لاحول ولاقوة الا بالله.. ندائي للسعوديات والكويتيات..

[الحلوة69]

صح لسانج حبيبتي كلامج دررر موضوع اكثر من رائع والكويت والسعوديه مو بس تجمعهم الحدود والجيره لا فيه بينهم نسب وقرابه

 

[مس دلال]

حببتي هاذي مشاكل نت وهواش بزارين لا تلتفتين لها لان الاغلبيه هنا مراهقات فاضيات
والبعض يكبر الموضوع اذا شفتي مثل كذا سوي تنبييييييييييييه بمشاركه سيئه
ولا تردون عليهم لسيييييييين يملون

 

[^^yasmina^^]

اختي صح الكويتيات والسعوديات خوات ويجمعنا رابط المحبه

بس في وايز سعوديات للاسف يتحجون بالطائفيه ويتكلمون بالمذاهب احنا بالكويت ما عندنا طائفيه وولله الحمد اتمني ان يعرفون شغله ان بالكويت نختلف بمذاهبنا حتي بأصلنا فأتمني من كل قلبي انهم يحترمون هالشي واهمه علي راسي ولتمني ان ما يتطرقوون بمواضيع مذهبيه احنا بالكويت مافي فرق بين شيعي وسني كلنا اهل وربع
تلقين بعايله وحدة سني وشيعي وحضري و بدوي وعيمي متناسبين وي بعض فماكو فرق عندنا
واتمني انكم تتقبلون كلامي *

 

[فطفط نجد]

ماعليج من الي يصير بالمنتديات ترى اغلبهم لا كويتيات ولا سعوديات
وانتي فكري منو المستفيد بهالشي هذا
كلنا حبايب السعوديه والكويت من قبل لانولد يجمعهم الدم والقرابه
مايأثر فيهم كلام منتديات

اواااافقهاا الرأي وكلامهاا عين العقل:eh_s(17):

 

[جولينار]

في وقت ماكانت الكويت اقرب دولة للمملكة العربية السعودية


لكن هناك فئات معروفة تنزعج من هذا القرب


لأهداف يعلمها الأغلبية من الدولتين ..


وتحاول خلق الاختلاف والمشاكل قصداّ


وللأسف هناك من البلدين من ( طبّل ) لهم ووافقهم


لجلهه او غباءة او تصفية حسابات شخصية بحته ..


اما بخصوص المنة والتحرير والكلام فيه

شعب السعودية سخيّ لايمن

ولكن قد يكون اخطأ في الرد


فعندما ترى سعودية تهجم على دولتها او على حكامها وخصوصا على الملك فهد رحمه الله


فيكون ردها كالتالي ( كيف تتهجمين على دولتي وعلى ملكي وهو من حرركم بعد الله ) ..


ولاتنسي قد يكون ابوها او اخوها او خالها او عمها قد مات في حرب الخليج


وترى مثل هذا الرد ( فكأنها تطعن للمرة الثانية )


عموما انا لا ابرر للطرفين ..

ولكن بعض النظر عن الشرذمة القليلة


فهناك روابط قوية وستبقى قوية الى الأبد

 

[العاليةوالغاليه]

كلآمــك كله صح .,

وجزآكـ الله الف خيــــــــــــــــر ,

 

[نآريتو]

مهما اختلفنا نظل آخواات واللي يسوون المشاكل والهوشااات معرووفاات!!

 

[وردة بيتنا]

كلااااامج عين العقل اختي ، خوووووش موضوع ، يزاج ربي كل اللي بخاطرج وأكثر

السعودية حبييييييبة القلب والله يعلم شكثر احبها انا واهلي كلهم ، الله يخليهم لنا

 

[اخت واختها]

مو شنسوي في بنات هيلق ما يحسون بالي قاعدين يقولونه الا اذا نزلتي لمستواهم بذات لي تكرر الغلط من جم وحده وبنفس الاسلوب

 

[ياانااا]

كلآمــك كله صح .,

 

[هجووورة]

ماعليج
اللي كتبون من اي وحده من الدولتين لاهم كويتيات يمكن معهم جنسية بسسسسسسسسسسسس
ولاهم سعوديات يمكن معهم تابعية بسسسسسسسسسس
وما يضر السحاب نبح الكلاب
وهذا من عمر الدنيا ناس حاقده اذا شافون المتصافين اصطادوا بالمياة العكرة

 

[mire.fares]

لا توجد دولة في العالم ليس فيها طائفية والكويت كبقية شعوب الأرض فيها طوائف متعاكسة في الإعتقادات لا يقوم مذهب إلا على نقض الآخر هذا التناقض ظهر عندما أتت الظروف التي أبرزته بعد غزو العراق وإنحياز السنة إلى المقاومة العراقية في محاولة لإسقاط هيمنة الطائفة الأخرى على العراق الجديد بعد التحول وبروز إيران

 

[mire.fares]

وتشكرات

 

[Hi--class]

َََ


لا سعوديه ولا كوييتيه ولا هنديه تهمني .. الجنسيه ما تحدد الكره لأحد
لكن اللي تدش هالمنتدى المفروض تحترم نفسها و ماتسبب فتن لو كانت من اي دوله مو شرط السعوديه ..
والصراحه انا ماحب اي دوله ثانيه "الكويت وبس"


ِِِ

 

[mire.fares]

أحفاد الفرس بالخليج هم اللي عندهم حساسية من أي دولة خليجية اخرى

 

[نجداويه نجد]

كلامك عين العقل أنا كاسعوديه احب الكويت ولي فيها أهل وأقاارب أسال الله ان يوحد كلمتنا

 

[نجداويه نجد]

َََ
لا سعوديه ولا كوييتيه ولا هنديه تهمني .. الجنسيه ما تحدد الكره لأحد
لكن اللي تدش هالمنتدى المفروض تحترم نفسها و ماتسبب فتن لو كانت من اي دوله مو شرط السعوديه ..
والصراحه انا ماحب اي دوله ثانيه "الكويت وبس"

يااجماعة الخير متي نخلص من هالأشكال !! اللي في المنتدي ؟؟
انا اشره علي صاحبة الموضوع المفروض نزلت ترجمه بالفارسيه عشان تفهمين وش مكتوب !!!

 

[.،:"$الـعـوبــــة$":،.]

سهالات ،،


الكلام بلاش ،


وفيه نوعيه فيها حقد وكره ونجاسه مو طبيعيه فتجي تستقوي من ورى الشاشه ،،


ومثل ماقلت ،،


(( دامك فطين وواثق في خطاويك ،،
،،ارقى مع الراقين وخل الحثاله ))

:sfg:


مشكوره عالموضوع ،:eh_s(7):
​

 

[عاشقة هواك]

يسلموووو

 

[Hi--class]

يااجماعة الخير متي نخلص من هالأشكال !! اللي في المنتدي ؟؟
انا اشره علي صاحبة الموضوع المفروض نزلت ترجمه بالفارسيه عشان تفهمين وش مكتوب !!!

الظاهر فيج حساسيه من اللغه الفارسيه الله يعينج
ياالهي كل واحد و رده ليش مناشبتنا يعني يا اقول اي احب الدول واحب الخليج مثل الكويت يا اتعرض للهجوم من امثالج :eh_s(4):
وانا قاعده ارد على الموضوع ..وقاعده ابين رايي ان انا ما تهمني جنسية الشخص كثر الاسلوب اللي يتحجى فيه سواء صيني ولا كويتي ..
انصحج بقاموس كبير عربي
كل واحد وحر براايه ..
اللي تحب السعوديه مثل الكويت كيفها
واللي تحب الكويت مثل السعوديه كيفها
واللي تحب بنغلادش مثل الكويت كيفها
انا قلت ان ماحب ولا دوله مثل الكويت لان محد يستاهل بهالوقت ..الرفيج عدو رفيجه
وماني راده اكثر يا نجداويه :eh_s(8):