موضوووع هاااام يخص بنت خاااالي ارجووو الرد000

[om-HaSsoOon]

شحقه ما يعطيها انا بفهم يعني ؟؟ شالسبب ؟؟ بخل على قولت البنات ولا شسالفته هذا

انا من رايي ترد لوظيفتها عيل

خل تقووله يا ايرد لوظيفتي او تعطيني مصروف سنع

الصراحه من غير زعل ماعندها سالفه تركت وظيفتها هذا يبيها خدامه عنده تغسل وتطبخ وتجابل اليهال بس الله يهديه مايصير جذي معطيته ويه وايد زياده عن اللزوم

اذا مافاد كلش خل تكلم احد اكبر منه يفهمه مو حاله هذي

 

[كويتية222]

خل تشوف نفسها ليش ناسية عمرها هالادمية ​

عايشة لزوجها وعيالها وبس واهي وينها ​

واللي يعافيج قوليلها خل توقف البدكير والمنكير عن زوجها ترى مو لهدرجة ​

وتهتم بنفسها اكثر وبمعنى اصح خل ادلع عمرها ​

وطالبه بمصرف شهري ​

واذا مانفع بالمساحل خل ادخل احد من اهله اللي تتوسم فيه الحكمة ​

 

[đeɱɛɼɑ™]

:
.​

ريلها انسسَان رجعي وتفكيرَه دقة قديييمة ويشوف المره من منظور سي سيد
.. هذا واهو دارِسس بَره @@ ! ​

ياريت احد من اهلها .. ابوها او اخوها الكبير يكلمه بسالفَة المَصرُوف
اهو ماخذها خدامة ولا زوجَة ؟
وبعدين حتى عياله ما يعورَه قلبَه عليهُم يشوف لبسهُم واهو مَعاششه راهي ومنصبه عود ؟​

خليها تثبت على رايها ولا ترِد له واذا تَم على بخله ومافاد معاه ترفع قضية تطالب بحقوقهَا عاد وقتها غصب طيب يدفع حتى لو اهي على ذمته يصدر قرار من المحكمة مجبور يحول من معاششَه ليه حسابهَا
بس حطوا هَ القرار اخر الحلُول لان صعبة سالفة المحاكم ​

والله يعينهَا على مابلاها​

​

 

[mahawe]

أهية غلطانة علشان ترضية طقت روحها بطوف وصارت خدامة حقة ونست روحها وعلى كلامج أهو ريال دارس برة يعني مثقف يبي وحدة نفسة مو وحدة ذالة نفسها علشانة المفروض تعز وترز نفسها علشان أهوة يلحقها مو تصير تابعة حقة وحتى لو حصلت مبلغ قليل منة ليش تقطة على عيالها خل تروح أتسنع بنفسها وتتعدل والحين راحت تتزعل على الفاضي وراح يخلالة الجو غلط المفروض تتغير علية بس وتشتقل على روحها وتدلع نفسها لين يحس وعلى كلام البنات في قصة مشابهة وحلتها الدكتورة ناعمة الهاشمي خل تقراها.

 

[ثريا الكون]

مع احترامي لريل بنت خالتج خل ياخذ شهادته ونقعهاااا بالطين بالله ريال طول وعرض وتقولين منصب جعص مع ويه والله بط جبدي 40 شنو ولا معاش خدامه اخ لو انا مكانه اراويه نجوم السما بوقت الغايله ثاني شئ لا تصرف عاليهال تخلي لكبير يروحله وقوله نبي مصروف علشان نبي نطلع والله ثم والله لو اناا مكانه اخ بس اسويه قوزي بيدي انبطت جبدي جد ههههههه

 

[ام الحلوين77]

مشكووورين بنات

ع الردووود

اليوم كلمتة قلهاا انقلعي من تكونين علشان احط بحسابج 150 دك كل شهر

بالطقااق روحي لاهلج

 

[om MaRyooM]

التفسير انه شايفها طيبة وتموت فيه مستقوي عليها . .والتحليل الاني انه بخيل

وعموما دام عندها منه عيال ويصرف عليهم مانقدر ننصحها بالطلاق طبعا !!

اهي ادرى بحياتها وبالقرار اللي تتخذه

وسالفة انها تزعل عند اهلها بالعكس بتزيد الطين بلة مارح تحل الموضوع


والله هالريااييل بلشة .. لو تييله وحدة موظفة وشايفة نفسها عليه وتخدمه بالغصب وتتشرط بنلاقي الريال يموت فيها وطلباتها اوااامر

 

[ام الحلوين77]

مشكووورين ع الدووود

 

[اليوم السابع]

ترد وظيفتها إحنا لوما الوظيفه جان علوم

 

[ام الحلوين77]

ماتقدرة ترجع اهي حالفة ع القران انهاا تترك وظيفتهاا

مشكووورة

 

[ELFAD3Ah]

خل ترد وظيفتها بلا هالمذلة

 

[يا عيون سمي]

حبيبتي موضوع حساس حيييييل ما ادري شقول يعني معاليه وعنده كل شي ليش يبخل علي مرته

 

[ترجمة احساس]

الله يعينها
الله يهديه ويسخره لها

 

[Vaniela]

تطلع عن حلفتها وتسال شيخ و ترد لوظيفتها شهالقهر الي اهي فيه ..
وبعدين شنو انقلعي .. لا والمشكله على 150 د ك يعني ولا شي ..
لا ترد له يطق راسه بالطوفه ..اسلوبه زفت ..
وين اهلها ليش ابوها ما يكلمه يفشله شوي و لا اخوهااا لانه الريال يتفشل لكلمه ريال ...
على الاقل لو تطلقت جنه الحكومه عندكم تعطيها 400 د ك نعمه ولا مذلته عووع

 

[ثريا الكون]

اقول هذا حسباله رامبو ولا عنتر ترى باط جبدي خل ينقلع اهو مع ويه اخ لو يطيح بيدي والله انتفه هل جعص ما يستحي على ويه خلاص اشتبي فيه امانه قوليلهاا ثريا تقول شقي شهادته اربا اربا

 

[رحيل المرافيء]

خل ترد وظيفتها من غير ماتقوله تحطه امام الامر الواقع وتسوق من غير ماتقوله بعد
وتروح وين ماتبي دام مايحس
هالاشكال ما تيي الا بالعين الحمرة
وهو من نفسه بيتعدل شافها ساكتة قال يلااااا

 

[جوانا2011]

ماتقدرة ترجع اهي حالفة ع القران انهاا تترك وظيفتهاا

مشكووورة

تصوم 3 ايام تكفير وترد لوظيفتها بلا هباله وضعافه مالها داعي
ترى اسلوب المذله اللي معيشه نفسها فيه خلى الرجال يستقوي عليها اكثر

 

[دلع العتبان]

الله يصبر قلبها

 

[miss swan]

بنت خالج وايد على نياتها ومعطيته ويهه واهو تعود جذي
حتا طلاباتها حدها خفيفه شنو 100 بالشهر
ولاتوفر عليه لانه اهو خاش فلوسه حق سفراتها
عشان جذي مايبي يصرف
خل تشغل مخها عدل وتفهمه زين حقوقها
​

 

[ملمس حريري]

الصراحه الله يعينها
و الوحده ما تسكت عن حقها كزوجة من أول لحظة عبالها إنها بتكبر بعينه لأ و إهي لازم تستحمل و تغير فيه شوي شوي وإهي أدرى بطباع زوجها مثل ما سكتت تطالب