اول مره ازور الكويت ..ممكن تساعدوني يااحلى كويتيات

[دانة البحيرة]

بسم الله الرحمن الرحيم

خلال هالاسبوع بزور الكويت مع اختي العروس

تبي تجهز من الكويت من الالف الى الياء

مثل البدلات والفساتين وقمصان النوم والجلابيات والشزات الله يعزكم
والملابس الداخليه وووووو

وين تنصمونا نروح من المجمعات

ياريت تكتبون لي اسماء المجمعات وبشنو تتميز محلاتها
والموقع ...وياريت مستوى المجمع غالي ولا رخيص ولا عادي

ماعليه انا طماعه.. انتوا كرمه واحنا نستاهل

بغيت اسماء الفنادق القريبة من منطقة الشوبنج

والمواصلات بشنو تنصحوني ؟؟؟

اتمنى تساعدوني واكون شاكرة لكم

وعقبال عيالكم وكل العزابية يااارب

 

[<miss botamba>]

المستوى التوب:

الصالحيه - الرايه - الغوالي هذول بالديره

زهره - الثريا - مريم - امنيه هذول بالسالميه

فيهم سهره و سبور شيك و فيهم قمصان نوم وملابس داخليه بس الاغلب ماركات التوب


عندج المولات الي فيها رخيص وغالي

٣٦٠ بالزهراء فيه ماركات و فيه اشياء عاديه

الافنيو بالري فيه ماركات و اشياء عاديه ( ديزاينر لاونج - انا سوي - الاسطوره - مانوش - مودا زون) هذول كلهم بالتوسعه اليديده)
وفي ملابس داخليه وقمصان نوم محل فوق قريب من التععليم المبكر و تحت اويشو وفوق قريب من السينما وومن سيكرت شي جذي اسمه


عندج قمصان النوم والملابس الداخليه مجمع السندس بحولي واسعارهم مناسبه


الملابس الرخيصه:

سوق السالميه بالسالميه

مجمع النقره الجنوبي و الشمالي بحولي


الدراريع الرخيصه نوعا ما:

العربيد بالفروانيه بس الاغلب تفصال


والجلابيات الغاليه ما اعرف محلات بس الاغلب مصممات

عندج فاطمه السالم في السره ما اعرف العنوان عدل بس موجود خلف الجمعيه و اسعارها ١٥٠ وفوق وتفصال مايخلص الا قبل رمضان
بس اشيائها على مستوى وعندها تفصل سهره و كاجوال

عندج بعد دار يوشا عند الكنيسه بالديره وعندهم اشياء كاجوال وبدلات نوعا ما ستايلهم هندي حلو



المولات الثانيه:

المهلب فيه اشياء حلوه

سوق شرق

البستان فيه سهره وكاجوال وجلديات

ليلى غاليري فيه سهره



هذا الي في بالي حاليا

والتنقل اجروا سياره من المطار اسهل لكم واذا ضعتوا بس طقوا هرن بالاشاره ومايقصرون معاكم الكويتيين


وحياكم الله

 

[دانة البحيرة]

فديتج حبيبتي ماقصرتي :hjy5jewf:

اهم شي نطق هرن ههههههه

نردها لج ان شاءالله ..

وبالنسبة للفندق وين تنصحوني ؟؟ اي فندق ؟؟

 

[Arwatiii]

اخذو فندق ايبس هوتيل او ريتز لانهم صايرين جمب كل شىء

حق السهرة روحي مجمع زهره تحت بالزاوية يم الكافاتيريا محل كبير حلو شغله حتى اكسسوارات عنده
حق الطلعات روحي افينيوز كل شىء فيه قعدي يوم كامل فيه
سوق السالمية حلو حق بجامات و اشياء رخيصه
المهلب في قمصان نوم
اخذي فره على سوق المباركية حق بخور و ذهب و مكياج و شنط مكياج نزلي تحت السرداب اسمه سرداب البشوت كل شىء فيه ساعات و شنط و اكسسوارات و بجايم كل شىء كل شىء
انا اقول اتفقي مع تاكسي يوم كامل يفر فيج احسن من انكم تسوقون ماتلقون مواقف

 

[dlol]

الافنيوز كل شي اهناك حتى البودي شوب بس غالي شويه

 

[دانة البحيرة]

اخذو فندق ايبس هوتيل او ريتز لانهم صايرين جمب كل شىء

حق السهرة روحي مجمع زهره تحت بالزاوية يم الكافاتيريا محل كبير حلو شغله حتى اكسسوارات عنده
حق الطلعات روحي افينيوز كل شىء فيه قعدي يوم كامل فيه
سوق السالمية حلو حق بجامات و اشياء رخيصه
المهلب في قمصان نوم
اخذي فره على سوق المباركية حق بخور و ذهب و مكياج و شنط مكياج نزلي تحت السرداب اسمه سرداب البشوت كل شىء فيه ساعات و شنط و اكسسوارات و بجايم كل شىء كل شىء
انا اقول اتفقي مع تاكسي يوم كامل يفر فيج احسن من انكم تسوقون ماتلقون مواقف

فديت روحج والله

ايه وانا بعد اشوف لو اجيب سيارة بسواق احسن لي من تاجير سيارة

انزين شلون احجز سيارة او تاكسي .. من وين بالضبط

اشكرجمره ثانية حبيبتي ماقصرتي

 

[دانة البحيرة]

الافنيوز كل شي اهناك حتى البودي شوب بس غالي شويه

مشكوره حبيبتي

انا حطيت الافينوز في اول القائمة

 

[أم شيــ@وخة]

انتي روحي الافنيوز بس وشغلج راح يخلص كله بمكان واحد بس ديري بالج لاتلبسين كعب عالي لبسي فلات ولا جوتي رياضة
وعلى فكره الحين فترة تنزيلات وبكل المحلات والافنيوز كله تنزيلات لو سفرتكم قريبه يكون احسن
واذا بتاخذين ماركات ما انصحج تاخذين من الكويت لانه في بعض المحلات مضروبه
صراحة احنا نروح دبي عشان الماركات الاصلية

 

[دانة البحيرة]

انتي روحي الافنيوز بس وشغلج راح يخلص كله بمكان واحد بس ديري بالج لاتلبسين كعب عالي لبسي فلات ولا جوتي رياضة
وعلى فكره الحين فترة تنزيلات وبكل المحلات والافنيوز كله تنزيلات لو سفرتكم قريبه يكون احسن
واذا بتاخذين ماركات ما انصحج تاخذين من الكويت لانه في بعض المحلات مضروبه
صراحة احنا نروح دبي عشان الماركات الاصلية

كل الشكر لج حبيبتي

ان شاءالله ع الخميس راح اكون بالكويت لين الاحد

وكتبت كل الاسامي عندي

ماقصرتوا حبيباتي الكويتيات:rerrerek:

شكرااااااااا:eh_s(7):