لاحول ولاقوة الا بالله.. ندائي للسعوديات والكويتيات..

[نجداويه نجد]

الظاهر فيج حساسيه من اللغه الفارسيه الله يعينج :d
ياالهي كل واحد و رده ليش مناشبتنا يعني يا اقول اي احب الدول واحب الخليج مثل الكويت يا اتعرض للهجوم من امثالج :eh_s(4):
وانا قاعده ارد على الموضوع ..وقاعده ابين رايي ان انا ما تهمني جنسية الشخص كثر الاسلوب اللي يتحجى فيه سواء صيني ولا كويتي ..
انصحج بقاموس كبير عربي :d
كل واحد وحر براايه ..
اللي تحب السعوديه مثل الكويت كيفها
واللي تحب الكويت مثل السعوديه كيفها
واللي تحب بنغلادش مثل الكويت كيفها
انا قلت ان ماحب ولا دوله مثل الكويت لان محد يستاهل بهالوقت ..الرفيج عدو رفيجه
وماني راده اكثر يا نجداويه :eh_s(8):

يالله الخيره من قوم العقاااارب ككككككككك

 

[غزالهـ]

بالعكس اهل السعوديه يحبوووون الكويت
والكويت يحبون السعوديه
يعني انا خوالي كويتيين معقوله مااحبهم
وكثيييير كويتيين خوالهم سعوديين
يعني كلنا عائله وحده
بس فيه ناس ماتحب الا نفسها وتفرح بزرع الفتن
العاقل هو اللي ماينزل عقله للعقليات هذي...
يعطيك العافيه على الموضوع حبيبتي

 

[عيوني مودي]

مافية احد يشكك فمحبتنا لاهل الكويت هم عيال عم واخوان والاخوان تصير بينهم مشاكل ويرجعون يتصالحون لانهم اخواااان بس اذا وحدة سبت
السعودية
فهاذا عندي خط احمرر ماني ساكتة ابدا وارجع واقول انتم خوات ونحبكم بس الحر مايرضى بالغلط

 

[بنت ال q8]

كلنا اخوان واهل وما في فرق بينا كلنا مسلمين

و الله لا يغير علينا

 

[jojo.q8]

اصابعك ماهي سووا..
وممكن اني اقول ان بعض الكويتيات يعطونا عنكم فكره غلط..
ماحد خالي.. لكن انا كأنسانه لي شخصيتي مستحيل احكم على 100 شخص بفكره خطأ لمجرد
ان شخص واحد اعطاني هذا الانطباع السئ.. لان هذا الشي فيه ظلم.. والظالم هو المتضرر الاول من ظلمه..
الله حرم الظلم على نفسه فمن باب اولى ان احنا نتبع الله في هالشي..
وعلى فكره بعض السنه عندنا مناسبين شيعه والعكسسس..


ع العموم حياك الرحمن ياعمري..
واختلاف الرأي لايفسد للود قضيه..
^_^

ما قلت كل السعوديات , شوفي باللون الاحمر بالبدايه .
و طبيعي و 100% مراح احكم على شعب كامل من جم شخص .

براحتكم .. تناسبونهم او لا , بس ما ظنتي الكل يقبل هالشي و قبل
موضوع نزل اهني الاغلبيه قال ما يجوز سني ياخذ شيعيه !! :d

 

[ي رب يكون نصيبي]

كلامك عين العقل يسلموووووووووووووو

 

[نجداويه نجد]

بعضهم يدخلون ايران و الشيعه بكل شي حتى لو الموضوع ماله شغل فيهم و عندج
نموذج واضح بهذا الموضوع

وهل تظنين أن بعض السعوديات ساذجات لايفرقون بين فحوا الموضوع حتي يدخلو إيران والشيعه بكل شي !!!

و اذا اختلف رايج عن رايها يا ويلج و تحطج ايرانيه و شيعيه عشان اختلاف راي !!
اذا صارت هوشه سيده تقول شيعيه ايرانيه رافضيه .... الخ

حتي بعض الكويتيات مجرد الأختلاف معهن في أي قضيه تلقينهم يرددون حول هذا منتدنا وش تبون أطلعو برا وغيره من كلام البزارين إلا يدل علي قلة عقل البعض ويقولونك كلام ماقلتيه !!!!

صارت معاي على فكره و الحمدلله انا سنيه قالتي وحده سعوديه
انتي ايرانيه شيعيه و روحي لأيران و تسب سب

علي فكره ترا أقدر أقول زي اللي قلتيه يعني انا سعوديه أختلفت مع كويتيه وسبتني سب !! شفتي كيف الكلام سهل ؟؟

و الاهم من هذا ... احنا بالكويت ما عندنا سوالف سني شيعي و ما نبيها تصير
بعد و لو اي وحده تسب شيعة الكويت ... جنها تسبني لانهم كويتيين و هذا اللي
يخلي البنات يردون عليهم و تصير هوشه و ما نسمح لإي شخص مو كويتي
يتدخل بالسنه و الشيعه بالكويت

انا مدري انتم ليه مصرين تمثلون ان مافي خلاف بينكم وبين الشيعه يااختي الخلاف بين السنه وبين الشيعه خلاف في العقائد والاصول شتقولين انتي !!!! لاتكذبين علي نفسك الكويت منشقه بسب هالخلافات الي مراح تنتهي إلا بزوال الرافضه من بلدكم

لانه الحمدلله متفاهمين و عايشين مع بعض و حتى ناخذ من بعض و مالنا الا ديرتنا
الغاليه و ابونا الشيخ صباح .. بو ناصر الله يحفظه و يطول بعمره

اما متفاهمين كثري منها بالله !!
بدليل الشبكات التجسس إلا منتشره بالكويت خوش تفاهم
الله يحفظ الكويت والسعوديه ضد البلاد الفرس أبادها الله

 

[تيتشـــر]

سبحان الله وبحمده سبحان الله العظيمــ​

 

[Hi--class]

وهل تظنين أن بعض السعوديات ساذجات لايفرقون بين فحوا الموضوع حتي يدخلو إيران والشيعه بكل شي !!!




حتي بعض الكويتيات مجرد الأختلاف معهن في أي قضيه تلقينهم يرددون حول هذا منتدنا وش تبون أطلعو برا وغيره من كلام البزارين إلا يدل علي قلة عقل البعض ويقولونك كلام ماقلتيه !!!!



علي فكره ترا أقدر أقول زي اللي قلتيه يعني انا سعوديه أختلفت مع كويتيه وسبتني سب !! شفتي كيف الكلام سهل ؟؟




انا مدري انتم ليه مصرين تمثلون ان مافي خلاف بينكم وبين الشيعه يااختي الخلاف بين السنه وبين الشيعه خلاف في العقائد والاصول شتقولين انتي !!!! لاتكذبين علي نفسك الكويت منشقه بسب هالخلافات الي مراح تنتهي إلا بزوال الرافضه من بلدكم




اما متفاهمين كثري منها بالله !!
بدليل الشبكات التجسس إلا منتشره بالكويت خوش تفاهم
الله يحفظ الكويت والسعوديه ضد البلاد الفرس أبادها الله

وهذي مثال من بعض بنات السعوديه الا يزرعون الفتنه بين شيعة وسنة الكويت :rerrerek:
اذا انتي تكرهين شيعتكم وسنتكم مو عايشين مع بعض لا تيين تنشرين الفتنه عندنا
الظاهر كلمة متفاهمين وعايشين بسعاده تقهرج ..
الشيعه والسنه مرتااااحيييييييييين مع بعض
واثنينهم يكملون النسيج الكويتي

 

[soso.]

معروف أن السعودية سند لأهل السنة وأن إيران سند للشيعة علشان جذي السني يكره إيران والشيعي يكره السعودية

بس الكره ما يكون مني والطريج لازم يكون فيه سبب والسعوديه ما عمرنا شفنا

منهم إلا كل خير واللي يكرهونها ما معاهم حق بهالشي والله يهديهم يارب

أما إيران فمو مخليه أحد بحاله ايران اهيا اللي قاعده تثير الفتن الطائفيه بالخليج

وتسوي مشاكل بين السنه والشيعه عشان تنفذ مخططاتها حسبي الله عليها هذا غير شبكات التجسس وغيرها :eh_s(4):

باختصار ايران دوله عنصرية وطائفيه وبعدين شياب الثرى (ايران) للثريا (السعوديه) :eh_s(12):

الله يحفظ الكويت والسعوديه وكل الخليج والله يديم المحبه واحنا والسعوديه اخوان ان شالله غصبن عن اللي ما يرضى

 

[M&&R]

صبآح / مسآء الخير ..
حبيت اشاركم بهالموضوع وانا سعووديه ..
لاتحكموون على شعب من كم شخص حااقد بالعكس أعرف نااس كثيير بالسعوديه يحبوون الكوويت وانا اوولهم
والرسول عليه الصلاة والسلام وصى بالمعاامله الحسنه للجار الكاافر فكييف اذا كنا مسلميين وجيراان وعرب واخووان ..
وبالنهاايه كلنا مسلميين وهذا المهم .
تقبلووو مرووووري

 

[*(بيبي فيس)*]

كلنا واحد

الكويت والسعودية

والله لايفرقنا

:yaaaaaarb:​

 

[طووم]

مو وقته هالمواضيع الي كلها مكرره وملينا منها كل واحد عمله عند ربه والله يهدي الجميع فكروا باخرتكم واعملوا لها

 

[jojo.q8]

وهل تظنين أن بعض السعوديات ساذجات لايفرقون بين فحوا الموضوع حتي يدخلو إيران والشيعه بكل شي !!!

اي نعم و جدامج مثال واضح .. الموضوع شوفيه بين الكويت و السعوديه .. شكو ايران ؟


حتي بعض الكويتيات مجرد الأختلاف معهن في أي قضيه تلقينهم يرددون حول هذا منتدنا وش تبون أطلعو برا وغيره من كلام البزارين إلا يدل علي قلة عقل البعض ويقولونك كلام ماقلتيه !!!!

لانه المنتدى كويتي و اسمه كويتيات .. طبيعي بيقولون جذي لانج مو كويتيه

علي فكره ترا أقدر أقول زي اللي قلتيه يعني انا سعوديه أختلفت مع كويتيه وسبتني سب !! شفتي كيف الكلام سهل ؟؟

اي ادري الكلام سهل !!! و شنو يعني حجيه ؟
او في بالج السعوديه ما تسب بعد ؟
بس المهم هذا اللي صار معاي

انا مدري انتم ليه مصرين تمثلون ان مافي خلاف بينكم وبين الشيعه يااختي الخلاف بين السنه وبين الشيعه خلاف في العقائد والاصول شتقولين انتي !!!! لاتكذبين علي نفسك الكويت منشقه بسب هالخلافات الي مراح تنتهي إلا بزوال الرافضه من بلدكم

سؤال .. جيتي الكويت ؟ دخلتي بيت بيت ؟ شفتي هذيل سنه او شيعه ؟
و الاهم انتي كويتيه عشان تعرفين اخبار ديرتج عدل ؟ .. لا حبيبتي

فـ احنا كويتيين سنه و شيعيه و متفاهمين و الحمدلله و لو مو متفاهمين جان ما شفتي
كويتي سني ياخذ كويتيه شيعيه او كويتي شيعي ياخذ كويتيه سنيه
او بالمنطقه جان ما شفتي بيت سني يمه بيت شيعي و جيران
او حتى ربع بالمدرسه

يعني كلنا متفاهمين و ربع و حبايب و نسايب بعد ..

و بعدين شكو تقولين " مراح تنتهي الا بزوال الرافضه من بلدكم " اهو بالاساس
مافي خلافات و طلعي الشيعه اللي بديرتج اول بعدين تكلمي عن شيعتنا


اما متفاهمين كثري منها بالله !!
بدليل الشبكات التجسس إلا منتشره بالكويت خوش تفاهم
الله يحفظ الكويت والسعوديه ضد البلاد الفرس أبادها الله

اي متفاهمين و لا حسبالج مثلج ؟ ، و ما تحبين الشيعه .. كيفج

بس مو تتدخلين بشؤون ديره مو ديرتج و تدخلين بشعب ماهو بشعبج .
يعني لو سمحتي مالج شغل بالشعب الكويتي و ما نرضى احد مو كويتي
يتدخل فينا و اتوقع انتي هم ما تسمحين لاحد مو سعودي يتدخل بديرتج .

 

[~ بنت الهدى ~]

طول عمرنا اخوان و اهل و نحب بعض و قلوبنا على بعض ...
مايسوي الفتنه الا الحاقد اللي براسه بليس ولا اللي اصلاا مو منا بس يبي يزرع الفتنه بينا ...


الله يحفظ السعوديه و الكويت من الفتن

 

[أإلع ـشق دلع ـهـأإ]

.























الحمد لله مآبيننآ أي شي ..

الكويت والسعوديه وآآآآآآآآآآآآآآآآآآآآآآآآآآآآحد ..

لآتهتمين بالكلآم اللي يصير ورآ شآشه هذولآ يبون يسوون فتنه بس ..

أحنآ نحب السعوديه موووت والسعوديه بعد تحبنااا ..

والله أكثر شعبين يحبون بعض الكويت والسعوديه علشآن جذي الغيره تشتغل ويبون يفرقونآ ..

أحنآ كل شهر بالسعوديه نااااااااااااااااااااااااااااس طيبه أحبهم موووووووووووووووووووووووت وهم بعد يحبونااااااااااااا ..

الله لآ يفرقنآ .. يٌ رب ..

اللهم أجل الكويت والسعوديه ودول الخليج كلهم أمن وسلام واحفظ شيوخنآ وشعبنآ من كل شر يٌ رب ..






























.

 

[نجداويه نجد]

وهذي مثال من بعض بنات السعوديه الا يزرعون الفتنه بين شيعة وسنة الكويت :rerrerek:
اذا انتي تكرهين شيعتكم وسنتكم مو عايشين مع بعض لا تيين تنشرين الفتنه عندنا
الظاهر كلمة متفاهمين وعايشين بسعاده تقهرج ..
الشيعه والسنه مرتااااحيييييييييين مع بعض
واثنينهم يكملون النسيج الكويتي

لاإله إلا الله قلتها من قبل وش قوّم العقااارب بعدين أنتي مو قلتي مراح تردين عليّ شتبين ألحين

وماني راده اكثر يا نجداويه :eh_s(8):

وإلا اللقافه لازم تكون سيدة الموقف :eh_s(4):

 

[روونــا]

لو اللـه يفكنآا من حثآلـة المجتمـعين ..
كآن احنآا بخخير
من يومهـم ملوكنـآا حبآيب وقرآب وعلاقتهـم قويـه ببعـض
ومن يومنـآا احنآ والكويتييـن أأأهــل ..


بس اللـه يكافينـآا شر كل من فيه شر




تـسسسلمين حبيبتـي ~

 

[لمعة سراب]

اصلا مافي فرق بيننا بس انه احنا عايشين بعاد عن بعض وباراضي اسمها غير عن الاخرى ..

 

[.: حلاها مبتليها :.]

،



’،



جزاج الله خير على هالموضوع



بعدين خليجنا واحد ان كان سعوديات ولا امراتيات ولا قطريات ولا بحرينيات ولا عمانيات >> يآاآاآ ألبي

وكلنا خوات اكبر دليل احتفالهم معانا يوم العيد الوطني شكثر السعوديات كانوا موجودين وأولهم بنات خالي ومحتفلين >> بس نذلات شايلين علم السعوديه مع العلم الكويتي بس حقهم هع :eh_s(17):


بعدين انتوا تدرون هذي اللي اتكلم اصلاً كويتيه او سعوديه ولا لأ !! طبعاً لأ


تدرون اهما جهال ولا مراهقين او لا !! هم طبعاً لأ


أو يكونون ناس يبون يزرعون الفتنه بين الشعبين



وترا في ناس مريضه ما تعرف اتكلم بس يبون الهواش



وبحط اقتباس من منتديات ثانيه كان فيها مواضيع عن الكويت ويدل على المحبه بين الخليج ويالاخص بناتها هذي وحده حاطه صور رحلتها للكويت شوفو الردود واخر جمله قالتها

ومن هنا ابي اقول لاهل الكويت مشكورين ياهل الذوق واسياده



طلعنا احنا يومين فقط كلفتنا سفرتنا للكويت مايقارب 2000 ريال شامله كل حاجه



واتمنى من الجميع يزور الكويت لانها بجد رووووووووووووووووووووووووووعة

وين باقي التقرير



شكلها راحت ونست تكمل التقرير



ياحلو الكويت واهلها الطيبين

نحب الكويت وأهل الكويت

وهي بالفعل تستحق الزيارة

اهلين توته .....
تصدقين امنيتي اروح للكويت احبها لنا اقارب ومعارف هناك ....
ياحلوهم ايام الأزمه ....سكنوا معنا درسوا معنا .....
ماشاء الله عليهم اهل الكويت بعمري ماشفت شعب يحب دولته مثلهم .....
رحلتكم حلوهـ بالتوفيق .....

الكويت دولة جميلة...
زرتها ثلاث مرات من قبل. وتعجبني لهجتهم كثيراً.
لدي صديق هناك.
زرت بها أماكن كثيرة جداً مثل متحف القرين+سوق المباركية+حولي+مول الأفينوز+مارينا مول+مول شرق+الفحيحيل+الأحمدي+الفردوس+دسمان+المركز العلمي+مطعم مس الغانم+مطعم برج الحمام (أو البحور السبعة)+مطعم فريج صويلح+منطقة الجهراء+مركز البابطين للشعر العربي+الجامع الكبير+شاطيء الخليج+منتزه الشعب...وغيرها الكثير
وأختار الفندق في شارع الخليج العربي لأنه بنظري هو المحل الأفضل.
بالمناسبة لقد كتبت قصيدة في الكويت وحصلت على شهادة تقدير من مركز البابطين للشعر العربي بالإضافة إلى قصيدة أخرى كتبتها في شهر ذي الحجة الماضي وأنا في السالمي في طريق العودة إلى بلد وهما باللغة العربية الفصحى
ربما أنشرها يوماً ما في هذا المنتدى لكن أخشى أن يقول لي شخص ما لماذا هذا الغزل؟!

أسأل الله أن يحفظ المسلمين وبلادهم من كيد الأشرار والمتربصين

​

ماشاء الله طرحك جميل جدا وسهل وممتع
اتمنا لك التوفيق
والكويت واهلها حبايبنا رحت لها مرتين وما شبعت منها اها اها اها
لكن انشاء الله ان الجايات اكثر

يالبى الكويت بس
فديتهم فديتهم بس لو تعرفي احد منهم وحبيتهم خلاص تحبي كل شي فيها
انا ابغى اعيش فيها
زوجوني كويتي خخخخ

والله اهل الكويت ترى ناس طيبين مثل باقى اهل الخليج. ربنا يحفظ الوطن العربي من كل سوء

أدري طولتها وهي قصيره بس الحق ينقال كلنا حبايب والناس الحثاله اللي تحاول التفرق بين الشعبين ناس مريضه



شكراً​