لاحول ولاقوة الا بالله.. ندائي للسعوديات والكويتيات..

[سكريمزا]

الله يحفض خليجنا من شر الفتن

 

[لحظة غياب]

بس بصراحة الحق ما يزعل السعودية تحاول قلب التوزان الطائفي في الكويت ..
لا أحد يزعل مني هذا الحق

انتي حكمتي..!!!
اذن الله حسيبك .. هو الحاكم بيننا وبينكـ..

 

[لحظة غياب]

معليش يا اخوواتـ..

موضوعي مو للفتن والبلبله موضوعي للسلام ولاغيرهـ..

والخير في كل مكان ماحد يطالع احد على اللي عندهـ.. وكله من الله

لو تنشاااال من ايدينك ماتقدرين ترجعينها مادام الله اخذها .. بالشكر تدووم النعم ..

ي اخوات اعتبروا الدنيا فانيه فكروا فيها .. وفكروا باأي كلمه ترمونها خصوصا لما تكون مؤذيه او ظالمه..

من يأنس وحشة قبورنا تفكروا .. تفكروا

واجعلواعملكم لله .. دنيا زائله الله يرحمنا برحمته..

 

[ترانيم القصيم]

الله يجزاك بالجنّة يا رب ^_^

 

[جوانا2011]

الله يهدي الجميع

 

[سفانهksa]

لحظة غياب..
جزآكـ الله خيييير قلبي ع الكلآم اللي يوسع الصدر ..

حلمي بر آبنآئي ..
تسلميييييين قلبو ع الرد النآآآآآآآيس ...وآن شآء الله آبنآئكـ يبرووووون فيكـ ..بآ بعد حيي ..

وآحنآ وآهلنآ الكووويت آهل وحبآيب ..هآلفئه اللي دآخله بينآ آقولهم برآآآآآآآآآآ مآلكم مكآن بينآ...

 

[مجروحه واكابر]

يزاج الله خير على كل كلمه قلتيها

 

[ام الشوامس]

الله لايغير علينا
فزاعه لبعض
و خليجنا وااحد

ماكو عداوات و لا كره ان شاالله
و هالتصرفات ماتعكس الا مرض صاحبها

و يزاج الله خير عالموضوع

 

[بنت المدير]

الله يديم المحبه بينا ويكفينا شر الحاسدين,,جزاك الله خير اختي على موضوعك الاكثر من رائع جعله الله في ميزان حسناتك ياعمري

 

[احبك ليه]

السلآلآلآم عليكمـ ورحمة الله وبركآآته..

يا اخوت(( كويتيات = سعوديات ))

يجمعنا اسلامنا لغتنا تاريخنا تجمعنا القرابه والجيرهـ..

يجمعنا دستورنا القرآن و حبنا لرسولنا الكريم صلى الله عليه وسلم..

فما علامة محبة الله ورسوله غير اتباع شرع الله وسنة رسوله..

لماذا لانتخلق بأخلاق الرسول ..!!!

هل هي صعبه لا والله.. ولكن النفس امارة بالسوء..



ليه يا بعض الاخوات تهاجموون دول بعض ليه..؟؟

ليش كل وحده فيكم حاده سكاكينها وجاايه تبي تذبح ..

بعض الاخوات الله يهديهم من الدولتين ..تضع ردا تخجل العيون من قراءته..

وتتشيم النفس عن مثله..

لماذا تلقون التهم جزافا على الدولتين ولماذا تبخسووون حق بعض

لماذا تتهمون دولة باكملها على فعلة واحد من البشر

ولماذا تظلمون.. الظلم ظلمات يوم القيامه

يا اخوات ادركوا الدنيا فانيه ولايبقى للانسان الا عمله

وان كنتم هنا بمعرفات مستعاره لانعلمها نحن البشر فالله يعلمها ومطلع على عمل كل واحدة فينا

لاداعي للفتنه والحقد والبغضااء

لنرتقي بردودنا ونحتسب فيها الاجر من الله ..

فرب كلمة قالت لصاحبها دعني دعني..

(( "و هل يكب الناس في النار على وجوههم إلا حصائد ألسنتهم؟"))


قال الشافعي:
احفظ لسانك أيها الإنسان لا يلدغـــــــــك إنه ثعبــان
كم في المقابر قتيل لسانه كانت تهاب لقاءه الأقــران


متى نعتبر يا اخووات متى؟؟

هل نحن ضامنين الجنه؟؟ كل وحده جاايه ماشيه مليوووون وتناشب خلق الله بكلام وش كبره

يعور القلب..

صرت لما ادخل القسم العام احط يدي على قلبي خصوصا لما يكون الموضوع عن الكويت او السعوديه

اخاف اشوف اي وحده من الدولتين تسب دولة الثانيه والسبب موضوع فردي يحكمون من خلاله على دوله وشعب بأكمله جورا وبهتانا

نحبكم ي الكويت ونحبكم يالسعوديه

بينا اسلام بينا جيره وقرابه

المفروض قلوبنا على بعضنا ما نتصيد الاخطاء وندور الزله \\

نعذر بعض ننصح بعض خلوا قلوبكم وحده

وشوفوا الغرب كيف متكاتفين .. علينا واحنا ضد بعض ..

وديننا اسمه الاسلام يعني سلااااااااااااااااااااااااااااااام سلام مو حرب ي اخوات

اخذوا من الاسلام ولو اسمه وتفكروا فيه ..

وتذكروا ما اونيسك في قبرك الا عملك..


اسأل الله العلي القدير الحي القيوم ان يختم لنا في هذه الدنيا خيير ختام ويرزقنا الجنه

اللهم امين..


كلامي مو مرتب.. بس اتمنى يوصل مقصدي..

ودي .. لقلوبكم الطاهره

اذا كلامك مو مرتب اجل مين كلامها مرتب؟
يسلمو ياقلبي

 

[عمرها السعودية]

كلامك درر والله صادقة لو يفكرون بقبرهم ماكان شفتي كل وحدة تركض للشر والفتن اعوذ بالله منهم

وحنا اخوان وان ماجمعنا مكان واحد ولا قرابة .. الغرب وهم الغرب متكاتفين مع بعضهم البعض وحنا وش

نقول غير الله الهادي .. ربي ينظف القلوب السودا اللي فيها الحقد الدفين .. ونعيش بامن وسلام لا مشاكل

ولا كرة .. وحقد وربي يجعلة بميزان حسناتك

 

[ice_cream]

الله يهدي الجميع

 

[love^angel]

احلى رد مر علي الله يوفقج ويرزقج جنة الفردوس و يبرونج عيالج و يحطونج فوق راسهم يارب..
تلحمدلله في ناس تفهم وتعرف التاريخ وفي ناس قلوبها نظيفه وما تتمنن ولا تعاير..
الله يحفظج ياليت كل السعوديات مثلج جان ما صارت كل هالهوشات بالمنتدى..

ياختج الكلام سهل
بس التطبيق صعب

مادري ليش أقرب دولة لنا
قلوبهم مو صافية من ناحيتنا

بالعكس يمكن أكثر دولة تحبكم والدليل إن كل

الدول الخليجية لها مواقع نسائية ولكن تواجدهن هنا أكبر ...
​

ويطالعونا على كل شي
ويتمنون علينا على شي صار من 20 سنة



أسمحي لي غاليتي أن أنعت من يتمنن عليكم بالأغبياء وليسمح لي الجميع في ذلك ..

ما معنى المنة .. المنة هي الكرم والتفضل ..

أذكري دولة واحدة تفضلت على الكويت ؟

لا توجد إن ما قام به الأخوان والأشقاء الخليجين ماهو إلا حبا وودا للكويت ..

في لهجتنا الدارجة نقول ( حق وواجب ) نعم مافعل من أجل الكويت حق وواجب وغصب على

الجميع يسوونه .. إذا تعبت أختك أو أصابها لا قدر الله مكرووه ألا تقفين معها ألا تبذلين

الغالي والنفيس من أجلها .. إذا أين الفضل والمنة ..

من تقول يتمننون علينا أقول لها لم يتمنن عليك سوى أهل العقول العقيمة والفكر السلبي

ثقي ثقة تامة بأن من تمننت ذات عقلية سخيفة لا زالت في مرحلة السفاهة ..

وعلى قولة أهلنا الكويت هي راعية الأولة أو كما نسميها اليد الطولى فعند نهاية الدولة السعودية

الثانية وبعد سيادة الدوله العثمانية على نجد أحتضنت الكويت الملك عبدالعزيز بل إنه تعلم فنون السياسة

في مجلس مبارك الكبير .. الملك سعود ولد في الكويت .. ( لعلمكم هذا التاريخ يدرس في ثلاث مراحل سادس أبتدائي - ثالث متوسط - ثالث ثانوي ... )

إذا بدأ الفضل من الكويت ولا بد أن يعود لها

وعودته في المسرات إن شاء الله وليس في المحن ..

سنقف مع بعضنا البعض فهاهي البحرين كبحت جماح المخطط الايراني بمساعدة أخواتها دول مجلس التعاون

وسنقف متكاتفين ضد أي عدو وأي أعتداء على أي دولة هو أعتداء على دول المجلس جميعها

وفيه مثل خليجي يقول إذا أنطق الخشم دمعت العين والكويت عين من عيون الخليج بل هي عروس الخليج



وعلى درووب الحب نلتقي .....



أرجو ان يتفهم الجميع الموضوع فهو من أرقى المواضيع ....

 

[أحبه موت]

كلامج صحيح اختي بس اعتقد الي يسوون المشاكل بينا لاهم كويتيات ولا هم سعوديات هذيلي فئات اتحب تخلق المشاكل وتسوي هالحزازيات بينا
وان شاءالله كلنا على قلب واحد ومايفرقنا أحد​

 

[Maryomah_q8]

الله يهديهم
جزاج الله خير

 

[زماني غير]

جزاك الله خير ​

 

[Freakya]

مشكورة عالطرح يا صاحبة الموضوع

و بعدين عادي لا تتضايقين ترا كله كلام

و اذا بنشوف كل وحدة شقالت و علقت ما خلصنا لأن كلام الناس عمره ما يخلص

عطيهم طـــــــــــاف

احنا ما نتأثر بالكلام الغير مدروس و الحوارات العقيمة !

 

[ام كشه خطبها]

يعطيج العافيه

 

[عيون السعودية]

أنا سعودية واحب الكويت والدليل على حبي إني داخله منتداكم وعدد مشاركاتي بيوصل 500 وعقبال الملايين إن شاء الله ​

 

[PINKEIA]

الله يهدي بعض البنات تسلم ايدج ع الموضوع ياريت يتعلمون منج اللي يحطون مواضيع تخلي الواحد غصب يرد لأن اهما يحطون مواضيع وعناوين استفزازيه تخلينا غصب انيي ونرد عليهم ونسكتهم ومافي وحده ترضى تشوف أحد يغلط ع ديرتها وتطنش لازم نرد واللي يقولون هذي مستحيل تكون من الكويت ولاعندها جنسيه بسكم تأليف يعني وحده متعصبه تغار ع ديرتها تقولون ماعندها جنسيه قويه تبون نصور جنسيتنا ونحطها بالملف الشخصي حاضرين وفي نوعيه ثانيه ياخذون رد عادي حق أي وحده ويقولون لها انتي تقصدينا وتغلطين علينا هذيله ماحبهم بعد يعني شنسوي حق اللي مو واثقه بنفسها وبالمكان اللي اهيا منا إذا في جم وحده شخصيتها مهزوزه وأي رد تعتبره حقها لاتدخل تريح نفسها وتريحنا وثانكس ع الموضوع