرفع

 

[MiṦs ♥ fĩẍ]

اب

اب

اب

 

[joja <3]

ثانيكو بناااات مشكورين

انا راح ابلش بالرابط اللي حطته رحيل

سيرينا

انا قريت هالكتب بالعربي لووول
وليتل ومن اللي اهوا نساء صغيرات لوول
موجود عندي صفحه عربي وصفحه انجليزي

ان شاء الله راح ادوراللي جذي واقرا انجليزيحتى لوما فهمت معنى كلمة اشوفها بالعربي

مياوه :

انتي نفسي لوووول انا اصلا قاعدة اطور نفسي بالانجليزي بس عشان اقرا هاري بوتر
لانهم قالوا لي ان بالانجليزي احلى

مشكورررررين بنات سوري توني ارد

 

[ScarletteO'Hara]

حلاته حق الطريج تقرين لج شي فرفوشي
و من خلال قراءاتي الي حسيت ان أسلوبهم حلو و سلس اهم كاتبتين
Emily Giffin
و
Cecelia Ahern
صج انهم قصص adults بس ما فيهم اي صعوبة
و لما تبلشين انجلش ما انصحج بالروايات العالمية مو اي احد يتقن لغتها
انتي سوي سيرج عن الكاتبات الي ذكرتهم لج و شوفي اذا يناسبونج و لا لأ

 

[joja <3]

مشكووووووورة

ان شاء الله قريبا