حلمي ....الوكالة

[أميرة و فقيرة]

حبيباتي...عنواني واضح جاني ترشيح للوكالة وانا معلمة حاسب آلي ولا املك اي خلفية عن الموضوع..ففشلت لان الكثيرات بخلن علي بالمعلومات ولاني ارفض الفشل .. اطلب منكن مد يد العون لي باي معلومة او مذكره او موقع ولكن الدعاء في ظاهر الغيب..مع جزيل الشكر:eh_s(17):

 

[مشغوله و محتاسه]

يعني فشلتي بالمقابلة ؟؟ ما تدرين يمكن خيرة لج


هذي اسئله منقوله من منتدى ثاني

السلام عليكم......
اخواتي واخواني المرشحين لوظيفه مدير مساعد...انا كانت مقابلتي الاسبوع الماضي..ولقد تم طرح الاسئلة التالية في المقابلة
1-ما هي الكتب التي تأتي للمدرسة من الوزارة؟
2-ماهو القرار رقم 1؟
3-اذا اتت لك معلمات قسم ما يشتكين من ضغط الجدول ماذا تفعلين؟
4-طلبت منك مديرة المدرسة ان تجمعي تبرعات من الطلبة واولياء الامور لتحسين ورسم المبنى المدرسي ليكون بيئه جاذبة للتلاميذ..مارأيك..كيف تتصرفين؟
5-ذهبت معلمات المدرسه للمديرة وطلبن منها ان توافق على نصب خيمه في الساحه الخلفيه على حسابهن ..في هذه الاجواء الجميله ..ماهو موقفك؟
6-عددي انماط الادارات المدرسية؟
7-صنفي ادارة مدرستك من اي الانماط هي مما ذكرتي ...ثم سؤالي ولماذا ؟
8-ما موقفك من مديرة مدرسه عندها شلة (شللية)؟



--------------------------------------------


و للعلم الوكاله لها جانبين .. فني و اداري .. لازم تكونين ملمة فيهم اثنينهم


و موفقه يا رب

 

[أميرة و فقيرة]

اي نعم فشلت بالمقابله...بس اكيد بيجيني ترشيح مره ثانيه.. وحابه استعد من الحين. ما قصرتي اختي ويعطيك العافيه

 

[درة أهل الطولات]

لرفععع

 

[ابلة غزالة]

هلا اختي انشالله الله يوفقج السنه اليايه و تنجحين
هذا موضوع انطرح اهني و وايد فادنا انشالله اتكوين منه فكره
http://www.q8yat.com/t264531.html
وانشالله اذا حصلت شي انزله لج اهني
موفقه انشالله

 

[جيتك تعال]

هلااا اختي ... المرة الثاانية باذن الله الله بيوفقك

بعطييك الاسئلة الي درست منها والحمدلله نجحت

بس عطيني ايميلك عالخاص وابشري بعزك

 

[بنات حواء2]

حبيبتي عادي لايضيق خلقج
وايد اول مقابله ماينجحون بس الي وراها ينجحون
و انشالله اي شي بحصله بييبه هني
و موفقه يارب

 

[أميرة و فقيرة]

قبل كل شي احرجتوني حبيباتي كويتيات بطيبكم لاني ماتوقعت هالتفاعل السريع خصوصا وانها اول مشاركة لي...
درة اهل الطولات ربي يرزقك بدرزن جهال ويكونون من الذرية الصالحة...
ابله غزاله مشكوره ويعطيك 1000 عافية.
جيتك تعال..مشكوره ياقلبي واسم على مسمى..ربي يخليك ذخر لي يا الغالية.وشيكي عالخاص.
بنات حواء2 .. الله يرزقك من حيث لا تحتسبين..
:eh_s(17)::eh_s(17)::eh_s(17):

 

[أميرة و فقيرة]

جيتك تعال.. ماقدرت اطرش الايميل عالخاص بسبب قلة مشاركاتي وتفضليه عالعام
[email protected]

 

[جيتك تعال]

هلا حبيبتي ... شيكي على ايميلك

ارسلت لك الي عندي واتمنى يفيدوونك

موفقة بإذن الله

 

[أم أنور]

حبيبتي مو مهم الاسىله المهم الثقه بالنفس صدقيني انا توني ناجحه رىاسة قسم الاسىله اتلوع الجبد بس كانوا يبون يلعبون باعصابي والحمدالله قدرت اتحكم باجاباتي وثقتي بنفسي
موفقه

 

[أميرة و فقيرة]

ام انور الله يجبر بخاطرك..ويجزاك كل خير
استاذتي جيتك تعال جيكت عالايميل ما وصلني شي ياريت تطرشينه مره ثانيه اذا مافيه كلافه

 

[أميرة و فقيرة]

هلا حبيبتي ... شيكي على ايميلك

ارسلت لك الي عندي واتمنى يفيدوونك

موفقة بإذن الله

الرجاء ملاحظة تعديل الايميل
[email protected]

 

[جيتك تعال]

تم الارسال على ايميلك المعدل

 

[لحظه من فضلك]

اسمحيلي اختى خليج من كل هالخرابيط اللى قالوه البنات واطلب منهم يسامحونى اختى المره الجاية جيبى معاااااج واسطه قبل المقابلة هذا عين العقل صدقينى كلهم جذيه