ولدي متعبني مدري شسوي ؟؟

[المحتاره]

بنات شلونكم وعساكم بخيىر يارب..
ابطرح لكم مشكلتي مع ولدي الله يحفظه يارب
ولدي عنيد ومايسمع الكلام ّ^_^ اكيد بتقولون عيالنا جذي
بس تعبني مايطيع ولا يرد علي اكبر راس :bbbiu:
وفوق هذا طايح بطبع الطق اذا زعل راح وجاب النعال وانتم بكرامه
وحذف علي الكبير قبل الصغير وازيدكم من الشعر بيت :eh_s(2):
(ويتفل ) يفشلني الطق:eh_s(4): ما اعتقد بيجيب نتيجه خصوصا اني ماحب اطقه
الا نادر بس اكيد انتم خبره وراح تفيدوني ..
الله يصلحه يارب:yaaaaaarb: يتفل (اي يرمي بسعبولته علي الماروالهار)

 

[قاهره عذالي]

طقيه

لو مكانج اصفقه طراق

شنو انا امك تجيب علي النعال

بالله منو معلمه على حذف النعال ؟ والتفل ؟

 

[ملاك الروح 1]

لا ربيه ترى انا اخوي كان جذيه والحين تمرد وقام يدخن ويسوق سياره بدون رخصه ويطلع ما يجي للبيت الا الساعه 3 الفجر و اهو عمره 13 او 14 والله طقيه طق ترى والله اذا خليتيه راح يسير نفس اخي بالضبط

 

[أم فطامي *_*]

حبيبتي كف ..ن صفعني نفعني
من الحين يضربج باجر شو بيسوي
خليه ابوه يضربه ويخوفه .. الولد ماتربيه حرمه
يباله ريال

 

[دانة بعين بحاري]

اختي اول شي ولدج جم عمره؟
اذا كبير لازم تستخدمين معاه اسلوب الثواب والعقاب لانه راح يفهم
وطقيه بس مو الطق المبرح لان الطق عمره مايفيد
بس استخدمي الضرب عالايد او قرصه الاذن الخفيفه
اذا سوا شي غلط ودايم عاقبيه واحرميه من الاشياء اللي يحبها بس اذا صغير ومايفهم ماكو فايده مهما تسوين
انا ولدي عمره سنتين وايد عنيد وشيطان بس مو قادره اسيطر عليه بالمره

 

[om deaj]

يتفل (اي يرمي بسعبولته علي الماروالهار)

ضحكتيني على تعريف التفلة


حبوبة يعتمد على حسب عمره
انا امشي باسلوب العقاب والثواب
والطناااااااااش

بس سالفة انه يتفل ويحذفني بالنعال هذي مستحيل تصير تدرين ليش؟؟ لانه لا انا ولا ابوه نسويها
وانتي راقبي اليهال الي يلعب ويقعد معاهم

اذا كلش كلش وديه اخصائي نفسي يساعدج على تقويم اخلاقه مافيها شي لا يتمرد وتكبر السالفة

 

[مسك81]

الله يهديه

 

[حرم راشد الماجد]

استخدمي اسلوب العقاب عن طريق ( noughty stool ) يعني تحطين كرسي بمنطقه مهمله من الصاله او مكان قعدتج يعني بحيث انج تشوفينه وبنفس الوقت ما يقدر يتواصل معاكم واذا سوا شي غلط نزلي لي مستواه ( مستوا طوله ) وقولي له هذا الشي غلط واذا عدته راح اعاقبك

اذا عادها اخذيه وقعديه عالكرسي دقيقه لكل سنه من عمره يعني اذا عمره 6 سنين 6 دقايق وبعدها نزلي مره ثانيه لمستواه وفهميه انج سويتي جذي عشان هو غلط

وتجاهليه تماااااااااااما يعني يبجي يصرخ يسوي اللي يسويه ما جنج تشوفينه نهائي وكل ما قام من مكانه رديه من غير ما تحطين عينج بعينه ولا تعيرينه انتباه

وعقب ما تنتهي المده طلبي منه الاعتذار اذا اعتذر خليه يقوم واذا ما اعتذر ردي عيدي نفس العقاب مع التجاهل التاااااااااااااااااااااااااااااااااااااااااااااااااااااااااام



وفي عقاب ثاني انج تحددين اعز 10 العاب عنده وبكل غلطه تحرمينه منها والحين مع وجود الاي بود تصير العمليه اسهل شيلي الاي بود وخليه الى ان يعتذر ويحرم يسويها بعدين عطيه

 

[الشيخة@]

انا اقول صح لسانش ياحرم راشد الماجد
معاها بكل كلمه

 

[قاهره عذالي]

استخدمي اسلوب العقاب عن طريق ( noughty stool ) يعني تحطين كرسي بمنطقه مهمله من الصاله او مكان قعدتج يعني بحيث انج تشوفينه وبنفس الوقت ما يقدر يتواصل معاكم واذا سوا شي غلط نزلي لي مستواه ( مستوا طوله ) وقولي له هذا الشي غلط واذا عدته راح اعاقبك

اذا عادها اخذيه وقعديه عالكرسي دقيقه لكل سنه من عمره يعني اذا عمره 6 سنين 6 دقايق وبعدها نزلي مره ثانيه لمستواه وفهميه انج سويتي جذي عشان هو غلط

وتجاهليه تماااااااااااما يعني يبجي يصرخ يسوي اللي يسويه ما جنج تشوفينه نهائي وكل ما قام من مكانه رديه من غير ما تحطين عينج بعينه ولا تعيرينه انتباه

وعقب ما تنتهي المده طلبي منه الاعتذار اذا اعتذر خليه يقوم واذا ما اعتذر ردي عيدي نفس العقاب مع التجاهل التاااااااااااااااااااااااااااااااااااااااااااااااااااااااااام



وفي عقاب ثاني انج تحددين اعز 10 العاب عنده وبكل غلطه تحرمينه منها والحين مع وجود الاي بود تصير العمليه اسهل شيلي الاي بود وخليه الى ان يعتذر ويحرم يسويها بعدين عطيه

مدري اذا هالطريقه تنفع

حسب شطانة الجاهل
لان شفت هالطريقه ببرنامج المربيات كان على ام بي سي 4

 

[ام ميميتو]

الله يعينج حبيبتي بس لا تسكتين باجر الناس تضايق منج و السبب ولدج

 

[swanyway]

ماتبين تضربين اجل استخدمي اسلوب الشطة بالفم بس بدال الشطه حطي زنجبيل طازج مفيد وحار ويأدب
والقرص بعد في الفخذ احسن شئ
وخلي ابوه يزمر عليه زمره قوية ومع خزة منكم جميعا وشوفي من وين يتعلم هالحركات

 

[كيان امراه]

عجبتني افكارك حرم راشد الماجد

وانا حاسه فيك بس انا مصيبتي اكبر منك انا بنتي اللي مطلعه روحي والمشكله انا ساكنه عند حمولتي وعيال عيالهم وبناتهم مومقصرين ومااقدر احرمها منهم لازم 24 ساعه معاهم بس وقت النوم عندي
وعناااااد الدنيا فيها وطويلة لساااااان تقول كلام فوق عمرها وترد علي اذا هزاتها وعمرها 3 سنين ونص وبس تصيح وتصارخ ولا تاكل غير خرابيط ومنهبله ماادري وشو الحل

 

[حرم راشد الماجد]

عجبتني افكارك حرم راشد الماجد

وانا حاسه فيك بس انا مصيبتي اكبر منك انا بنتي اللي مطلعه روحي والمشكله انا ساكنه عند حمولتي وعيال عيالهم وبناتهم مومقصرين ومااقدر احرمها منهم لازم 24 ساعه معاهم بس وقت النوم عندي
وعناااااد الدنيا فيها وطويلة لساااااان تقول كلام فوق عمرها وترد علي اذا هزاتها وعمرها 3 سنين ونص وبس تصيح وتصارخ ولا تاكل غير خرابيط ومنهبله ماادري وشو الحل

اول شي تسوينه تيبين بكس تخزين وتحطين فيه الخرابيط اللي تحب تاكلها جدامها بالبوكس وتحطين عليه ورقه فيها جدول بالايام ووثلاث خانات بالطول خانه مكتوب عليها سناك بعد الفطور والخانه الثانيه مكتوب عليها سناك بعد الغدا اللي هو العصاري الخانه الثالثه المكافآت


وتقولين لها لما تاكلين الريوق راح احط لج نجمه واعطيج كاكاو وبيبسي وبطاط اذا كلت ريوقها حطيلها نجمه ويبي صحن مقسم ثلاث اقسام قسم حطي فيه شوية شيبس والقسم الثاني قطعة كاكاو والافضل تشترين لها الميني اللي يكون بجيس والقسم الثالث نوع فاكهه هيا تحبها وكل اليهال يحبون المنجا والرقي عشان لونه احمر جذي انتي سويتي بلانس لانها عقب ما تاكل الشيبس راح تاكل فاكهه طبعا تعيدين الطريقه مع الغدا بس اذا ماكلت غداها لا تعطينها وحطي لها وي زعلان


الخانه الثالثه قولي لها اذا صرتي شاطره وسمعتي كلامي راح اعطيج نجمه وحلاو ونفس الطريقه لما تغلط هدديها انج راح تحطين لها وي زعلان يعني ماراح تاخذ خرابيط


طبعا في حد للتمادي اذا صرخت عليج حقريها ولاااااااااااااجنج تسمعينها اما اذا سبتج شيليها وقعديها بروحها ( جدام عينج بس بمكان بروحها ) طبعا راح تقوم وتييج كل ما يت وديها


جربي هالخطوات بصبر وطولة بال وراح تدعين لي

 

[القلب والرية]

انا مشكلتي اكبر انا عيالي الاربعه كلهم اسم الله عليهم لاحظت مايقعدون عشر دقايق بهدوء ركض وصيحه ونجره وطلبات ولا انا ولا الخدامات ملحقين عليهم حتي زوجي زهق منا مادري شسوي جربت كل شي حركتهم ونشاطهم حيييييييل زايد

 

[om MaRyooM]

جم عمره ؟؟

يعتمد طريقة العقاب والتربية على العمر

لو صغير ماتعدى ال3 سنوات خليله مكان سميه بمكان العقاب . . انا احط بنتي بسريرها لأن سريرها عالي ماتقدر تطلع منه
اذا قالت شي مو زين او طقتني احطها فيه .. تبجي تبجي تبجي اخر شي اييبها ابوها تتأسفلي لووول

بس اذا كان الياهل كبير والله ماعندي فكرة لأن ماعندي عيال كبار
والله يعينا على التربية وعلا هالجيل اللي مادري شلون صاير

 

[المحتاره]

مشكورين علي المرور خواتي وعلي النصايح الي ماراح اهمل اي رد منكم..
قاهره عذالي والله يشوف الجهال ويقلد بس اصفعه قويه صغير.
ملاك الروح الله لايقوله مو لهدرجه ماتوصل والله يهدي اخوج يارب..
دانه بعين بحاري اسوي جذي بس مافاد ولا كاني اهاوش الله يهديه عمره سنتين
ام دعيج ياختي مو لهدرجه طبيبي نفسي ولا انا ولابوه نسوي جذي وين قاعدين؟ بس يشوف الجهال ويقلد ..
مسك والشيخه شكرا لمرورركم _حرم ماجد كلامج عين العقل بس ياليت ينفع معه بطبقه لان كنت اتابع
ها البرنامج المربيات علي4 والله كريم وعجبتني طريقتج عن تنطيم الاكل المكافأت_
ام ميميتو مسببلي احراج مع الناس واهلي اتفشل اتفشل منه
هذا اقول لابوه يزفه ويعصب عشان يخاف لانه نفسي مايحب يسويله شي.
سونيوي استحاله ما اقدر احط شطه ولا زنجبيل مستحيل..
كيان امره والقلب والرية الله يعينا ويعينكم مشكله الجهال الله ياجرنا ويعينا علي تربيتهم ويصلحهم اهم شي الدعوى الزينه ولاتدعين عليهم بالشينه.:yaaaaaarb:

 

[المحتاره]

ام مريوم شكرا لمروج وبطبقه حلوهلفكره انشاء الله تجيب نتيجه..

 

[قلبي ودمي كويتي]

ماتبين تضربين اجل استخدمي اسلوب الشطة بالفم بس بدال الشطه حطي زنجبيل طازج مفيد وحار ويأدب
والقرص بعد في الفخذ احسن شئ
وخلي ابوه يزمر عليه زمره قوية ومع خزة منكم جميعا وشوفي من وين يتعلم هالحركات

القرصه للبنت ترى مو الولد

 

[رتبه دبلوماسيه]

اب اب