ابي بنوته سنعه تساعدني بتقسم مهري

[Monaliz]

السلام عليكم ورحمة الله وبركاتة

بنات انا مهري 6 الاف

واحاتي انه مايكفي محتاره شلون بقسمه وبشنو ابدا وبشنو انتهي

عاد ابي فزعتكم

تساعدوني شلون اقسم مهري

ناطرتكم يا حلواات

ودعواتكم لي ان الله يتمم لي على خير

 

[Ms.Gomez]

إن شاءَ الله يتم كل شي على خير
و مبرررووووك
و إن شاءَ الله غيري يفيدج

 

[Monaliz]

يبارك بعمرج يااااارب

 

[طيش سكر]

ماشاءالله ..

الله يبارك لج فيه ويتمم عليج ياقلبي ..



والله ماعندي اي فكره ..


بس حبيت ادعي لج وارفع موضوعج

موفقه

 

[دوسريه و لي الفخر]

ماادري بس على حسب انتي شنو تبين في مصورات ياخذون 500 ومصوره 1000
وعلى البدله شنو ناويه تفصلين ولا تاجير
واذا كنتي ساكنه بيت اهله ولا بيت بروحكم
انتي بالاول قسمي شوفي جم بدله كشخه راح تحتاجين وكم دراعه
وحاولي لا تكثيرين انا بنت خالتي تخيلي جهزت تخيلي بعشره وما لبست منهم شي لا تبالغين وتشترين شغلات مالها داعي اهم شي اشتري ذهب لانه هو الي راح يبقى معاج اما البدل
ما ادري هذا راي انا بعد ملجه بس ما حددوا العرس واذا جهزت راح اسوي جذي بعد
ارجوا انج تتقبلين مروري والله يوفقج بحياتج ويتمم عليج

 

[منو انت]

الله يسعدج يارب


1- لاتشترين كل شي بس على اساس انتي عروس (( هالشي راح يخرب الميزانيه ))

2- ابدي بالشي اللي تعرفين انه يصلح لج يعني مكياج (( حاولي ماتكثرين لان السوق ماراح يطير - كريم اسااس فاتح حق المناسبات - كريم ناعم حق البيت - كريم حق السفره او حق طلعاتج معاه وبنفس الوقت حق حمولتج - حمر شريتها من قبل - الفرش استخدامج شي حق البلاشر وشي للحواجب شي حق الكحل بس مو تروحيين السوق وتشترين المجموعه انا رفيجتي شرتهم مجموعه تقول والله مااستخدمت الا 2 والبلاشر اخذي وردي واخذي زهري واخذي برتقالي - والباقي اللي تعرفينه واستخدامج بس
3 - اشتري جم دراعه على جم بدله ( على حسب راح تنعزمين بعد العرس عند خالتج وعمتج وبيت امج او لا )
4- كثري بجايم اكثر شي راح تلبسينهم يعني تقريبا مو اقل من 10 ومتنوعين اول الايام الطويل منهم بعدين القصير
5 - عطور وبخور ( العطور لاتشترين مره وحده راح تختلف عندج الريحه من كثر ماتشمين يعني كل يوم اشتري 2 ) وعلى حسب عرسج قريب او لا العطور تختلف من صيف لشتاء ) والبخور انصحج تشترين من امل الكويت والمرشود روووعه


سوري مخي واقف بس بقولج نصيحه قسمي الفلوس يعني جم عطر يعني مثال تبين 6 عطور حطي 250 واخذي الصغير منهم علشان ماتزهقين من ريحته والبخور حطي 300 والباقي على حسب من وين بس ضروري سوي مجموعه اظرف وحطي فيها المبلغ واكتبي من برا حق شنو مثال كتبي من برا العطور راح تعرفين هالمبلغ للعطور

واهم شي كل محل تدخلين لاتقولين عروس ترى يطمعون فيج ولاتشتري بزود السوق ماراح يطير واهم شي التوفيق عسى الله يوفقج وادفعي شي من المهر صدقه علشان ربي يبارك لج بالباقي وان شاءالله نشوفج من حوامل كويتيات يارب


دعوه لي من قلب لاتنسين اهم شي * _ *

 

[كتكات احمر]

ظرف ذهب وساعة ونفنوف العرس
ظرف حجز الصالون والمصورة والدي جي والصالة والبوفيه والتوزيعات
ظرف قمصان نوم وملابس شقة
ظرف بدل ودراريع
ظرف جناط وجواتي
ظرف عطور وبخور ومكياج
ظرف عبايات وملافع
ظرف الجمعية والحواي والادوات الكهربائية

ها شرايج ؟

 

[sondos]

البنات ماقصروا

الحين الذهب غالي يعني بيطير 3/4 المهر ....والصراحه مو خساره اهو اللي بيبقي وذخر

لا تكثرين دراريع وبدل ومكياج .....وماتعرفين شلون جسمج يتغير ولا متى بتحملين

ممكن تحطين (500 عطور ومكياج وبخور وعود) يعني 3 او 4 عطور جديده كافي

والحمدالله كلنا بنات خير .....يعني بدلج الجديده من بيت اهلج ومكيااجج الزين اخذيه معاج

وصدقينى السوق كل اسبوع فيه شي جديد .....خلي يظل معاج من المبلغ احتياط لاى شي يعجبج بعدين

 

[Monaliz]

يعطيكم العافيه يابنات

وجزاكم الله خير كل الي دعولي


بنات انا اقصد جم ادفع لبدله العرس ابي اجار ماراح افصل
جم للمصوره والصالون وجذي

الدراريع شكثر افصل خاصه راح اسكن مع حمولتي

اتمنى توضحون لي اكثر

 

[bent_albader]

الصراحه انا ماايد اللي تقوول اشتري بالمهر

ذهب لان الذهب غااالي صج على قولة المصريين شيل القرش الابيض لليوم الاسود

لكن ان شاءالله ايامج كلها بيضا وسعااده وعساج ماتحتاجين الذهب ؟

ف نصيحتي اشتريلج شغلات تفيدج مو مال ساعه وتنقط بالزباله وفي وحده من البنات تقوول اخذي ملابسج

مو من صجها اخذ ملابسي وانا بنت ؟؟؟؟؟؟؟؟ اروح فيها لزوجي مو شي حلات الشي جديد بجديد

مثلا حطي 700 لثوب العرس اول ليله ومكياج وتسريحه 250 ؟

مادري هذا اللي اعرفه

 

[عهد الغرام]

هذا الموضوع حيل فادني من قاهرة http://www.q8yat.com/t871062.html
اتمني ينفعج

 

[بنت الاحلام]

ربي يوفقج يارب

 

[كتكات احمر]

2000 ذهب
250 ساعات
500 نفنوف العرس
50 مسكة
1000 ظرف حجز الصالون والمصورة والدي جي والصالة والبوفيه والتوزيعات
350 ظرف قمصان نوم وملابس شقة
400 ظرف بدل ودراريع
250 ظرف جناط وجواتي
250 ظرف عطور وبخور ومكياج
300 ظرف عبايات وملافع
100 ظرف الجمعية والحواي والادوات الكهربائية

 

[برنسس أوراق]

مبروووك لج ياقلبي..الله يسعدج وييسر امرج انا للحين عرسي ما تحدد..ادعوا لبعض بنااااااات

 

[Monaliz]

2000 ذهب
250 ساعات
500 نفنوف العرس
50 مسكة
1000 ظرف حجز الصالون والمصورة والدي جي والصالة والبوفيه والتوزيعات
350 ظرف قمصان نوم وملابس شقة
400 ظرف بدل ودراريع
250 ظرف جناط وجواتي
250 ظرف عطور وبخور ومكياج
300 ظرف عبايات وملافع
100 ظرف الجمعية والحواي والادوات الكهربائية

يعطيكم العافيه بنات

اي ابي جذي توزيع المهر
بس بنات ترا الصاله والبوفيه ع الريال

 

[كتكات احمر]

يعطيكم العافيه بنات

اي ابي جذي توزيع المهر
بس بنات ترا الصاله والبوفيه ع الريال

انا كتبت كل شي عشان لا انسى لان انا مقسمة بعد نفس الطريقة على حسب اهم شي عندج زيدي فلوسه وحطي 350 حق الكوشة بعد :d

 

[Monaliz]

انا كتبت كل شي عشان لا انسى لان انا مقسمة بعد نفس الطريقة على حسب اهم شي عندج زيدي فلوسه وحطي 350 حق الكوشة بعد :d

كتكات احمر ترا احنا بالكويت مو بديره ثانيه

الصاله والبوفيه والكوشه كله ع الريال

العروس بس جهازها وبس

لاتيننيني



شوفو خواتي انا بقسم جذي قولولي اذا صح شغلي او غلط

اول شي باذن الله بشيل 2000 دينار على صوب حق الذهب

بحجز البدله ( 700دينار ) والصالون ( 300دينار ) والمصورة ( 300 دينار ) والمسكه( 50 دينار )

بعدين بحط 200 دينار حق عطور وماكياج

200 دينار قمصان نوم وملابس داخليه وملابس خاصه للشقه

200 دينار دراريع ما اظن تكفي بعد الدراريع غاليه

200 دينار عبابات وجناط وجواتي

كملو بنات ساعدوني .. احس روحي مشتته قاعده اكتب الي يطري علي

 

[حليبه]

ااب

 

[كتكات احمر]

كتكات احمر ترا احنا بالكويت مو بديره ثانيه

الصاله والبوفيه والكوشه كله ع الريال

العروس بس جهازها وبس

لاتيننيني



شوفو خواتي انا بقسم جذي قولولي اذا صح شغلي او غلط

اول شي باذن الله بشيل 2000 دينار على صوب حق الذهب

بحجز البدله ( 700دينار ) والصالون ( 300دينار ) والمصورة ( 300 دينار ) والمسكه( 50 دينار )

بعدين بحط 200 دينار حق عطور وماكياج

200 دينار قمصان نوم وملابس داخليه وملابس خاصه للشقه

200 دينار دراريع ما اظن تكفي بعد الدراريع غاليه

200 دينار عبابات وجناط وجواتي

كملو بنات ساعدوني .. احس روحي مشتته قاعده اكتب الي يطري علي

لوووووووووووووووووووول اشدراني بعد هذا اتفاق بينج وبينهم :krkrkr:
المهم شوفي اول شي
700 وايد على البدلة >> 500 زين واقتصدي الباجي
والمصورة بعد في اقل وحلو ويمدحون مومتنس الي بمجمع سنام روحي شفيه في عروض اقل
200 قمصان نوم من صجج لا مايكفي خليهم 350 الى 400 مع البجامات تحتاجين اكثر
200 دراريع زين بس هم تحتاجين اكثر دراريع استقبال // دراريع للبيت قصار من 5 الى 6
مع بدل طلعة يعني زيدي خليهم 350
200 اذا عندج من قبل عادي بس اذا ماعندج مايكفي العبايات قولي محتاجة 4 2 عاديات و 2 كشخة
عطور وبخور ولوشنات مرشات للبيت يعني زيدي خليهم 300

 

[شذى الحب]

الله يوفقنا يارب يارب يعطوني مهري 8 يارب